نیه داها گولمورسن

نیه داها گولمورسن

حاضیرلایان:اکبرسعادت
آنادیلیمیز:دئییرلر سون آیین سئوداسی سونسوز اولدوغو اوچون بیرجه دونیا گوزلی اولان بیر قیزین گوزلرینه اوز موهورونو قویور بلکه گونش اوز موهورونو گوزلرینه قویدوغو بیر اوغلانلا سئودالاشدیقدا بیربیرینه چاتسینلار. بئله لیکله ده او سیری باشا چاتمایان سورگونه سون قویولسون…
ایندی بیر نئچه جاوانا سورگون بویرولور. اولماسین صاباح بوتون وار- یوخوموزا سورگون بویورولسون. اوندا نه دئیه ک؟ اونلاری، دئیه ک هانسی قارانات چکیر آپاریر؟ سیز درس اوخویون من ساوادسیزادا دئیین بو نه درددیر درمانیمیز نه دیر بیلدین؟ … آمما هئچ واخت دئمیین کی سون آیین سئوداسی یالان دیر… هامی بیلیر کی تانیری، دونیانی و هابئله اینسانی یاراتمامیشدان قاباق عشقی یارادیبدیر. اون سوز گئجه نی ، گوندوز و گوندوزو گئجه ائتمک اواماز. مه یه اولار اون سوز پاییزی قیش ، قیشی یاز ، یازی یای و یایی پاییز ائده سن؟ اصلا مه یه اینسان سئوگی سیز گوله بیلر.؟ سئوگی نه دئمک دیر؟ دئییرلر اولو تانری دونیانی و اوزللیک له اینسانی یاراتمامیشدان اونجه سئوگی نی یارادیبدیر. بئله لیک له سئوگی ایلاهی یارادیجیلیق و ازلی و ابدی دیر. سئوگی تانریدان اوزل بیر پای دیر تام یارادیجیلاقلارا و بام باشقا اینسانا. منجه سئوگی دیر آل قانی دامارلاردا گزدیدیر. سئوگی دیر اینسانی دیرچلدیر روح باغیشلاییر یاشام وئریر و حرکته سالیر. سئوگی دیر اوره یی چیرپیندیریر ، سئوینج وئریر ، اینسانی گله جه یه موتلو ائدیب ایناندیریر. سئوگی توکنمز پای دیر . اولوم سوز یارادیجی دیر.
سئوگیدن، هر گون یازیلیر. دونن بیری سیخیلان کیمی ایدی، سوروشدوم؛ “نَییندی؟- “هئچ دئدی” او دیری باش بیری ایدی. هلم-هلم ایچریسین ائشییه توکمزدی. اونون هئچ دئمه یینه باخمایاراق، حالیندان نئجه اولدوغو بللی ایدی.
دئدیم؛ “دای گولمورسن، دولاشمیرسان، باش-باشا قویمورسان؟!” ایستیردیم سوزون باشین آچا. اونو بو گونه سالان اولای اولموشدو! نه اولدوغو منی ماراقلاندیریردی. نییارانچیلیغیم ایله مارقلانماغیم، الیمدن گلسه، الیندن توتماق ایدی. اونون اوچون ده، دئدیم: “دئمیرسن دئمه، آنجاق فیکر ائلیرسن الیمدن بیر ایش گله بیلر، دئگینن.” دونموشدوم گلیردیم، دئدی: “هئچ کیمین الیندن گلن بیر ایش دئییل، اورک ایشی دیر”. دئدیینی اوندان ائشیتمزکیمی، “اورکدن دانیشارمیشسان دئمه لی! اوریه اینانیرسان آخی، هاردا قالسین دانیشماغینا؟” گولدو. “اولا بیلر، هئچ کیم ایله اورک آلیش وئریشیم اولمایا، آما منیم ده بیر اورییم اولدوغونو یاددان چیخارما” کدرله-گولوش اوزونده بیرلشرکرن دئییردی. بوندان آرتیق ایستمیردیم ائشیدم. گویول قونوسوندان باشیم چیخمادیغی اوچون، یالنیش یونلندیرمییم دئیه، سوزون دالیسین توتمادان، دئدیم؛ “ایشیم وار” اوتاغیما دوندیم. اوتاغیما یئتیرمه میشدیم، منه سسلندی، “سوزون باشین آچدین، سونونا دک، قولاغ آسمالیسان!”. دئدیم؛ “دوشوندوم اوزل قونو اولدوغو اوچون ایلگیلنمه-ییمی بلکه ایستمه-دین!”. دوزون سوروشسانیز، بئله بیر قونولاردان چوخ قورخارام. بیز بیر یول قویاریق، یولون دوز ترسینی سئچرلر. اونلار اوچون سایغیلی اولساق، اورکلرینده ساخلاییب، واقتیندا اوزه چیخارارلار. سایغیلی اولماساق، ایلگیلری باشلانمادان، ایلگیلرینی دوزلتمک اوچون سنی خرجله-یرلر. اونون اوچون ده، بو قونولارا بولاشمایانلار، قولاقلاری دینج اولار. دئدیم؛ “سوزلریوی ائشیدجه-یم، آنجاق بیر سوز وئرمه-لیسن، کیم اولدوغونو دئمییب، نارینلیقلارینا گئچمیه سن!” گولدو، “قورخما اوزوم اوچون اولسا بئله، سوزلرین چوخونو آتلییاجایام”. باشلامیشدی دانیشماغا: -بیلیرسن، ائولیلیگه، سئوگی-یه نئجه باخدیغیمی. یان-یوورمیزده بیر چوخ سئوگیلنن-لر واردیر، وار ایدی. بئله بیر سوزلردن دانیشان-لاری هر کسدن چوخ من اله سالاردیم. منیم ده بیرلریندن خوشوم گلردی، آنجاق سئودالانمازدیم. تکجه خوشوم گلمده قالاردی. خوشوم گلنلردن بیرینی، تئز-تئز گورردیم. هر گوردویومده ده، اونلا دانیشمادان، ایلگیلنمه دن سوووشمازدیم. یاواش-یاواش بو ایلگیبنمک-لره آلیشقانلیق تاپمیشدیم. ایشلریمی اونو گورمک ایله دوزنله-مه-یه باشلامیشدیم. ایکی-اوچ گون گورمینده اونا داریخاردیم. بئله ایلگیلنمه-ییم البت قارشیلیقلی ایدی. هئچ اولماسا مندن بو دویغونو یاراتمیشدی. گولنده، گولوم آچیلیردی. سسی هر موسیقیدن چوخ، منی کئفلندیریردی. اونونلا دانیشیغیمدا داورانیشیمدا، حددن آرتیق گوزلویوردوم. ایستمیردیم، دئدیییم سوزلر ایله گوردویوم ایشلرین هئچ بیرینده اونا توخونان-لار اولا. ایلیشگیمیز ایرلیلمیشدی. گوروشمدن چیخیب، تئلفونلاشمایاجان چکیلمیشدی. خوشلوغو بوردایدی، هئچ کیم ایلگیمیزدن، هئچ نه بیلمیردی. البت، ایلگیمیزدن اوزوموز ده هئچ نه بیلمیردیک. هر ندن دانیشیردیق، تکجه دانیشمادیغیمیز قونو، ایکیمیزه گوره ایدی. سانکی ایکیمیز ده بئله بیر دوروما راضی ایدیق. اونو گورنده، اورییم اوزونده اولموردو. اورییم دولو ووروردو. تئز-تئز ووروردو. اللریم تیترییردی. باخیشلاری، گوزومده یوخ، اورییمده اوتوروردو. هئچ کیم ایله پایلاشمیردیم. سن بیلن، سئودالانمیشدیم. سئودالانماق ایکی باشلی ایدی. آرامیزدا اولمایان تکجه شئی، جسارت ایدی. بیلمیردیم سئودا آغیللی-اوسلو داورانماغی گوتورمز. دلی کیمی داورانمالی ایدیم. یا دا دلی کیمی داورانملی ایدیق. ایکیمیز ده آغیللی-اوسلو داورانماغی سئچمیشدیک. بئله بیر ایلیشگیمیزین باشلانماغیندان ایل یاریم گئچیردی. اوزومو، سیناوا چکیم دئیه، سئوگیم برکییب دئیه، ترسه داورانماغا باشلادیم. آغیر باش اولموشدوم. اورییم ایسته-یینه باخماییب، گوروشلریمیزی هفته-یه چاتدیرمیشدیم. تئلفونلارینا دا آغیر جاواب وئریردیم. آرامیزدا سئوگیلنمک قونوسو آچیلمادیغی اوچون، نییه بئله داورانمادیغیمی دا سوروشانمیردی.
گئتدیکجه گوروشلریمیزین آراسی چوخالمیشدی. ایکی هفته-دن بیر یولا چاتمیشدی. اورییمین دویونتوسو قالیردی. گوروشنده، بیر-بیریمیزه سوز سالیردیق. سوز سالمالار، باخیشلاریمیزین ائتگیسینی آلمیشدی. گویوللار قونشو یونلره اوچوردو. قونشودا ایشین بیلن بیر قوشباز، گویوللری لای-لایا بیلردی. قونشولار لای-لایانمادیلار. آنجاق سئوگیمیز اوچوب گئتمیشدی. سوزون قیساسی، سئوگی قوشا بنزر، لایلارسان قونار، دنین سویون وئرمسن، اوچوب گئدر. سوزلری قورتولموشدو. آجی گولوردو. من ده هوروت-هوروت باخیردیم. دونیادان دانیشاندا آغیللی باشلی اولماغی وورغولایاردیق. اورکدن دانیشماغا سوزوموز یوخ ایدی. دانیشب-قورتولوب اوتورموشدو. “من تانیدیغیم بیری ایدی گورسن سئودالاندیغی قیز؟!” اوز-اوزومه دوشونوردوم. ایش یئریمیزده اولان قیزلاری بیر-بیر خاطیریمدن گئچیردیم. اونا یاراشدیرانمادیم بیرینی. ایش یئریمیزدن قیراقدا اورتاق تانیدیغیمیز قیزلار یوخ ایدی. ندن او قیزی آختاردیغیمی دا بیلمیردیم. ایش-بیرلرین بیری خبر گتیردی، “دئییرلر آذربایجان طرفینده بیر زلزله اولوب ۵/۷ ریشتئرده”.

نوشته شده توسط admin در چهارشنبه, ۰۲ تیر ۱۳۹۵ ساعت ۴:۲۷ ق.ظ

دیدگاه


پنج × = 40