یوخسول لوق و جورم

اکبرسعادت
آنا دیلیمیز: یوخسول لوق جورم اوزرینده مستقیم یا غیر مستقیم تاثیر ائدر . قارنی آج اولان بیر آدامین چالیشما میلی یوخاری دیر . یوخسول لوق و ضرورت انسان لارین پیس مسکن شرایطی و بوجور ایقامت بولگه لرینه پناهنده اولان موجریم لرله دائیمی تماس ائتمه لرینه سبب اولور.آیریجا اوشاق موجریم لرین ائتدیک لری پیس حرکت لری تقلید ائتمه ایمکانی نی تاپمالارئنا ، آنا و بابانین عینی زاماندا ایشه مجبور اولمالاری سبب یندن ده اوشاق ایله یاخین علاقه قورمامالاری جورمه ساری چکیلمه یه سبب اولا بلیرعمومیت له اقتصادی وضعیت لری یاخچی اولمایان لارین داها چوخ جورم ایشله دیینه داییر بیر اون قبول وار . فرق لی یولگه لرده و اولکه لرده آپاریلان آراشدیرمالار نتیجه سینده بو گوروشو تصدیق لین و یالان لایان نتیجه لر الده ائدیلمیشدیر . بونونلا بیرلیکده ، آمارلار افرادین یادا عائیله لرین اقتصادی وضعیت لری حقینده کامیل معلومات وئرمکدن اوزاقدیر . مثلا دولت لی طبقه نین ایشله دیی جورم لر ( آغ یاخا جورم لر ) ، عمومیت له آمارلاردا اشتراک ائتمیردی ۱ گلیری چوخ موجریم لر ، توتولما و محکوم اولما احتمال لارینی آزالتماق اوزره ، جورم لرینی پلانلامایا ، یاخچی وکیل توتمایا و روشوه یه ، داها چوخ پول خرجلمه میلینده دیر لر . چونکو اونلار اوچون موتقبیل اولدوقلاری بو خرج لر ، زیندان جزاسی آلدیقلاری زامان قرشیلاجاق لاری خرجه نیسبت داها آزدیر . بونونلا بیلیکده گلیری آز موجریم لر بو ایمکان لارا صاحیب اولمادیق لاری اوچون و پول جزاسی اوده یه بیلمه دیک لری اوچون زیندان جزاسینی قبول ائتمه یه قاتلانیر لار . اونلارین زیندان دا گئچیره جخ لری زامانین خرجی ، پول جزاسی نین دیرینه گوره داها آزدیر . دولت لی موجریم لر پول جزاسی اوده یرَک ده زیندان جزاسیندان خلاص و بئله جه بو موجریم لر محکوم آمارلاریندا یئر آلماماخدادیرلار بونونلا برابر ، یوخسول قیسیم ، حیاط شرایطی یاخچی اولمایان و جورم تشکیل ائدن حیات طرزیله داوام لی تماس حالئندا اولان بولگه لرده یاشایئر . ایش سیزلیک ، کاسئبلئق و گلیر داغئمی پروبلم لری نین ، عدالت سیزلیغین ، نیژادی تبعیضین ( ائرق آیری ـسئچکیلیی ) جورمو آزدئراجاغئ تزی ۱۹۶۰ جی ایل لرده کلمبیا یونیورسیته سی سوسیولوق لارئن ریچارد کلووارد و لوید اهلین طرفیندن قووّت له گوندمه گتیریلمیشدی . خصوصاً ایش سیز گنج لرین جورمه دونمه سی سوسیولوق لارا گؤره بیر اجتماعی تنقید فورمو ایدی آ.ب.ش وطن داش لارا یوخاری دوغرو اجتماعی موبیلیته وعد ائدیردی ، آما خصوصا گنج لر اعتیراض ائدیردیلر ، جامعه نین یوخارییا ساری سوسیواکونومیک موبیلیته ساغلامادیغئنی تاکید ائدیردیلر . بو علم انسان لارینین دوشونجه سینه گوره ، اگر جورم ایشلمه برابر سیزلییه راسیونال بیر عصیان ایسه ، دولت سوسیال خیدمت لر وئره رک ، ریفاهبرنامه سی، مصلحت خیدمت لری ، ایش باجاریغی ( مهارت ) اینکیشاف ائتدیرن برنامه لر و تحصیل طرح لری ایله و گلیر و ثروت داغیمینی دییشدیررک ، جورمو قاباقلایا بیلیردی. یعنی چاره سی ( حل یولو ) جورمو ایشله ینی حبس ائتمک و ایچری تئخماق دییلدی. بو تئز چرچوسینده پلیس فعالیت لری نین جورمه یالنیز حادثه دن سونرا موداخیله ائتدیی ، حال بوکی اجتماعی کوک لو مسئله لرین بویوک مقیاس دا (دیامترده) پلیسی حادیثه لر اولمایغی وورغولانیردی (تاکید اولونوردو) رفاه دولت ینین اصل وظیفه سی جورمون قاباغینی آلماق دئر . آنجاق ۱۹۶۰ـجی ایل لرده ائدیلن تجروبی موشاهیده لر ترس معلومات لار دا سرگیله ییردی . جورم لرین سایی ۱۹۶۰ـجی ایل لرده اصلینده یوزده ۴۳ آزالمیشدی قالدی کی الده کی آمارلارا گوره ۱۹۲۹ سونراسینداکی بویوک دپراسیون دا دا جورم آمارلاری اهمیت لی اولچوده دارالما سرگیلمیشدی . بونا باخمایاراق ۲۰۰۸ـجی ایلده ، نیویورک تایمز باراک اوبامایا اقتصادی بوحرانئن داها چوخ جورم و شبکه چیخاراجاغینی ، بونون دا ان چوخ شهر بولگه لرینده شهر ایچینده مسکون گنج لر آراسئندا رآللاشاجاغینئ و در حال تدبیر برنامه لری اینکیشاف ائتدیرمه سینی سویله ییردی . آنجاق حیات سورپریزلر له دولودور . ۲۰۰۹ـجو ایلین ایلک آلتی آی سونوندا اف.بی.آی طرفیندن ییغیلان بوتون اوصولو ایچه رن جنایت آمارلاریندا یوزده ۱۰ ، آغیر جورم یوزده ۴٫۴ مولکه قارشی جورم ایسه یوزده ۶ و اتومبیل اوغورلوغو ایسه یوزده ۶٫۱ آزالیردی ماراقلی دیر کی ، ۱۹۷۷ ایلا ۲۰۰۸ آراسیندا ایسه جورم سایلاری گوجلو بیر روند له یئنرکن ، توقیف ائدیلن و ایچری تیخیلان انسان سایئسی ۳۰۰ مین نفردن ۱٫۶ میلیون نفره چیخمئشدئ و گینه ماراقلی بیر شکیلده ، ۲۰۰۸ ایلینده دورغونلوق ( ایقتیصادی بوحران) باشلادیغیندا لوس آنجلس پلیسی رئیسی و نیویورک پلیس مسئولو شَهَرلرینین دورغونلوق سببی ایله جورم آرتئشئ یاشامایاجاغینی اورتایا آتمیشدیر . چونکو پلیسین آلدیغی بعضی اونلم و تدبیرلر سایه سینده سون اون آلتی ایلده نیویورک دا جورم سایی یوزده ۷۷ آزالمیشدی.۲۰۰۹ ایلینده نیویورک دا جنایت لر یوزده ۱۹ دوشموش و بو ۱۹۶۳ ایلیندن بویانا ان آشاغی حددَیدی.
البته ،دورغونلوق ( اقتصادی بوحران ) جورم نیسبت ینی ، فرق لی بیر موحیط ده آرتئرا بیلیردی ده ، اگر شهر پلیس لری ، دورغونلوق سببی ایله و مالی مسئله لر سبب ایله آزالتسا موجریم لری ده بیر ـ بیر سربست بوراخماغا باشلاسا ، دورغونلوق ایله بیرلیکده جورمو آرتاردی نتیجه ده جورمو اکونومیک ییغیشما (بهبود ) و قیسمی اینکیشاف دوشورمه میش ! شهر حیاتی راحاتلادی ، چونکی قانون چرچوسینده نظارت و اینفورماسیون سیستمی پلیس طرفیندن ایصرارلا ایجرا اولونماغا باشلاندی .

نوشته شده توسط admin در دوشنبه, ۳۱ فروردین ۱۳۹۴ ساعت ۵:۱۵ ق.ظ

• ۱ نظر
• 1604 بازدید
•    تویت
•  چاپ