لوغمان حکیم

لوغمان حکیم

حاضیرلایان:اکبرسعادت
آنا دیلیمیز:بیرى واریمیش بیرى یوخ ایمیش لوغمان آدیندا بیر حکیم وار ایمیش. بیر گون لوغمان اوز اوغلونو دا گوتوروب سیاحت اوچون باشقا بیر پادشاهین مملکتینه گئدیر. اونلار آز گئدیرلر? اوز گئدیرلر دره تپه دوز گئدیرلر? آخیردا گلیب بویوک بیر شهره وارید اولورلار بیر مدت لوغمان اوغلو ایله بو پادشاهین مملکتینده قالیر.
گونلرین بیر گونونده مملکتین پادشاهى برک ناخوشلاییر? یورغان¬دوشگه دوشور۰ شهرین بوتون حکیملرى پادشاهین یانینا گلیب اونون دردینه درمان تاپا بیلمیرلرپادشاهین امرینه گوره مملکتین هر طرفینه آدام گئدیر? جار چکیر? حکیملیکدن باشى چیخان آداملارى پادشاهین سارایینا دعوت ائدیرلر آمما پدشاهین مرضى گئت¬گئده شدتلنیب? اونو الدن سالیر۰ بوگون اولر صاباح اولر¬دئیه وزیر وکیل هامیسى اللرینى پادشاهدان اوزورلر.
جارچى بو سسى لوغمانین قولاغینا چاتدیردى. او در حال اوزونو پادشاهین سارایینا چاتدیریب حکیملیکدن باشى چیخدیغینى بیلدیریر۰ وزیر? وکیل بو خبردن شاد اولوب پادشاها خبر وئریرلر. پادشاه بو خبرى ائشیدن کیمى اوز حضورونا چاغیریب اونا دئییر۰اگر منى بو ناخوشلوقدان قایتارسان? سنى دونیا مالیندان غنى ائدرملوغمان پادشاهین بدنینه باخیب اونون مرضینى تاپیر۰پادشاه مرضین نه اولدوغونو لوغماندان سوروشدوقدا لوغمان جواب وئریب دئییر.
پادشاه ساغ اولسون? سنین بدنینده خرچنگ وار? اگر اذن وئرسن معالجه ائدرم پادشاه لوغمانین بو سوزوندن چوخ شاد اولوب معالجه ائتمه سینى خواهش ائدیر.
لوغمان دئییر:پادشاه ساغ اولسون بو مرضین درمانى بودور کى اوز اوغلونو اوز گؤزونون قاباغیندا اولدوروب اونون قانى ایله سنى ساغلادامپادشاهین گوزونون آغى? قاراسى بیر اوغلو وار ایدى. لوغمانین سوزونه گوره وزیر وکیلى یانینا چاغیریب اونلارلا مصلحت ائدیر وزیر وکیل پادشاها مصلحت گورورلر کى? لوغمانین دئدیکلرینه راضیلیق وئرسین. پادشاه لوغمانى چاغیرتدیریب? دئییر۰نئجه ایسته ییرسن ائله ده ائله۰ آنجاق منى بو مرضدن قورتار لوغمان پادشاهدان راضیلیق آلاندان سونرا امر ائدیرکى? پادشاهین یاتدیغى اوتاغین اورتاسیندا بیر پرده چکسینلر اوساعات اوتاغین اورتاسیندا بیر پرده چکیللر لوغمان وزیرى چاغیریب خلوتجه اونا دئییر:پادشاه بیلمه دن منه بیر قویون گتیرین.
سونرا لوغمان تاپشیریرکى? پادشاهین گوزونون قاباغیندا اوغلونو اونون یانیندان کئچیرتسینلر خلوتجه بیر قویون گتیرسینلر.لوغمان پرده نین دالیندا پادشاهین اوغلونا یاواشجا دئییر:سن قورخما. من یالاندان دئیه جگم کى? سن باشینى بئله چئویر. اللرینى یانا سال!بو سوزلرى دئیه ندن سونرا لوغمان اوجادان اوغلانین اوستونه قیشقیریر.
باشینى آشاغى یا? اللرینى یانینا سال!لوغمان بو سوزلرى دئدیکجه? پرده نین او بیرى طرفینده پادشاهین بدنى آغاجداکى یارپاق کیمى اسمه یه باشلاییر۰لوغمان ایسه? بو سوزلرى دئیه¬دئیه الیندکى بیچاغى داشا چکیب? شاق? شاق ایله ایتیلدیندن سونرا قویونون باشینى کسیر قانین بویوک بیر تشتین ایچینه دولدورور۰ سونرا او? قاندان بیر جام دولدوروب پرده نین اوجونو قالدیریب? پادشاهین اوستونه آتیر۰ پادشاه بوندان برک دیکسینیر? اورگى گئدیر۰ وزیر? وکیل ییغیشیب پادشاهى آییدیرلار۰ لوغمان ایکینجى دفعه یئنه بئله ائدیر۰ پادشاه یئنه غش ائدیب اوزوندن گئدیر۰ بو منوال ایله لوغمان اوچونجو بیر جام قانى قفیلیدن پادشاهین اوستونه آتاندا پادشاه ایگرنیب قوسور۰ او قوسان کیمى اونون بدنینده اولان خرچنگ گلیب پادشاهین آغزیندان یئره توکولور۰ پادشاه بو مرضدن شفا تاپیب یاخشى اولور۰
پادشاه یاخشى اولاندان سونرا لوغمان اونون گوزونون آغى? قاراسى اولان اوغلونو گتیریب? احوالاتى اونا ناغیل ائله ییر۰
پادشاه اوغلونو ساغ¬سالامات گوروب سئوینیر۰ آمما لوغمانا هئچ بیر شئى باغیشلامیر۰گونلرین بیر گونو یئنه پادشاه لوغمانى اوز یانینا چاغیریب اوندان سوروشور:باشقا آدام خسته لنسه? اونودا ساغالدارسانمى؟
پادشاه ساغ اولسون جان باشلا حاضیرام۰پادشاه لوغمانا آجیغى توتور۰ او ساعات امر ائدیرکى شهرین کناریندا درین بیر زیندان حاضیرلاسینلار۰بیر گئجه¬گوندوزون ایچینده پادشاهین امرى ایله درین بیر زیندان حاضیرلانیر۰ زیندان حاضیراولان کیمى پادشاهین امرى ایله لوغمانى و اوغلونو توتوب او زیندانا سالیرلار۰زیندانین قاپیسینى پادشاهین امرى ایله دمیرله برکیدیرلر۰ سونرا زیندانین دورد بیر طرفینده آرخ قازیب سو بوراخیرلار۰ لوغمان ایله اوغلو بیر مدت بو زینداندا قالیرلار۰
آى گلیر? گون کئچیر? ایل دولانیب? گونلرین بیر گونو اسکندر اؤز قوشونونو گوتوروب پادشاهین مملکتینه گلیر? پادشاهى تاختدان سالیر۰ اسکندر لوغمانین بو شهرده اولدوغونو اویرنیر۰ اسکنره خبر وئریرلرکى? لوغمان تمام قیرخ ایلدى کى? اوغلو ایله زیندانا سالینیبدیر۰
اسکندر بو خبرى ائشیدن کیمى در حال لوغمانین دوستاق اولدوغو زیندانین یئرینى آختاریب تاپیر۰
اسکندرین آداملارى زیندان ایچى قارانلیق اولدوغوندان هئچ کیمى گورمورلر۰ بیر آز زیندانى آختاراندان سونرا گورورلر کى? بورادا انسان سوموکلرى واردیر۰اونلار ائله خیال ائدیرلرکى? لوغماندا? اوغلودا اولوبدور۰اونلار سوموکلرى ییغیشدیریب اسکندرین یانینا گتیریرلر۰ اسکندر سوموکلرى گوروب دئییر:زیندانى بیرده یاخشى گزین۰
اسکندرین آداملارى زیندانین ایچینه گیریب? یئنه بیر قدر اویان¬بویانى آختاراندان سونرا گورورلرکى? زیندانین بیر کونجونده ایکى شخص قویون دریسینین اوستونده اگلشمیشلر۰ اونلارى قارانلیق زینداندان چیخاریب? اسکندرین یانینا گتیریرلر۰ اسکندر باخیب گورورکى? لوغمانین کیرپیکلرى او قدر اوزانیبدیرکى? گوزلرى و صیفتى گورسنمیر۰
درحال لوغمانى حاماما گوندریب? اونون باشینین توکونو? ساققالینى? دیرناقلارینى کسدیریب اوز یانینا? گتیریرلر۰ او پادشاهین لوغمانا ائتدیگى ظولمون عوضینده اونا بویوک احترام? محبت بسله ییب یانیندا ساخلاییر? اونا همیشه حورمت ائله ییر

نوشته شده توسط admin در دوشنبه, ۱۶ شهریور ۱۳۹۴ ساعت ۴:۴۲ ق.ظ

دیدگاه


× هفت = 56