سوبایلیق یا ائولیلیک

سوبایلیق یا ائولیلیک

اکبر سعادت
اوغلان قیزی هاردا سؤیدی بیلینمیر
کیم ائولیدی کیم سوبایدی ، بیلینمیر
آنا دیلیمیز: ایسته ییرم بو سفر عشق دن، سئومک دن،سئویلمه دن، ائولنمک دن، آداقلی بازلیقدان و … یازیب دانیشام .
اوجور کی عاییدیر شاعیر دییر: عشقدن محروم اولان انسانلیغا بیگانه دیر.
آما هئچ او بیری اوزون دئمه ییب…قارداش(علی آقا واحد) کئشکه اونون آردیندا یازاردین:: عشق دن کام آلان تاریخ بویو افسانه دیر
بو جوانلار آراسیندا عشق چوخلی اوئلری ییخیب…دئمک بو عشق یامان گونه سالیر بیر عده نی… آنجاق بیر عده نی ده بو قارا گوزلولر هر نه دن دالی سالیر…یئمک دن،ایشمک دن…بونلاردا ائولنمک هوسی یوخدو اما هئچ زامان دا بو آداخلی بازلیقدان ال چکه بیلمیرلر…
عینی زاماندا جامعه‌شناسلاری فکره سالان و جامعه‌میزی بوروین مشکل‌لردن بیری جوانلاریمیزین ائولنمگه رغبتسیزلیگی و ائولنمک یاشی‌نین چوخالماسیدیر.
دئمه لی حتی چوخلو جوانلار ائله او ۲۰ یاشلاریندا دوشونور لر کی دا ائولنمک دن فایدا یوخدو… بیردن گوز آچیر، ۳۰ یاشدان یوخاری اوزونو گورور. هر یاندان دا زورا باسیلیر آی بالا ائولن گورک! ائولنمه‌سن اوشاق‌لارین کوچه‌ده اوینایاندا ددم روحو دئیه‌جک‌لر. ائله بیلیرسن هر کس سندن ماراقلانیر.
بوردا دی که جامعه ده بیر هرج و مرج یارانیر.
بیر عده ‌نین نظرینه گوره بو مساله‌نین اساس عاملی قیزلاردیر. اونلار بئله اینانیرلار کی اجتماعی استقلال و مالی امکانلارین اولماسی قیزلاریمیزی یا اوغلانلاریمیزی ائولنمگه رغبتسیزلندیریب.
جامعه‌ده یارانان کاذب احتیاجلار انسانلاری آرتیق و داها آرتیق خرجله‌مگه مجبور ائلیر و اقتصادی وضعین یاخشی اولماماسی‌دا اونلاری بیر جور چیخیلماز یولا سالیر و نتیجه‌ده جوانلار بونلاری گورمکله ائولنمکدن چکینیر و عایله‌ دولاندیرماق مسئولیتی آلتینا گئتمیرلر.
سوبای لار بیزیم جامعه ده بیر خاص فیکرلده یاشاییرلار کی جامعه شناس لارین دئدیینه گوره هئچ کیم اونلارنان موافق دئییل …بئله کی: بیر آدام سندن گیلئی‌لنمیر. تئز یاتدین، گئج یاتدین، گئتدین، گئتمه‌دین، اولدون، اولمادین، قالدین، قالمادین هئچ کیمین سندن ایشی یوخ دیر.
تکجه اوزونسن، اوزون بیلیرسن نئیلیرسن. اوزووه یاشاییرسان، پیس-یاخشی‌سی دا تکجه اوز آیاغیوی توتور. ائله یونگول اولورسان، هر نه ایش گوره بیلیرسن. سوبایلیق یادیان دوشور ایسته‌میرسن یادا سالاسان.
بیلمیرسن دئیه‌سن سوبای‌لار آماندی ها ائولنمه‌یین!. بیر عومور گوزلنمه‌دیک‌لر، ائولندییین گونلره ساخلانیلیب.هر حالدا دئدییمه گوره بورادا بیر عده ده وار کی ائولنمک هوسی یوخ …آمما آداخلی بازلیق لاردان ال چکه بیلمیرلر…اونلارین دا بیر خاص افکارلاری وار…بئله کی:
عاغیلی آدام اودور، هئچ ائولنمه یه فیکیر وئرمه ییب! عومور بویو سوت گویلونده یاشایا، گاهدان ائولنمه یه گوره ده بیر خاص عقیده لری وار …بونلار همان قارا گوزلو لره وورولان لاردی
گوزون بیر قره گوزلو دلبره ساتاشیب اوره یین گیزیلداییب چیرپینان زامان خانمان خراب اولماغین بیرینجی آددیمی دیر، داها بوندان بئله یه بیر آز هوشلو باشلی داورانماسان نهایت مجنونا تای دلی اولوب چؤللره دوشه بیلرسن.
بوتون بو اولای لاری کندی من اوزوم سوبای اولاراق یوخ ها! بلکه یوزده دوقسان دیگر سوبای یازارلاریمیز، اوزللیکله باش یازاریمیزین داورانیشیندا گورموشم. اوز آرامیزدا قالسین، چیخارتدیغینین ائله یاری پایین بو یولدا خشله ییب، سونوجودا اولماییب! نییه؟! سانکی اخلاقی یوخدور هامی نی سانجاییر.
سئوگی یولوندا جان دئییب جان ائشیتمک لازیم. سئویرم سنی قره گیلم دئمک لازیم. بو سوزو ده اوجور کی بیلیرسیز چوخ ائشیت‌میشیک، سوبای‌لیق سولطانلیق‌دیر.و گاهدان سوبایلیق آدی گلنده دیئریک کی بابا جان گئت سوت گویلونده یاشا. نه وار ائولنمک ده…
ایلک اونجه قاش گوز آتیب یار قاداسین آلان زامان، الی وز جیبینه گئدیب بیرلیکده کافی شاپا گئتمکدن چکیلمه یه، گشت ـ ی ارشاد ایله اوز به اوز گلنده اوزون ایتیرمه یه، سئوگی سینین سیم کارت شارژینی آلیب هدیه اولاراق بیر »وایمکس« ده پای وئره، گئجه لری شامی یئییب چوخ یوبانمادان بیلگی سایار باشیندا ایله شیب»چَته« باشلایا، »وب کم« ده اولسا داها آرتیق باکیلاس اولار و ان اساسی قونو دانیشیقلاریندا»جان« سوزونو دیلدن سالیب اونوتمایا
گوزونو آچیب یومونجا گوره جکسن ایش کئچمه ده سئودییین قیزین مامان جانی! دئییر: قیزیمین کبینی، میلادی »مسیحی« تاریخ اوزه ره اولاجاق. اوزونده »عندالمطالبه« یانی تئز اول ترله گلسین!بویور! یئنه هله فرصت وار، باشین الحد داشینا دیسه قاییدا بیلرسن.
یوخ آما دئیه سن قره گیله نین عشقی یامان بوغوب! اولدو وار دوندو یوخدور. جانیم کبینی کیم وئریب کیم آلیب!
آللاه باشاجا گئدنلردن ائله سین . ایش لر یئرلی یئرینده مرتب گئدیب کبین کسیلندن سونرا، مشدی عیباد دئمیشکن آداقلی بازلیق زامانی گلیب چاتیر.
یانی هفته نین یئددی گونوندن بئش گونون قایناتا قاپی سیندا اولاجاقسان، عزیز قوربان بایرامی بیر توخلو یا شیشک داوار آلیب قاپی لارینا گوندره جکسن، خیاباندا سئوگیلندن قول قولا یاپیشیب بازارلیغا گئده جکسن، …………………. آداقلی بازلیق دان شیرین نه اولار کی!؟ سئوگی ـ محبت آدی گلنده دیسکینیرلر، آخیریدا بئله اولار دا، خیاباندا بیر نفره چکیل اویانا دئمک اولمور هامی قان ـ قان دئییر، بوتون جاوانلار سفیل سرگردان، ایشسیز ـ ائوسیز کوچه لرده سرگردان دیرلار.
هر حالدا آداخلی بازلیق نه قدر ده دادلی اولسادا، نیشانلی لیق چوخ اوزون سورمه مه لی دیر. قدیمدن دئییب لر: کاروانسارانین آغزین باغلاماق اولسادا جاماعاتین آغزین باغلاماق اولماز.او کی قالدی. توی توره نی و بال آی عنعنه سی دیر. ماه ـ ی عسل یازیم بیسوادلاردا قانسین! قالیب او کئفیزه، ائویزی ایلک آخشامدان ییخماق ایسته ییرسیز حنا گئجه توتون! یوخ آما کئفه باخماق ایسته ییرسیز چمدان لاری باغلاییب، یانیزا یئنگه قوشمادان بیر نئچه گون اجنوی اوکه لرین دنیز قیراغی قومساللارینا نه بیلیم، اندونزی نین باله سینه، قناری آدالارینا و … یوخ ها، بلکه اورمونون آدالارینا گلیب چالدیرا بیلرسیز. اوزونده ایندی چوخ اوجوز باشا گلر.
ائله یولو قاتیب قاباغیزا پیادا دا گئده بیلرسیز، لازیم اولان بیر ایکی قاب ایچمه لی سودور اونودا گیزلینجه آپارماق اولار. گولون کیفیر لجن لری ایتیب گئتسه ده داها یاخچی! ایندی آغ آپپاق دوز بالتالارینین اوستونده اوزانیب گونش حامامی آلارکن جان دئییب جان ائشیده بیلرسینیز.

نوشته شده توسط admin در دوشنبه, ۱۷ فروردین ۱۳۹۴ ساعت ۴:۲۲ ق.ظ

دیدگاه


5 − = دو