اوشوتمه‌لر...

يئر دولانير. گؤزلريم سورونور. ديزلريم قورخودان اسرکن يام- ياشيل يارپاقلار يئله نمنه تاپشيرماقدا. قولاغيم جومور چينارلارين قولاج بوداغلارينا. إهئي منه ده دانيشين آي ياشيل يارپاقلار! ديزلريم گلمير. هه، يارپاق يوخ يئل‌له دانيشمالييام.
مني لاغا قويوب گاه ساغدان اسير، گاه سولدان. اوره‌ييم سيزيلدايير. قانادين قورباني، آچما يايليغي! کسيلميش ساچلاريمي نه داراماغا هوسيم وار، نه هؤرمگه. چووووووووخ چووووووووخ اوزاقدا قاليب قولاج هؤروک‌لر.
اينيلتي سسي گلير. بير چيل قارانقوش ندنسه بو گئجه يولداشيمدير؛ او دا ائوسيز، او دا يوواسيز!
نه بيليم، بلکي ده قوولموش بيري تام منيم کيمي؟! باشي قوينوندا ترس قاتلانير ايپک له‌لک‌لر.
نه مهريبان ديزيم وار! جانيم چوخ آغير، داشييا بيلمير؛ لاکين باشيمي اوستونه آلير.
قانادين قورباني آي يئل‌لر! قوخومو داشيما بيلمسين بيري ائلدن قاچميشام.
منه سئويرم دئين سئوگي دن قان قوسموشام.
Arazazarbaijzn.anadilimiz@gmail.com