ملیک جمیلین حیکایه سى

کوچوره ن:اکبرسعادت
آنا دیلیمیز:بیرى وار ایدى? بیر یوخ ایدى. بیر پادشاهین اوچ اوغلو وار ایدى? بویوک اوغلونون آدى ملیک ممد? اورتانجیسى نین آدى ملیک جمشید? کیچیک اوغلونون آدى ملیک جمیل ایدى. بیر گون پادشاه خسته لندى.
اوله جگى اونا عیان اولدو? اوغلانلارینى جمع ائله تدیریب اونلارا وصیت ائله دى? دئدى:من اؤلنده ن سونرا اوچ گئجه منیم قبریمین اوستونده کئشیک چکرسینیز.پادشاد وصیت ائله ییب جانینى اوغلانلارینا باغیشلادى.
اوغلانلارى اونو کفن¬دفن ائله دیلر? ماتم ساخلادیلار. گئجه آرایا گلنده ملیک جمیل آتالارینین وصیتلرینى قارداشلارینین یادینا سالدى.
هئچ بیرى قاروول چکمک ایسته مه دى. ملیک جمیل اوزو اوخونو? یاینى? قیلینجینى گؤتوروب گئتدى آتاسینین قبرینین اوستونده قاروول چکمگه. گئجه نین بیر واختیندا گوردوکى? بیر قارا دونلو بودو نعره چکه¬چکه گلیر و دئییر:
اى پادشاه? تاختین تاراج اولسون? یهرین قانلا دولسون. بو ساعات گلیب قبرینده سنه جزا وئره جگم.ملیک جمیل بو سؤزو ائشیتجک بیر اوخ کامانا قویوب بونو نیشان آلدى. اوخ کاماندان چیخاندا آتلىنین سینه سیندن دگدى? اونو آتدان یئره سالدى. ملیک جمیل یوگوروب اونون باشینى کسدى. پالتارینى سویوندورب گؤتوردو.
آتى مینیب ائوینه قاییتدى. آتى مهتره تاپیشیردى? دئدى: بونو ائله بیر یئرده ساخلاکى? قارداشلاریمین بو آتدان خبرى اولماسین.
مهتر آتى آپاریب خلوت یئرده ساخلاماقدا اولسون? ایکینجى گون اوغلان یئنه آتاسینین قبرى اوستونده قاروول چکمگه گئتدى. یئنه هامان سؤزلرى دئیه¬دئیه آغ گئیینمیش آغ آتلى بیر آدام گلدى. ملیک جمیل اونودا اؤلدوردو. پالتارینى? آتینى گؤتوروب? آتى گتیریب مهتره تاپیشیردى. دئدى:بونودا او آتین یانیندا ساخلارسان.
ملیک جمیل اوچونجو گئجه قاروول چکمگه گئدنده گؤردو بیر قیرمیزى گئینمیش? قیرمیزى آتا مینمیش بیر آتلى گلدى. ملیک جمییل بونودا اؤلدوردو. پالتارینى سویوندوروب? گؤتوردو? آتینى دا آپاریب مهتره وئردى کى? ساخلاسین.
آتالارى اؤلنده بیرده وصیت ائله میشدى کى:من اؤلندن قیرخ گون سونرا اوچ درویش گله جک. قیزلاریمین هر بیرینى درویشلرین بیرینه وئررسینیز.قیرخ گون تمام اولاندا آتالارین سؤیله دیگى درویشلر گلدیلر. بؤیوک قارداشلار اورتانجیل قارداش هئچ درویشین اوزونه ده باخمادیلار.ملیک جمیل آتارلارینین وصیتلرینه عمل ائله ییب باجیلارینى درویشلره وئردى. درویشلر قیزلارى گؤتوروب اؤز ولایتلرینه قاییتماقدا اولسونلار.
سیزه خبر وئریم.قونشو پادشاهین اوچ گؤزل قیزى وار ایدى. بو پادشاه قیرخ آرشین ائنینده? بئش آرشین درینلیگینده بیر خندک قازدیریب? هر یئره خبر وئرمیشدى کى:هر کسین آتى بو خندکدن تولانسا? قیزیمین بیرینى اونا وئرجه یم.
وعده گونونده پادشاه خندگین یانیندا تاختینى قوردوردو? وزیر? وکیل? قیزلارى دا یانیندا تاختدا اگلشدیلر? هر شهردن جوان اوغلانلار? شاهزادالار آتلارى ایله بورایا توپلاندیلار.ملیک ممد ایله ملیک جمشید ده آتلارینا مینیب بورادا حاضیر دایانمیشدیلار.
ملیک جمیل ایسه قارداشلاریندان خواهیش ائله میشدى اونودا آپارسینلار. آمما قارداشلارى اونو آپارمامیشدیلار. قارداشلارى گئدندن سونرا? ملیک جمیل پالتارینى دگیشیب? آتاسینین بیرینجى دوشمنیندن سویوندوردوغو قارا لیباسى گئییب? قارا آتا مینیب? هامان معرکه یه گلمیشدى.
توپلاشانلار آتلارینى نه قدر چاپیردیلارسا? بیریده خندکدن سیچرایا بیلمیردى? هامیسى خنده گین اورتاسینا دوشوردولر. بیرده باخیب گؤردولر کى? قارا لیباس گئینمیش? قارا آتا مینمیش بیر اوغلان آتا بیر مهمیز ووروب خندکدن قوش کیمى سیچراتدى. خندگین او تاییندا آتینى پادشاهین قیزلارینین یانینا سوردو.
قیزلارین بیرینى ترکینه چکدى? آتا دگیب گؤزدن ایتدى. بونون کیم اولدوغونو هئچ کیم بیلمدى.ائرته سى گون یئنه پادشاه اعیان? اشراف توپلاندى? قیزلارى دا یانیندا شاهزادالار آتلارینى چاپدیلار? شاللاقلادیلار? هئچ بیرینین آتى خندکدن سیچرایا بیلمه دى.
ملیک جمیل آتاسینین قبرى اوستونده قاروول چکنده اله کئچیرتدیگى آغ لیباسى گئییندى? آغ آتا مینیب میدانا گلدى. آتى جؤولانا گتیریب? قوش کیمى خندکدن سیچراتدى? قیزین بیرینى ده گؤتوروب گئتدى.
اوچونجو گون یئنه پادشاه دسته ایله? خندگین اطرافینا گلدى. او ایسته ییردى کى? قیزلارینى آپارانلارى تانیسین. یئنه ده شاهزاده لردن هئچ بیرى آتینى خندکدن توللادا بیلمه دى. ملیک جمیل قیرمیزى پالتارى گئیدى.
قیرمیزى آتا مینیب گلدى? آتى خندکدن یئل کیمى توللاتدى? پادشاهین اوچونجو قیزینى گؤتوروب گئتدى. بونون کیم اولدوغونو هئچ کس بیلمه دى. او بیرى قارداشلار ایسه الیبوش? کور¬پئشمان ائولرینه قاییتدیلار.گئجه آرایا گلنده ملیک جمیل قارداشلارینا دئدى:سیز آتامیزین وصیتینه عمل ائتمه دینیز. من عمل ائله دیم? گئتدیم اوچ گئجه کئشیک چکدیم. آتامین دوشمنلرینى اؤلدوروب? لیباسلارینى? آتلارینى گتیردیم? باجیلاریمى درویشلره وئردیم. منه اوشاق دئییب? خندکدن سیچراتماغا اؤزونوزله آپارمادینیز. منده آتامین قبرى اوستونده قاروول چکنده اله کئچیرتدیگیم آتلارین هر گون بیرینى میندیم? گئدیب خندکدن سیچراتدیم? پادشاهین قیزلارینى گتیردیم.
ملیک جمیل بؤیوک قیزى بؤیوک قارداشینا? اورتانجیل قیزى اورتانجیل قارداشینا وئردى? کیچیک قیزى دا اؤزو آلدى. یئددى گون? یئددى گئجه توى ائله دى.
قیزلار ملیک جمیل آپاردیغینى هر قارداش بیرینى آلدیغینى پادشاها خبر وئردیلر? پادشاه ناراضى اولمادى. بیر گون پادشاه قیزلارینى? دامادلارینى باغا قوناق چاغیردى. بونلار ییغیشیب باغا قوناقلیغا گئتدیلر
بونلار باغدا عیش¬عشرتده ایکن بیرده گؤردولر گؤیدن بیر ال اوزاندى? ملیک جمیلین سئوگیلیسى هاوایا چکیب یوخ اولدو هاوادان بیر سس گلدى:
اى ملیک جمیل? بیل و آگاه اول? آروادینى آپاران اوچ توکلو کوسادى.ملیک جمیلین آروادینى اوچ توکلو کوسا آپاراندان سونرا هامى مایوس اولدو. آداملار داغیلیب گئتدیلر.
آروادلاردا ائولرینه قاییتدیلار. ملیک جمیل مهترین یانینا گلدى. آتلاردان بیرینى یهرلدى? یاراغینى گؤتوردو? پهلوان پالتارینى گئیدى? آتا سوار اولوب? یولا دوشدو? بؤیوک صحرا ایله گئتمه گه باشلادى. بیر مدت یول گئدندن سونرا بیر باغا چیخدى. باغا گیرنده گؤردوکى? اوچ توکلو کوسا باشینى اونون آروادینین دیزى اوستونه قویوب یئددى گونلوک یوخویا گئتمیشدیر.
قیزدان خبر آلدى:قیز جواب وئردى:او شوشه نین ایچینده دى۰ملیک جمیل جلد شوشه نى گؤیدن آلدى. یئره چیرپدى. شوشه نین ایچیندن بیر گؤیرچین چیخیب قاچماق ایسته ینده? ملیک جمیل سیچراییب گؤیرچینى توتوب? اؤلدوردو. اوچ توکلو کوسا نعره تپیب جهنمه واصیل اولدو. ملیک جمیل قیزى گؤتوروب ائولرینه گلدى. قارداشلارى ایله یئییب¬ ایچیب دؤوران کئچیردیلر.