یارانه
یازار:اکبرسعادت
آنادیلیمیز:گونلریمز گون به گون واراقلاندی آجی – شیرین خاطیره‌لرله آز – چوخ یاناشدیق، امّا هئچ بیریسی دونیاسوییه سینده اوز وئره ن قانلی فاجعه‌لرده‌ن آجی اولمادی. بیز باهالیغا، تحریمه، ابرقدرتلرین ظولمونه دوزدوک،قیشی کومورون اوزو قارالیق قیمتینه قورتاردیق، اما قانلی فاجعه لرده آیاق آلتیندا قالان خیرداجا اوشاقلارین آغلار گوزلرینین دردلی باخیشلارینا دوزه بیلمه‌دیک. اونلارلا بیرگه آغلادیق، اونلارا ده‌ین یارا ائله بیلدیک بیزه ده‌یدی. بیزده اینسانیق، بیزیمده قلبیمیز وار.
اوجسوز بوجاقسیز و توکنمز ثروتلرین صاحبی اولان “آذربایجان” نعمت لر ایچریسینده اولدوغو حالدا محرومیت لر پنجه سینده ازیلیب تحقیر اولونور. بو گونلرده دولت باشچییلری، آذربایجانین مجلیسده اولان نماینده لری، وزیرلر قورولو، جمهور باشقانی باشچیلیقینده اورمودا توپلانیب، آذربایجاندا گئدن اقتصادی و سیاسی پروسسی گوزدن گئچیرجه ک و ینئی تدبیرلر آلیناجاق دیر. آذربایجان اقتصادی دئمک اولارکی چوخ آغیر و چتین گونلرین گچیدیر. اونا گوره ده ، هر گچن گون بیراز داها گری قالیب اولکه سیرالاماسیندا چوخ گریلره انیبدیر. بو وضیعت سون گون و آیلاردا اوزینی دگیشیک بیچیملرده گوستریبدیر. بو یوزدن دولت آداملارینین توپلانماسی ، آذربایجان خلقینین اوز اراده سیله بیرلشمه سه و یا آذربایجان خلقینین حقلی ایستکلرینه قولاق ورمه سه بیر سونوچ ورمه یه جه ک و مسئللر داهادا درینله شه جک دیر.
بیز جنگ یوخ، صولح، باریشیق، عشق، محبت عاشیقی ییک. بیزیم علم، هنر و صنعتیمیز صولح‌له باریشیق نامینه دیر. بیزیمچیراغیمیز تانریدان یاینر. هئچ کیمسه اونو سوندوره بیلمز.
بیر خاطیره:آیدان اون گون کئچمیشدی قاپینین زنگی چالیندی گئتدیم آچدیم قونشی قاپی دالیندا دایانمیشدی خوش گلیبسینیز بویورون ،دئدیم دئدی :سندن بیر خواهیشیم واردیر امکانین اولان یئرده یوخ دئمیه سن دئدیم بس قونشولوق نه ایچون دور اللریمنن گلسه گؤزلریم اوسته اوشاقیم ناخوش لادی منده ائوین کرایه سینی وئردیم اونون داوا درمانینا اؤز یانیمدا فیکیر لشدیم آیین ایگیرمیسینده یارانه لری توکنده ائوین کرایه سینی وئررم آنجاق ائوین ییه سی گلیب قاپی قاباقیندا دایانیب دئییر :” من بو پولون اوستونده حساب ائدیب بانکدان وام گوتوروب اوغلومی ائولندیر میشم ایندی یوباندیغیما گوره بانکدان ضامینیمه تیلفون ائدیبلر آبریما توخونوبلار سن بو پولی تئزدیکجه وئرملی سن”
قضادان منده ایکی یوز مین تومن آییریب دفترچه آراسینا قویموشدوم آپارام قرض الحسنه نین قیسطین وئرم اوره گیم دوزه بیلمدی دئدیم نه منه اولار قیسطی اون گون مدتینه گئج وئرم،پولی اونا وئردیم قونشی سئوینه سئوینه گئتدی،منده سئویندیم ایکی انسانین دردینه دییمیشدیم،ایکی گونده ن سونرا ال تلفونوم زنگ ویردی گؤردوم قرض الحسنه دن زنگ ویردیلارایگیرمی دورد ساعاتاجاق قسطینیزی گتیرین یوخسا چکینیز اجرایه قویولاجاق!!!!
بو آرادا کیمدیر گوناهکار …ایندی کی دوروم دا جوانلارین ان بویوک مشکلات لارین دان بیریسی همن بو یوخسولوق دور..بیزیم اولکه ده (غربی آذربایجان دا)چوخلی پتانسیل لر وار..چوخلی استعداد لار مکتب لریمیز ده گورونور.اما ندنسه اونلار گوزه گلمیر.
دانشگاهلاریمیزین چوخالماسی اولکه یه بویوک ضررلر آرتیر دی.آنجاق هرکس بیر آینا داراق تحصیل ائله دی ایندی جامعه ده ایش آختاریر.بو آرادا یاش دا یاندی قورونون اودونا.
یالقیز بونا اکتفا اولونورکی آذربایجان آغیر اقتصادی، اجتماعی(توپلومسال) کولتور و سیاسی بحران لا قارشی قارشیادیر. بو وضیعت دقته آلینماسا بحران گون به گون آرتیراجاق و کنترل ائدیلمه سی زورلاشاجاقدیر. آذربایجان دا ، ناگوار حادثه لرین قاباغینین آلینماسی اوچون اقتصادی ایستکلرین اهمیتی چوخدور. بونون یانیندا سیاسی پلاتفورمون گئنیشلمسی و دموکراسی نین یاییلماسی گرکلیدیر. اقتصادی فعالیت لرده بعضی آلان لاراونجه لیک داشیر. اگر تئزلیکله بیر چاره تاپیلماسا باشقا مسئله لر ده اورتیا چیخاجاقدیر. جوانلار چالیشلرین دیله گتیرمک اوچون آزاد تریبون ایستییر. توتماق، ورماق، زندان، بهتان، افترا و اصیلسیز بیانات ورماق، مسئله نی داها دا چتینلشتیریر. راحت و خطرسیز یول آذربایجان میلتینین یولونو آچماق و اولارین ایستکلرینه قولاق آسماق دیر.
نوشته شده توسط admin در دوشنبه, ۱۴ دی ۱۳۹۴ ساعت ۷:۱۸ ق.ظ
