قاری
کوچوره ن:اکبرسعادت
آنا دیلیمیز: مئشه‌لرین، داغ‌لارین او اوزونده بیر قاری یاشاییردی. دوز دوخسان ایل باغ‌لی قاپی‌لار آرخاسیندا عمور سورموشدو. هئچ کیمه قاپی آچمامیشدی – نه اسن کوله‌یه، نه یاغان یاغیشا، نه سیرتیق سرچه‌لره، نه ده کی، بی حیالی اوغلان‌لارا. قاپی‌سینین دیریینی تاققیلدا‌دان هر کس اوندان بو سوزلری ائشیتمیشدی؛
جهنم اول، اولوم!من اولوم دئییلم! – قاپی دوین قیشقیرمیشدی. قاری ایسه جاوابیندا دئمیشدی:یوخ، من سنی یاخشی تانیییرام. اولوم سن، اما قیزا چئوریلمیسن. یاناغین‌داکی چیل‌لرین آلتین‌دان قابارمیش سوموک‌لرینی گورورم!و یاخود بیر باشقاسی قاپینی آستاجا دویوردو:
گورورم، سنی یاخشی گورورم. اولوم، – قاری باغیریردی. – سن داشیونانا چئوریلمیسن! قاپینی اوچ یئردن باغلامیشام، ایکی جفتیله برکیت میشم. یاپیشقان‌لی کاغیذلا بوتون دلمه-دئشیگی توتموشام. آچار یئرلرینه پارچا تیخامیشام، سوبایا گلن بورونو توز-تورپاقلا دولدورموشام پنجره‌لری هؤرومچک تورو گورونمز ائدیب. ناقیل‌لری ایسه کسمیشم. هامی‌سینی. بیلیرسن نیه؟ اونا گوره کی، سن بورا ائلئکتریک جریانی ایله گلمه‌یه‌سن. تئلئفونوم دا یوخ‌دور کی گئجه‌نین یاری‌سی منی اویادیب اولوم ساعتینین یئتیشدیگینی اعلان ائده‌سن. قولاق‌لاریما پامبیق تیخامیشام: نه قدر دانیشسان دا، ائشی‌دن دئییلم. هه، بئله-بئله ایشلر.
فیندیقبورون. ایتیل جهنمه، اولوم! قصبه‌نین ساکین‌لری گوزلرینی آچان‌دان اونو بئله گورموشدولر. اوزاق دیارلارین ساکین‌لری دایما اوندان دانیشیر، بو صحبت‌لری دینله‌ین اوشاق‌لار گئجه‌لر اوغرونجا قارینین دامینا دیرماشیر کیرمیتین بیرینی بیر بالاجا قالدیریر و قارینین اینیلتی‌لرینی دینلییردی‌لر:»جهنم اول بورا‌دان سن، قارا پالتارلی، آغارمیش و بوزارمیش صفت‌لی، اؤلوم! رد اول!« اطراف‌داکی‌لار دئییردی‌لر کی، بو قاری ابد یاشاردیر. دوغرودان دا اولوم قارینین ائوینه هارا‌دان گیره‌جکدی کی؟ حتی ائوینده عومور سورن بوتون قوجا میکروب‌لار بئله چوخ‌دان محو اولوب گئتمیشدی‌لر. تزه میکروب‌لار ایسه (اگر قزئت‌لرین یازدیغینا اینانساق) هر آی تزه آد آلتیندا بیر اولکه‌ده دولاشیر، ها باش ووروردولارسا قارینین ائوینی دوورلمیش توتون یارپاق‌لارین‌دان، داغ چاییرین‌دان، وحشی سارماشیق‌لاردان کئچیب ایچری دوشه بیلمیردی‌لر.او،هامینین باشینی یئیه‌جک یعنین‌دان دمیریولو کئچن قونشو شهرین ساکین‌لری بئله دئییردی‌لر.من اونلارین هامی‌سینین اولومونو گوره‌جه‌یم، – قاری بئله دئیه-دئیه قاران‌لیقدا کورلار اوچون مخصوصی حاضیرلانمیش کارت‌لاری ایله پاسور آچیردی.ایللر اوتوردو. آرتیق هئچ کس، نه قیز، نه اوغلان، نه یول اوتن آوارا، نه ده ساده یول یول‌چوسو اونون قاپی‌سینی دویموردو.
ایلده ایکی دفعه ارزاق دوکانینین خیدمت‌چی‌سی، یئتمیش یاش‌لاریندا قوجا قارینین قاپی‌سی اونونه آغزیباغ‌لی پاریلدایان دمیر قوتولاردا اوستو شیر و قیرمیزی شیطان رسم‌لری ایله بزدیلمیش باغلاما‌لار قویوب گئدیردی. باغلاما‌لاردا قوش یئمین‌دن توتموش قایماق‌لی بیسکویته قدر، نه دئسن، تاپی‌لاردی. ائله وقت اولوردو کی، قاپی اونونه قویولموش باغلاما‌لارا بیر هفته ال دییلمیر، اونلاری گونش‌دن گونش ووروردو، آیدان آی. بوتون میکروب‌لار محو اولوردو. و گوزل صاباح لارین بیرینده باغلاما‌لار یوخا چیخیردی.
قاری بوتون عومرو اوزونو گوزلییردی. قولاق‌لاری سسده ایدی. بیر گوزو اویاق اولوردو.
گون‌لرین بیر گونونده (بو، تخمینن عومرونون دوخسان بیرینجی ایلی، اوردی بهشت یئددینجی گونونه تصادف ائدیردی) مئشه‌دن گونش‌دن قارالمیش بیر اوغلان چیخدی. قارینین ائوی‌نین اونونده دایاندی. اینین‌دکی کوستیوم قیشدا دام‌دان توکولوب تورپاغین اوستونه النن قار کیمی آغاپپاق ایدی. اوزو ده آوتوموبیلله دئییل، پیادا گلمیشدی. اوزونده زرره‌جه یول یورغون‌لوغو حس ائدیلمیردی. فراست‌لی و تمیز گورکمی وار ایدی. او، اسایا سویکنممیشدی، غرورلو ایدی گونشین باشینی دویجیین‌دن قورخموردو. اوستونده اونا مانع اولا‌جاق هئچ بیر شئی یوخ ایدی. داها دوغروسو، ایچینده آچیق-یاشیلیمتیل مایع اولان بالاجا شیشه قاب‌دان باشدا الینده بیر شئی یوخ ایدی. شیشه‌یه دقتله باخیردی. بونا باخمایا‌راق، قارینین ائوی‌نین اونونده اولدوغونو او ساعت حس ائتدی. باشینی قالدیردی. قاپییا توخونمادی. آستاجا ائوین هندورینده دولاشدی. ایسته‌دی کی، قاری اونون بورادا اولدوغونو حس ائتسین. سونرا نظرلری رئنتگئن شوا‌لاری کیمی دیواری دلیب کئچدی. باخیش‌لاری قاری ایله قارشی‌لاشدی:(آه! – قوپقورو بوغدا پئچئنیئ بیسگویت)سوران قاری دیکسیندی. – سنسن! بیلیرم، یاخشی بیلیرم، بو گون کیمین قیافه‌سینه گیرمیسن! – کیمین؟ یئتیشمیش یئمیش دیلیمی کیمی جهره صفت بیر گنجین. اما سنین کولگن یوخ‌دور. نیه؟ ندن اوترو؟اینسان‌لار کولگه‌لردن قورخور. اونا گوره ده اونو مئشه‌نین کناریندا قویوب گلدیم.من باخمیرام، اما هر شئیی گورورم.او،اوغلان حئیران‌لیقلا دئدی، – سیزین بئله باجاریغینیز دا وار…منیم سنی قاپیمین او اوزونده ساخلاماق باجاریغیم وار!سیزین عهده‌نیزدن گلمک منه سو ایچمک قدر آسان‌دیر – اوغلان اوز-اوزونه پیچیلدادی. اودوزارسان. آند ایچیرم کی، اودوزارسان.من اودوزماغی سئومیرم. نه دئییرم کی… ساده‌جه، بو شوشنی قاپینین اونونه قویورام.او، ائوین دیوارلارینین او اوزونده قارینین قلبی‌نین نئجه دویوندوگونو ائشیدیردی:
دایان، ایچینده نه وار اونون؟ من بیلمه‌لییم کی قاپینین اؤنونه قویولان ندیر؟یاخشی، – اوغلان دئدی.ده، تئز اول ده…بو شوشه قابدا، – اوغلان پیچیلدادی، – سیزین اون سککیز یاشینیزین تامام اولدوغو بیرینجی گون و بیرینجی گئجه وار! نئجه یعنی؟!ائشیتدیگینیز کیمی.گون و گئجه… اون سککیز یاشیم اولدوغو گون و گئجه؟بلی بلی.… – بو شیشه قابدا؟اوغلان قابی یوخاری قالدیردی. گنج قادینین بدنی کیمی خوش گیرینتی‌لی و چیخینتی‌لی ایدی. شیشه قاب برق ووردو، یاشیل-قیرمیزیمتیل آلوو دیلیمینه بنزه‌دی. پلنگین گوزلری‌نین ایچین‌دکی کوز کیمی ایشیلدادی. گاه ایشیق ساچدی، گاه ناراهات-ناراهات آلوولاندی.اینانمیرام، – قاری قیشقیردی.اونو بورا قویوب گئده‌جه‌یم. من‌سیز شیشه‌دکی جووهردن بیر چای قاشیغی ایچین. گؤررسینیز، نه باش وئره‌جک. – بو زهردیر؟یوخ. آنانین جانینا آند ایچ.آنام یوخ‌دور.بس نیه آند ایچه بیلرسن؟اوز جانیما.اونو ایچن کیمی آیاق‌لاریمی اوزادیب گبره‌جه‌یم. سنه بو لازیم‌دیر، هه! سن بونو ایستییرسن؟ عکسینه بونو ایچیب دیریلجکسینیز.من کی، اؤلممیشم. گنج گولومسه‌دی:دوغرودانمی؟دایان! قوی اوز اوزوم‌دن سوروشوم. ائی، سن اولموسن؟ اولموسن؟ عمومیتله، سن یاشاییردینمی؟
اون سککیز یاشینیزین تامام اولدوغو گون و گئجه… دوشونون. ائه، بو چوخ-چوخ اول‌لر اولوب! – قاری اسدی. تابوت قاپاغی کیمی برک-برک باغلانمیش پنجره‌نین اؤنونده سیچان کیمی ترپندی.ایچین، ایچین، قورخمایین. جمعی بیرجه قورتوم آلین. او گونو گئری قایتارین. اوغلان یئنی‌دن شیشه قابی باشینین اوستونه قالدیردی. بئله ائتدی کی، یاشیلیمتیل جووهر گونشین شعا‌لاری آلتیندا برق وورسون. باخانا ائله گلسین کی، او، یامیاشیل گونش کیمی ساکیت و قایناردیر، ماوی-یاشیلیمتیل دنیز کیمی آستاجا قاباریر و چکیلیر: بو سیزین ان گوزل ایلینیزین ان گوزل گونوز ایدی.
ان گوزل ایلیمین، – قاری دوداقالتی میزیل‌داندی. بو ایلده سیز آلما کیمی پاریلداییردینیز. حیاتین شربتینی ایچمک اوچون ان مناسب واخت ایدی. بیرجه قورتوم، یالنیز او زامان سیز اونون شاهانه دادینی دویاجاقسینیز. بلکه دادینا باخاسینیز؟!
اوغلان شیشه توتدوغو علینی گئتدیکجه داها یوخاری قالدیریر و داها ایره‌لی گتیریردی. قفیل‌دن شوشه قاب سانکی بیر تئلئسکوپ اولدو. اونا هانسی طرف‌دن باخیرسان باخ، آرتیق خاطره‌لرده قالمیش ایللر جانلانیردی گوز اونونده.
نوشته شده توسط admin در چهارشنبه, ۱۸ فروردین ۱۳۹۵ ساعت ۴:۴۳ ق.ظ
