من اؤزومون آغاسييام
ايلقار موذنزاده
آناديليميز: داش اوستوندهيم. دوردوغوم يئرده قرارسيزجا اوتورموشام. نه باشيما فيريلدايان ميلچک وار، نه بورنومون ياخينليغينا دولانان کپنک.
کاسيب يئمهيي ميلچکدن و لاکچريلرين ناهاري اولان کپنکدن، هر ايکيسيندن ده يوخسونام. کاسيبليق پئيسهريمه بير چيزگي چکميش. او چيزگيدن بير قاريش آشاغيدا، داش اوستوندهيم. کيمسه بيلمهيهجک دايانديغيم يئرده بختهورليکدن هانسيسا بير گؤله شيرجه ووراجاغام، يوخسا آلتيمداکي داشين سَرتليييندن اؤزومو بوغماغي دوشونهجهيم. هر شئي منيم لحظهدهکي توتدوغوم تصميمدن آسيليدير. چيزگيلري سوووشماغي دوشونورم. رکوردلاري سينديرماغي. من کاسيبليق قهرماني، ميلچکسيز گونلري بير تَهَر ياشاييرام. يوخسوللوق المپيکلرين بيرينجيسي، آجليق فئستيواللارين، اَن اوجا آتلانان شامپيونو. من بو گؤلون غريب قورباغاسي، من اؤزومون آغاسييام...
تاریخ: 1404/06/17 10:44 ق.ظ | دفعات بازدید: 2007