قاچماق هئچ واخت سون یول دئییل

قاچماق هئچ واخت سون یول دئییل

علیرضا ذیحق
آنادیلیمیز: غم غوصصه سی نین سونو یوخ ایدی و او جهنمه دؤنموش ائودن ایستیردی قاچا. آمما قورخوردی .
آناسی کی اولدو آتاسی ماجال وئرمه دی ایلی کئچسین .بئش آی چکمه دی ائولن دی .
باجی لاری باشقا شهرلرده ائولی ایدیلر و او قالمیشدی اوگئی آناسی نین اَلین ده .
دئیینمه لرینه دؤزوردی و آتاسین دان کی فیکری ذیکری ایشینده ایدی بوسبوتون اومود اوزموشدو .
مکتبه گئدرکن آللاه آللاه ائدیردی کی بوله سینه ائلچی تاپیلا . آناسی نین ذره ذره ییغدیغی ائو ائشیک دوشموشدی بیر غریبه نین اَلینه کی قیزینا اوز وئرمیردی .آتاسی دا عجیبه بیر آدام ایدی کی سانکی قان دان ایلیک دن دئییل دی و عاطیفه ندی باشا دوشموردی .قیزیم دییه اونو باغرینا باسمیردی .
نه قدر عذاب چکسه ده قاچماغا کؤنلو راضی اولموردی .
ائودن قاچماق ایله باتاقا دوشمک همان ایدی واَیری یوللارا گئتمک ایسته میردی .
چتین لیک لره دؤزوردی کی بلکه بیرگون بیر طالیب گله و اونو عائیله سین دن ایسته یه .
چوخ زامان کئچسه ده بیرگون بیری قاپینی چالدی . اونا ائلچی گلمیشدیلر .
دوزدی کی قلبین دن کئچیردی هرگلنه بلی دییه آمما بلی دئمه میش درین دن دوشوندی .ایسته دی اونو یاخشی تانی یا . چالا دان چیخیب قویا دوشمک ایسته میردی .
آمما اوغلان گنج ایدی و بیر بانک دا مأمور. تانیش دیق دان سونرا اؤزونو اونا عاشیق حیس ائتدی .
سانکی اونلا بیرگه یئرگؤی ده عشقه بورونموشدی .چوخ چکمه دن اونلار ائولن دیلر وقیز او ائو دن گلین اولاراق چیخیب گئتدی .تجروبه اونا بیلدیرمیشدی کی قاچماق هئچ واخت سون یول دئییل .خوش آد و آتیه دن اؤتور ، بعضَن آجی لارا دؤزمک گرکدیر.

نوشته شده توسط admin در شنبه, ۱۰ شهریور ۱۳۹۷ ساعت ۱۲:۴۲ ب.ظ

دیدگاه


+ 6 = سیزده