عیباد عمی و خچه خالا

عیباد عمی و خچه خالا

کوچوره ن:اکبرسعادت
آنا دیلیمیز:دیزه شهرین آشاغا محله لریندن بیری دی. امما اوز کند اوزه ل لیک لرین هله ده ساخلایئب دی.
مال_داوار سورو لری، آت_اششک ، “قانلی” آرابالاری ، سحرتزدن چئوله چیخیرلار، و جماعات مال_داوار، اکین_بیچین ، سویزخانا، باغدارلیق، ایشلرینه باخیر.
کوببا یئمیش ائولر، سوواقلی چی کرپیک، مهره دووارلار، قلمه ، یئمیش باخچالاری، سیرایلا دوزولن سئوود آغاجلاری، هامیسی یاشایئشین کند اوزونو گوسه دیر.
اوبیری تایدان بالو دروازاسی ، توکانلار،قهوخانه لر، قاراژلار، کارخالار، وماشین لارین گلیش_گئدیشی، هابئله جماعاتین جوشغوق حیاتی، گورسدیر کی کند اوزه لیک لری چوخداندی آرادان گتمگه اوز قویوبدو. اوشاقلارین بیر بولومو »نشاط« و »فردوسی« مدرسه لرینه گئدیرلر و باشقا بولومو ده عایئله لرین گونده لیک ایشلرینه یاردیم ادیرلر. مدرسه لر بالو دروازا سینا یاخیندیلار.
»کوهنه یول« نشاط مدرسه سی قاباغیندان باشلانیر، بالجا »داش قاپان« چایی نین کوپوسوندن گچیب شهردن اشیشکده »دره دیئرمانینا« چاتیر. داش قاپان چایی »کریمین توتلوغو« یانیندان ،»دوه بویو« و »دریا«- یا ساری آخیر. او »دره چایی«نین آردی دیر.
و بوردا -داش قاپاندا-اوچ یئره بولونور. بیریسی »بوزنوزلو دامداش«-قاباغیندان »بدن دیبی« و »یئدی دیئرمانا« ساری گئدیر، و بیرسی ده دیزه دن گئچیر.
بو اوچ »گلر-آرخ« اوز یوللاریندا قلمه ، سئوود، ایده،جویزآغاجلارین، اریک، آلما باخچالارین، تره، بوغدا،کوکوندور، توتون زمی لرین سوواریب سوندا باتیب گئدیرلر.
بیرپارا آداملار ایچملی سویو بو آرخلاردان گوتورورلر، یا دا حیاط لردکی قویولاردان چگیرلر.
آرخلارین سویو بعضا چوخ کیفیر اولور. قادینلار اوشاقلارین اسکی سین اوردا یویورلار.
یایدا چاین سویو آزالیب قورویار. قادینلار دیین کمی »سو قصیراووا « گئدر . قیشلاردا آرخلارین اوزو بوزباغلار و هر یئری قار توتار. بوداقلار قارین آغیرلیغین ساخلامایئب ایئی لر. و گوزه ل منظره لر یارانار.
یای-یاز، چئوره دولار گول-چیچک له . جوره-به-جوره قوشلار اوره یه یاتان بیر سنفونو یارپاقلاری آراسیندا اوخویارلار.
مال-داوار سسی محله نی بورویر.قار دوشرکن ، کوچه- باجادا ، نشاط مدرسه سی قاباغیندا، دروازانین دالیسی »دیک« ده، کی اوجا و بوش بیر یئردی، اوشاقلارین عاشیق اویناماغی، زوول گتمه سی، قارگوله آتماسی باشلانار.
باهار دا اوشاقلار ائولرین قاباغیندا، میدانچا لاردا، پله -دسته، آرادا قالدی، بزیت دیمی ، کوز ، توپ، اویونلاری-نان گون گئچیدرلر. بو اوینلارا کیچیک قیز اوشاقلاریدا قاتیشار.
یایدا »دیزه یولو«، اونا یاخین »ماشین یولو«، و »کوهنه یول«، ائله ده چوخلو کوچه لر ، قالین تور-تورپاغا برونرلر. کوهنه یول،ماشینلارین گلیش-گئدیشی اوچون چوخ زامان توز-دومان دا ایتر.
»دیک«-ده ، گزه ین پهلوان، طنفه چیخان، ایلان اوینادانلار اوشاق-بویوگو سئویندیرلر.بورالاردا قیش-اینان باهار “سوچومور” دیزه چیخار. «جوجه گوز» رشیدین حیاطی دام-داشلی بیر باخچادیر. ایچی دولودو اریک،آلما،آلچا، و هابئله باشقا یئمیش آغاجلاری نان. بوردا اوچ عایئله یاشایئر. امما حاجی اوزو اوردا اوتورمور.
بوعایئله لردن بیریده »عیباد عمی« -نین عایئله سی دیر. حاجی رشیدین دیزه ده اوچ بولوم مولکی وار، ایکی باخچا ، بیر حیاط . اوزو دئمیش ، بونلاری اوچ دنه چوره که آلمیشدیر.آجلیق ایمیش.
عیباد عمی گئدیب بازارا، چرچی قوطوسونا “آین-اویون” آلا ، و صاباح کندین یولون قاباغینا قاتا. یونس نن علی شهرده چالیشیرلار.خچه سحرتزدن »زیبیل سطیل«-ین آلیب الینه ، دوشوب مالارین دالیسینا؛ زیبیل یئغیر.
او هم ائوه باخیر،همده اودون-تزه یئن فیکیرینده دیر. چووره دن زیبیل، خزه ل، اودون،یئغیر چوره ک یاپسین. اونلارین تندیری یایما-قیش یانیر.قونشولاردا چالیشیرلار.
»داداش عمی« ارابادا نفت ساتیر. ممدعلی »سویزخانا«دا دیر. دادش عمی نین آروادی-مارال خالا-نین گوزلری گورمور، ائوده دیر. و »گولزار« خالا چایدا قاب یووور. »ماما!…ماما!…ماما!…«
سفر کولوخدا(قیش ائوی) قیشقیردی. بو نئچمجی یولدو کی هارای سالمیشدی. باغیراباغیرا اینجه بارماقلارین قاپینان دووارین آراسینا سوخوب بوتون گوجویله دارتی وردی.امما نه قاپو آچیلدی ، نده آناسیندان بیرسس گلدی.
آغلییا-آغلییا تومانینا اشه دی. ائله کی دینجلدی تومانین دیئشیب گئدی یاتسین؛ اما یالقیزلیق، آغلاماق، نییاران چیلق قویمادی …
او صبح سیرفا باشیندا: »ماما، قاپونی قیفیل لییب گئدیدرسن، من ائشییه گئده بیلمیره م« -دئدی.
خچه نوخوشیدی. باشی گیجه لیردی. بیز سئزیلتیلی سس له :» بالا! بوندان بئله اونجه دن گوندرره م اشییه گئدرسن.« دئدی.آنا دئدیگین اله دی . امما سفرین ایشی یوللانمادی.گئنه ده هردن بیر باغلی قاپو اونا بیر بیوک دردیدی.
اوندا کی عیباد بازاردان قایتدی سفر کوچه ده اوشاقلارینان اوینایئردی. خچه ائوده دیئلدی. عیباد اونوآختاردی.قوشوشادا کیمسه یوخودو. بو باخیشلاردا گوزو ساتاشدی مستراحین اوستو آچیق درین چوخورونا.
بیردن گوردو بیرسی اوردا باتیر-چیخیر، با تیر-چیخیر! دایانمادی، قاچدی. الین آتدی اونا : L به بالا سن بوردا نه ائلیرسن!؟ « شاشقیق دئدی. و اونو ائشییه چکدی.خچه دانیشابیلمیردی. او یاریم جان ایدی… اوگون عبیاد عمی شام-نهار قویدو. تندیری سالیب چوره ک یاپدی. و خچه نی یویوندوروب بسله دی.آخشام چاغی حیاطین قاپیسی دویولدو. سفر ائوده آناسی یانیندا اوتورموشدو. بیردن قورکیمی داشلاندی:«
عمی گلدی» دئیب اشییه قاچدی بابا!…بابا!…بابا!…«
اوشاق باغیردی. عیباد عمی اونون دالیسیجا توواراق قاچدی.
»بابا! دوشدوم قویویا!«عیباد یئتیشیب گوردو، اوشاق سوقویوسونا دوشنده ، الین آتیب آغیزداکی داشا، آسیلی قالیب؛ هارای تپیر. و بیر آندا اونو قاپدی…
اولوم اونلارین باشی اوسته گزیردی.اونلاری توتابیلمه دی ؛ امما باشقایئرلرده چوخلارین توتدو.
اولوم اوینوردو(اوینایئردی). و یاشایئش اولومنن، اویناماقدان سووای، بیر شئ دییلدی.عیباد بونو بیلیردی. امما خچه بواوینو ینی یوخلوردو.او گئجه علی هامییان آتیشدی:»اوز دردیم یوخودو، سیزین دردیز منی اولدوردو!«
او بئله فیکیر ائلیردی کی “بونلار اولمامالی دی”. »اولوم اوینودو.یاشایئش یانی بو.اولوم نن اویناماق. ایه اونو سینقین ورسن دیری سن«-عیباد دئدی.
خچه یورغان-دوشک دیدی. بیر سئوز دئمیردی.بیلمیره م اونون ایچینده نه گئچیردی. چوخ دینمز-سئوله مزیدی.
اوندا کی باشدان-آیاغا پوخا بولشمیشدی، چتین اوزونو آیاق اوسته ساخلامیشدی کی عیباد سو گتیرسین. اوز-گوزو قیوریلمیش اوره یی قالخیردی، امما گوجونن اوزون ساخلامیشدی. نوخوش-نوخوش، دردلی-غملی ، اوستو-باشیندان توکولن ……… دامجیلارینا هوروت-هوروت گوز تیکمیشدی.
و ایندی ده بالاسین، اوز جییارین، قویودا آسیلی گوروردو… آخ خچه ! نچون سکوت ائدیب سن بئله؟
سویله دردین آنام ، باجیم ، دوستوم، سئوگیم! دئمه سن، نه بیلیم کونلونده نه گئچیر؟ الیمدن بیر ایش گلمیر.سن باری سووله دردین، باجییان، گوزه لیم! من دام-دورادان باخانام.گوروبسن قفسده قافلان نئجه وئرنیخار،و الیندن بیر ایش گلمز؟
بیر جاماکادن، پاجادان باخانام اولدوم…سن دانیشماسان، کیم بو سس سیزلیگی ایچ ائلییه بیلر؟…یوخ! دئمه بیزیم کیده بئله گلدی، بئله اولدو… نه بیلیم، بلکه ده ایچینده ائله بیر توفان وار کی دئمک ایسته میرسن: قادینام ، وورغون.آنایام، چالیشقان. امما محکومام …… قویوسوندا باتیبچیخام، باتیب-چیخام ؛ بلکه دیری قالام…یاشایش؟…بلکه ده او… دیر کی، خچه نی باشدان-آیاغا بوله میشدی!

نوشته شده توسط admin در چهارشنبه, ۰۴ آذر ۱۳۹۴ ساعت ۵:۴۳ ق.ظ

دیدگاه


7 + = سیزده