کیمین الیندن نه ایش گلیر، اونو گؤرور

گونش_امانی
آنادیلیمیز: باشاق (شهریور) آیی‌نین ۱۵ مدرسه¬لرین آچیلماق خبرینی ائشیتمیشدیم، اما بیلمیرم نه‌دن هئچ بو خبری اؤنمسمه¬میشدیم. اوردان- بوردان سوروشان¬لارا دا دییردیم: “شرقی آذربایجان قرمز وضعیت‌ده‌دیر و مدرسه¬لر مجازی اولاجاق.” بیلمیرم نه‌دن قیزیمین کیتاب¬لارینی دا گئدیب، آلمامیشدیم! جوماآخشامی، آیین ۱۳-نده مدرسه¬نین مدیری واتساپ‌دان مئساژ گؤندردی کی، “گل قیزیوین کیتاب¬لارینی آل!” صاباحیسی گون، قیزیم¬لا ماسک تاخیب، مدرسه¬یه گئتدیک. یازیق مدیر و معاون¬لرین ایکیسی بیر- بیرلرینه پیرتلاشمیشدیلار: “دونن اعلام اولونوب کی، مدرسه¬لر حضوری آچیلمالی دیر!…”
مدرسه¬نین مسئول¬لاری یئنی قورال¬لارا اویغون برنامه یازمالی ¬ایدیلار، بعضی¬لری (منیم کیمین) گلمیشدیلر کیتاب آلیب، یوخاری پایه‌یه آد یازدیرماغا، بعضی¬لری هله گئچن ایلین کارنامه¬سینی آلمامیشدیلار، بعضی¬لری گؤز¬لرینی سوزدوروب، مدرسه¬دن آجیقلی ایدیلار و …
خانیم مدیره دئدیم:
– باغیشلایین سیزین باشیزین بو قاریشیق وقتینده بیزده الیزدن توتماق یئرینه آیاغیزدان چکیروخ، من بیلمیردیم مدرسه حضوری اولاجاق…
خانم مدیر اوزومه گتیرمه¬دی اما بیلیردیم اوره¬یینده منی قیناییر و دئییر “حضوری اولماسایدی دا گرک گلیب کیتاب¬لاریزی آلایدیز!” بو فیکری ائله¬مکده حاقلی ایدی. بو اوزدن سؤزومون آردینی توتدوم:
– هر حالدا اگر ایندی منیم الیمدن بیر ایش گلیرسه بویورون، خدمتیزدییم.
– دوغروسو سیز بیزه کمک ائلییه بیلرسیز، اما من زحمتیزه راضی دیییلم.
– بو نه سؤز دور بویوروسوز؟ من ده بیر اولیا اولاراق وظیفه¬م‌دیر الیمدن بیر ایش گلسه گؤرم.
خانیم مدیر منیم تایپ و … ایش¬لرینده الیم اولدوغونو بیلیردی. بو اوزدن باشلادیم کلاس¬لارین لیست-لرینی بؤلمک و برنامه یازماقدا خانیم مدیره یاردیم ائتماغا. خلاصه او گون و صاباحیسی جمعه گونو مدرسه‌ده ایدیم و مدرسه¬نی آیین ۱۵-نده آچیلماغا حاضرلاماقدا یاردیم ائدیردیم.
قیزیمی بیلدیرکی پالتارلارینی گئیمک اوچون راضی ائتمه¬یه چالیشیردیم. اوغلومون مدرسه گروهونو گوشیمده چک ائلییردیم کی گؤرم اونون دا مدرسه¬سی شنبه گونو باشلاییر یا یوخ؟ عائله¬نین نگران خانیم¬لاری هره¬سی بیر مئساژ قویوردو:
اوشاق‌لاری مدرسه‌یه گؤندره‌جاقسیز؟
سن آللاه یوللامایین، کرونا چوخالار.
یوللایین قویون معلم‌نن تانیش اولسونلار.
و….
اعصاب¬لاریم قاریشمیشدی. ذاتاً ایکی گون مدرسه‌ده ایشلییب، یورولموشدوم. گوشی‌نین نئتین باغلادیم، دئدیم “دوروم آپاریم بو کیتاب¬لاری میخلادیم جلد توتاننان سورا میخلاماق اولمور، کتابین صفحه¬لری قوپور. هم ده اوشاق¬لارا پارچا ماسک آلیم.” ائشییه چیخماغیما پئشمان اولدوم. سانکی بایرام آخشامی ایدی. الده وسایل ساتان¬لار، انگج مسجیدی‌نین اوز به اوزو بازار کتاب و … ده ایینه سالسایدین یئره دوشمزدی. بیلمه¬یم نئجه ائوه قاییتدیم.
سحر تئزدن قیزیمی آییلتدیم سهمانلاشیب یولا دوشدوک. اوغلوم ناهاردان سونرا گئده¬جک ایدی. مدرسه ده یئنه ده هر آغیزدان بیر آواز گلیردی. هامی بیر- بیرینی دانلاییر، قیناییردی! هامی بیر- بیری ایله ساواشاردی. بیری الینه داوا ووروردو، بیری وورموردو… بیر اوشاق ماسک تاخمیشدی، بیری تاخمامیشدی… تلفون زنگی¬نین ده سسی بیر آن بیله، کسیلمیردی. هله بیر چوخ تعداد آدام (منیم کیمی) تازا گلمیشدی اوشاق¬لاری¬نین آدینی یازدیریب، کیتاب-لارینی آلماغا. او مدرسه‌ده آلتی ایل اولیا اولدوغوم اوچون، بعضی الیمدن گلن ایش¬لرده یاردیم ائدیردیم. آنجاق عائله¬لرین بعضی داورانیش¬لارینی انصاف‌دان اوزاق گؤروردوم.
آخی بو وضع‌ده مدرسه¬نی نییه آچیردیز؟
مدیر: خانم واللاه وزارت‌دن دستور گلیب. بیز دئمه¬میشوخ کی!
منیم اوشاغیمین اضطرابی وار، اصلا راضی اولمور گلسین.
معاون: اجباری دییل کی خانیم، اوشاغین روحی آرامشی هرزاددان واجب‌دیر. فقط گلسین معلیمینی تانیسین، کلاسینی بیلسین، ان شاءالله آموزش تئزلیقجا مجاز اولاجاق…
خانیم سیز آللاه منیم قیزیمی گتیرین الف گروهونا، باجیمین قیزی¬نان بیر دوشسون، هره¬میز بیر گون گتیراخ!
مدیر: آخی لیست الفبا ایله تنظیم اولوب، ائلییه بیلمه¬روخ کی!
خانیم اولار منیم آغامنان دانیشاسیز، راضی ائلییه¬سیز. اصلا اجازه وئرمیر اوشاغی گتیرم.
مدیر: …………
سرویس¬لر نجور اولاجاق؟
آخی او دستگاهی قویوبسوز اورا هانی اوشاق¬لارین چوخو ضدعفونی ائله¬مه¬دیلر کی!
خانیم معلمه دئیین اجازه وئرمه¬سین بیر زاد یئسین¬لر…
خانیم معلمه دئیین اجازه وئرمه¬سین توالته گئتسین¬لر…
خانیم معلمه دئیین ……..
من، قیزیمی ایکی گون آپاردیم مدرسه¬یه خانیم معلیمینی تانییب، مجازی گروه¬لاردا عضو اولماق اوچون.
اوغلوم ۳ گون گئدیب، آخی اونون معلمی چوخ‌دور و هامیسی ایله تانیش اولماغی لازم‌دیر. کاش بئله وقت¬لر اؤزوموز و باشقا¬لارینا استرس وئریب، یوکونو آغیرلاتماق یئرینه اؤز عقلیمیزه رجوع ائلییب، اؤز ایشیمیزی گؤرک و باشقا¬لارینا باش آغریسی وئرمییک.
بو گون¬لر بیر بحرانی گون¬لردیر و نه قدر اونو سکوت، آرامش و دوز گئچیرده بیلسک، بیر او قدر یاخجی‌دیر. کاش بو قدر استرسی اوشاق¬لاریمیز، عائله¬میز و ایش باشیندا اولان¬لارا منتقل ائله¬مییک و باشاردیغیمیز قدر بیر- بیریمیزین الیمزدن توتاق.