قوش اورگی

قوش اورگی

حاضیرلایان:اکبرسعادت
آنا دیلیمیز: بیرى وار ایدى? بیرى یوخ ایدى. احمد آدلى بیر کاسیب کیشى وار ایدى۰ گئدردى چوللردن تیکان قیراردی دالیندا بازارا آپاریب بئش شاهیا وئرردى. بئش شاهینى دا وئریب چورک آلاردى. چوخ چتینلیکله عائله سین دولاندیراردى۰کیشى جانیندان لاپ بئزمیشدى۰ بیرگون یئنه تیکان قیرمیشدى? بازارا آپاریردى۰ یولدا برک یورولوب دئدى:آى ایلاهى? تیکان شله سى منیم بئلیمى یاغیر ائله ییب۰ من نئیله ییم؟ بیر اولومده یوخدو? اولم جانیم قورتارا.
کیشى اوزانیب شله نین یانیندا یوخویا گئتدى. بو زامان بیر قوش گلیب اونون شله سینده یومورتلادى.کیشى شله ى آپاریب بیر عابباسیا ساتدى.یومورتا چوخ گوزل ایدى۰ پادشاه اوغلونا گوستریب دئدى:بو قشنگ یومورتانى ساتیرام۰
شاهزادا یومورتانى آلیب باخدى? گوردو بو لعلدى? هئچ قیمتى یوخدو.دئدى:ایگیرمى تومن وئریرم۰
کیشى ائله بیلدى شاهزادا ظارافات ائدیر? دئدى:یوخ? دورد یوز تومندن آشاغى وئرمه رم.
شاهزادا دورد یوز تومن وئریب? یومورتانى اوندان آلدى? دئدى:بئله یومورتا الینه دوشنده گتیریب منه ساتارسان۰
هرگون قوش گلیب اونون شله سینده یومورتلاییردى? آپاریب پادشاه اوغلونا دورد یوز تومنه ساتیردى۰
گئت¬گئده کیشى وارلاندى? بویوک آدام اولدو۰ او بوتون دونیا بازارلارینا گئدیب آل وئر ائدیردى۰ بیر گون قوش گلیب اونون شله سینده یومورتلایاندا کیشى قوشو توتوب ائوینه آپاردى۰ کیشى سفره چیخماق فیکرینه دوشدو۰ آروادینا دئدى:
آرواد? قوشون یومورتالارینى گونده آپاریب شاهزادایا ساتارسان? هر یومورتایا دوردیوز تومن وئره جک۰
کیشینین آدى ممد ایدى۰ ممد سفره چیخدى۰هر گون آرواد قوشون یومورتاسینى شاهزادایا آپاریردى۰ بیر گون? ایکى گون آرواد شاهزادایا وورولدو۰ بیر گون اورگینى آچیب اونا سویله دى:شاهزادا? سنه وورولموشام? گرک منله باشبیر اولاسان۰ شاهزادا دئدى:قوشو کسرسن اورگینى? بویرکلرینى یئییم? سونرا سنله باشبیر اولوم.
آرواد راضى اولدو۰ ائوه گلیب قوشون باشینى کسدى۰ بیر پلو بیشیریب قوشو اوستونه قویدو۰ پلوو دمه قویوب گئتدى شاهزادانى چاغیرماغا۰ اوشاقلارى قازانین آغزینى آچیب اوره گینى و بویرکلرینى یئدیلر۰
بلى? آرواد شاهزادانى گتیردى۰ پلوو چکیب سفریه دوزدو۰ شاهزادا یئمگه باشلایاندا باخدى کى? قوشون اوره گى? بویرکلرى یوخدو۰ آرواددان سوروشدو? اوشاقلار دئدیلر:
بیز یئدیک۰شاهزادا آیاغا قالخدى? دئدى:اوشاقلارى اولدورسن? قارینلاریندا قوشون اوره گینى? بویرکلرینى چیخارداسان? یئیه رم۰ سونرا سنله باشبیر ائله رم۰ آرواد بونا راضى اولدو۰ سوز وئردیکى? گئجه اوشاقلارى اولدورسون۰ اوشاقلار بونو ائشیتدیلر۰ گئجه دوشن کیمى قاچیب باشقا بیر پادشاهین اولکه سینه گئتدیلر? بونلار بیر قبیریستانلیقدا یاتماق ایسته دیلر۰ بویوک اوغلان احمد قارداشى هوممه تى قبریستاندا قویدو? شهره چورک آلماغا گئتدى. گوردى آداملار بیر یئره توپلانیبلار۰ بودا گئتدى گوردو شهرین پادشاهى اولوب? اونون اوچون دوولت قوشو اوچوردورلار۰ دوولت قوشو کیمین باشینا قونسا اونو پادشاه قویاجاقلار۰ دوولت قوشونو بوراخدیلار۰ قوش گویده دووره ووردو? آشاغى ائنیب احمدین باشینا قوندو۰ احمدى دویوب قوودولار. قوشو بیرده اوچورتدولار. قوش یئنه گلیب احمدین باشینا قوندو۰ آخیردا اونو بیر داما سالیب قاپینى باغلادیلار۰ قوشو اوچورتدولار۰ قوش باجادان گیریب دامدا احمدین باشینا قوندو. بوسدولار. گوردولر بو اوغلان اوزوده شاه اولماق ایسته میر۰ گتیریب اونو پادشاه قویدولار.پادشاه اولاندان سونرا قارداشى یادیندان تامام چیخدى۰ او بیرى طرفدن قبیریستانلیقدا قالان قارداشى? ها احمدى گوزله دى? او گلیب چیخمادى.
علاجسیز قالیب یولا دوشدو.اوچ گون یول گئدندن سونرا بیر شهره چیخدى۰ شهرین بازارینا گئتدى۰ بازاردا اولانلار هامیسى داغیلیب گئتدى۰ بو تک قالدى۰ بونو بیر تاجیر گوردو. او بیلدى کى بو غریب آدامدى? ائوینه آپاردى۰ اوغلاندان احوال پورسان اولدو۰ اوغلان باشینا گله نى تاجیره ناغیل ائله دى۰ تاجیر اونو اوغللوغا گوتوردو۰ بونون آیاغى یونگول اولدو? تاجیرین قازانجى گون¬گوندن آرتماغا باشلادى۰ اوغلانین باشینین آلتیندا هر گئجه بیر کیسه قیزیل چیخیردى۰ اوغلان قیرخ گئجه ین قیرخ کیسه قیزیلینى گوتوردو? تاجیردن ده چوخلو قیزیل آلدى? بیر باشقا شهرده بیر دوکان آچدى.بیر گون اونا دئدیلرکى? فیلان یئرده بیر دونیا گوزلى وار? او? اوزونون بیر طرفینیى گوستریر? هر کیم باخسا? یوز تومن وئریر۰ اوغلان هرگون گئدیب دونیا گوزلینین بیر اوزونه باخیر? یوز تومن وئریردى۰دونیا گوزلى معطل قالیرکى? بو نئجه ایشدى۰ بو کیمدى کى? گونده منه یوز تومن وئریر? یئنه قورتارمیر۰بیر گون یئنه اوغلان گلدى۰ یوز تومن وئریب قیزین اوزونه باخاندا قیز اونو ائوینه آپاردى۰ اوغلان باخدى کى? دوغرودان دا بو دونیا گوزلى ایمیش۰ قیز اوندان سوروشدو:بو قدر وار دوولتى هاردان آلیرسان؟اوغلان دئدى:
بیر قوشون اورگینى یئمیشم.هر یاتیب دوراندا باشیمین آلتیندا بیر کیسه قیزیل اولور۰دونیا گوزلى اونا ائله یئمک یئدیرتدیکى? اوغلان قوشون اورگینى قوسدو۰ دونیا گوزلى او ساعات گوتوروب اوددو. ایندى دونیا گوزلی نین هر یاتیب دوراندا باشینین آلتیندا بیر کیسه قیزیل اولوردو۰اوغلان تاجیرین ائوینه ده قاییتمادى? باش گوتوروب شهردن چیخدى۰ بیر صحرایا چاتیب گوردو کى? اوچ درویش اوچ شئیین اوستونده ووروشوردولار۰ اوغلان دئدى:بو نه شئیدى کى? اوستونده داوا ائله ییرسینیز؟اونا دئدیلر:شرطیمیزى سن کس. کیم بو خالچانین اوستونده اوتوروب?”حضرت سلیمان عشقینه” دئییب هارانى ایسته سه? خالچا اورایا اوچار? هارا ایسته سه اورا آپارار? فسى باشینا قویوب قامچى ایله هرکسى وورسان? نه دئسن او اولار۰ سوفرنى ده آچسان? بوتون نعمتلر اوستونده دوزولموش اولار۰اوغلان دئدى:
من اوچ اوخ آتارام. هر کس اوخو تئز گوتوروب قاییتسا? ایسته دیگى شئیى گوتورر۰درویشلر راضى اولدولار۰ اوغلان اوچ اوخ آتدى. بونلار اوخون دالینجا یویوروشنده? اوغلان خالچانى آچیب شئیلرى ده گوتوروب خالچانین اوستونده اوتوروب دئدى:
حضرت سلیمان عشقینه? دونیا گوزلینین ائوینده اولوم۰ خالچا گویه قالخیب اونو دونیا گوزلینین ائوینه آپاردى۰ دونیا گوزلى خالچانى آل¬دیل ایله هوممتدن آلیب دئدى:گل اوستونده اوتوراق? سیاحته چیخاق.هر ایکیسى خالچانین اوستونده اوتوردولار۰ دونیا گوزلى دئدى:حضرت سلیمان عشقینه? دریانین اورتاسیندا جزیره ده اولاق۰ خالچا گویه قالخیب اونلارى دریانین اورتاسیندا جزیره یه آپاردى.گئجه اولدو. هوممت ییخیلیب یاتدى۰ دونیا گوزلى اونون یوخویا گئتدیگینى گوردو۰ فرصت تاپیب خالچانین اوستونده اوتوروب دئدى:حضرت سلیمان عشقینه? اوز ائویمده اولوم۰
خالچا گویه قالخیب اونو اوز ائوینه گتیردى۰ او بیرى طرفدن هوممت یوخودان آییلیب گوردو? قیزدا یوخدى? خالچادا. هر طرفى وحشى حئیواندى۰ گزیب دولاندى? گوردو بیر قیرمیزى آلما وار۰ آلمادان بیرینى قیریب یئیه ن کیمى بوینوز چیخارتدى.حیوانلار اوندان قورخوب سمتینه گئتمیردیلر۰ بیر قدر گئتدى۰ گوردو کى? گولووشه نار وار. ناردان بیرینى یئیه ن کیمى? بوینوزلارى دوشدو. بیر تاختا پارچاسى تاپیب دریایا سالدى? اوستونه مینیب کنارا چیخدى۰ دریادان چیخاندان سونرا یولا دوشوب دوز دونیا گوزلی نین ائوینه گلدى۰ دونیا گوزلى عشوه ناز آتیب? اونون کونلونو آلدى دئدى:
سنى سیناییردیم کى? گورم منى اورکدن سئویرسن یا یوخ؟حاضیرلاشیردیم بو ساعات جزیریه گلیم۰
آمما هوممت اونا اینانمادى? بیر آلما وئردى.قیز یئدى? اوزون بوینوزلار چیخارتدى? دونیا گوزلى آغلایا¬آغلایا دئدى:آماندى هوممت? منى بى آبیر ائله مه? بیر چاره ائله بوینوزو سال۰
هوممت دئدى:سوفرنى? خالچانى? فسى? بیرده قامچینى وئر۰ بوینوزلارینى سالیم۰
دونیا گوزلى بو شئیلرى اونا وئردى? اوغلان دئدى:قوش اورگینده قوس? اوندا بوینوزلارى دا سالیم۰
قیز قوسدو? قوشون اورگى گلیب دوشدو۰ هوممت او ساعات اورگى گوتوروب اوددو? قیزا بیر نار وئردى۰ قیز نارى یئیه ن کیمى بوینوزلارى دوشدو۰ قیز بیردن قاپیب خالچانى گوتورمک ایستدى.اوغلان تئز فسى باشینا قویوب? دونیا گوزلینه بیر شاللاق ووروب دئدى:آى تازى? نئیله ییرسن۰
دونیا گوزلى بیر تازى اولوب کوچه لره دوشدو۰ ایتلر اونو او قدر بوغدولار? تا ایچالاتى قالمادى? بدنى تامام یارا اولدو.
تازى سورونه¬سورونه پادشاهین بارگاهینین قاباغینا گئتدى.نه قدر دویدولر? گئتمه دى.نه قدر طیلیسمکار? رمال وار ایدى توپلادیلار.هئچ بیرى تازىنین چیخیب گئتمه دیگینین سببینى بیلمدى. هر یئره اعلان وئردى? کیم تازینین مندن نه ایسته دیگینى بیلسه? دونیا مالیندان قانع ائله جگم.هوممت بونو ائشیدیب گلدى دئدى:شاه ساغ اولسون? بو دونیا گوزلیدى۰ تازى شکلینه دوشوب۰ پادشاه تعجب ائله ییب دئدى: بو نیه تازى اولسون؟هوممت بوتون احوالاتى? من سیزه ناغیل ائله دیگیم کیمى? باشدان ¬ آیاغا پادشاها ناغیل ائله دى. پادشاه باخدى گوردو? بو اوز قارداشى هوممتدى۰ اوپوشوب گوروشدولر۰ هوممت بیر چوبوق ووروب قیزى اوز حالینا گتیردى. ائله بیل گون بولودون آلتیندان بیردن چیخدى.هامى نین گوزو قاماشدى۰ احمد شاه قیرخ گون? قیرخ گئجه توى ائله دى. دونیا گوزلینى قارداشى هوممت آلدى.اونلار یاشاییب? دوران کئچیردیلر.

نوشته شده توسط admin در چهارشنبه, ۲۲ اردیبهشت ۱۳۹۵ ساعت ۶:۱۷ ق.ظ

دیدگاه


5 × هشت =