هِیوا

هِیوا

داود_پیرعلیلو
آنادیلیمیز:یازیق، حقیقت هیچ وقت پرده دالیسیندا قالماز، بوتون قونشولار بیلیرلر کی، خالان سنین باشینا نه اویونلار گتیریب، نه ظلملر ائیلییب. اوشاقلارین دیرچه‌لندن سونرا حقیقتی بیله‌جک، گلیب سنی تاپاجاقلار.
بالابگیمی نئچه گون دانلاییب نصحیت وئرندن سونرا راضی ائیلییر کی، اَره گئتسین. آخرده بالابگیم دییر:
– عیبی یوخ، او گلسین منی گؤرسون، من ده اونو. اگر بیر- بیری میزی بَینسَک عقد ائدریک.
عمیسی قیزی بالابگیم- ین هن جوابینی قونشولارینا دییر، قونشولاری دا قارداشینا سفارش یوللاییر کی، بیر خانیم تاپمیشام سنینله یاشاماغا. حتما گلیب بیر- بیرینی گؤرسونلر، اگر اوره کلری بیر- بیرینی توتسا عقدلرینی اوخوتسونلار. بئش- آلتی گون بو سؤزون اوستوندن گئچیر، قونشولارینین قارداشی گلیر باجیسی گیله، باجیسینا دییر:
– گئت قونشویا دئنه من گلمیشم.
باجیسی گئدیب بالا بگیم-ین عمیسی قیزینا قارداشینین گلمه‌سینی دییر. عمی قیزی بالابگیم- ین ائوینه گئدیب اونو اؤز ائولرینه گتیریب، قونشولارینین قارداشینی دا چاغیریر. بالابگیم ایله گؤروشدورو، بیر- بیری ایله تانیش ائدیر. اونلار اوردا اورک سؤزلرینی بیر- بیرلرینه دییرلر. آمما بالابگیم گؤرور کیشینین بوندان یاشی چوخ چوخدور. بالابگیم-ین اولار ایگیرمی بئش یاشی،کیشینین ده اللی یاشی. بالابگیم ناچارچیلیقدان قبول ائدیر. چوخو دا بونا گؤره کی، اوشاقلار یئکه‌لیب دئسه‌لر آتامیزی بَگنمه‌ییب بیزی آتیب گئتمیسن، اوندا دییرم کی یاخشی- پیس آختارسایدیم نیه قوجا کیشییه گنج واختیمدا گئدیردیم، اؤزو ده قیزی من یاشدا اولان بئش اوشاق آتاسینا.
عمیسی قیزی بالابگیم-ین قارداشینی دا جریاندا قویور اما قارداشی ناراضی اولور، بالابگیم- ین هن جوابینا گؤره بیر سؤز دییه بیلمیر.
خلاصه بیر قوناقلیق ائدیب، بونلارین دانیشیغینی ائیلییب صیغه‌لرینی اوخوتدوروب، کبینلرینی کسدیریرلر.
کیشینین آدی آلماس ایدی. آلماس نئچه گوندن سونرا بیر یونگول قوناقلیق ائدیب بالابگیمی بیر اوزاق داغ کندینده ائوینه آپاریر. بالابگیم اوردا لاپ غریب دوشور. هیچ کیم تانیش دگیل، اؤزو ده شهر اوشاغی، کندلیلرین قادینلاری بیر آیری گؤز ایله بونا باخیرلار. هره بیر سؤز دییر. بیری دییر بو گنجلیک وگؤزلیکده خانیم نیه دَده‌سینه گلیب، یازیق حتماً بیر کسی یوخوموش. بیری دییر حتماً یوخسول آدامین قیزیدیر چؤرک وئره بیلمه‌ییب اونا گؤره باشیندان ائدیب. هر آغیزدان بیر هاوا گلیر.
بالابگیم ده کی مال- داوارا باخماییب، طویله‌یه گیرمه‌ییب، ائله بیر زادلاری گؤرنده دانبات گلیر(مات قالیر). آمما چاره‌سی یوخدور گرک عادت ائیلیه چون اؤزو بَیَنیبدیر.
آلماسین اوشاقلارینین بیر شیطان صفت خالالاری وار ایدی. آلماسین قاباقکی خانیمینی او دق ائیله‌تدیریب اؤلدورموشدو. نانجیب- بخیل بیر آدام ایدی. او، یاواش- یاواش اوشاقلاری قورشالاماغا باشلاییر.
اوتورور- دورور اوشاقلارا دییر، او اؤز آناز دگیل، بوگون- ساباح دا بیر اوشاغ گتیره‌جک، سیز ایشله‌یه‌سیز اونون اوشاقلاری ییه.
آلماسین داواری، مالی، کهر آتلاری وار، دنیا مالی لحاظیندان کِیفی ساز ایدی.
ائله کی خالالاری اوشاقلارینی اؤگردیر مال- داوارا باخان اولمور، اوغلانلاری داوارلاری آپاریب آجی به سوسوز بیر داشلی- قوملو چایلاقدا یاتیردیرلار، آخشامدان آخشاما گتیریرلر کنده طویله‌یه سالیرلار. بیرگون آلماسین کندده اولان باجیسی باغلارینا گئدنده گؤرور آلماسین بؤیوک اوغلو مال- داواری چایلاقدا آج به سوسوز یاتیردیب اؤزو ده چیخیب بیر بؤیوک داشین اوستونده اود یاندیریب، چای قویور. عمه‌سی اوغلانی چاغیریر دییر:
– آی بالا بو مال- داواری بوردا آج ساخلما، اؤتور قوزئیده اوتلاسینلار،آلله-ا خوش گئتمز، گناهدیر.
جوابیندا اوغلان دییر:– آی عمه! من ایشله‌یه‌جاغام آیریسی یئسین؟! من اؤگئی قارداشا، اؤگئی آنایا مال ییغاجاغام؟!
عمه‌سی بو سؤزو ائشیدیب برک ناراحت اولور، گلیب بو سؤزو قارداشی،آلماسا دییر:
-سنین بؤیوک اوغلون بئله بیر ایش گؤرموشدو، من دئدیم گناهدیر، منه بئله جاواب وئردی. قارداش، اوشاقلارینا اوتور نصیحت وئر، او خانیم دا یازیقدیر شهردن گلیب بوردا سنین هر چتینلیکلرینه دؤزور. اوغلونون سؤزلرینی ائشیدیب بیلسه، او دا اورکدن ناراحت اولار، اونون دا سنین مالینا جانی یانماز.
آلماس همن گونون آخشامی گؤرور اوغلو ایکی داوارین باشینی کسیب، کنده گتیردی. آلماس اوغلونا دئدی:
– بو داوارلارا نه اولوب؟ نیه باشلارینی کسمیسن؟
اوغلو دئدی:
– آتا بونلاری ایستی وورموشدو. گؤردوم اؤلوب مُردار اولاجاقلار اونا گؤره باشلارینی کسدیم کی، هیچ اولمازسا اتلری یئییلسین، مردار اولماسین.
آمما آلماس حال قضیه‌نی یاخشی بیلیردی، باجیسی اونا دئمیشدی، آنجاق اوستو اؤرتولو اوغلونا بیر آز نصیحت وئریب، داها آیری سؤز دئمه‌دی.
اول ایل مال- داوارین یاریسیندان چوخو آجیندان، سوزوندان قیریلدی. آلماسین اوشاقلاری دا هیچ بیری مال وارلیقلارینا جان یاندیرمادیلار. آلماسین هر نه‌یی وار ایدی دؤرد ایلین ایچینده الیندن چیخدی.
اوغلانلاری آلماسدان آیریلیب گئدیب ائولندیلر، قیزلاری دا اره گئتدی. قالدی بیر آلماس بیر قوجالیق بیرده بالابگیم. اون ایله قدر بالابگیمین اوشاغی دا اولمامیشدی. بیرگون بالابگیم بیلیر کی، بطنینده اوشاغی واردیر. سئوینیردی کی اوشاغیم اولاجاق تکلیکدن چیخاجاغام، منیم ده الیمدن یاپیشانیم اولاجاق. او گون کندلیلردن بیری بالابگیم- ین قارداشینین اؤلوم خبرینی گتیردی.
بالابگیم ائشدیب برک ناراحت اولدو. اورکدن آغلایا- آغلایا الینی گؤیه گؤتوروب آلله-ا دئدی:
– الهی من کیمه تاوان وئریرم؟! نیه بس منیم اوزومه گون دوغمور؟ آنامی، آتامی، باجیمی، اوشاقلاریمی مندن آلدین. ایندی بیر قارداشیم قالمیشدی اونو دا منه چوخ گؤردون ؟سنه شُکرلر اولسون آلله بئله بنده ساخلاماغا نه وار؟!
بالابگیم بئله سؤزلر دییب آغلاییر، سیزلاییر غربت یئرده، آدامسیز غریب بیر انسان…
گونلر کئچدی بالابگیم بیر گؤزل اوغلان اوشاغی دنیایا گتیردی. اما آلماسا هم قارداش اولوب، هم خانیم اولوب، هم اوغول اولوب گئجه- گوندوز بالابگیم چالیشیر ایشلییر. یاواش- یاواش مال داواری زحمتلرینین گوجونه اله گتیردی، اوغلو دا بؤیویوب یاواش- یاواش اللریندن توتور. بیر گون قیش فصلیدیر، چیلله گئجه‌سی. هاوا یامان بوراندیر. بالابگیم کورسونون اوستونه یئمه‌لیدن، قووورقادان قارپیزدان قویوب قوقو چیراغی دا ائولرینین طاقچاسیندا یانیر. بیردن گؤردولر قاپی دؤیولدو. تاق تاق تاق …بالابگیم ایسته‌دی دورا آیاغا، آلماس قویمادی. دئدی، اؤزوم گئدیب قاپینی آچارام. حیطلری بؤیوک کند حیطی دیر دا، آلماس دوروب قاپییا گئتدی. یئتیریب قاپییا دئدی:
– قاپی دؤین کیمسن؟
باجیسی گوله- گوله سسلندی:– منم قارداش، قوناق ایسته‌میرسیز ؟
آلماس سئوینیب قاپینی آچدی، دئدی:
– نیه ایسته‌میریک! سندن ده عزیز قوناق؟! گئچین گلین ایچرییه، هاوا چوخ سویوقدور.
باجیسی حیطدن سسله‌ییر:

نوشته شده توسط admin در شنبه, ۱۱ دی ۱۴۰۰ ساعت ۹:۵۸ ق.ظ

دیدگاه


− 4 = چهار