هرنه توکسن آشینا اودا چیخار قاشیغینا

حاضیرلایان: اکبرسعادت
آنا دیلیمیز: بیر قوجانین احمد آدیندا بیر اوغلو وارایدى? اوغلان ناخیرچیلیق ائله ییردى۰ بیر گون کوچه ده یولداشلارى اونو آلدادیب دئدیلر:اده? سنین یولداشلارین هامیسى ائولنیب? بس سن نیه ائولنمیرسن؟ ایندى گئدرسن ائوه? آتانا دئیرسن سنى ائولندیرسین۰ اؤزى ده پادشاهین قیزینى آلسین۰ او ساعات آتان گئدیب پادشاهین قیزینى سنه آلاجاق۰احمد هم جوان? همده هر سوزه اینانان ایدى? او اوشاقلارا ایناندى۰ آخشام ائوه گلن کیمى آتاسینا دئدى:آتا? بو ساعات گئدیب پادشاهین قیزینى منه آل۰
قوجا دئدى:بالا? سن بالاجاسان ائولنمک واختین دگیل? بیرده بیر کاسیب آدامیق? پادشاه قیزینى سنه وئرمز۰
احمد آتاسینا دئدى:من هئچ زاد بیلمیرم? بو ساعات ائلچى گوندر۰ پادشاهین قیزینى منه آل۰ آلماسان هامینیزى قیراجاغام۰
قوجا جانینین قورخوسوندان پادشاهین یانینا ائلچى گوندردى۰ ائلچى گلیب ائلچى داشینین اوستونده اوتوردو۰ او ساعات گئدیب پادشاها خبر وئردیلر کى? بیر نفر گلیب ائلچى داشینین اوستونده اوتوروب? پادشاه امر ائله دى گئدیب ائلچینى گتیردیلر۰پادشاه اوزونو ائلچیه توتوب سوروشور:بیزه گوره نه قوللوق؟ائلچى پادشاها تعظیم ائدیب دئدى:
پادشاه ساغ اولسون? سنین قیزینى بیزیم یوخسول قوجانین اوغلو احمد ایسته ییر۰پادشاه بیر قدر فیکره گئدندن سونرا ائلچیه دئدى:چوخ عجب? گئدیب اوغلانى منیم یانیما گتیرین گوروم منیم قیزیما یاراشاندیر? یا یوخ۰
ائلچى پادشاها باش اندیریب کور¬پئشمان گئرى قاییتدى۰ گلیب پادشاهین دئدیگینى قوجایا نقل ائله دى۰ائلچیدن بو سوزلرى ائشیدنده قوجانین قورخودان دیزلرى توتولدو۰ اوغلونو یانینا چاغیریب دئدى:اوغول? بیزیم باشیمیزى بلایا سالدین? پادشاه سنى یانینا چاغیریر۰احمد بو سوزو ائشیتجک سئوینه¬سئوینه دئدى:نه ائتمک? بو ساعات گئدرم۰
آتاسى احمده چوخ یالواردى? یاخاردى? ایلان دیلى چیخارتدى دئدى: بالا گل بو ایشدن ال چک۰ او پادشاهدیر? چوخلو مال? پول ایسته یه جک? بیزیم هئچ نه ییمیز یوخدور۰ احمد قولاق آسمادى? یوللانیب پادشاهین یانینا گئتدى? تعظیم ائدیب دئدى:
پادشاه ساغ اولسون? من سنین قیزینا ائلچى گوندرمیشدیم? سنده دئمیشدین کى? اوغلان اوزو گلسین گوروم منیم قیزیما لایقدیر یوخسا یوخ? ایندى من گلمیشم۰پادشاه گوز اوجو اونو سوزدوکدن سونرا دئدى:چوخ یاخشى? من قیزیمى وئررم۰ آنجاق گرک قیرخ مرتبه لى ائو تیکدیره سن? ائوى تیکدیره بیلمه سن بوینونو ووردوراجاغام۰احمد پادشاها تعظیم ائدیب? باش اوسته دئییب ائولرینه گلدى۰احمد ائولرینه گلیب آتاسینا دئدى:آتا? پادشاه قیزینى منه وئریر? آنجاق دئییر کى? قیرخ مرتبه لى بیر ائو تیکدریمه لیسن۰کیشى بو سوزلرى ائشیدن کیمى دئدى:آى بالا سن قیرخ مرتبه لى ائوى نئجه تیکدیره بیلرسن؟احمد دئدى:آى کیشى? قیرخ مرتبه لى ائوى تیکدیرمگه نه وار? بیر آیین ایچینده ائوى تیکدیررم۰ ایکى جونگه میز وار? بیرینى ساتاق پولونا پادشاه ایستدیگى ائوى تیکدیرک والسلام شد تمام!کیشى گوردو اوغلى بو باره ده هئچ نه باشا دوشمور? دئدى:اوغول? قوى سن دئیه ن اولسون۰ آپار جونگه نین بیرینى بازاردا سات? گتیر پولونا قیرخ مرتبه لى ائو تیکدیرک۰احمد تئز دوروب جونگه نین بیرینین باشینا ایپ سالیب بازاردا ساتماغا آپاردى۰ایندى سیزه کیمدن خبر وئریم? بازار لوطولاریندان۰ سن دئمه شهر بازاریندا یئددى لوطى جماعتى آلداداراق? شئیلرى چوخ اوجوز قیمتله آلیب اؤز آرالاریندا بولرمیشلر۰ هامان لوطولار بیر¬بیریله سوزلشرلرکى? احمد ایندى بازارا جونگه گتیرجک۰ اونو چپیش آدى ایله آلدادیب آلاق? آپاریب کسیب یئیه ک! لوطولار بو قرارا گلیب هره سى بازارین بیر کونجونه چکیلدى احمد جونگه ى بازارا گتیرن کیمى او ساعات لوطونون بیرى گلیب دئدى:آى اوغول? بو چییشینه نه وئریم؟احمد جواب وئردىکى? اده گوزون گورمور? کور دییلسن کى? بو چپیش دگیل? جونگه دیر۰سونرا ایکینجى لوطى اوزونو یئتیریب دئدى:بو کئچى بالاسینا آلتى شاهى وئریم؟احمد ایکینجى لوطونون دا یانیندان سووشدى۰ بئله¬بئله احمد آلتى لوطودان سووشدى۰ لوطولاردان بیرى جونگه یه آلتى شاهى? او بیرى اوچ شاهى? بئله¬بئله قیمت قویاراق جونگه نى احمدین الیندن آلماق ایسته دیلر۰ یئددینجى لوطى نین یانیندان کئچنده او دا دئدى:اده گتیر املیک کئچى بالاسینا ایکى شاهى وئریم? آپاریم اوشاقلار اویناتسینلار۰
احمدین لوطولارین کله کیندن خبرى یوخ ایدى۰ او جونگه نى اوچ شاهیا ساتیب بیر شاهى سینادا بازاردا چورک آلیب یئدى۰ ایکى شاهى سینى ائولرینه گتیردى۰احمد ائوه گلن کیمى آتاسى ایله دعوا ائله مگه باشلادى کى? سن منه جونگه عوضینه چپیش وئرمیشسن۰۰۰کیشى او ساعات باشا دوشدو کى? لوطولار اونو آلدادیبلار اودورکى دئدى:عیبى یوخدور اوغلوم لوطولار سنى آلدادیب جونگه نى چپیش عوضینه اوجوز قیمته آلیبلار۰ من اونلاردان عوضینى چیخارام۰کیشى صاباحى تور گوتوروب اووا گئتدى۰ ایکى دوشان توتوب ائوه گتیردى۰ دوشانین بیرینى حیطده باغلادى? او بیرینى قوجاغینا آلیب بازارا آپاردى۰ آروادینا دئدى:سن خورک بیشیر۰ بوگون ائوه قوناق گله جک۰ من گئدیرم بازارا قوناقلارلا ائوه گلنده سندن خبر آلاجاغام کى? آى آرواد? خورک بیشیرمى سنمى۰ سنده منه دئییرسن کى? آى کیشى? دوشان گلیب منه دئدى کى? آقامین قوناغى وار بیر آز خورک بیشیرسین? منده بیشیردیم۰ خورکدن سونرا من بیر شئیى بهانه ائدیب سنینله دعوا ائلیه جگم۰ حرصله یب سنین بوغازینى یالاندان کسه جگم۰ سنده او ساعات ییخیلارسان۰ ائله کى? من سنین قولاغینین دیبینده توتک چالدیم۰ اوندا قالخارسان? سونرا بیر اوزون باغیرساغا قیرمیزى رنگ دولدوروب آروادین بوغازینا باغلادى۰ اوزوده دوشانى گوتوروب بازارا گئتدى۰قوجا بازاردا “آى خبرچى دوشان آلان? آى خبرچى دوشان آلان” دئییب جار چکدى۰ تئز لوطولار کیشینین باشینا ییغیلدیلار? خبر آلدیلارکى? دوشانین خبرچیلیگینى یوخلاماق اولارمى؟قوجا دئدى:نیه اولمور۰ باخ بو ساعات من اونا سؤز تاپشیرا جاغام گئدیب ائوده آروادا دئسین? اودا گئدیب دئیه جک۰او ساعات لوطولاردان بیرى قوجایا دئدى:ایندیکى ائیله دى? اوندا گل یوخلایاق۰
قوجا بونا راضى اولوب دوشانا دئدى:دوشان? گئت آروادا دئه کى? قوناغین وار? بیر آز یئمک بیشیرسین۰
کیشى دوشانى بوراخان کیمى او قاچیب گوزدن ایتدى۰ بیر آزدان سونرا قوجا ائوه گلیب آروادیندان سوروشدو:
آى آرواد? قوناغیم وار? خورک بیشیرمیسنمى ؟ آرواد دئدى:البته بیشیرمیشم? دوشان گلیب دئدى کى? آقامین قوناغى وار? بیر آز خورک بیشیر? منده بیشیردیم۰
لوطولار گوردولر دوشان گلیب حیطده اوت یئییر۰ او ساعات کیشى لوطولارى ائوه چکدى اوتوردولار۰ آرواد سفره سالدى۰ خورک گتیردى? بونلار خورک یئیه¬یئیه دوشانین قیمتینى خبر آلدیلار۰ کیشى دئدى:
بالا? من او دوشانا ایکى اوزو آغیرلیقدا قیزیل وئرمیشم۰ آنجاق سیز اوزوموزونکوسوز? سیزه اؤز آغیرلیغیندا قیزیلا وئررم۰لوطولار بونا راضى اولدولار۰ خورکدن سونرا دوشانى اوزو آغیرلیغیندا قیزیلا آلدیلار۰ بو زامان کیشى آروادینا چاى قویماغى تاپشیردى? آروادى چاى قویماغا گئج ترپندى? کیشى یالاندان حرصله نیب قوناقلارین یانیندا آروادینى یئره ییخیب گویا باشینى کسدى? بونو گورن لوطولار دئدیلر:آى کیشى سن نه قاییردین۰ آروادى نیه اولدوردون؟
قوجا حالینى پوزماییب دئدى:عیبى یوخدور آى اوغول? بونون باشینى گونده آجیغیم توتاندا بیر نئجه دونه کسیرم? یئنه ساغالدیرام۰ اونون علاجى منده دیر? باخ بو توتگى چالان کیمى آرواد دیریله جک۰ چونکى بو اولو دیریلدن توتکدیر۰ دئییب آروادین قولاغینین دیبینده توتگى چالدى? آرواد تئز دیریلیب آیاغا قالخدى? لوطولار بو ایشه معطل قالدیلار۰ اونلار بیر قدر قیزیل وئریب توتگیده آلیب گئتدیلر۰ائله کى? لوطولار گئتدیلر قوجا آروادینا دئدى:آرواد? صاباح لوطولار قاییداجاق۰ من گئدیرم قبرستانا? اونلار گلنده دئییرسن کى ائله سیز او طرفه گئدن کیمى کیشى اولدو۰
لوطولار بازارا گلیب دوشانى ائوه بوراخدیلار? دوشان قاچیب گوزدن ایتدى? لوطولار ائوه گلیب گوردولر کى? دوشان یوخدور۰ او ساعات آروادلارینى یئره ییخیب? باشلارینى کسدیلر? سونرا نه قدر توتک چالدیلارسا آروادلار دیریلمه دیلرکى? دیریلمه دیلر۰
قوجانین الیندن حرصله نن لوطولار تئز کیشىنین ائوینه گلدیلر۰ قاپیدان ایچرى گیرن کیمى قوجانین آروادى دئدى:
آى اوشاقلار! سیز بیزدن گئدن کیمى قوجا اولدو? آپاریب باسدیردیلار۰لوطولار اوردان دوز گئتدیلر قبرستانلیغا گوردولر کیشى اورادا گیزلنیب? احوالاتى قوجایا دانیشدیلار۰قوجا دئدى:بالا نه اکمیشدینیز اونودا بیچدینیز۰ سیز منیم جونگه مى چپیش آدینا اوشاغى آلدادیب آلدینیز۰ منده عوضینى چیخدیم۰لوطولار ایسته دیلر کیشى نى دویسونلر۰قوجا دئدى:
اگر آرتیق اسکیک دانیشسانیز گئدیب شاها خبر وئررم کى? لوطولار آروادلارینى اولدوروبلر۰ او ساعات سیزى دار آغاجیندان آسدیرار۰لوطولار قورخودان کور? پئشمان چیخیب گئتدیلر۰صاباحى گون قوجا بنالارى چاغیرتدیریب ائو تیکدیرمگه باشلادى۰قیرخ مرتبه لى ائو حاضر اولان کیمى احمد پادشاها خبر گوندردى کى? پادشاهین ایسته دیگى ائو حاضیردیر۰ ایندى اودا اوز سوزونون اوستونده دوروب قیزینى وئرسین۰ پادشاه? وزیر? وکیل گلیب باخدى ائوى بگندیلر۰ پادشاه سوزونو گئرى گوتوره بیلمه دى? قیزینى احمده وئردى۰