ایران اوچون ۲۰۲۰ ایلی کابوس کیمی بیر ایل اولدو
بولگه لر سرویسی: ایراندا کئچن ایل باش وئرن حادثهلر بحرانلاری درینلشدیردی، ۲۰۲۰ ایسه تهران اوچون »سوءقصدلر ایلی« اولدو.
– آنادولو آژانسی طرفیندن توپلانان معلوماتا گؤره، ۲۰۲۰-نجی ایلده کوروناویروسون یاییلماسی و سوسیال حادثهلر مینلرجه ایرانلینین حیاتینا سون وئردی، سیاسی بحرانلار ایسه ایرانین اولوسلارآراسی تجریدینی گوجلندیردی. – سردار سلیمانینین شهادته چاتدیریلماسی و سونراکی حادثهلر
ایلین ان شوک وئریجی حادثهسی سردار قاسم سلیمانینین تئرور اولاییندا شهادته چاتماسیدیر. ایران حاکمیتی آمریکادان قصاص آلاجاغینی بیان ائتدی. آمریکا و ایران آراسیندا گرگینلیین آرتماسی، ایکی اؤلکهنی ساواشین قاپیسینا گتیردی. سوءقصددن ایکی گون سونرا ایران رهبرلییی نوکلئئر سؤزلشمه ایله باغلی بوتون تعهدلرینین دوردورولدوغونو بیلدیردی.
– آمریکا مرکزلرینه سالدیری و اوکراین اوچاغینین وورولماسی
سپاه اوردوسو ۸ ژانویهده سردار سلیمانینین اؤلدورولمهسینه قارشیلیق اولاراق آمریکانین عراقداکی آنبار ایالتینده عین الاسدین هاوا مرکزینی ووردو. دونیا بو اولایی دارتیشیرکن، تهراندان قالخان اوکراین یولچو اوچاغی اوچوشدان آز سونرا وورولدو.
– یئنی نسیل کوروناویروس (کووید-۱۹)
کووید – ۱۹ سببی ایله اؤلکهده سون بیلگیلره گؤره، ۵۵ مین ۹۵ ایرانلی اؤلدو.
– اؤلوملرین یوکسک اولدوغو بیر ایل اولدو
سردار سلیمانینین جنازهسی مراسیمی ایله اوکراین اوچاغینین وورولماسی نتیجهسینده ۲۳۲ وطنداشین اؤلومو و کووید – ۱۹ قایناقلی اؤلوملرین یانی سیرا، ساختا ایچکی دن دولایی۸۰۰-دن چوخ اینسان زهرلندی و حیاتینی ایتیردی. بوندان باشقا، ترافیک قضالاری و داشقینلاردا دا چوخ ساییدا وطنداش اؤلدو.
اؤلکهنین قوزئی باتی و گونئی دوغو بؤلگهلرینده آیریلیقچی سیلاحلی هؤرگولر ایله میدانا گلن چاتیشمالاردا چوخ ساییدا عسگر حیاتینی ایتیردی. بصره کؤرفزینده ایرانا عاید “کنارک” گمیسینین ایران سیلاحلی قوهلری طرفیندن وورولماسی نتیجهسینده ۱۹ عسگر اؤلموش، ۱۵ نفر یارالانمیشدی.– ایران مجلسی سئچکیلری.صلاحیت وئریلمهمهسی اوزرینه اصلاحاتچیلارین بؤیوک بیر بؤلومونون سئچکیده نامزد گؤستریلمهمهسی و بایکوت نهدنی ایله ایران مجلسینده محافظهکارلار اکثریتی الده ائتدی.– تحریملر و اؤلکه خاریجینده مالی قایناغا آمریکا قاداغاسی
واشینگتون یؤنتیمی ایرانین بیر چوخ قورومونو و اونلارجا آپاریجی شخصی تحریم لیستینه آلدی.– ایران پول واحدی تخمینن یوزده یوزه یاخین دهیردن دوشدو
ایراندا آزاد ارز بازارینی ایزلهین »بن بست« سایتینین بیلگیلرینه گؤره، آزاد بازاردا ۱ آمریکا دولارینین ساتیش قیمتی ایل عرضینده ایلک دفعه اولاراق ۳۰ مین تومنی کئچدی.
– نطنزدهکی اورانیم زنگینلشدیرمه تاسیسینه سابوتاژ.جولایین ۲-سینده ایرانین اورانیم زنگینلشدیرمه فعالیتی اوچون بؤیوک اهمیته صاحب نطنز شهید احمدی روشن نوکلئئر مرکزینده پاتلاما باش وئردی.
– ایرانلی صنعتچی محمد رضا شجریان وفات ائتدی.– سیلاح تحریمی
ایرانین خاریجی ایشلر باخانلیغی، ۱۸اکتبردا نوکلئئر آنلاشما اساسیندا، ۱۳ ایلدیر اویقولانان اولوسلارآراسی سیلاح تحریمی ایله بعضی ایرانلی مقاملارا گتیریلن اولوسلارآراسی سفر یاساغینین لغو ائدیلدییینی بیلدیردی.
– عرب اؤلکهلرینین اسراییل ایله آنلاشمالاری فیلیسطین مسئلهسینه خیانت ساییلدی
–فخریزاده سوءقصد نتیجهسینده حیاتینی ایتیردی.۲۷ نوامبردا ایرانین نووه پروگرامینین معمارلاریندان ائلهجه ده مدافعه باخانلیغی مقاملاریندان محسن فخریزاده، آبسرد بؤلگهسینده اتومبیلینده اؤلدورولدو.۲۰۲۰-ده ایران اوچون ان مثبت حادثه ایسه آمریکادا ائدیلن باشقانلیق سئچکیلرینده دئموکرات پارتی نامیزدی جو بایدنین قازانماسی اولدو.
نوشته شده توسط admin در دوشنبه, ۱۵ دی ۱۳۹۹ ساعت ۲:۱۰ ب.ظ