گوزل و گوزللیک
حاضیرلایان:اکبرسعادت
آنا دیلیمیز:انسان حیاتیندا دوغوم شادلیقلار یاراتدیغى حالدا اولوم حسرت و غم دوغورور.انسان ایکى یوللا دونیادان گئدیر: بیرى یاتدیغى یئرده? یاتاق ایچینده یاشین چوخلوغوندان یا ساغالماز ناخوشلوقدان وجودون سارسیلماسى و اولگونلشمه سى ایله? ایکینجیسى آیاق اوسته? وجودوندا حیات چاغلادیغى و یاشاماغا یارادیغى حالدا اولور. بو ایکینجى یوللا اولنلرین ایچینده تصادفه اوغراماق کیمى گوزله نیلمز اولوملر اولدوغو کیمى? بو حیاتا گوز یومانلارین چوخونو? دین? حق? خلق و وطن یولوندا جانیندان کئچن شهیدلر تشکیل ائدیر. دوغماق حالیندا دونیادان گئدن آنالار و صغیر اوشاقلاردا بو شهیدلر سیراسیندا اولورلار۰ اینانجیلارا گوره شهیدلر باغیشلانمیش اولور? اونلار سئوال¬ سورغوسوز بهشته گئدیر و کربلا شهیدلرى و اولیالارین حمایه سى آلتیندا یئر توتورلار.دین ? حق? خلق و وطن یولوندا شهید اولانلارین تورپاغا تاپشیریلما و عزا مراسیمى ائل مراسمینه چئوریلیر. بونلارین جنازه سینى ائل یولا سالیر و عزاسینى ائل ساخلاییر.
مندن سوروشسالار” دونیادا ان عجایب شی ندی؟” من هئچ دورمادان دئیرم;توپراق! چون بو توپراقدان میلیونلارجا جانلی یاشاییشا آیاق قویورلار، هر بیر طوردن میلیاردلار جانلی یارانیر، هر بیرینین باشقا طورلرله یاخود اونلارا تایلارلا مینلرجه فرقلی صیفت لری وار. مندن سوروشسالار” بو عجایبین ایچینده ان عجایب جانلی نه دی؟” من دئیرم;اینسان. چون بو توپراقدان یوزلرجه بویالی یا مینلرجه آیری دیلده اینسانلار یارانیر. دونیانین چشیتلی بولگه لرینده هر رنگدن،هر دیلدن اینسانلار یاشاییشلارینا دوام ائتمکده دیلر. بیز دونیانین باشقا یئرلرینده نچه دیلده، بویادا یا سیماده اینسانلاری گوروروک آمما قارا، آغ،ساری یا قیرمیزی دریلی اینسانلاردا هامیسی بیرجور قارا،آغ،ساری یا قیرمیزی دریلی دئییللر;یعنی هر بیر آدامین دری بویاسی باشقالاریلا فرقلی دی. دیل باره سینده ده بو دییشیکلیگی گوره بیلیریک. دونیادا یوزلرجه تانینمیش دیل وار، دیل هر کیمسه نین و هر بیر اولوسون ان بویوک وارلیقلاریندان یوخ، بلکه ان بویوک وارلیغی و بیر توپلوم و اوندا یاشایان کیمسه لرین کولتور و کیملییینین تملی دیر. بئله لیکله هر اولکه ده اولان دیل و دئییملری او اولکه نین و حتا بوتون دونیانین معنوی یاتیریمی سایساق هئچ ده یانیلمامیشیق. هر بیرینینده نچه دئییش(لهجه) لری وار یعنی هئچ اینسانین دئییشی باشقاسیلا تامامیله بیر دئییل. اینسانلارین ایچری لری،اونلارین معنوی دیرلری، داورانیشلاری یا فیکر یوللاریدا بیردئییل.منجه شوونیزم گوزلویو گوزلردن گوتورولورسه و اینسانلارین هانسی ائلدن اولوب،هانسی دیلده دانیشدیغینا باخمایاراق،تن اولدوقلارینی اینانساق، دیللره ده بشرین معنوی وارلیغی و تانرینین گوسترگه سی کیمی باخساق، بوتون دیللر بیزه گوزل اولوب باریش و دوستلوق دونیادا حوکم سورجک.آمما بو قدر فرقلی اولماق نه ایچون دی؟ منجه بو جور به جورلوق اولماسا، یاشاییش بیر آن دوام ائتمز. یاشاییشین سیرری بو تفووتلارین اولماسیندا گیزلنیب. اینسانلار یاشاییشین هرزادیندا بیر دئییللر. میثال ایچون اونلارین یئمک ایستک لری یا ایشتاهلاری بیر دئییل. بیر اینسانین ان سئودیگی قیدا بیر یئملی اولور آمما باشقاسی او یئمگی گورنده، اورگی بولانیر. واقت اولور اینسانلاری چوخ عاقیلا گلمز زادلاری یئینده گوروروک; میثال ایچون بیر آدامی گوردوم قاشیق قاشیق آجی بیبر توزی یئییردی، سونرا دا خارتاخارت بوز گمیریردی یا اینسانلار گوروروک شوشه نی قت کیمی گمیریرلر آمما بو زادلارین چوخ آزیدا بیر باشقا اینسانین اولومینه ندن اولا بیلر. دونیادا هامی اینسانلار هر یئمگی سئومکده بیر اولمورلار، هئچ بیر یئمک یا مویوه ده یوخدور هامی اونو سئومه مکده بیر اولسونلار. اینسانلارین فیکر دوشونجه لریده اولدوقجا تفاوتلی دیر. هئچ ایکی اینسان دونیادا بیر دوشونجه ده اولا بیلمزلر. اینسانلار آراسیندا یاخجی یا پیس معناده عیبارتلر ایشله نیر آمما بونلاری تعریفله مک چوخدا آساد دئییل، چون “یاخجی” یا “پیس” هر اینسانین باخیمیندا بیر دئییل; آدام وار کت شالوار گئییب کراوات باغلاماقی یاخجی بیلیر،آدامدا وار دیزی یا بودی ییرتیلمیش لی شالوار گئیمگی یاخجی بیلیر! آدام وار موسلمان اولماقی،آدامدا وار کریستیان اولماقی یاخجی بیلیر. دئمگیم بودور;اینسانلارچوخ قبول اولموش مفهوملاردادا باخیشلاری اولدوقجا فرقلی دی. میثال ایچون هر اینسانین تعریفی عدالتدن بیر دئییل.
اینسانلار آراسیندا اولان دیل آیریلیقیدا ائله گوزدن گئچیرتملی بیر مئوزودی.
بوتون اینسان حوقوقلارینا سایقی، ائحتیراملا باخان و یاناشان اینسانلارین فیکرینجه، دونیا اوزه رینده اینسانلار گونده لیک کئچیم لرینده و یاشام لاریندا اوز آنا دیل لرینده دانیشماق لا چوخ راحات دیرلار و آنا دیل سئوگیسی هر بیر اینسانین ان ده رین دویغولاریندان ساییلیر.
باشقا تفاوتلار نجه یاشاییشین سیرری دی،ائله دیل فرقیده یاشاییشین سیرلریندن بیری دیر. اینسانلار باشقا دیل لرده دانیشارلار;تورکجه،اینگلیسجه،عربجه،آلمانجا و سایر، آمما بیر دیلده دانیشانلارین میثال ایچون تورک دانیشانلاریندا دیل لری اولدوقجا تفووتلی دیر; دئملی بشرین قبول اولونموش عیبارتلریندن ”گوزل یا گوزللیک” منیم فیکریمجه ائله بو آیریلیقلارین اولماسی دی;گوزللیک یعنی تفاوتلارین اولماسی، اونلارین گویچک گورونمه سی.آمما مندن سوروشسالار” اینساندا اولان عاقیلا گلمز صیفت لردن بیری ندی؟” من دئیرم ;اینسانلارین بو فرقلری گورمه مکلری، بیرده هامینی اوز دیل لرینه یا دوشونجه لرینه چئویرمه آرزیلاری! ایستمه‌دیکلریمیز یا دا سئومه‌دیگیمیز دوروملار و قوشوللار، اونلارا دوشونه‌رک چاغیردیغیمیز و اوز دوشونجه‌میزله یاراتدیغیمیز کالبدلاردیرلار. اونلار اوز- اوزلوکلرینده، روحلاری اولمادیقلاری اوچون یاشامیمیزا گیریب بیزی اینجیده بیلمزلر.آنجاق بیز اونلارا دوشوننده، اونلارا گوره دانیشاندا بو جانسیز صورتلره جان باغیشلاییب یاشام بخش ائدیر، افعی ایلان کیمی اوز جانیمیزا سالیریق. دئمک اوره‌ییمیز و دوشونجه‌میزدن موغایات اولمالی‌ییق کی، یارادیجی گوجلری ایله افعیلر، عقربلر، اودلار، جهنملر یارادیب اوزوموزو اونلارین توزاغینا سالیب اسیر ائتمه‌یک. اونلارین یئرینه، گوزللیک، یئنیلیک، سئوینج و سئوگی یاراتمالی‌ییق کی، اوزوموز ده داد آلاق یاشامدان، چئوره‌میزده‌کیلر ده.
بویوک اینسانلاردان بیر نچه فایدالی سوز:”من نه قدر تیکرار ائله ییم هئچ زاد بیلمیرم! نچه دونه تیکرار ائله ییم هئچ کیم هئچ زاد بیلمیر، چون بیر کس بیر زاد بیلسیدی بوراکیمی بوتون بیلمه لی لری هامییا دئیردیلر، هامی اینسانلاردا سیررلریندن آگاه اولاردیلار. بیز یارانیشدان، دونیانین سیرلریندن فیکریمیزه گلنلری بیلیریک.” موریس مترلینگ”من یالنیز بیر زاد بیلیرم;اودا منیم هئچ زاد بیلمه مگیمدی.”سقراط”اینسانلارین بیر عیبلری بودی:هر کس ایستیر یاراتسین،آما هئچ کس یارانمیش لاری ساخلاماق ایستمیر.”کورت وانقوت”بو دونیادا هئچ بیر تیکانلی اوت یا هئچ بیر بویا یوخدور بیزی شاد ائتمک ایچون یارانماسین.”جان کالوین”بیرهونر اهلینین ایشی گوزل یاراتماقدیر آمما گوزل ندی بیر باشقا سورودی.”جیمز جویس
نوشته شده توسط admin در چهارشنبه, ۲۸ مرداد ۱۳۹۴ ساعت ۴:۵۵ ق.ظ
