قوی وطن دائم ایشیقلانسین

یازار:اکبرسعادت
باکری لر دیاری آنا اولکه اولاندی
وارلیقیندا تعصب سویلارینا سالاندی
تعصب لار یولونی بیر بیرینه آچاندی
وارلیق لاری قالماقا تعصب ساخلاداندی ساخلانیلسین تعصب قاجلارین حققاسین نان بارلی اولسون باخچالار کولتورلرین وارین نان
آنا دیلیمیز :کلمه وطن کلمه سی…. یوللار یاغیشلی یوللار…. شانلی یوللار….
دویوشون ان دهشتلی چاغلاریندا جاندان گئچن اینسانلاری گوروب و اونلارا فخر ائتمک، وطن عشقین هر بیر اینساندا جوشا گئتیریر… وطن اوچون عمر بویو چالیشماق ، وطنی تانیتماق ، وطن نین دیرلرین قوروماق ، وطنه یئنی دیرلر قازاندیرماق ، وطن نین باشین اوجالتماق ،و وطن نن گلجه ک نسلین باشی اوجالماسینی ساغلاماق ، وطنه آد قازاندیر ماق هله هله مرد اوغول ، آنا قیزلار ایستر .وطن اوچون اولمک بویوک شرف دیر و یوزه یوز کی هر یئرده انسانی شرفلندیرن، وطندیر…. اهل بیته (ع) درین سئوگیسی، ابا عبدالله الحسینه (ع) آتشلی عشقی، تقوا توشه‌سی و بیر عومور آللاه یولوندا جهاد ائلیه ن رزمنده لر …عاشق لر ….دوست یوردونا گئتدیلر و آللاهین بهشتینده قورتولماز نعمتلره یئتیشدی.دئمک آنا بیر بویوک وارلیقدیر هر اینسانا، اونو الده ن وئره ن داها چوخ بونو دوشونر. آناسیز یاشاماق چوخ آغیر اولار، اونو آناسیز بالالاردان سوروش. بیر عده آنا نعمتینده ن محرومدور، واوز آناسینی الده ن وئریب…. آمما اولکه میزین عاشق لری چالیشدیلار آنا وطن الده ن گئدمه سین.ایران باشدان باشا وطنیم …یاشاسین ایرانیمیز….بونون اوچون، روحوم بیر نقطه و بیر بو جاقدا دوستاق اولمادان ، گئنیش و سونسوز بیر اولکه ده یاشاماقدا و اونون معنوی گوگلرینده قانات چالماقدادر…ایران ، بوتون ائللرین و قوملارین وطنی اولدوغوکیمی ،بوتون مرد اوغول لارین…شهادت سئون ائللرینین ده دوغما وطنیدر …آنا وطن آنا نوپراق اوچون میلی ایرانیمیزی قوروماق اوچون حاضیر اولمالییق… چونکی بوگون داها بیر آز دا شهامت و ایمان لازیمدیر…
قوی وطن دائم ایشیقلانسین بیر شمع کیمی…
چونکی بو تورپاق منیم وطنیم، اجدادیمین وطنیدیر. یاد اولسون باکری دن… حیاتیمیزا وارلیق وئرن اینسان لار… باکری لر دیاری آنا اولکه اولاندی…مهدی باکری ۱۳۳۳جی ایلینده قوشاچایدا بیر مذهبی عائیله‌ سینده آنادان اولدو. اوشاق اولارکن آناسینی الدن وئردی. مهدی باکری نین خانواده سی اورمو بولگه سینده نوشین شهر ده ساکین اولودولار لاکین سونرالار اورمیه شهرینه کوچوب ساکین اولوب لار مهدی باکری ابتدایی و متوسطه مکتب تحصیلاتین اورمیه شهرینده باشا آپاریب و قارداشی ایله بیرلیکده دبیرستان تحصیلاتیندان سیاسی حرکات جریانینا داخیل اولموش دیر او یولداشلاری ایله تبریزین ۱۳۵۴ و ۱۳۵۵جی ایل‌لرین قیزاران‌ین ??-۱۵ده‌کی اولان تظاهراتلاردا اونملی رول اویناییبلار. او واخت ساواک نئچه یول توتولدو، آنجاق بلگه ‌لری اولمایاراق اوتورولدو. دیپلم آلاندان سورا تبریز بیلیم ‌یوردوندا مئکانیک موهندیس‌ چیلیک ریشته ‌سینده درسه باشلادی. قارداشی‌ نین اولومو، علی باکری، بیلیم ‌یوردوندا اولارکن اونا وئریلدی. بئله ‌لیکده او عائیله ‌سینین ایکینجی نفرینده الدن وئردی.او بیر نمونه پاسدار، فداکار وایثارگر فرمانده، صادیق خدمتگزار، صمیمی، مخلص و امام خمینی (ره) ایله اسلامی انقلابین عاشقی ایدی.او آللاه ایله اسلام دوشمنلری مقابیلینده آللاه غضبینین مظهری و نمونه‌سییدی. بوتون وجودو ایله اوزونو امام خطی پیروو بیلیردی و چالیشیردی حیاتین اونون بویوردوقلاری و توصیه ‌لری اساسیندا دوزلتسین.
شهید باکری و عاشورا لشکرینین نقشی، خیبر قهرمانلیق حماسه‌سی و مجنون جزیره‌لرینین تصرفونده هابئله، اونلارین دشمنین توانفرسا پاتکلری قاباغینداکی مقاومتلری، هئچ کسه گیزلین دئییل‌دیر…شهید باکری فتح المبین عملیاتیندا نجف اشرف تیپینین معاونی اولاراق استعداد و شفقتی ایله پیروزلوقلاردا تأثیرلی اولدو. بو عملیاتدا بیر گردان محاصره ‌یه اولونموشدو کی او تایسیز شجاعت و تدبیری ایله بیر تعداد نفر ایله اونلاری محاصره ‌دن چیخاردی. ائله بو عملیاتدا رقابیه منطقه ‌سینده گوزوندن یارالاندی. بیر آیا یاخین سونرا بیت المقدس عملیاتیندا (همان مسولیتده) شرکت ائدیب اسلام سپاهینین بعثی متجاوزلره پیروز اولماسینا شاهید اولدو.
بیت المقدس عملیاتینین ایکینجی مرحله ‌سینده بئلیندن یارالاندی. یارالاری چوخ اولسا دا عملیاتین اوچونجو مرحله ‌سینده، بسیجی قارداشلاری بی‌سیم ایله هدایت ائتمک اوچون فرماندهلیک قرارگاهینا گئتدی.
رمضان عملیاتیندا عاشورا تیپی فرماندهلییی سمتینده، عراق توپراغیندا آمانسیز ساواش آچیب گینه ده یارالاندی آما او هر دفعه یارالاندیقجا جبهه‌ لرده داها جیدیتلی حاضر اولوب نیرولارین تجهیز، سازماندهی و هدایتینده و عملیاتلارین طراحیسینده گئجه‌ لی-گوندوزلو یورولمادان چالیشیردی.مسلم ابن عقیل عملیاتیندا، اونون عاشورا لشکرینه فرماندهلییی و سلحشور رزمنده‌ لرین ایثارلاری سایه ‌سینده اسلامی ایراننین گؤزل توپراغینین بؤیوک بیر بؤلومو و نئچه ایستراتژیک منطقه آزاد اولدو.شهید باکری مقدماتی، بیرینجی، ایکینجی، اوچونجو و دورونجو والفجر عملیاتیندا، عاشورا لشکری فرماندهی اولاراق غیرتلی و فداکار بسیجیلر ایله متجاوزلر ایله ساواشدا اؤزوندن بؤیوک آماده‌لیک و هر طرفلی ایثار گؤستردی.
هامیمیز بو بسیجیلرین جانینا گوره مسئولوق؛ اونلارین جانینی حیفظ ائتمه‌یه بیر سنگری دوزلتمک بیزه بیر میلیون تومنه باخسا دا بیر بسیجینین بیر توکو اونون یوز قاتی قدر ارزشلی‌‌دیر.اسلام و انقلاب دوشمنلری مقابیلینده فتح‌اولونماز پولاد بیر قلعه کیمین اولان انسانلاری گورنده قانلار جوشا گلیر والله هین دوستلاری مقابیلینده جذاب و سئویملی چهره توتماق فقط و فقط شهادت سئونلرین هنری دی…
بیز بورجوموز وار جاندان گئچن رزمنده لره…اونلار کی دینی واجیبلره عمل ائتمه‌یه مقید اولدوغو قدر مستحبلره ده مقید ایمیش لر. ….گئجه یاریسی یوخودان اویانیب آللاهی ایله خلوت ائده ن عاشق لره…. قرآن اوخوماق گونده‌کی واجیب ایشلریندن اولان عاشق لره…. بوگون شهید خانواده‌لری دسته‌سینده اولماق بیر فخردیر و بئله بیر یاشاییش لاپ فضیلتلی یاشاییشلارداندیر…
عزیزلریم، اگر گئجه‌لی-گوندوزلو آللاها شکر ائتسک کی اسلام و امام نعمتینی بیزه عنایت ائتدی، گینه ده آزدیر. آگاه اولاق کی دوز نیتلیلیک و عملده خلوص تکجه چاره‌میزدیر. … بیلین کی اسلام بیرجه نجات و سعادت یولوموزدور.
همیشه یادیمزدا آللاه اولسون.و اونون فرمانلارینا عمل ائده ق. رهبریمیزین دالیندا دوراق و اورکدن اونون مقلدی اولاق. اباعبدالله و شهیدلرین مجلسلرینه چوخ اهمیت وئره ق کی سعادت یولو و آخرت توشه‌سیدیر.
یادیمیزدا اولسون کی زینبی و حسینی تربیت اولماق انسانا ارزش وئره ر…. اونلارین رسالتینی اوز رسالتیمیز بیله ق.. اوشاقلاریمیزی دا ائله تربیت ائده ق کی اسلام اوچون ایمانلی و شهادت‌سئور سربازلار و حضرت ابوالفضلین (ع) وارثی و صالئح علمداری اولسونلار….