اینسانلاری سئومیشم

اینسانلاری سئومیشم

اکبرسعادت
یامان آغیر دردیمیش
آی گولوم سنی سئومک
منی مندن آلارمیش
نه بیلیم سنی سئومک
آنا دیلیمیز:گولوش، شادلیق و سئوینج سسی گویه قالخدیقی بیر حالدا، محبت، صفا و صمیمیت فضاسیندا، ایکی اوره ک بیر لشیر.
من بورادایام، سن ایسه اوزاقلاردا. سن ده اینسانسان، اینسانام منده. فرق ائتمز قاراسان یوخسا آغام منده. آسیالی سان، آفریقالی یا آوروپالی سان!آنجاق بئله بیلیرم کی سنی ده منی یارادان،یارادیب.بونو آنلامیشام اینسانام، اینسان سان سنده. ندن سئویندیرمیریک بیر- بیرمیزی؟ ندن سینیر(مرز) چکیریک، بیر- بیریمیزین اوزونه؟ ندن دئمیریک دونیا هامیمیزین دیر، گونش هامیمیزین؟ سن آغلایاندا، من ایسه آغلاییرام. گولوشونله گولورم.
هر زامان، سنین گولومسه یینی ایسته ییرم، باشاریلی اولماغینی و یاشاماغینی. سنده اینسانسان، منده. من سنین سئوینجینله سئوینیرم!
نزاکت، کیبارلیق، ظریفلیک و یومشاق خاصیتلی اولماق اخلاقین نورمالاری‌نین تظاهرودور. اینسان، اونا قارشی حیاتا کئچیریلن پیسلیگی بئله یاخشی بیر خیسلتله دف ائتمه‌لیدیر. الله تاالا بویورور: “یاخشیلیقلا پیسلیک عینی اولا بیلمز!
دایماایسته د?ـ?م بـو اولـوب کـو، قوهوملوقـدا، دوسـتلوقدا، قلـم داش ل?قـدا، امکداشل?قدا ک?مسه ن?ن اوره یینه توخونمویام.بو دونیا اوره ک سیندیرماغا هئچ ارزشی یوخدور.کئشکه هیچ کس اوره ک سیندیرماسین.
.بیر کسین قلبین قیرماسین..الله دان آرزی ائده ک کی بیزه بئله بیر حیات وئرسین.بوجور کی عومرو باشا باش اینسانلارین اوره ک لرین اله گئتیره ک.هامینی اوزوموزدن راضی سالاق.من بو گونه قدر اینسانلاری اوزوم کیمی سئومیشم.بعضی قیسسا باخیش اینسان لار وار کی اوزوندن سونرانی سئوه بیلمیرلر.کیمسه نی بینمیرلر و هئچ بیر کسی ده گوزو گوتورمز.
آما نه یاخشی اولار کی هامینین محبتین قبول ائده ک.هامینین اوره یین شاد ائلیه ک.محبت الله تعالی طرفیندن اینسان اوچون بیر بویوک نعمت دیر.و هر کیمسه کی اونو اوزونده پرورش وئرسه بویوک بیر هنر صاحیبی دیر.
گاهدان نهنگ اینسانلار وار کی بیر شمع کیمی یانیرلار. بئله بیر اینسان لار اولکه میزه لازیم دیر. و نه اولار کی ائله بو همن آدام اوزوموز اولاق.خالقینا تمناسیز خدمت گوسترن اینسان لاردان اولمالییق.کی نه شوهرت دالیسیجا نه مادیات و نه آیری بیر هدفواونلار تکجه خالقی اوچون چالیشیرلار.آما ندنسه تاسف له بیزیم اولکه ده بو گون لر بئله نجی بیر اینسانلارین سایی آزالیب.یانی من بئله فیکر ائدیرم کی هرکیم اوزو اوچون چالیشیر.تکجه اوزو …و مادیات دالیسجا قاچیر.
بو گون لر هر خیابانا چیخدیقجا بو مسئله نی آشکار یاخیندان گورورم.ملت بیربیرینه یان باخیر…هامی تضاد یول لاردا گزیب دولانیر.
من بئله فیکیرلشیرم کی داها اینسانیت دن عقلانیت دن تکجه بیر آد قالیب..کی بیزلر اونو ویجدان تلقی ائلییریک.یوخ بو حیاتیمیزین یولو دئییل.بو ویجدان دئییل.”چالیشریق جامعه نی دئیشیب تغییر وئره ک آمما هئچ کیم چالیشمیر کی اوزون دئییشه..هرکس دیئه سن اوز جیبینه چالیشیر.ایسمارتیز اوغلان لاری هردن گورورم…آی الله اولکه مین کیشی لرینه بیر باخ…قیرمیزی تومان …گوی باشماق و… .آخی بو محبت دن نه دوشونوب گوره سن؟ائله بونون فیکری تومانین دان اوزاقا چیخماییب کی.بو آختاریر بیر کس اونو سئوسین.اوزون گونده بیر مدا سالسین.
یاواش یاواش سئومک رابطه سی یا چرخه سی بیزیم جامعه ده آرادان گئدیر و اینسانلار بیر بیرینه ابزار گوزونده باخیرلار.بیر ابزار کی شاید بیزیم پیشرفتیمیزه مانع دیر و گرک آرادان گئتسین…
من حیاتی بیر نربان تک بیلیرم…بئله کی قرار دیر هامی بو پیله لری چیخسین .نه اوجور اولسون کی اوز پیشرفتیمیزه گوره بیر بیر اینسانلاری پیله لردن آشاغیا آتیب رد اولاق.و بئله دوشونه ک کی حیاتین یولو بودور…
آنجاق بو یازی نی یازمادان ایسته دیم دئییم کی:
اینسان او زامان وجدانی راحت اولاجاق دیر کی خالقینا،اطرافیندا کی لارا محبت ائتسین.بیر نردبان کیمی خالقین دا یوخاریا آپارسین.بونو اویره شمه لییک کی بی تفاوت اولمویاق.
اوز وطن داشلاریمیزا خور باخمایاق. اگر بیر بیریمیزی سئوسه ک داها جامعه ده هئچ نیگرانچیلیق یوخدو…داها نزاع یوخدو…و اوندادیر کی دادگاهلاریمیز بوم بوش قالار و گونو گوندن آرتیق پیشرفتیمیز اولار.
من بئله بیلیرم کی هامی میز بیر بیره اعتمادیمیز وار و سئویریک بوتون اینسانلاری…سئویب و سئویله جه ییک.و الله دان بویوک آرزیم بودور کی منه و خالقیما سئویب و سئویلمه نین دوز یولون گوسترسین.

نوشته شده توسط admin در دوشنبه, ۱۹ مرداد ۱۳۹۴ ساعت ۵:۱۲ ق.ظ

دیدگاه


1 − یک =