یارادیلیش…
حاضیرلایان:اکبرسعادت
آنادیلیمیز:دانی چرا به عالم، یالقیز سنی سئور م
چون در برم نیائی، اندر غمت اؤلر من…
آللاه تعالى دونیانى یئدى گون عرضینده یاراتمیشدیر. هامیدان اول لوح و قلم? عرش و کورسو? بهشت و جهنم? گؤزه گؤرونمه ین مخلوقلار (جنلر? پریلر? ملکلر)? اونون آردینجا گؤیلر و دنیزلر یارادیلمیشدیر. ایلک یارادیلیشدا یئر اوزو بوم-بوش و قورخولو بیر چؤل حالیندا ایمیش? حق تعالى بو بوشلوغو بزمک اوچون? قاباقجا دنیزده و سولاردا یاشایان حئیوانلار و بیتگیلرى و اونون آردینجا یئر اوزونده یاشایان حئیوانلار و بیتگیلرى یاراتمیش و اونلارا حیات باغیشلامیشدیر. بوتون بونلار آللاهین توکنمز قدرتى و عظمتى یانیندا اولدوقجا کیچیک و اهمیت سیز ایشلردیر.حق تعالى بوتون بونلارى یاراداندان سونرا اؤز اوستون قدرت و عظمتینه یاراشان بو یارادیشلارین هامیسیندان اوستون دوران ان گؤزل مثلسیز بیر مخلوق یاراتماق قرارینا گلیر و بو مخلوق دوننکى و بو گونکى انساندیر.
آللاه تعالى انسانى یارتماغى اراده ائتمکله جبرائیله یئر اوزونه گلیب اورادان بیر اووج تورپاق گتیرمگى امر ائدیر. یئر جبرائیلدن آللاهین مشیتینى اؤیرهنینجه دیله گلیر:
پروردگارا! مندن آلدیغین بیر اووج تورپاقدان یاراتماق ایسته دیگین انسان صاباح عصیان ائدیب? گناه ایشله ییب? جزایا مستحق اولورسا? جهنمدن قورتولاجاغى اولماز.اما منیم جهنم اودوندا یانماغا طاقتیم یوخدور. آللاهلیغین خاطره گل بو موجودو یاراتما! جبرائیل تورپاق گؤتورمه دن گرى قاییدیر. بو دفعه میکائیل و اونون آردینجا دا اسرافیل بیر اووج تورپاق آپارماق اوچون یئر اوزونه گلیرلر. یئر بونلارین دا هر ایکیسینه چوخلو یالوار¬یاخار ائدیر?اونلار دا تورباغا ال وورمادان قاییدیرلار. نهایت یئنه عزرائیل یئره گؤنده ریلیر. یئر قاباقداکى کیمى اونا دا چوخ یالواریر?عزرائیل یئرین یالواریشینا بئله جواب وئریر:
سنین دئدیکلرین هامیسى دوغرودور? لکن حق تعالانین مشیتى یئرینه یئتیریلمه لیدیر. او بیر اووج تورپاق گؤتوروب قاییدیر. عزرائیل بو ایشى باجاریقلا یئرینه یئتیردیگینه گؤره? انسانلارین اؤلوم آیاغیندا جانینى آلماق ایشى اونا تاپیشیریلیر.
عزرائیلین گتیردیگى تورپاقدان بارى تعالى انسانین خمیرهسینى یوغورور.اونو ایسته نیلن بیر قالیب شکلینه گتیریر. بو قالیب بیر روایته گؤره قیرخ گون و بیر روایته گؤره قیرخ ایل اولدوغو حالدا قالیر? بو مدت کئچندن سونرا جان (روح) باغیشلانیر و اونو “آدام” آدیله آدلاندیریر.
بوتون ملکلرینه بو مثلسیز یارادیلیشین اؤنو?نده سجده ائتمگى حکم ائدیر. ملکلر انسانین اؤنونده سجده یه دوشوب اونون گؤزللیگى و کمالى قارشیسیندا حرمت و قایغى گؤستریرلر. تکجه شئیطان اوتدان یاراندیغى اوچون حقین امرینه بویون قویماییب? انسانا سجده قیلماقدا عناد گؤستریر. بونا گؤره ده او ملکلیک درجه سینى ایتیریب? جنتدن قوولور.شئیطان بهشتدن قوولاندان سونرا عناد ائلیر و آللاهین یاراتدیغى “اشرف مخلوقات” اؤجشاماغا باشلیر.اونو یاراماز یوللارا چکمیه جان آتیر? اونونلا باش¬باشا قوشور? اونو اغوا ائدیر. لاکین آللاه تعالى اونون شرینى آدام ائولادى نین باشیندان سووماق عوضینه? ندنسه اونو انسانلا قارشى¬قارشییا قویور. آللاه تعالى یالنیز بونا کفایتله نیرکى انسانلار اؤزلرینى قوروماغا چالیشسینلار? بعلاوه یوز ایگیرمى دؤرت مین پیغمبر گؤندهریرکى? اونلارین هدایتى ایله شیطاندان اوز چئویریب? آللاهین ایسته دیگى و پیغمبرلرین گؤستردیکلرى دوغرو یولا یؤنله سینلر.
دونیانین اولینى و سونونو بیلن یوخدورو. آنجاق بیر گون قیامت قوپاجاغینا و دونیانین یوخ اولاجاغینا هر کس اینانیر. قیامتین نه دئمک اولدوغو چوخدا عیان اولماسا? دونیانین آخرى یاخینلاشینجا بوتون رسم رسوملار عکسینه اولاجاقلار: ایت پیشیک ایله یان یانا یاتاجاق? قورد قویون ایله گزجک. هامى آللاهین قویدوغو قانون ¬قایدالارى اونودوب تکجه پولا فیکیرلشه جک. کیشیلر ساچلارینى اوزادیب? قادینلار قیسالداجاق.قادینلار اوشاق دوغمایاجاق.کیشیلر قادین پالتارى و قادینلار کیشى پالتارى گئیه جک. بنالار چوخالاجاق? یوللار قیسالاجاق? فساد و اخلاقسیزلیق هر یئرى بورویه جک و … بونلار قیامت علامتلریندن ساییلیر.قیامت گ?ن? گ?نشین مغربدن دوغاجاغینى? یأجوج¬ مأجوج آدلى بارماق بویدا مخلوقاتین اورتایا چیخاجاغینى و بونلارین موزیک چالا چالا کوچه لرى دولاشاجاغینى هامى گؤره جک.بو موزیک سسینى ائشیدنلر پنجره لره طرف یورویه جکلر. پنجره لردن یأجوج¬ مأجوجلارى گؤرنلرین آراسیندا گناهى اولانلارین باشیندا بوینوزلار عمله گله جک و خلاصه قیامت گونو یئر اوزونده مسلمانلیقدان نشان قالمایاجاق. دونیا دومدوز اولاجاق. مشرقدن باخاندا مغرب و مغربدن باخاندا مشرق گؤرونه جک…
بو اینانیشلارا اساسا اؤلن هر بیر آدام تورپاغا تاپیشیریلیب قبیرده یالقیز قالینجا در حال دیریلیر. اولجه اؤز¬اؤزوندن من هاردایام؟ دئیه سوروشور. ایستر قالخسین? باشى احلد داشینا دگینجه دئییر: اى واى? پس اؤلن من ایمیشم! و قبیرده اولدوغونو باشا دوشور. اول گئجه ایکى سورغو ملکى (نکیر و منکر) گلیب? اؤلندن یارادانینى (آللاهینى) دینینى? پیغمبرینى? کیتابینى? مذهبینى? امامینى سوروشور. اؤلو ایمان ایله دو?نیادان کؤچموش اولسا بو سورغولارا دوغرو¬دوزگون جواب وئریر. سورغو ملکلرى ده سسیز بیر احتراملا یوللارینى چکیب گئدیرلر. قبیردن جنته بیر یول آچیلیر? بو یولدان اسن کولکلر بهشت باغچالاریندا کى گوللرین عطرینى گتیریر. ایمان ایله دونیادان گؤچمییه نلر? قبره گلن سورغو ملکلرینین قارشیسیندا دوروخوب قالیرلار. دیللرى دولاشیر و سوآللارا دوغرو¬دوزگ?ن جواب وئره بیلمیر. بئله اولونجا سورغو ملکلرى اللرینده کى توپوزلا اونون باشینا وورورلار. بو آرا قبیردن جهنمه بیر یول آچیلیر. بو یولدان جهنمین اودلو یئللرى اسیر? اؤلو یاندیریجى و اریدیجى بیر سیجاقلیقدا قورولور.
دین و اینانج یولوندا? یوردلارینى و خلقلرینى مدافعه اوغروندا چارپیشانلار? دوشمن سلاحى ایله اؤلدورولن کیشیلر و اوشاق دوغماقدا اؤلن قادینلار شهید سانیلدیقلارینا گؤره? آللاه اونلارین بوتون گناهلارینى باغیشلارییر. شهیدلر سورغو ملکلرینه مطلق دوغرو جواب وئریرلر و بهشت یئللرینین ان صفالیسى اونلارین اولاجاق. کافرلر و اسلام علیهینه اولانلار جهندمده یاندیریلاجاقلار.
تورپاغا تاپیشیریلان هر بیر اؤلو? اولیالاردان باشقا چورویور. اولیالار قبیرده قیامت گونونه قدر حیاتدا اولدوغو کیمى قالیرلار. چوروینلرین قبیرده چورومیه ن یئرى بئل سومویونون آشاغا قورتاراجاغینداکى سوموکدور. قیامت قوپوب اسرافیل سورونو چالینجا اؤلولرین چوروموش عضولرى بو سومویون اطرافینا توپلانیر? وجود یئنى دن تشکیل اولور. اسرافیلین سورونون چالینماسى بوتون مخلوقاتى محشر آیاغینا چاغیرماسى دئمکدیر. سورون سسى اوجالینجا بوتون اؤلولر قبیردن خورتلاییب قافله حالیندا محشره طرف یوللانیرلار.
محشر دونیادا هرکسین یایدیقلارى ایشلرى ین حسابینى وئردیگى یئردیر. بورادا پیش یاخشیدان? گناهکار ثوابکاردان آیریلیر.محشرده ملکلر طرفیندن “میزان” آدلاندیریلان ترازى ایله گناهکار و ثوابکار چکیلیر. ایمان ایله دونیادان کؤچموش ثوابکار بند? لر بهشته گیرمگه حق قازانیرلار.دونیادا فرعونلوق ائدنلر?آللاهین بویوردوقلارینا بویون قویمایان زیانکارلار جهنمه گؤندریلیر و حقسیزلیگه اوغرایانلار و ستمه معروض قالانلار محشرده آللاهدان حقلرى نین احقاق ائدیلمه سینى ایسترلر.محشرده آتا¬آنا اوشاقلارینى?اوشاقلار آتا¬آنالارینى? کیشى آروادینى?آرواد کیشى سینى?قارداش قارداشینى یاخینلار بیر-بیرینى?قونشو قونشونو? دوست دوستو? یولداش یولداشى تانیماز.هر کس اؤز هایینا قالیر? اؤز باشینا چاره آرار.
دونیادا هر بیر ایش آللاه تعالى نین مشیتیندن (اراد? سیندن¬ایسه ییندن) آسیلیدیر.بو مشیتدن قیراق هئچ بیر ایش باش توتاسى دگیل. دوغولان هر بیر یارادیلیشین بیر تقدیرى? بیر آلین یازیسى وار کى? ایستر¬ایسته مز اونو گؤرجک. آللاه انسانى یاخشى یوللارا گئتمگه? یاخشى ایشلر گؤرمگه? شردن چکینمه گه? خئیره قاپیلماغا و بیر سؤزله آللاهین بویوردوقلارینا عمل ائتمگه چاغیریر.لکن شئیطان اونو خئیر ایشلردن اوزاقلاشماغا و شر ایشلره قوشولماغا سوق ائدیر.اؤزلرینى شئیطانین وسوسه سیندن قورویانلار ثوابکارلار?شئیطانین وسوسه لرینه قاپیلانلار گناهکارلاردیرلار.
نوشته شده توسط admin در چهارشنبه, ۲۸ آبان ۱۳۹۳ ساعت ۵:۴۴ ق.ظ
