- آراز آذربایجان – روزنامه خبری آذربایجان غربی - http://www.araznews.ir -
منیم ده بیر سئوگیلیم وارایدی
Posted By admin On خرداد ۱۱, ۱۳۹۴ @ ۵:۰۱ ق.ظ In آنادیلیمیز | No Comments
رضا غفاری
آنا دیلیمیز: شهرین هر گؤنکو اوزونو گؤرمکدن یورولموشدو.ایستر – ایستهمز دنیز قیراغینا دوغرو گئدیردی.دووارلار قورو هیکللر کیمی بیری بیرینهسؤیکنمیشدیلر. کوچهلرین قورو و اؤلموشتورپاقلاری گوموش کیمی پاریلدایان شئحقوملارا دویونلنمیشدیر. سرین یئل اسیردی.دالغالار ایمکلهیه – ایمکلهیه، ساحیله باش وورانقاییدیردی. آیاقلارینین اوجو ایسلاناناقدرایرهلی گئدیب دایاندی. سویون اوزونده بیرقارالتی گؤرونوردو، او ساکت جه سینه دالغالاریاوزهرینده اوزانمیشیدی. بیر آز اونا توموب،دنیزدن نئچه آددیم اوزاقلاشدی. اوزاقلاردا ماویلر قوووشدوغو یئرده گونشینسویا جوموب بوغولماغینا باخیب گؤلومسهدی.دنیزه ساری دؤننده یئنه گؤزو او قارالتی یاساتاشدی.
»گؤرن کیم ایمیش بو؟« سورغوسوگؤزلرینده اوخونان کیمی دوداقلاری نینبوزولمهسی اعتناسیز »نه بیلیم« جوابینیبیلدیردی. آمما بیر آز تئز گلسهایدیم بلکه اونو گؤرردیم -دئییه فیکیرلشدی گنج بیر اوغلان گؤزلرینیناؤنوندهایدی، او قوملارین اوستونده یالقیزاوتوروب دیزلرینی قوجاقلامیشدی. خورماییتئللرینی یئل پؤزوب چاتما قاشلاری ییغیشیبتوتقون قیافهسینی آرتیق کدرلی گؤستریردی، آلاگؤزلری وورولموش مارال گؤزو کیمیخومارلانیب غملی باخیشلاری اوزاق نوقطهیهدیکیلمیشدی.
بو کیم ایمیش – دئییهایچهریسینده دانیشیردی.هانسی کؤرپونون آلتیندا بوغوب سویا وئریبلرگلیب بوردان باشی چیخاریب… بلکهده دوشوببؤغولوب… بلکهده اؤزونو قوتارماقایستهمیشدیر… گؤزونون اؤنونده جانلانمیش گنج اوغلانا باخیبگؤزلریله سؤروشدو: نه غمه چؤلغانیبسان؟ دنیز بو گون چوخ گؤزل دیر!بیر آزدا اونا ساری گئدیب لاپ یاخینیندا یئرهاؤتوروب ایچهریسینده دیله گلدی: – من بو یئرده غریبم، وطنیمدن آیری دوشدویومهیامان داریخیرام. گؤزونون آلتی ایله اؤنا باخیردی، رنگیسؤلموشدو. آغیر بیر آجیدان عذاب چکدیییبللیایدی.
– سن نئجه؟ سن نییه داریخیرسان. بیر آز او سویوق هیکله باخدی، او هله دهسوسموشدو. – گؤروسن من نه راحات اورهییمین سؤزونو سنهآچیرام هله اورهییم دولودور. یوخسا اورهییمیزینسوزونو بیری – بیریمیزدن گیزلتمهیه گلمز. دالغالارین دهشتلی سسی هر یئری بوروموشدو.سرین یئل سوزالمیش گونشین ساچلارینیاوزاقلارداکی لپهلر اوسته داغیتمیشدی. گنج اوغلانین پاک اورهیینین دؤیونتولرینیدویوردو. اؤنو اؤزونه یاخینلاشدیرماق اوچونپیچیلدادی: – بیر آی بوردا قالمالییام، اوز شهریمیزه یئتیشنگؤن تؤی – دویون باشلاناجاق؛ سنیده بیر دوستکیمی تویوما چاغیرسام گله جکسن می؟ آجی بیر گولوش سویوق هیکلین دوداغینینبوجاغیندا قورودو. آستاجا سؤروشدو: – آداخلی سانمی؟ – هه آداخلییام، گؤزلهیهنیم وار، سن نئجه؟ گنج اوغلان اؤوجونون آرخاسی ایله گؤزونونبوجاغیندان آخان غم دامجیسینی سیلیب دؤنوبباخدی، باخیشلاریندا حسرت دالغالانیردی.
آخشامین سرین یئلی نارین قوملاری اوزونهووروردو، اؤ قونور کؤینهیینین قوللارینیقاتلایاراق دئدی: – منیم ده بیر سئوگیلیم وارایدی… بارماغی ایله قوملاری یازیردی. باشینی قالدیریبچوخورا دوشموش گؤزلرینی دنیزه دیکهرک:- اؤنون ماوی گؤزلری ایستی ساحیلده ایکیتایدا دنیزه آچیلان بیر پنجره کیمی ایدی، او آغیربیر خستهلیکدن عذاب چکیردی، من بونا دؤزهبیلمیردم. هاوا آغیرلاشیردی؛ طبیعت گؤزللیکلر توتوغونآرخاسیندان، قورخونج قیافهسینی اوزهچیخاریردی. اورهیینین آجی لیغی گؤزلریندهدؤیونوردو. ایچیندهکی هیجانلار اللریندهتیترهشیردی. گؤزلرینی گنج اوغلاندان گؤتوروبدالغالارین اوزونده قالان قارالتییا دؤندردی. »کیمایمیش« – دئییه فیکیرلشیب بیر آز اوجادانسسلندی: آمما سن درد ایچینده بیشمیش آداملارااوخشاییرسان، گرکدیر چتینلیکره اؤیرهنمیشاولاسان. آستاجا »اؤیرنمیشم» دئییه پوزغون ساچلارینیگؤزونون اونوندن یانا چکن گنج اوغلان بارماغینیدنیزه ساری توتوب دئدی: – او اوزاقلاری گؤروسن می؟ من هر آخشامساعاتلار بوردا اؤتوروب، او اوزاقلاردا لپهلننکیچیک دالغالارا گؤز دیکیمیشم. هر گون ساریتئللی گؤنشین دنیزده بوغولماسینی گؤرموشم.بیردن تعجبله دونوب باخاراق: – سن هارالیسان دئدی.ایچهریسنی هؤوشنه بورودو. سویوق بیر اوشوتمهاورهیینه اسدی. اونو اوز دردیایله تانیش بیلمهدیینیی آنلاییب استاجا دئدی: – اؤزگه دئییلم، من ده بو غم دنیزینینساحیللرینده یاشایانلاردانام. هله…دئدین اوخستهلیکدن جان قورتاردیمی؟ سازاقلی کولک گؤنشین سولموش تئللرینیدنیزدن اوزاق، قارانلیقلارا سؤووروردو. آجی بیرسس اونو دیکسیندیردی: – هه قوتاردی! اونو علاجسیزلیقدان آلمانیایاآپاردیلار. من مین اومودلا اونو یولاسادیم. اوچاقگویه قالخاندا اونا ال قووزادیم… اوچ هفتهگؤزلریم یولدا قالدی. بیر گون آخشام گون باتانچاغی آناسی گلدی، الینده بیر کؤینکدهگتیرمیشدی.
منی گؤرن کیمی گؤزلری دولدو.ایکیمیزده آغلاشدیق الینده کی کؤینهییگوستریب دئدی؛ بو کؤینهیی سنه آلمیشدی – بیرده دئمیشدی، سنه دئییم سون نفسلریندهده سنیاونوتمانیشدی. ایندی من نئجه اؤنو اونودا بیلرم؟ گنج اوغلانین گؤزلرینده یاش گیلهلندی، یانیقلیسینهسیندن درین بیر آه چکیب سوسدو. سویون اوزونده کی قارالتی ساحلیدناوزاقلاشیردی. سویون اوزهرینده گینه »نه بیلیم«دئیه جواب وئردی. آیاقلاری ایسلانمیشدی.دالغالار آیاغینین اوزونده آریییب قوملارلاپیچیلداشیردی.
شهره ساری دؤنوب. ساحیلدناوزاقلاشدی. سماسیز اوزای بوغونتو بیر قارانلیقایچینده ال – آیاق چالیردی، دنیزدن حزین بیراوخوماق سسی ائشیدیلیردی: اوچوبدور سئوگیلیم جنت باغینا /اونونلا من قاناد چالا بیلمهدیم آلا گؤزلرینی یومدو دونیادان/نئیلهییم قاداسین آلا بیلمهدیم گلدی وای خبرین غریب اؤلکهدن /گؤرسهیدیم دئیردیم هارا گئدیرسن دؤیونجا گؤرمهدیم جمالینی من /قولومو بوینونا سالا بیلمهدیم سئودا گویلرینده بولودا دولدون /آچیامیش غنچه تک سارالیب سؤلدون بیلمیرم هارایا کؤچمهلی اولدون/سن سیز بو دونیادا قالا بیلمیرم یئنه ده اورهیی چیرپینماغا باشلادی، دؤنوبساحیله باخدی. ساحیلدن اوزاق سویق اوزونده بیرقارالتی ساکت جهسینه دالغالارین اوزهریندهاوزانمیشیدی.
گؤرن کیمایمیش؟ دوداغی آلتیندا»نهبیلیم« دئییب، قورو تورپاقلی کوچهلریندؤنگهلرینده گؤزلردن ایتدی. کوچهلرین سسسیزلییی هئچ نهیی خاطیرلاتمیردی
Article printed from آراز آذربایجان – روزنامه خبری آذربایجان غربی: http://www.araznews.ir
URL to article: http://www.araznews.ir/%d9%85%d9%86%d9%8a%d9%85%e2%80%8c-%d8%af%d9%87%e2%80%8c-%d8%a8%d9%8a%d8%b1-%d8%b3%d8%a6%d9%88%da%af%d9%8a%d9%84%d9%8a%d9%85%e2%80%8c-%d9%88%d8%a7%d8%b1%d8%a7%d9%8a%d8%af%d9%8a%e2%80%8c/
Click here to print.
Copyright © 2013 آراز آذربایجان - روزنامه خبری آذربایجان غربی. All rights reserved.