آذربایجان دروازاسی
کوچوره ن:اکبرسعادت
سولدوزون غمیندن سولوب سولموشام
نیسگیللی دردیندن سولغون اولموشام
یانیقلی حالیندان اؤزگون اولموشام
آللاهیم بیر یول آچ سن بو سولدوزا
آنادیلیمیز:باش سوز،ایران ، بوتون ائللرین و قوملارین وطنی اولدوغوکیمی ،بوتون تورک ائللرینین ده دوغما وطنیدر ، او حالدا ، آذربایجان آدیندا اولان کیچیک بیر اولچی و جیریق ، یالنیز بیر نقطه و استان آدیدر کی مملکتین اداری تقسیماتی اوچون منظور دادیر .
وطن اوچون عمر بویو چالیشماق ، وطنی تانیتماق ، وطن نین ده یرلرین قوروماق ، وطنه یئنی دیرلر قازاندیرماق ، وطن نین باشین اوجالتماق ، وطن له گلجک نسیلین باشی اوجالماسینی ساغلاماق ، ایندیکی دورمدا وطندن یازماق ، وطنه آد قازاندیر ماق هله هله مرد اوغول ، آنا قیزلار ایستر ، بو قارماقاریشیق دونیادا اینسان اوزنو ایتیرن دونیادا ، اوزونو تانییب ، اوزنو تاپیپ وطن اوچون یاشاماق ، وطن اوچون اولمک بویوک شرف دیر و یوزه یوز کی هر یئرده شرفلندیرن اینسانی وطندیر.
دئمک آنا بیر بویوک وارلیقدیر هر اینسانا، اونو الده ن وئره ن داها چوخ بونو آنلایار. آناسیز یاشاماق چوخ آغیر اولار، اونو آناسیز بالالاردان سوروش. بیر عده آنا نعمتینده ن محرومدور، واوز آناسینی الده ن وئریب آمما چالیشیر آنا وطنی الده ن گئدمه سین.
من بیر تورکم ، ایران باشدان باشا وطنیم ، و بو جغرافیا دا اولان ائللرو قوملار ایله برابر ، هر نقطه ده و هر یئرده یاشایان تورک ائللری و قوملاریدا وطنداشلاریم ،و دیل داشلاریم .
بونون اوچون؛ روحوم بیر نقطه و بیر بو جاقدا دوستاق اولمادان ، گئنیش و سونسوز بیر اولکه ده یاشاماقدا و اونون معنوی گوگلرینده قانات چالماقدادر .
سولدوز شهری غربی آذربایجانین تاریخی و ان گورکملی بولگه لریندن بیری دیر و سوزسوز کی رحمتلیک شهید چمران دئمه لی آزربایجانین دروازه سی سایئلیر. بو شهرده یوزه هشتاد خالقی تورک و قاراپاپاق ائلی دیر و باشقا ائللر و طایفالاردا سئوگی و سایقی لا یاشاییرلار. سولدوز اهالیسی و اوزللیک له قاراپاپاقلاری بیر آی یاز فصلینه قالان یعنی ایسفند آییندا اؤزلرینی نوروز بایرامی نا حاضیرلاییر لار.
بو دیار قهرمانلار دیاری دیر . ۳۳ ایل بوندان اؤنجه بئله بیر گونلرده سولدوز خالقی ، دمکرات ، کومله و باشقا تروریست حزب و هزلر له بویوک موبارزه آپاردیلار و قویمادیلار بیر قرینج آذربایجان تورپاغی تروریست لرین الینه دوشسون. بئله بیر تای سیز موباریزه ده سولدوزون قوچامان اینسانلاری کیشی لی قادین لی تپه دن دیرناغا سیلاح لی تروریستلرله یوکسک و یورولماز موبارزیه آپاریب ، ساواش ائدیب و اوچ گون آمانسیز ساواشدان سونرا آذربایجانین موباریز روحانیسی حاج آغا حسنی و آذربایجانین اوردوسو (۶۴ – جو اورمیه لشکری) بو شهره داخیل اولوب و بوندان دولایی تروریست لرین جانینا قورخو دوشدو بیرچوخ اولو و یارالی وئرمک له سولدوزدان قاچقین دوشوب و بو قوتسال تورپاغی خفت له ترک ائتدیلر. البته بو ساواشدا سولدوز خالقی نین نئچه لر نفرلری شهید اولوب و جانلارین و وارلیق لارین الدن وئردیلر آمما اصیل وارلیق لارینی یعنی تورپاغی الدن وئرمه دیلر. سولدوز خالقیندان ۲۰۰ نفره یاخین اولدورولدولر. حزب، شهری توتاندان سونرا خانا، پسوه وجلدیان‌دا یئرلشن اوچ اهمیت‌لی ساخلی‌نی توتماق اوچون، بوایش ایله تورکلرین سولدوزدان گئدیب یوخسا قورخماقلاری‌نی ایسته‌ییردی. حزب بو ایشی گؤره بیلمه‌دی. بو ساواشین روانی اثری هله ده قالیر..تروریستلر بو ساواش دا آغیلا گلمز جینایتلره و سوی قریم لارا ال ووروب بیر نئچه عائیله نی سودامر اوشاقلاردان تا قوجا کیشی و قادینلاری گولله نین دمیندن کئچیرد دیلر و هابئله چوخلو تورک خالقینی ائوینی و دوکانلاری تالان ائدیب و سونرادا اونلاری دارماداغین ائتدیلر. بئله لیک له شهید دوقتور چمران سولدوزو آذربایجانین دروازه سی آدلاندیردی و ایندی ایسه آذربایجان دروازه سی هئچ بیر زامان ترویستلرین اوزونه آچیلماییب و اونون قوچامان خالقی و اؤزل لیک له قاراپاپاق خالقی جانلاری گئتسه ده ایجازه وئرمی یه جک لر آذربایجانین بیر قرینج تورپاغی دوشمنلرین الینه دوشسون. آمما بیر بئله دایاناقلی موباریزه لردن سونرا و ۳۴ ایل اینقلاب دان سونرا سولدوز بولگه سی خالقینین لیاقتی جک هئچ بیر ساحه ده اولسون اقتصادی ، سوسیال یا ایجتماعی ، کولتورل یا فرهنگی ، اکینچی لیک ، صنعت و تجارت و سایره ده اینکیشاف ائتمه ییب و گئنیشلنمه ییب دیر. بوندان دولایی سولدوز بویوک بیر درد سینه سین ده داشئییر و هله بیر درمان دا تاپیلماییب دیر اومودوم وار ایندیکی ایش اوسته گلن دؤولت بو بولگه یه اوزل باخیشی اولوب و اونون دردلرین حیرمانلارین و یارالارین آرادان قالدیرماق اوچون چئشیدلی پروگراملار یا برنامه لر ایفا ائتدسین . اینانین سولدوز خالقینین بوندان لیاقتی وار بویوک و یوکسک موفقیت لره نائیل اولسون.
آذربایجانین بورچالی تورکلرینین بیر طایفا و ائل لریندن بیری همن قاراپاپاقلار کی ایندیلیکده غربی آذربایجان ایالتینده و هابئله بعضی قونشو اؤلکه لرده اوجومله دن آذربایجان ، گورجوستان ، تورکیه ده واردیلار .۱۲۴۰ جی قمری ایلینده قاراپاپاق ائلی قافقاز دان کوچوب سولدوز دوزلوغونده یئرلشدیلر.
قاراپاپاق تورکجه دیلینده یانی قره بؤرک. ایندیلیکده قاراپاپاق ائلینین بیر بؤلومو قزاق آدلا زامان گئچندن سونرا کوردلشیب لر اوبیری طایفالار او جومله دن (چاخرلو، آلواشلی، جان احمدلو، شمس الدینلی، سارال، تورکاوون، آرپالی،…) و هابئله سولدوزون اوبیری طایفالاری (ایناللی، مقدم، حیدرلو، بالخانلی،…) تورک و شیعه دیرلر بورچالی طایفاسی کمیجان مرکزی ایلاتینده ایندیده یاشاییرلار.. قاراپاپاق لار سولدوزا گلمه‌میشدن اونجه سولدوز بولگه‌سینده افشارلار یاشاییرمیشلار بو دورده سولدوزون حاکیمی عبدالصمدخان عبدالملکی افشارایدی. هابئله آیری بیر تورک طایفالاری او جومله دن مراغه موقدم لری ده اوردا حوضورلاری وار ایدی بئله کی سولدوز بولگه سینین اوچ‌دن بیری شرقی قیسمتدن مراغه مقدم لری نین اختیاریندا ایدی.
ایران بوتون ائللرین و قوملارین وطنی اولدوغوکیمی ،بوتون تورک ائللرینین ده دوغما وطنیدر ، او حالدا آذربایجان آدیندا اولان کیچیک بیر اولچی و جیریق ، یالنیز بیر نقطه و استان آدیدر کی مملکتین اداری تقسیماتی اوچون منظور دادیر
نوشته شده توسط admin در دوشنبه, ۰۹ آذر ۱۳۹۴ ساعت ۶:۳۵ ق.ظ
یاشاسین سولدوز …