محرم گون لری
حاضیرلایان:اکبرسعادت
آنادیلمیز:ھر ایل حج موسیمی باشا چاتاندا،و مسلمان امتی بو بویوک سیاسی و عبادی مراسیمی یئرینه گتیرنن سونرا آزاده مسلمانلار بیر ده داها گوج لشیر و جانلانیر،اودا محرم آیی نین باشلانیشیده.محرم آیی و امام حسین(ع) و اونون یولجولاری اوز شھادتلریننن، اسلام و امامت مکتبینه جانلاندیریبلار.اونا سبب محرم آیی ندا دنیانین ھر یئرینده بیر اوزل مراسیم لرقورولار کی اسلام و امام حسین(ع) مکتبینین جھتیندده.آذربایجان خالقی دا کی شرق مدنی یتینده و اسلام مکتبینده ھر زامان اوزلبیر یئر توتوب، محرم آییندا دا ، اوزل و خاص مراسیملر قوراللار، تعزیهبایراق لاری سنه لردی کی اسلام و امامت مکتبینین عاشیقلارینین طرفینن،آذربایجان دا دیکلیب و بوتون آذربایجان شھرلرینده گنیش شکیلده گچیرلنیب . تبریز،ارومیه ، زنجان، اردبیل، نقده، مرند، خوی، میانا، ماکو، ماراغا، تکاب،چالدران ، باکو ، نخجوان و……….تعزیه مراسیملری بوننان علاوه کی آذربایجان جغرافیاسیندا گنیش شکیلده توتولور،چوخلی حیصه لرده اثر گوییر. دانیشیقدا ، سوزلرده ، گیئینیشده، یمکلرده ھر ایل ذی الحجه نین سون گونلرین دن، آذربایجان دا ، اوشاقدان تا یاشلی یاقدر، قارا کوینکلر گییب یاشیل شاللار بویوننان آسیب، و قارا بایراق لار بازاردا، کوچه لرده، مسجد لرده،دیکلدیب و محرم گجه لری ھر گجه ، حسینیه ویامسجده گدیب و امام حسین(ع) و اونون مکتبینه تعزیه ساخلارلار. اردبیل وزنجان دا محرمین ایلک گونونده طشت قویماق مراسیمی گچیرلنر تاسوعا و عاشورا گونلرینده، مذھبی ھیئت لر، حسینیه و مسجد لر ین عزادارلیق دسته لری خیابانا چیخیب و بیر اوزل شکیلده تعزیه ساخلار لار.بو دسته لرده ترکی مرثیه و نوحه لر اوخونوب و معنوی دعالار تانری درگاھیندان طللب اولار. اردبیل و ارومیه نین نوحه خوانلاری اسکی زامانلاردان بری آدلانیب وآذربایجان دا سسلنیبلر اونلاردان رحمتلیق حاج سلیم موذن زاده اردبیلی و حاج مختار صادق زاده ارومیه دن آد آپارا بیلریق.بو دسته لر ده آذربایجان خالقی امام حسین(ع) و اونون یولجولارینین حاقیندا ظلملاری و حضرت ابوالفظلین رشادتلرین یادا سالیب و دسته لرین قاباقیندا قوربان کسللر، و اوز نیت لرینه وحاجت لرینه تانری دان طلب اللر.
معروف و آدلی دسته لردن ارومیه ده حاج سیدجواد دسته سی ویا ماکولار دسته سی ، تبریزده بازاری لار دسته سی، زنجان دا زنجانین بویوک حسینیه دسته سی و خوی دا شھانق دسته سین آد آپارا بیلریق.شاخسی واخسی ، حسینیم وای حسینیم وار مظلوم اولن حسینین وار، یا مظلوم جان حسین، سوسوز ، یانقیز و….حسین ، قوللاری قلم ابوالفضل ، سو مشکیناوخلادیلار، تعزیه جما عتین شعارلاری اولوب. ھر دسته نین بیر علم یا آق آتی یاعلی اصغر و یا علی اکبر بشیکی اولوب کی ، تعزیه جماعتین اگر نذیر ویا مادیاحسانی اولسا بونلارا تیکیب و اوز نذیرلرین یئرینه گتیرللر.آذربایجان خالقی تاسوعاو عاشورا گونونده احسان ورمقه چوخلی اعتقادلاری وار، اونا سبب تاسوعا وعاشورا گون لری ناھار، صبحانه، آش، ساری شیله ، شربت،سو و…. احسان ادیب و عزادارلاری قوناق ادللر.عاشورا گونون سحری آذربایجان دا، تعزیه دسته لری شھرین اصلی خیابانلاری ومیدانلارینا چیخیب و بو بویوک مصیبت سببینه، یزیده لعنت گوندریب، و امام حسین (ع) و اونون یولجولارینین رشادتلرینه، اسلام و امامت یولیندا یاداسالیب و ارزش ورللر. گون اورتا زامانی و ناھار اذانین وقتینده ، امام حسینین عاشورا نمازینین یادینا، جماعت نمازی قورولیب و بیر ده بونو یاداسالارلارکی ھر زامان اسلام و امامت یولوندا شھادته حاضیردیلار.
عاشورا آخشاملاری ھمیشه بیر حزن و سسیزلیکله گچینیر، تعزیه دسته لری باغ رضوان، امامزاده ویامذھبی یئرلره گدیب و عاشورا آخشاملارینین نوحه لری کی حضرت زینب(س) وکربلا اسیرلرین مصیبت لریده، تعزیلرده اوخونور .آذربایجان دا عاشورا آخشاملارین بیر اوزل مراسیمی ده وار اودا «شبیح» و یاپرده خوانی مراسیمی دیر کی بو مراسیم ده کربلا واقعه سینین بیر نمادین شکیلده وسوزلرله گوسترمقده.میرزا اصلان آذربایجانین ان بویوک شکیل چی سی دیر کی ایللر بویو بو سنت وھنرنن یاشاییب.شام غریبان حضرت سیدالشھدا دا آذربایجان خالقی ،گجه لر اوز کوچه وخیابان، مسجدلرینده شمع یاندیریب و کربلا شھیدلرینه عزیز توتوب و بئله بیر شعراوخو یاللار(گلمیشوخ الده ھامی شمع عزا ، قویماریق زینب مظلومه قارانلیقدا قالا)بو مراسیم آذربایجان دا « شمع پایلاما» آدلانیب.آذربایجان خالقینین ، محرم آیین دا؛ امام حسین(ع) و کربلا شھیدلرینه بئلهبیر بویوک مراسیم ده عزیز توتماقینین فلسفه سی ،گورسدیر کی، امام حسین(ع)و اونون یولجولاری بیر حق یولوندا یولا توشوب و او قدر یوللارینامعتقیدیلر کی حتی بو یولون سونوندا بیلرق گنه بو یولو گدیب و بیر آتیم دا دالیچکیلمدیلر،و اسلام و امامت مکتبینین بایراقینه اله دئرین دیکلدیب کی حتی مین ایل بو واقعه دن گچنن سونرا ،میلیونلار جا عاشیق بو یولدا بایراقیدئیکدمقه حاضیردئیلار.
نوشته شده توسط admin در چهارشنبه, ۰۷ آبان ۱۳۹۳ ساعت ۶:۱۰ ق.ظ
