یئددی قیزدده سی یئدی اوغلان دده سی

اکبرسعادت
آنا دیلیمیز:بیرگون وار ایدی بیر گون یوخ ایدی. آللاهدان سوای هئچکس یوخ ایدی. ایکی دانا قاردش وار ایدی. بیرینین یئدی قیزی? او بیرینین یئددی اوغلو. یئددی اوغلان دده سی هر وقت قاردشین گوره نده دئیه ردی: سلام علیکم? یئددی قانجیق آتاسی! بو قاردش باشین سالاردی آشاغا? گلردی ائوه.بیر گون یئنه توتولموش? پوزغون ائوه گلر. بویوک قیز دئیه ر: آتا? نه اولوبدو؟
دئیه رکی عمیز گونده بئله دئییر…قیز دئیه ر:صاباح سن ده دئنه ” علیک السلام” یئددی کوپک یئیه سی! بیر اوغلان سندن? بیر قیز مندن? گوندر? قوشاق گئتسینلر چورک قازانماغا. گوره ک هانسی یاخجی قازانار”صاباح قاردش راست گلر? دئیه ر: سلام علیکم? یئددی قانجیق آتاسی!بو بیری قاردش باشین قاوزار دئیه ر: علیک السلام? یئددی کوپک ییه سی! بیر اوغلان سندن? بیر قیز مندن? گوندر قوشاق گئتسینلر چورک قازانماغا. گورک هانسی یاخجی قازانار.قاردش سئوینر. اوز-اوزنه دئیه ر کی? قیز هارادان گئده جک چوره ک قازاناجاق.هره اوزونونکونه آت? پول خرجلیگی وئرر. عمی اوغلو? عمی قیزی یولا دوشرلر. یول آیریمینا یئتیشرلر. گوررلر یازیبلار: بو یولا گئدن گلر? بو یولا گئدن گلمز.اوغلان دئیه ر: عمقیزی? من گئدیرم گئدر گلمزه. سن گئت او بیریسینه?
قیز دئیه ر: یوخ? من گئده جگم گئدر گلمزه. بیر ایله وقت وئره ک. هر کیم تئز گلسه بورادا گوزله سین.اوغلان دئیه رکی یاخجی. هره گئدر بیر یولا.قیز گئدر? گئدر یئتیشر بیر شهره. آتین ساتار? بیر دست اوغلان پالتاری آلار گئیه ر? گئدر دمیرچی شاگرد اولار. دمیرچی بونون ایشینه باخار? گورر کی? بوندا قیز نقشه سی وار.بیر نئچه گون کئچر? بیر گون دمیرچی گلر ننه سینه دئیه ر:قولو قولباغ یئری دی?بوینو گردن بند یئری.
بارماغی اوزوک یئری دی?آنا? شاگرد قیز دی? قیز!
ننه سی دئیه ر: اوغول? بو نه سوزدى؟ گئت ایشینه باخ. ال چک بو سوزلریندن. قیزدان دمیرچی شاگرد اولماز.
دمیرچی ال چکمز. ننه سی دئیه ر: گئجه بیر آز قیزیل گول آل? سالاق دوشک آلتینا. اوغلان اولسا? اوغلان آغیر اولار? قیزیل گوللر داغیلار? ازیلر. قیز اولسا? تر قالار? هئچ زاد اولماز.
ائوده بیر تازی وار ایدی. دیل بیلردی. گئدر قیزا دئیه رکی? اوستا حلیم خانین ننه سی بو قورقونو قوروب.
قیز دئیه ر: نه ائله ییم به؟دئیه ر: گئجه یاتاندا اویان-بویانا آغنا? گوللر ازیلسین. قیز دئیه رکی? یاخجی.
گئجه ائوه گلیب یاتاندا? سحره جه ائشینه ر? اویان-بویانا آغنار. سحر دورار گئدر توکانا. دمیرچینین ننه سی یئرلری ییغاندا گورر قیزیل گوللر ازیم-ازیم ازیلیبلر. اوغلونا دئیه ر: گوردون بالا شاگرد قیز دگیل! بیر دانا ساغ گول قالماییب.
گئدر توکانا بئش-اون گون کئچر. دمیرچی ننه سینه دئیه ر:قولو قولباغ یئری دی?
بوینو گردن بند یئری.بارماغی اوزوک یئری دی?آنا? شاگرد قیز دی? قیز!
ننه سی دئیه ر: اوغول? ال چک! بولار نه سوزدو؟ اوتان!دمیرچی ال چکمز. ننه سی دئیه ر: ایندی کی ال چکمیرسن? گوتور آپار مینجیق داغینا? بیرده قیلینج داغینا. مینجیقلاردان گوتورسه? قیزدی? قیلینجلاردان گوتورسه? اوغلان دی.
یئنه تازی قاچار قیزا خبر وئرر? دئیه ر: اصلا مینجیقلارا اهمیت وئرمه. آخشام باشی دمیرچی دئیه ر: گل بیر گئدک داغی دولاناق. نفسیمیز آچیلسین. اول مینجیق داغینا گئدرلر. دمیرچی بیر اوغوج مینجیق گوتوره ر دئیه ر: به به! گور نه خوش مینجیق دیلار!قیز قیشقیرار دئیه ر: اوستا اونلاری نه ائلیه جییک؟ بوشلا گئدک. گئدرلر قیلینج داغینا. قیز بیر آز پیچاق? قیلینج-زاد گوتوره ر گلرلر ائوه. ننه دئیه ر: هه? اوغول? نئجه اولدو؟دمیرچی اولانی دئیه ر
ننه دئیه ر: گوردون بالا? من دئیه ن اولدو اولمادی؟ گئت باشینی سال ایشله.یئنه اوچ-دورد گون کئچر. دمیرچی گورر شاگرددا قیز نقشه سی وار کی? وار. گلر یئنه ننه سینه دئیه ر:قولو قولباغ یئری دی?بوینو گردن بند یئری.
بارماغی اوزوک یئری دی?آنا? شاگرد قیز دی? قیز!ننه سی دئیه ر: اوغول? ایندی ال چکمیرسن? آپار گولده اوزون. اورادا بیلینر اوغلان دی یا قیز.تازی قاچار قیزا دئیه ر.قیز دئیه ر: به من نه ائله ییم؟تازی دئیه ر: قوی اول او دوشسون. من سویو بولاندیرارام. سن تئز دوش بیر قولای سویا بات چیخ.گون اورتا چاغی دمیرچی دئیه ر: گل بیر گؤله گئدک. هاوا چوخ ایستی دی.دمیرچی قاباقجا سویونار دوشر سویا. تازی دا آتیلار سویا شابا-شاپ سویو داشلاندیرار. قیز تئز سویونار. بیر قولای سویا باتار? چیخار. دمیرچی بیردن باخار گورر شاگرد چیخیب. دئیه ر: به ? نه تئز چیخدین؟قیز دئیه ر: اوشودوم چیخدیم.آخشام ائوه گلنده ننه دئیه ر: هه? اوغول? نه گوردون؟دئیه ر: واللاه? اوزدوک? آمما بیر زاد آنلامادیم.
ننه دئیه ر: گوردون اوغول! دئه باشیندان چیخارت? ایشله.بیر نئچه مدت کئچر. بیر گون قیز توکاندا تک باشینا اوتورموشدو? فیکیرلشیر گورر بیر ایل قورتاریب. دورار توکانی باغلار? قاپیدا یازار:قیز گلدیم? قیز گئتدیم حلیم خان!
دوز گلدیم? دوز گئتدیم حلیم خان!
باش آلار گئدر. یول آیریمینا یئتیشر. بیر گون گوزلر? گورر عموغلودان خبر اولمادی. دئیه ر: گئدیم گوروم عموغلوم هارادادی. گئدر? گئدر یئتیشر بیر شهره. آختارار تاپار کی? عموغلوسو تولامباردا قویلانیب کوله? بیر باشی ائشیکده. هر زادین دا ساتیب خرجله ییب. گئدر پار-پالتار? آت آلار گتیرر. دئیه ر: عموغلو? دور گئی? آتی مین گئدک.
اوغلان پالتارلاری گئیر? آتی مینر? قویارلار گلرلر? اوز شهرلرینه ساری.بونلار بورادا گلمکده اولسونلار…
حلیم خان گلر گورر توکانی باغلی? قاپیدا یازیبلار: قیز گلدیم? قیز گئتدیم حلیم خان!دوز گلدیم? دوز گئتدیم حلیم خان!
ایکی الی اولار? بیر تپه سی. گلر ننه سینه دئیه ر: ننه گوردون شاگرد قیزایمیش؟بیر آز خرازی مالی-زادی آلار? دوشر قیزین دالیجا.بو یاندان عموغلو? عمقیزی گلرلر یئتیشرلر اوز شهرلرینه. هره گئدر اوز ائوینه. قیز چوخلوجا پول قازانمیشدی? وئرر دده سینه.بیر گون اوتورموشدولار? دئیه ر: آتا? عموغلونون آتی منیم دی. دور گئت آل گتیر.
دده دورار گئدر? دئیه ر: قیزیم دئییر “عموغلو? آتیمی وئر!”اوغلانین دده سی باخار ننه سینه? ننه سی باخار دده سینه. قیزین دده سی آتی آلار گتیرر.بیر نئچه گون کئچر. قیز دئیه ر: آتا? عموغلونون پار-پالتاری منیم دی. دور گئت آل گتیر.
دده دورار گئدر? دئیه ر: قیزیم دئییر “عموغلو پار-پالتاریمی وئر!”یئنه اوغلانین دده سی باخار ننه سینه? ننه سی باخار دده سینه. قیزین دده سی پار-پالتاری آلار گتیرر. اوغلان قالار لوت-عوریان.ایندی سنه دئییم حلیم خاندان:
حلیم خان یئتیشر شهره. اوجادان سسلیه-سسلیه دولانیردی کی? قیز ائشیتسین چیخسین. قیز دا ائشیده ر چیخار چوله. حلیم خانی تانیار. حلیم خان دا اونو تانیار. دانیشارلار. حلیم خانی گوتوره ر گلر ائوه. دده سینه دئیه ر کی? به? بو او دمیرچى دی. حلیم خان دئیه ر کی? من ده قیزدان اوتور گلمیشم. ننه مین گوزو یولدادی.توی توتارلار. چالیب-چاغیرارلار. حلیم خان قیزی گوتورر گئدر.گویدن بیر آلما دوشدو. اوزو منیم? پولوشو ائشیدنلرین.