ضیقم شاه ناغیلی
آنادیلیمیز: شاه یازدیرار»قوربانین اولوم ایشتباه اولوب قوشونونو گؤتور بیزه قوناق گَل من¬ده سنی آگاه ائدیم. اَمرین نه اولسا من سنه نوکرم«. مکتوب گلر چاتار ضیقم¬شاه قوشون گؤتوروب گئدر.
اونلار ایستقبال ائدرلر نئچه آغاج¬دان نئچه آغاجا دورباش–دورباش، قراوول-یاساوول کی ضیقم¬شاه گلیر. وزیر-وزرا، امیر-امرا، احمدتالانی شاه ایله برابر گلیرلر. شاه اؤزو پئشواز ائدر، دوشر آیاغینا. ضیقم¬شاه شاهرخ¬شاهی قالخیزار کی »بو ایش شاها برازنده دئییل.« ایچری¬ده بیر مجلیس تشکیل ائدرلر. شاه عوذر ایسه¬یب دئیه¬ر»قیزیمی احمده وئریرم. اوغلانلاریمین ا?زو قارا اولسون ضیقم¬شاه سن¬ده تقصیراتیم¬دان کئچ«. یئددی گئجه گ?نوز قوناقلیق ائدرلر. آما احمد قیزی ائوینه آپارماز کی من ضیقم¬شاهین آدخلی¬سی دالیسجا گئده¬جیم. ضیقم¬شاه اؤز مملکتینه دؤنر. احمدتالانی یولا دوشه¬ر، دره¬لرده سیل کیمی تپه¬لرده یئل کیمی بادسرسر کیمیی اسمه¬یه مشغول، گئدر نئچه ایلدن سونرا یئتیشر بیر دریانین قارشی¬ینا. حئیران قالار ای معبود، من تک واحید آدام نئجه بوردان کئچیم. قو وورسان قولاق توتولور، آدامی رعب وحشت گوتورور. احمد اوتوروب باشین قویار دیزینه، یوخویا گئدر. یاری یوخو- یاری آییق ایکی گؤیرچین گلر قونار آغاجا. گؤیرچین¬لرین بیری دئیه¬ر«آی باجی بیلیرسن بو شخص کیم دیر؟». او بیری گؤیرجین دئیه¬ر »یوخ آی باجی«. اَولکی دئیه¬ر »احمدتالانی¬دیر، گئدیر ضیقم¬شاهین نیشانلی‌سین یئددی قیللی دئو اَلیندن خلاص ائده«. او بیری دئیه¬ر »باجی گئدیب گتیرر؟« اوّلکی دئیه¬ر »یوخ قیزی گؤرر اما گتیره بیلمز. ایندی ده بوردا حیران قالیب دریا دان نئجه کئچه. علاج بودور بوردا گئجه‌نی قالا. سحر دریادان بیر دانا اینک بالیغی چیخار. اونون آغیزیندا بیر گوهرشب چیراق اولار. اینک بالیغی شب¬چراغی قویار یئره اوتلاسین، اوندا احمد گرک چیراغا بیر آز پالچیق توکه چیراغین ایشیقی سؤنه¬ او زامان گَرک اؤزون پنهان ائده، اینک بالیغی ا?زون بویانا-اویانا چالار دوشه¬ر دریایا. گو?نوز او گوهرشب چیراغی گؤتوروب قیچینا باغلایا، او زامان دریانین سویو اونون توپوغوندان اولار. دنیزی گئچندن سورا بیر اورمانا راست گلر. اورمان طیلیسم ،سئحر و جادودور. گرک آیاغی¬نین آلتینا توپراق باغلایا،باشینا آغاج قویا. اورماندان سس گلر “توپراق!اونو توت” او گرک جاوابیندا دئیه؛ “توپراق توپراغا نئیلر- هئچ زاد”، بئله دئسه طیلیسم باطیل اولار. یئنه سس گلر “آغاج! اونو توت” اوندا گرک دئیه؛ “آغاج آغاجا نئیلر-هئچ زاد”، یئنه ده طیلیسم اثرسیز، سئحیر باطیل اولار. اوردان کئچیب گئدر اورمانین سونونا یئتیشر اوردا بیر آلما آغاجینا راست گلر. اگر او آلمادان یئسه یاشی د?نوب اون¬بئشه اولار. اوردان گئدیب بیر قالایا راست گلر. اوردا قیزی گؤرر اما نتیجه¬سی اولماز«. قوشلار بو سؤزلری دانیشار، اوچار گئدر. احمد بونلاری ائشیدر. سؤز میثلی عمل ائدر. دریادان، اورماندان گئچر آلمادان یئییب جاوانلاشار. سونو بیر قالایا چاتار. کیچیک بیر یول تاپا بیلمز سونو بیر کوره¬یه راست گلر و اوردان قالایا گئچر، گیزله¬نر. گئجه¬نین بیر زامانی گ?رر بلی بیر یئردن ایشیق گلیر. گئدر گؤرر ضیقم¬شاهین نیشانلی¬سی بوردادی، یئددی قیللی دئو ده باشی قیزین دیزی ا?سته. دئو نفس چکنده آز قالیر روحو بدن دن چیخسین. نفس وئرنده¬ده هاکذا. گؤرر قیز اَرییب، چوپه د?نوب. فیکیر خیالات¬دان کی آللاه من نئجه اَلیمی بو ظالیمین تنگیندن قورتاریم. احمد شوشه¬نی دینقیلدادار. قیز دئوین باشین قویار یئره چیخار ائشیگه. دئیه¬ر »ای شخص سن گئجه¬نین بو زامانی قالادا نئیلیرسن؟ بوردا قوش قوشلوغوندا قاناد چالا بیلمز». احمدتالانی دئیه¬ر «من ضیقم¬شاهین گؤندردیگی احمدتالانی¬یم گلمیشم سنین سوراغینا سنی آپارام«. دئیه¬ر»آما سنی آپارا بیلمم من کی بو دئوی گؤردوم قورخو دوشدو جانیما«. قیز دئیه¬ر »سن منیم دردیمی تازالادین ائله ده بو مکتوبو آپار عم¬اوغلوما کی بیزیم دیداریمیز قالدی قیامته«. قیز مکتوبو یازار وئرر احمده بیر آز دا آذوقه وئرر. احمد گئتمک¬ ده اولار و قیزدا قالار قالادا. احمد نئجه گئتمیشدی اوجور د?نوب ضیقم¬شاه یانینا گلر. ضیقم¬شاه دئیه¬ر »احمد نئجه¬اولدو؟« احمد باشی¬نین قضا و قدرین آچار دئیه¬ر؛ »بلی گئتدیم بو زحمتلرله دئوی گؤردوم روعب دوشدو جانیما. آما عم¬قیزی¬نین نامه¬سین سنه گتیرمیشم«. ضیقم-شاه مکتوبو اوخویار، روحو بدن دن چیخار هوش دن گئدر. بیر آزدان آییلاندان سونرا دئیه¬ر »احمد! آپاریب نیشانلی¬می منه گؤستر«. احمدده دئیه¬ر »بلی آما من اوزاقدا قالاجاغام الله سنین و عم قیزین کومگی اولسون«. بونلار یولا دوشه¬رلر ا?ٍچ¬گون، بئش¬گ?ن، ا?چ¬آی، بئش¬آی دریایا چاتارلار. احمدتالانی ضیقمی میندیرر بئلینه سودان کئچیرسین ضیقم¬شاه دئیه¬ر »احمد سنین سحردن¬ده باشین چیخار؟«.
احمد تالاتی دئیه¬ر » آزجا باشیم چیخار قوربان«. احمد تالانی ضیقمی سودان، اورماندان کئچیرر.آلما آغاجینا چاتارلار. آلمادان یئیرلر ضیقم¬شاه جاوانلاشار شوجاعت شهامت تاپار. گئدرلر، قالا اوزاقدان گورونر. احمدتالانی اوزاق¬دان قالانی گؤسترر. ضیقم¬شاه دئیه¬ر »احمدمن گئدیرم، چار-ناچار دئوله قارشیلاشاجاغام اگر اول “یاعلی” سسیم گلدی بیل من دئوله قارشیلاشمیشام، اگرایکینجی “یاعلی” سسیم گلدی بیل من دئوله گ?لشیرم. ا?چونجو “یاعلی” سسیم گلدی بیلگینن دئوه غالیبم. اما اگر ا?چونجو سسیم گلمه¬دی بیل من ا?لموشم. اوندا سن ا?زونه علاج ائت«. ضییم¬شاه گئدر. بیر زامان گؤزدن ایته¬ر. بیر آز سورا بیر یاعلی سسی گلر. احمد بیلر ضیقم¬شاه دئوله قارشیلاشیب. ایکینجی یاعلی سسی گلر، احمدتالانی بیلر ضیقم¬شاه دئوله اَل به یاخا اولوب. ا?چونجو سسه مونتظیر قالار سس گلمز. احمد تالانی اؤز–اؤزونه دئیه¬ر »ای¬داد، دئو ضیقم¬شاها غالیب گلدی اما ایندی من بو قدر زحمت چکیب بورایا گلمیشم بو عاری گورا آپارماق اولماز، گَل سن ده قالایا گئت یا اؤلرسن یا نتیجه آلارسان«. احمد گئدر قالایا گؤرر ضیقم¬شاهین جنازه¬سی دوشوب یئره دئمه بس دئوله ضیقم¬شاه بیر-بیرنه ائله ضربه ووروب کی ایکیسی¬ده محو اولوب. ا?ز–اؤزونه دئیه¬ر »چؤرک یئینده وفا اولماز ضیقم¬شاه اولوب نیشانلی¬سی ائشیگه¬ده چیخمیر«. احمد، ضیقم¬شاهین باشی ا?ستونده اوتورار آغلار. بیر آزدان سونرا قالخار ضیقم¬شاهین نیشانلی¬سینی آختارار. دئمه بس کی، نیشانلی¬دا قورخودان ائشیگه چیخمیر. بیر آزدان سونرا ضیقم¬شاهین نیشانلی¬سی ائشیدر ائشیک دن بیر آغلاماق سسی گلیر. ائشیگه چیخار گلر ضیقم شاهین اؤلوسونو گورر. عم-قیزی عم¬اوغلوسو باشی ا?سته اوتورار خنجرین دسته سین قویار ضیقم¬شاهین ا?رگی ا?سته، باشینی اؤز ا?رگینه دایار آغلار. اؤز آغیرلیغین سالار خنجر ا?سته بودا بوردا ا?له¬ر احمد گلر، گؤرر عم قیزی دا اولوب. احمد دورار اونلاری یویوب کفن و دفن ائدر خیالات¬دان دوشر داغا داشا چؤللره. داغدا داشدا جئیرانلار ایله هم¬آواز اولار چؤللرده یاشار. بیر گ?ن سلیمان¬ پیغمیبرین دیشی آغری¬ییردی. دئیرلر بیر ندیم¬چی (داستان روایت ائدن-نقال) گتیرک، ندیم دئسین بلکه بونو یوخو توتسون یوخسا هلاک اولار.
اما بیر ندیمچی تاپیلماز بیری دئیه¬ر بیر احمدتالانی وار اگر باشی¬نین سرگذشتین نقل ائتسه سولیمان پیغمبرین آغری¬سی یاددان چیخار. گئدیب داغلاردان احمدتالانینی گتیررلر. احمدتالانی بو صوحبتلری نئجه من سیزه ناغیل ائتدیم اودا ناغیل ائدر. سلیمان پیغمبرین آغری¬سی یاددان چیخار و احمدتالانی¬یه دئیه¬ر »او جنازه¬لری تاپیب گتیره بیلرسن؟«. احمددئیه¬ر »بلی اگر آدام وئرسن گئدیب گتیررم«. سلیمان پیغمبر بیر داوا وئرر دئیه¬ر »آپار سورت جنازه¬لر سالیم قالسین گوتور منیم یانیما گتیر«. احمدتالانی بیر نئچه آدام گوتورر گئدیب بو ایکی جنازه¬نی سلیمان پیغمبره گتیرر. سلیمان پیغمبر ایکی رکعت نماز قیلار و آللاهدان ایسته¬ر بو عم اوغلو- عم¬قیزی دیریلسین. آللاه اَمر ایله ضیقم¬شاه نیشانلیسی دیریلیب دوشه¬رلر پیغمبر آیاغینا کی سنه فدا اولوم. ائله او د?نیا دا بیزیم تویوموزو توتوردولار اما سنه گؤره آللاه بیزی بو د?نیایا قایتاردی. ضیقم¬شاه ایله نیشانلیسی، احمدتالانی سولیمان پیغمبردن خداحافیظ¬لشیب گلرلر شاهرخ¬شاه مملکتینده احمدتالانی¬یه یئددی گئجه گ?نوز توی توتارلار. سونرا اوردان گلیب ضیقم شاها یئددی گئجه گ?نوز توی توتوب شاد یاشارلار. ضیقم¬شاه¬ دا احمدتالانینی اؤزونه وزیر تیکه¬ر.سون……
نوشته شده توسط admin در دوشنبه, ۰۴ خرداد ۱۳۹۴ ساعت ۵:۴۶ ق.ظ
