گول دسته‌‌سي

قات- قات اوجالان سيار داغلارين قوينوندا يئرلشن »مظفّر قالاسي«نين طبيعت گؤزللييي اينسانين روحونو اوخشاييردي. داغلارين اته‌ييندن شاريلتي ايله‌ آخيب، اينسان عؤمرو کيمي گئدن چايلارين هھمھمه‌سي، هھر طرفده‌ قايناييب قالخان دورو بولاقلارين زمزمه‌سي، حزين- حزين اسن يئلدن، رقصه‌ گلن يارپاقلارين پيچيلتيسي، آزاد قوشلارين بوداقدان- بوداغا سيچراياراق، سئوينجله‌ دولو، شيرين نغمه‌لري، مني اوز غم- خيال دونيامدان آييرميش، گول چيچکلرين عطري توتغون شراب تک مني مست ائتميشدي.
هرطرفه‌ اوز دؤندرسن، طبيعت اؤز گوزللييي ايله‌ اينسانين اوزونه‌ گولوردو. گزه‌- گزه‌ گليب ايلديريم بولاغينين باشينا يئتيشديم. يورولموشدوم، ال- اوزومو يودوم. بولاغين کناريندا اوتوروب، يئرين سينه‌سيندن گؤز ياشي کيمي قايناييب قالخان دورو سويا تاماشا ائتمه‌يه‌ باشلاديم. ندنسه‌، يئنيدن غم لشکري منه‌ ھ هجوم ائتدي. اوره‌ييم دولغون بولوت کيمي توتولدو. اوز ائل- اوبام، وطنيم ياديما دوشدو. ايندي اورادا طبيعت اؤز دونونو دييشيب، دوزلر، ياماجلار آل ياشيلا بورونوب، هر گولون اوزه‌رينده‌ بير بولبول جھجه‌ وورور. چؤللرده‌ قويون سورولري، قوزولار مله‌شير. چوبانين چالديغي يانغيلي توتک سسي داغ- دره‌لره‌ ياييلير. باهھار، ھ هر يئره‌ باھ هاردير. آنجاق منيم وورغون کؤنلوم وطنيمين يازيني آرزولايير. آخي، من اونون قوينوندا بويويوب، بويا چاتميشام.
تورپاغينين ھر آدديميندا سئوگي، سئوينج، کدرلرله‌ دولو خاطيره‌لريم واردير. ھ هر شئي دن اوستون سئوگيليم ده‌ اورادادير. او، گؤزو يولدا مني گؤزله‌يير. آيريليق درديني کيم بيلمير؟… اوره‌ييم توفانا توتولموش دنيز کيمي تلاطومه‌ گلميشدي. داهھا طبيعت گؤزلليکلريني گؤرموردوم. روحوم قوشو وطن دياريندا پروازا گلميشدي. اونون خيالي گؤزومون اؤنونده‌ جانلانيردي. او دا منيم کيمي پريشان، سولغون، توتغون، دولغون گؤرونور. او دا هيجران اودونا يانيردي. آمان آللاه‌!… نه‌ قده‌ر دؤزولمزدير!… ايکي اليم ايله‌ باشيمي توتدوم. سانکي بونونلا بئينيمده‌ عمله‌ گلميش فيرتيناني ساکيت ائتمک ايسته‌ييرديم. سون گؤروشوموزدن آلتي آي کئچردي. آيريليق دقيقه‌لرينده‌ اوز وئرن هھيجان، گؤز ياشلاري، اوميدسيز باخيشلار بير- بير گؤزومون اؤنونده‌ جانلاندي، بوتون وارليغيمي سارسيلتدي. بويله‌ بحرانلي بير حالدا ايکن، محبّتله‌ دولو اينجه‌ بير سس:– آغا، سالام!… دئيه‌ منيم داديما چاتدي. قورخونج يوخونون وحشتيندن اويانان آدام کيمي اؤزومه‌ گلديم، قارشيمدا اون- اون ايکي ياشلاريندا، قيوريم ساچلي، آياق يالين بير قيزي گؤردوم. او الينده‌ بير دسته‌ گول قاباغيمدا دايانميشدي. قارا- ايري گؤزلرينده‌ مھر-محبّتله‌ دولو وحشي بير باخيش وار ايدي.– من بو گولو سنه‌ درميشم- دئيه‌ گول دسته‌سيني منه‌ اوزاتدي. من شاشقين بير حالدا گولو آلديم. او، سئوينه‌رک گوللرله‌ بزه‌نميش اوتلاري ياراراق دلي جئيران سيچراييشلاريلا اوزاقلاشدي. من اونو تانيديم. اليمده‌کي گول دسته‌سينه‌ تاماشا ائتمه‌يه‌ باشلاديم. نرگيز، بنؤوشه‌ و سايره‌… رنگبه‌رنگ گوللرين آراسيندا يئرلشديريلميش ايکي دنه‌ لالا گولو بو دسته‌نين گوزلليييني تاماملاميشدي. بو گول دسته‌سي معصوم بير قلبده‌ چيچکله‌نن پاک بير عشقين ترنّومو قده‌ر دانليغين ايفاده‌سي ايدي.
گول دسته‌سينه‌ تاماشا ائتديکجه‌، اونون آل، ساري، قيرميزي، بنؤوشه‌ چيچکلرينين يارپاقلاري خاطيره‌ دفتريمين ورقلرينه‌ چئوريلدي.بو گونکو کيمي ياديمدادير، قيش ايدي. قار، عظمتله‌ اوجالان داغلاري توتسادا ھ هله‌ الشتر دوزلرينه‌ آغ اؤرپه‌ييني سره‌ بيلمه‌ميشدي. بھمن آيينين اوچو ايدي. آخشام طرفي بيردن آغ- قالين بولوتلار رقصه‌ گله‌رک گؤي اوزونو توتدو. سويوق- سازاق، قارشيسينا گله‌ني قامچيلاييب قوووردو. هھاوا قارالديقجا سويوق داھ ها دا اوزونو گوسترير، قار- بوراندان خبر وئريردي. بيز ده‌ دؤرد نفر يولداش، قالانميش دووار بوخاريسينين دؤوره‌سينه‌ يـيغيلميشديق.
بيزيم اختياريميزا وئريلميش بو اوتاق ھر شئيدن آرتيق کيچيک بير کندلي تؤوله‌سينه‌ اوخشاييردي. دووارلاري توستودن قارالميش ايدي. قاپيسي قيريق، پنجره‌سي ده‌ يوخ ايدي. چالا- چوخور دؤشه‌مه‌سينده‌ يورد سالميش بيره‌لر جوولاندا ايدي.اينسانين اوزو برک اولار. اگر آز دا اولسا، اوميد نورو قلبينه‌ ايشيق سالميش اولسا، ھ هر چتينلييه‌ دؤزه‌ر. بيز ايکي آيدان بري بو اوتاقدا گونلري بيربه‌بير يولا ساليرديق. ھ هاميميز بير دردلي ايديک. بوخارينين توستوسو ايچريني دولدورموشدو. آجيشان، ياشارميش گؤزلريميزي ھ هردسيله‌رک، نوروز کيشينين صحبتينه‌ قولاق آسيرديق. او، هاميميزدان ياشلي، دونيا گؤرموش، اؤلکه‌لر گزميش، روزگارين ايستي- سويوغونو دادميش، شيرين صحبتلي بير آدام ايدي.
اوجا بويلو، ائنلي کورکلي، ساچ- ساققالي آغارميش بو آدامين، اوزو، آلين قيريشيقلاري سؤيله‌دييي داستانلاري کيمي حئکايه‌لر ترنّوم ائديردي. او، بو گون بيزه‌ اوز ائلاوغلوسو ستّارخانين داستانيني سؤيله‌ييردي.او، صحبتيني قوتاريرکن اوجاقداکي اودونلار يانيب، قوتارميشدي. قيرميزي کؤزلرين اوزونو کول قاتلاري اؤرتموشدو. ائشييين سويوغو قاپينين چاتلاريندان اوزونو ايچري ووراراق، اوتاغين هاواسيني سويوتماقدا ايدي. ياتاق يئرلريميزي دوزلتديک. آفتافا گؤتوروب گئري قاييدانلار، بوزوشموش بير حالدا: – قار ياغير، بوراندير! – دئيه‌، اؤزلريني ايچري ساليرديلار. هرکس يورغانيني باشينا چکيب اوز نفسيله‌ يئريني قيزديرماغا چاليشيردي. بو دا اينسانين عؤمروندن بير گون ايدي، کئچدي.سحر ايشيغي قاپينين چاتلاريندان کئچه‌رک، داخمانين قارانليغيني بوغموشدو. يئريمدن قالخيب پالتارلاريمي گئيديم.
چاي قويماق اوچون سو يوخ ايدي، دولچاني گؤتوروب ائشييه‌ چيخديم. ھ هر يئري قار اؤرتموشدو. آخشام گون اوزونو توتموش بوز بولوتلاردان خبر يوخودو. گونشين زرّين ساچاقلاري قارلي داغلارين زيروه‌سينه‌ ياييلاراق اونلاري تئآتر صحنه‌سينده‌ اوزونه‌ پروژئکتور سالينميش گؤزل بير هنرمند اوزو کيمي جيلوه‌لنيردي. آسمان صاف، هاوا تميز، اورک آچان ايدي. آياز و شاختادان کوچه‌لرين کناريله‌ اوزانان آرخ سولارينين اوزو قايماق باغلاميشدي. حزين- حزين اسن شيمال يئلي ائو بوخاريلريندن قالخان توستونو جنوبا دوغرو ھهايلاييردي. من قصبه‌نين شرق طرفيندن آخيب کئچن »ايلديريم بولاغي« سويوندان گتيرمه‌لي ايديم. بوداقلاري قار ايله‌ اورتولموش آغاجلارين آراسيندان کئچه‌رک، بولاق سويونا ياخينلاشديقدا، سويون کناريندا باشي آچيق، قيوريم ساچلي، آياق يالين، سويوقدان آل دوداقلاري گؤيرميش، کيچيک بير لور قيزي گؤردوم. او، آياقلارينين بيريني گؤتوروب او بيريني قويور، گؤز ياشلاري بوزارميش ياناقلاريني ايسلاتميشدي. قاباغيندا سو ايله‌ دولو بير قازان وار ايدي. بو منظره‌ منه‌ «ويکتور ھ هوگو»نون «قوزيتا»سيني خاطيرلاتدي. او، رومانتيک بير داستان اولسا دا، بو گؤزومون اؤنونده‌ جانلي بيرواقعيت ايدي. تئز قيزا ياخينلاشديم.– نه‌ اوچون آغلاييرسان، قوزوم؟- دئيه‌ سوآل وئرديکده‌، زاواللي قيزجيغاز، تيتره‌ين کيچيک، توپول اللريله‌ گؤز ياشلاريني سيله‌رک:– قازاني باشيما قالديرا بيلميرم- دئدي.– گوجون چاتديغي قده‌ر دولدورسانا!… او، بوغونوق ايشقيرتيلارلا:– آز دولدورسام خانيمين آجيغي توتار- دئدي.– آتا- آنان يوخدورمو؟– اونلار کنده‌دير.– سن کيمين يانيندا اولورسان؟– آغانين.– آغان کيمدير؟– اربابدير، عليخاندير- دئيه‌ جاواب وئردييي زامان داھ ها برک تيتره‌مه‌يه‌ باشلادي.
اونون حالي مني شاشيرتميشدي. تئز قازاني قالديريب باشينا قويدوم.زاواللي قيزجيغاز قيچلاري دولاشا- دولاشا بير- ايکي آدديم ايره‌ليله‌دي. سويوق اونو حالدان سالميشدي. قازانين آلتيندا مووازينه‌تيني ايتيردي. اونون حرکتلريني گؤزدن قويماييرديم.
تئز قازاني باشيندان قاپديم. او، ديزي اوسته‌ يئره‌ گلميشدي، تئز قالخدي. وجودونو مبھم بير قورخو بوروموشدو. سحر- سحر قاباغيما چيخميش بو اقبالسيز پرييه‌ اورکدن آجيديم.– آدين نه‌دير؟– مھري.– آغلاما قوزوم!- دئديم، من سنه‌ کؤمک ائده‌رم. اوز دولچامي اورادا قويوب اونون قازانيني گؤتوردوم. او، کيچيک آدديملارلا، داليمجا قاچيردي. عليخانين قاپيسينا ياخينلاشديقدا او، ھيجانلا:– داھا اؤزومه‌ وئر! يوخسا خانيم مني اؤلدورر!- دئدي.قازاني آستاجا باشينا قويوب، قاپيدان ايچري کئچمه‌يينه‌ کؤمک ائتديم. منيم نيگرانليغيم يئرسيز ايدي. او، اؤز قووّه‌سيني توپلايا بيلميشدي. ايچري کئچديکده‌ آغير يوکون آلتيندا زحمتله‌ بوينونو ھرله‌ييب منه‌ باخدي. بو باخيشدا دونيالار وار ايدي.
قاپي اؤرتولدو. من اؤز دولچامين دالينجا يولا دوشدوم. اونون يالين آياقلارينين قار اوزه‌رينده‌ بوراخديغي ايز منه‌ جيغير ايدي. »خانيمين آجيغي توتار« سؤزلري قايالي اوچوروملاردان قاييدان عکس-ي صدا کيمي بئينيمده‌ سسله‌نيردي.
يول اوزونو اؤز- اؤزومه‌ دئيينيرديم: »مگر خانيمين اؤز اوشاغي يوخدور؟ آنا دئييلمي؟ او، اوز اوشاغينا دا بو ظولمو روا گؤررمي؟ بس آنا قلبي، اينسانليق؟!…«بعضن اينسان جوشغون بير ھيجانا قاپيليرکن اؤزونو اونودور. فئودال قايغيسيزلاريندان اولان بو کيچيک خاطيره‌ده‌ مني اوتوردوغوم بو چشمه‌ باشيندان اوزاقلاشديرميشدي.
اليمده‌ اولان گول دسته‌سيني درين- درين اييله‌ديم. عطري بير آن دا اولسا، کدرلريمي داغيتدي، روحومو اوخشادي.
Arazazarbaijzn.anadilimiz@gmail.com