ضیقم شاه ناغیلی

ضیقم  شاه ناغیلی

آنا دیلیمیز: بیری وارایدی بیری یوخ¬ایدی. آللاهین کرمی چوخ- چوخ¬ایدی. احمدتالانی آدلی بیریسی وار ایدی، بیرده ضیقم-شاه. احمد- تالانی بیر گون، اوخون گوتورر دورار مینر آتینا گئدر شیکارا. گئدنده قاباغینا بیر جئیران راست گلر. جئیرانا اوخ آتار،کمند آتار توتانماز. جئیران کنمددن قاچار، احمدتالانی ده دالیسیجا. جئیران قاچار، احمد قاچار. بوردا-اوردا، بوردا-اوردا گونلرده بیرمنزیل طی منازیل دره¬لرده سئل¬ کیمی تپه¬لرده یئل کیمی باد¬سرسر کیمی قاچماغا مشغولدولار. نئچه گئجه-گوندوز یول گئدن¬دن سونرا جئیران تپیلیر بیر قالاچایا. احمد قالاچانین قاپیسیندا آت¬دان یئنه¬ر گیرر ایچری. گؤرر بلی، جئیرانی بوردا باغلاییبلار، قیزیل بویوندوروق بوینوندا قاباغیندا یونجا. احمدتالانی جئیرانی آچار گؤتورسون گلسین اؤز–اؤزونه دئییر »ای دل غافیل قالاچانین حتماً بیر صاحیبی وار صاباح سنه بیر آدلار قویارلار،گَل بیر قالاچانی دولانگینان«. احمدتالانی گلر قالاچانی دولانسین بیر دسته کلیدلره راست گلر. گؤتورر آچار گؤرر بلی بیر آنباردا دویو وار یاغ وار. آغاما عرض ائدیم، بیر انباردا لعل، جواهرات وار، آیری بیر انبار دؤیوش وساییللریدی، زوبین، قالخان، قمه، خنجر وار. سورا آیری بیر دسته آچارا راست گلر گؤرر نئچه طووله واردیر. هر طووله¬نی آچار گؤرر هره¬سینده بیر رنگده آت واردیر. سورا گورر آیری بیر دسته کلید وار. گؤتورر آچار گؤرر هره¬سینده آتلارین یهری لوازیماتی واردیر. اوردان کئچیب رد اولار. گؤرر بیر نفر یاتیب باشی اوسته بیر شمع، آیاغی آلتینادا آیری بیر شمع یانیر. باشی اوسته بیر تاباق یئمک حاضیردی، بوغلاییر. احمدتالانی آج ایدی اوتورار یئمک¬دن یئیر. گؤرر بیر اوزوک چیخدی. احمدتالانی اوزوگو سالار بارماغینا کئچیب خزانه¬دن قیزیل پول-¬پله،اسلحه¬لردن گؤتوروب آتلارین بیرینه مینب یول باشلار. احمدتالانی یولا باشلاماق هامان، ضیقم¬شاه یوخودن قالاخار گؤرر ای دل غافل یئمگین یئیبلر. باخار بیلر بیر نفر بورا گلیبدی. دیقت ائدر گؤرر کلیدلر یئریندن ترپشیبدی. بیلر قیزیل دان سونرا آتی، جئیرانی دا آپاریبلار. قالخار آتلاریندان بیرینه مینیب رددین آرخاسیجا دوشه¬ر گئدر. بوردا–اوردا، بوردا-اوردا، بلی بیردن احمد تالانی¬نی گؤرر آرخادا بیر آتلی گلیر. احمد¬تالانی آتا مئهمیز گورسه¬در، ضیقم¬شاه آتا مئهمیز گورسه¬در احمد تالانی¬یه یاخینلاشار، آرخادان جارلار »ای شخص پول- پله می جئیرانیمی، آتیمی آپاریرسان ایشیم یوخ اما او اوزوگو آت گئت«. احمدتالانی بونا اینانماز. آتا مئهمیز گورسه¬در ضیقم¬شاه آتا مهمیز گورسه¬در، گئت¬ها گئت، بیر یئرده احمدتالانی گؤرر ضیقم¬شاه بونو یئتیرجکدی. چاره نه¬دیر؟ دئیه¬ر»گل بو اوزوگو آت گؤر باشینا نه گله¬ر«. اوزوگو آتار. ضیقم¬شاه اوزوگو گؤتور قاییدار. قاییداندا احمدتالانی¬نی بوهت گؤتورر ای دل غافل گؤرسن بو اوزوکده نه حیکمت وار کی بو بیر بئله لعل جواهیر، آتی آپاریرام پسند ائلمه¬دی اما اوزوگو پسند ائله¬دی،گل گئت گؤر بو اوزوک ده نه حیکمت وار. احمدتالانی آتی قایتارار ضیقم¬شاه دالیسجا، »سسلر ای شخص گئتمه من سنه قوناغام بو گئجه«. ضیقم¬شاه دئیه¬ر »گوتور نمنه آپاریبسان حلال خوشون اولسون، سنین منه قوناق اولماغا صلاحیتین یوخدور کی باشین قضا قدره راست گلر«. احمد تالانی دئیه¬ر »قضا قدره راست گلسه ده من آللاه قوناغینام«. ضیقم¬شاه دئیه¬ر»آللاه قوناغیسان بس گل گؤرک«. بونلار گلرلر صوحبت وحدت، آخیرده شام گلر آرایا. احمدتالانی دئیه¬ر »من¬یئمیرم«. ضیقم¬شاه دئیه¬ر»نییه؟« احمدتالانی دئیه¬ر»گرگ منه او اوزوگون سیرینی آگاه ائیلیه ¬سن«. ضیقم¬شاه دئیه¬ر»سن بو سیردن بیلمک ایسته¬مه، منیم دردیمی تازالاما. بو اوزوگون سیری چوخدور«. احمدتالانی دئیه¬ر »اولماز من دردینه علاج ائده¬جیم، اگر اولماسادا دردینه شریک اولاجاغام«. ضیقم¬شاه باشلار سیررین آچار، دئیه¬ر»منیم بیر عم قیزیم وارایدی او آداخلیم ایدی، اونو گتیردیم قالاچایا. بیر گون صوحبت سونو دئدی من ماوالا گئده¬جیم، من دوردوم کناردا«.
او ماوال¬دان چیخاندا گؤی شاققیلدادی گورولدادی گؤی¬دن بیر اَل گلدی منیم معشوقه¬می آپاردی. عم قیزیم اوزوگون آتدی،دئدی »عم¬اوغلو منله سنین دیدارین قالدی قیامته. اوزوگو ساخلا منی گؤنلون ایسته¬ین زامان بو ا?زوگه باخ«. من سورا سوراغینی توتدوم گؤردوم بلی بونلار یئددی دئودیلر. بیرقیللی، ایکی¬قیللی، اوچ ¬قیللی، دؤردقیللی، بئش قیللی آلتی-قیللی، یئددی¬قیللی. منیم نیشانلیمی یئددی قیللی دئو آپاریب. من قوشون چکدیم آما علاج اولمادی. قوشون شیکست اولدو. بئله اولدو من خانه¬نشین اولموشام، معشوقه مین فراقیندایام. احمدتالانی دئدی »من گئدرم سنین نیشانلین¬دان خبر گئتیررم«. ضیقم¬شاه دئدی»گئتمه!مصلحت یوخدو«. احمدتالانی دئدی »گئده¬جیم«. گئجه سحر اولدو ضیقم¬شاه، احمدی موصیر گوروب بونا پول-پله، سیلاح و یاخشی آت وئردی. احمدتالانی دوشدو یولا. بیر، ایکی، بئش گون، بیر، ایکی بئش آی یول گئدیر. دره¬لرده سئل کیمی تپه¬لرده یئل کیمی، باد سرسر کیمی، اَسمه¬یه مشغول اولوب. گئتدی یئتیشدی آیری بیر مملکته. بو مملکتین باش کندینده بیر یئمکخانادا دوشدو .اوردا وزیر-وزرا امیر-امرا گلیب شب¬نئشینلیک ائدردیلر. احمدتالانی ده اوردا ایدی کی وزیر–وزرا سوروشدولار »بو شخص کیمدیر؟ غریبه¬یه¬اوخشور«. دئدیلر»احمدتالانی¬دی،گئدیر ضیقم¬شاه¬-ین نشانلی سیندان اوترو«. اونلار دئدیلر»ای دل غافل بو گؤر نئجه بشردی کی یئددی ¬قیللی دئوین¬ داعواسینا گئدیر. دئییرلر بیزیم شاه¬ین قیزین اوچ¬ قیللی دئو آپاریب، اونلا باشارا بیلمیریک، گلیر شاهین اندرونی سینه¬ده تجاووز ائدیر«. شاها خبر آپاریرلار یاخشی دی احمدتالانی سنین باشینی اوچ¬قیللی دئودن سووسون سورا گئتسین یئددی قیللی دئو داواسینا.
شاه، احمدتالانی¬نی احضار ائدر دانیشار. احمدتالانی باشی¬نین قضا-¬ قدرین ناغیل ائدر. شاه ¬دئیه¬ر »ای شخص یاخشی گلیبسن منیم¬ده بیر موشکولوم وار بو موشکولومه علاج ائت. بیر اوچ قیللی دئو منیم قیزیمی آپاریب. ایندی¬ده گلیر اندرون-بیرونوماجاق آیاق قویوب. بونا قاراول، یاساول عوهده¬دار ائتمیر. اوچ¬قیللی دئوین شرّین بیزیم باشیمیزدان گوتور«. شام یئیه-ندن سورا احمدتالانی¬نی اوتوررلر دئو گلن حَیطه، قاپی¬سین باغلارلار. احمدتالانی بیر گوشه ده دالدالانیب گئجه¬نین بیر زامانی گؤرر بیر هنیرتی گلدی. اَلین قاتدی حیه¬طین میوه¬لریندن یئمه¬یه. احمد قورخودان قلینج چکیب یاخینا گئده بیلمز اما اوزاقدان قلینجی آتار، قیلنج توتار دئوین بودوندان، بودو دوشه¬ر یئره. دئو قاچار. سحر اولار، احمد قاپینی چالار دئیه¬ر »یئددی تکرلی آرابانی گتیرین دئوین قیچینی آپارین«! مأمورلار گلیب، نئچه نفر دئوین قیچین قویارلار آرابایا آپارالار شهرین وسطینه. شهرین اهلی گلر تاماشایا کی احمد تالانی اوچ قیللی دئوین قیچین سالیب¬دیر. احمد گلر شاهین محضرینه صوبحانه یئییب گتمک ایستر. وزیر فیکیرلشر؛ “بو دئو یارالی دئییلدی بو ایشلری گوروردو ایندی کی یارالی¬دیر، ساغالسا گلیب دده یاندیرار، یاخشی بودور شاهین اوغلانلارین دا قوش بو احمده، گئتسینلر دئوین سوراغینا”. وزیر بونو شاها آنلادار. شاه پسند ائله¬ر. اوغلانلارین چاغیریب دئیه¬ر»ایندی سیز اوچ قارداش¬سیز. گلین بو احمدله گئدین یارالی دئوی تاپیب اولدورون. باجیزی دا نجات وئرین« اوغلانلار، احمدتالانی ایله دورارلار قانین ردین توتوب گئدرلر بر و بیاباندا بیر قویویا چاتارلار. شاه¬ین بؤیوک اوغلونو سالارلار قویویا. یولون یاریسیندا باغیرار »اؤلدوم – قالدیم منی چکین اوسته«. اوسته چکرلر. سورا بالا اوغلونو دا هکذا قویویا سالارلار. اورتادا هارایلار »اولولدوم – قالدیم منی چکین اوسته«. اوسته چکرلر. آخیرده احمدتالانینی قویویا سالارلار. اورتادا،احمددئیه¬ر»اؤلدوم– قالدیم منی چکین اوسته«. قارداشلار ایپی کسرلر احمددوشه¬ر قویویا حالدان گئدر. بیر آزدان سورا حالا گلر. دورار قویونو گئدر بیر حَیطه راست گلر. گؤرر نه هنگامه دیر. دئو یاتیب باشینی قویوب شاهین قیزی¬نین دیزی اوسته، قیز یلپیک چالیر. احمد بالاجا بیر داش آتار، قیز خبردار اولار، سوروشار »سن کیم¬سن؟«. احمد دئیه¬ر»من احمد¬تالانی¬یم، دده¬ن گؤندریب سنین دالینجا«. قیز دئیه¬ر»بو دئو گئدیب اوچ گونون یوخوسونا، اگر اویانیب سنی گؤرسه گونووو قارا ائدر«. احمد قیزدان سوروشار»بو دئوین جانی هاردادیر؟« قیز دئیه¬ر»اوٍچ مین کیلومتر گؤیده دیر. اگر اَله گتیریب بورداکی حوضون مرمر داشینا چالسان جانی چیخار«. احمد گئد¬ر مینر دئوین سینه¬سینه، خنجری سالیب بودوندان نئچه باتمان اَت قوپاردیب آتار او طرفه. دئو بالاوری(آزجا- نیسبتاً) اویانار دئیه¬ر »نازنین قیز قویما میلچکلر منیم یارامی یئسینلر«.
احمد بیرده خنجری سالار اَتدن سوکه¬ر. دئو اویانیب دئیه¬ر »نازنین قویما یارام دان میلچکلر یئسینلر«. قیز دئیه¬ر »میلچک دئییل احمددی«. دئو احمد آدین ائشیدیب هاراسان قالخار. اَلین آتار احمدی گؤیه قالخیزار دئیه¬ر»سنی یئره چیرپسام نه اولار؟« احمد دئیه¬ر »ائله بیل تویوق نینین دن دوشموشم یئره«. بیر آز گؤیه قالخیزار دئیه¬ر »بوردان یئره چیرپسام نئجه اولار؟« احمد دئیه¬ر؛»ائله بیل اوچ پیله نردوان دان یئره دوشموشم«. دئو حیرسلنیب احمدی داها گؤیه قالخیزار دئیه¬ر »بوردان نئجه؟« احمد گؤیده کی شوشه¬نی گوتورر دئیه¬ر»من ده شوشه¬نی یئره چالارام«. دئو دئیه¬ر؛»اماندی اونا دَیمه«. احمد دئیه¬ر»سن منی اَندیر یئره، من¬ده شوشه¬نی وئریم«. دئو احمدی اَندیرنده، یئره آز قالاندا، قیز اشاره ائدر، احمده شوشه¬نی وورار داشا اؤزوده یئره آتیلار. گؤی قارالار بونلار هوشدن گئدرلر. بیر آز سورا هوشه گلرلر گوررلر دئو اولوبدور. احمد تالانی قیزی ایله یئددی دؤولتین قیزیلین گؤتورر قویو آغیزینا ساری گلر. اول قیزی، سونرا قیزیللاری یوخاری چکرلر.

نوشته شده توسط admin در چهارشنبه, ۳۰ اردیبهشت ۱۳۹۴ ساعت ۴:۵۴ ق.ظ

دیدگاه


2 + هفت =