قوی دئسین لر
کوچوره ن:اکبرسعادت
آنا دیلیمیز:بو زامانداچوخ اینسانلار اوزلرینه گوره، یاشامیرلار وبیر تانینمیش بیرعبارت وارکی دئییر”قوی دئسینلر”یعنی کی بیلیرم گوردوگوم ایشین منیم یاشاییشیما بیر فایداسی اولمییاجاق، آما چون هامی بوایشی گورور،منده گورورم” قوی دئسینلر”وبیر مثل وار کی بیزیم یرلرده چوخ ایشله نیر “قوی دئسینلرکابی دا کرواندان گلیر” وبو ” قوی دئسینلر” چوخوموزون عقلیمیزی االیمیزدن آلیب ویاشاییشی بیزلره چتین ائلییب ،چوخ ده یرلی وارلیق لاریمیزی ،دب لریمیزی ودوزگون یاشاییش یول لاریمیزی محوائلییب وبیزلری بیربیریمیزین یادیندان چاغاردیب. دئماق اولار کی ،ایندی رسانه لر وجوربه جورتبلیغات ساحه سینده چالیشان اقتصادی وفرهنگی ارگانلار،اینسانلارین یاشاییش یوللارینی واولارین بوتون مادی ومعنوی وارلیقلارینی چوخ سرعتلن دئییشیرلر و هر بیریسی اوز منفعت لرینی قازانان یولارینی،اولارین گچمیش ده اولان وارلیق لارینین یرینه قویوللار.
یاشاییش دا، ینی اولماق وقاباقا دوغری حرکت ائدیب ومعاصر اولماق یاخجی ولازم دیر،چونکی اگربوجور اولماییب وهیچ بیر ینی یولی قبول ائتمه ساق،اوندا بیرگری ده قالمیش ومنفعل بیر اینسانا چوریلیق،آما بو ینی اولماقدا گرک اؤز کیملیک لریمیز و ده یرلریمیزایتیب باتمایا. چوخ اینسانلاروارکی اویونجاق کیمین گونده بیر حالا دوشورلروهرگون، قاباق کی گونلرین دانیلّاروگون یه گون هرزادلارین الدن وریب وبیراینسانا چوریلیلرکی اونا بیرهویت تعریف ائله ماق اولماز.بیراینسان، او زامان بیر ده یرلی اینسان دیرکی اوزعقلینن اوتوروب دورا و اوزونون وارلیق لارین ساخلییب واولاری آرتیرا. وارلیق، مادی ومعنوی اولا بیلر. اینسانین فرهنگی ،دیلی ،دینی،تاریخی ودیگر وارلیق لاری، اونون کیملیگین یارادار و او اینسان ده یرلی دیرکی، بو وارلیق لارین ساخلییب واولارنان اوزینه بیرگؤزه ل زینت وره.
البته هراینسان گرک جمع ایچینده یاشییب وآیری اینسانلارین بیلگی سیندن وعقلیندن فایدالانا وحتی لقمان حکیم کیمین ادبی، ادبسیزدن اویرنه. اینسانین علمی وبیلگیسی ده بو وارلیق لارا آرتسا، بووارلیق بیرگنجینه یه چوریلر. واوندادیرکی بواینسانا بیرعالیم اینسان دئماق اولاروبو اینسانی دوست توتماق اولار.بیر نئچه ایل ایدی، ایشلر یئرینه گئتمه-دیینده اوزگلرینه دئیینیردیم…..من اوزومو دئییرم: گاهدان یئر-گویدن گیلئلی اولوردوم. بو گیلئیلَنمه-لرده اوزومه هئچ بیر پای آییرمیردیم. ایللر گئچدیکجه، گیلئلی-لیکلر ییغیلیب قالانیردی اوست-اوسته. ائله واخت گلیردی چاتیردی؛ اوزومدن سونرا هر کسدن بیر جور گیلئلی اولوردوم. بو او دئمک کی؛ هر کسدن اوماجاغیم وار ایدی.
هر کسدن گیلئلی-لی-ییم قورتولدوقدا اوزوم قالدیم گیلئی-لنمه-میش! یاواش-یاواش باشلادیم اوزومدن گیلئی-لنمه-یه! آدام اوزوندن گیلئیلنمیی چوخ چتین اولور.هردن دئییرم بابا اوتور قوی دئسین لر… دئیرلر هر ایشین باشلانیشی چتین دیر. اوزدن گیلئی-لنمیین ده باشلانیشی هر ندن چتین اولور. آنجاق، قاباغا گئتدیکجه یولونا دوشور. اینسان راحاتلامایا باشلاییر. گوره بیلمه-یه-جه-یی ایشلردن خیالی راحات اولور دای گورنمیه-جک. گوره بیله-جه-یی ایشلری سیرالاییر. اونلاری هدف گوتوردوکده، چتینلیکلر آزالیر.
الیندن گلنی گورمه-یه واخت آییریر. الیندن گلمه-ین ایشلری ده کیچیمسه-میر کی هئچ، چوخ دا اونملی گورور. اونلاری بیری گوردوکده، بیلیر کی اونلار دا گوروله بیلن ایشلردیلر آنجاق اوز آدامی ایسته-ییر. اوزوندن گیلئیلنمه-یین باشقا بیر فایداسیدا اولور؛ هر کسی چالیشمیر اوزو کیمی دوشوندوره، اوزو کیمی چالیشدیرا، اوزو کیمی ماراقلاندیرا. ائله اولسایدی دونیادا چوخ ایشلر گورولمویوب قالیب دونیانی قارما قاریشیقلیغا سوروب اونو باتیراردی. بوتون ایشلر دونیادا گوروله بیلمکدن اوترودیرلر، بیرلری اونلاری گورور. سن ده اوز ایشیین گورمه-لی-سن بیلدییغیین ائله-مه-لی-سن سونوجا دا یئتیرمه-لی-سن. ایشه باشین قاریشدی، باشقاسیندان گیلئیلنمه-یه واخت قالمیر. بیر شئی داها وار: ایشلمک چوخ چتین دیر. هدفلی ایشلمک اوندان چتین دیر. بونو، الیندن گلن ایشی گورمکده اویرنیرسن.
بو گیلئیلنمک-لرین بیر سونوجو داها وار: حاق وئریرسن اوزگه-لرینه، سندن گیلئیلنر! سنینله تانری‌نین باخیشلاری‌نین اوست- اوسته دوشمه‌سی، اولماق، وارماق، یئتیشمک، ساغلیق، خوشبختلیک، سئوینج، لذت و نعمت دئمکدیر… یعنی، سنی آرزولارینا یئتیشدیرن ده سنسن، آرزولارینا یئتیشمه‌یه مانع اولان دا سن. دئمک معجزه‌نین قیفیلی دا سنسن، آچاری دا سن.
بیر شئی بئیین‌ده کسین‌له‌شمه‌یه‌نده، هر آن، ده‌ییشیر. بیر چوخلاری، ایش گورمک‌دن چکینیرلر. چکینمک ندنی ایسه، سوزلرینی اوزلرینده بیرلشدیرمه‌مک‌لری اولور. سوزلرینی اوزلرینده بیرلشدیرنمه‌ین‌لر، هئچ بیر ایشی باشلایانمازلار. باشلادیق‌دا بیر ایکی آددیم آتمامیش، بوراخیرلار. یئنی‌دن باشلاماق قرارینه گلمک، نه قدر سوردویونه باخمایاراق، بئیین‌لری ده‌ییشمه‌ده اولدوغونا گوره، یئنی باشلانان دا باشقالارینا تای باشلانمامیش بیتر. ده‌ییشیمی دوشونن بئیین‌لر، هر نه‌یی باشلامادان اونجه، ده‌ییشیمی بیتیرمه‌لی‌دیرلر. ده‌ییشیمین قاچیلماز اولدوغونا باخمایاراق، هئچ اولماسا چرچیوه‌لرده ده‌ییشیمی بیتیرمه‌لی‌دیرلر. ائله واقت اولور، بیر بئیین، یوز ایل یاشامیندا چرچیوه تاپانمیر.
اینسان هر زامان آرزیلارینا ال تاپاندا،اوزونو خوشبخت بیلیر. چوخلاری خوشبخت‌چیلییی گونده‌لیک مسئله‌لرده راحات اولماق ایله یاشاما گویول وئرمکده بیلیرلر.و تکجه اوزو اوچون چالیشیرلار. بیزیم اونلارین دوز یا یانلیش (غلط) دوشوندوک‌لری ایله ایشیمیز یوخدور. بیز، هر کیمسه فیکر ائدیرسه خوشبخت دیر، لاپ آزی (حداقل) یاخشی دویغوسو (احساسی) اولاجاق‌‌دیر و هئچ کیم یوخدور خوشبخت چیلیگی راحاتجا اله گتیرسین.هر نسه‌نی دیله‌یینجه، دوشونجه‌لری اونونلا یوندشلمه‌لی، چونکی دیلک، یارانان بیر جسم دیر سانکی. دوشونجه ایسه، اونو احیا ائدیب جانلاندیران روح کیمی دیر. دیلک‌له دوشونجه یوندشلشینجه، ایسته‌کلرین دوغوشونا تانیق اولور انسان. بو ایکیسی تاراز اولمایینجا، نیسگیلدن باشقا هئچ نه توختاماییر اله. بئله ایسه، ساغلاملیق ایسته‌ین، ناخوشلوغا، وار- دولت ایسته‌ین یوخسوللوغا، خوشبختچیلیک ایسته‌ین بدبختچیلیگه دوشونمه‌مه‌لیدیر. و….
شهریار دئییر:آخرتی اولان لارین دونیاسی غم سیز اولماییب
اینسان هر نه قدر یاخجی اولا پیس لیق لری چوخ گوره ر.گورموشوق کی چوخ انسانلار دئیرلرکی ایستیه سن راحات یاشایاسان ،گرگ چوخ یاخجی اولماقدان واز گچه سن،یعنی کی یاخجیلیق ائدن انسان پیس لیق لرله چوخ اوزبه اوز گلر،آمااو صبروویقارلا اونلارلا قارشیلاشار وبیزبولوروخ کی صبری چوخ اولان آدامین اوره گیده بؤیوگ اولار.آما بو اوره گده بعضی واقتلار یتیشر کی دولارواو اینسانین گوز لریندن یاش آخیب وآغلایاروچوخ اینسانلاردااونون آغلاماغینا دوزمییب وآغلییب ویاکدرله نرلر،چونکی اونون صاف اوره گینه واونون یاخجی عمل لرینه واقیف دیلروبولولرکی بواغلاماغین بیر اونملی نده نی وار.رحمتلی استاد شهریارین بیرسوزو وارکی دئییر:”آخرتی اولانلارین،دنیاسی غم سیزاولمییب”وبئله لیقله دئماق اولارکی یاخجی اینسان اولماق،هرکسین ایشی اولا بیلمزویاخجی آدقازانماقدا چوخ راحاتلیقلا اله گلمز.
وبیراینسان اگر ائل آراسیندایاخجی عمل لرله آدلانیب، او اینسانلارین اومودسوز زامانلاریندا اونلارا مادی ومعنوی اولاراق دستک اولوب ودئمه لی اونلارین غم لرینه وشانلیق لارینا پایلاشیب.
بو اینسانلارا بیزیم دیلده ائل سون یا ائلدارآداملار دئیرلروبونلارین چوخ ایستک لری اوزلرینه یوخ،ائلرینه اولار.
نوشته شده توسط admin در چهارشنبه, ۱۷ آذر ۱۳۹۵ ساعت ۹:۲۳ ق.ظ
