سئوگی سیزیاشام اولماز

حاضیر لایان:اکبرسعادت
سئوگی مندن سنده نه وار گتیر گوره ک درده ده یه ر
عشقی اؤتور چال تؤته گین سسی گلسین وارین اه یه ر
اوتورورسان هر بیر یاندا سئوگی دییرسن نه چی دیر
عشقه اینانمیشام کی من اونا وئرم اولو ده یه‌ر
آنا دیلیمیز : سئوگی ایکی آدامین قوووشماسیندان یارانان گوزل بیر حیسسدیر. سئوگینی هم ده ایکی آدامین یوکسک، ایلاهی عالمده گوروشمه سینه بنزتمک اولار.سئوگی سیز یاشاماق اولارمی.سئوگی نه دئمک دیر.
سئوگی قارشیسی آلینماز قودرتلی بیر سئلدیر کی، قارشیسینا چیخان هر شئیی یویوب آپاریر. وای او سئلین آغزینا دوشه نین حالینا! خوش او سئلی ایداره ائده بیله نین حالینا! هامی بیلیر کی تانیری، دونیانی و هابئله اینسانی یاراتمامیشدان قاباق سئوگی نی یارادیبدیر.
سئوگی سیز گئجه نی ، گوندوز و گوندوزو گئجه ائتمک اواماز. مه یه اولار سئوگی سیز پاییزی قیش ، قیشی یاز ، یازی یای و یایی پاییز ائده سن؟ اصلا مه یه اینسان سئوگی سیز یاشایا بیلرمی؟ سئوگی نه دئمک دیر؟ دئییرلر اولو تانری دونیانی و اوزللیک له اینسانی یاراتمامیشدان اونجه سئوگی نی یارادیبدیر. بئله لیک له سئوگی ایلاهی یارادیجیلیق و ازلی و ابدی دیر. سئوگی تانریدان اوزل بیر پای دیر تام یارادیجیلاقلارا و بام باشقا اینسانا.
منجه سئوگی دیر آل قانی دامارلاردا گزدیدیر. سئوگی دیر اینسانی دیرچلدیر روح باغیشلاییر یاشام وئریر و حرکته سالیر. سئوگی دیر اوره یی چیرپیندیریر ، سئوینج وئریر ، اینسانی گله جه یه موتلو ائدیب ایناندیریر. سئوگی توکنمز پای دیر . اولوم سوز یارادیجی دیر. چونکو ایه ر اینسان اولورسه ده آمما سئوگی قالارگی دیر . ابدی قالارگی. سئوگی یاشایئشین سیرری دیر . دییه رلر سئوگی سیز اینسان کوکسوز آغاجا بیتگی یه و تمل سیز بینایا بنزر. سئوگی اولماسا کیچیک بیر سازاخ اثرینده نه آغاج نه بیتگی و نه بینا ایاق اوسته قالانماز. سئوگی سیز اینسان سو اوزه رینده جانسیز بالیغا بنزر . سوزسوز کی سئوگی یه باغلی اولان یاشامینی دیه رلندیریر . سئوگی یه اینانان یاشاما اینانیبدبر دئمک. سئوگی بیر زامان وطن اولور بیرزامان آنا یورد بیرزامان حیات یولداشی اولور بیر زامان یولداش بیر زامان اولو تانری بیر زامان آدای و بیر زاماندا قلم اولور .
سئوگی یه باغلی اولان دیرچه لیشه باغلی دیر و ان دوغروسو یئر – گویو و کائیناتی یارادان تانری یا باغلی دیر . بیر وار سئوگی طرف-موقابیللرله قیدالانیر. بونا بیر چوخ حاللاردا شهوت، ائحتیراس دئسه لر ده، بعضی حاللاردا موناسیبتلر عومومی ماراقلار، پلانلار و ایستکلر واسیطه سیله بوندان داها یوکسه یه قالخا بیلیر. لاکین نه قدر زنگین اولورسا اولسون، ماددی بیر اوبیئکت – توکنن، محدود منبعدیر. بیر ده وار ایلاهی عالمدن قیدالانان سئوگی. سونسوز و ابدی بیر عشقین یئرده کی تظاهورو. بیر قاپیسی بنده یه، دیگری موقدس عالمه آچیق اولان، بو سببدن ده هئچ واخت توکنمه یه ن، نورو سولمایان، هم زنگین، هم ده زنگینلشدیرن سئوگی. سئوگی قالماق دا البته بیر انتخاب دیر . لکن در حال بونا قرار وئرمه یین . حتی او بونو پیشنهاد وئرسه ده سیز بیر آز فیکیرلشمه یه احتیاجیز اولدوغونو سویله یین .
بو بیر دورتو چونکی سیز آیریلیغی چوخ اومورسایان طرف اولاراق گورولمک ایسته میرسیز.سویوق قانلی گرولمک ایسترسیز . آما اصلینده ، بو صنعی غریب آیریلیق مودتی بویونجا ؛ اونونلا سئوگی قالا بیلجک یادا قالمایاجاق اولمانیزی سولمک چتین دیر .
عمومیت له بیر طرف دوست قالماق ایستَیَرکَن دیگری داها چوخونو ایستر . ساغلام بیر سئوگی دن قاباغ بونون اوزرینده چالیشمالی سیز . طبیعی اگر دوغوردان بو ساغلام سئوگی مومکون سه ، اونون ایله یولداش قالمایی ایسته مَمیز ، مغلوبیتی قبول ائتدییمیزی معناسینا گلمز.بو دوورده باشقا بیری ایله سئوگیلی اولساز ، بیرآز آغیردان آلین . داها یئنی بیر علاقه دن چئخدیز ، اوره گینیز یارالی و ژان کلود وان دام فیلم ینده کی تانکر لر کیمی بیر پارتلاما یاشادی . یاواشدان آلاجاق و سیرادان بیرشی میش کیمی بونون دادینی چیخارداجاقسیز . آما ددییمیز کیمی اوره گینیز بیر دفعه قیریلدی ، ایلک باشدا بیرآز آغیر آددیم لار آتماقدا فایدا وار . اوزونوزو گری قازانماق اوچون پلان لار ائدین . شخصی اینکیشاف کتاب لاری آلین ، ایدمان یاریشمالارینا ( ورزشی موسابقاتا) قاتیلین ، آلیش وئریشه چیخین یاخین همجینس یولداشلاریزنان داها قاباغدان گورمدیینیز یئرلره گئدین . .
عاشیقانه ماهنی لار قولاغ آسار کن اسکی سی قدر حوزون انمه دییزی فرق ائده جکسینیز . ماهنی لارین سوزلرینه دیقت کسیلیب اوز وضعیت ینیزله باغلانتی قورماقدان واز گئچمیش سینیزدیر .
سئوگی نین فاتئحلیک گوجونه ان گؤزل نومونه ایسه شئیخ صنعاندیر. هله ۱۳-جی عصرین صوفی موتفککیری فریدالدین عطارین یارادیجیلیغیندا راست گلینن بو سوژئته سونرالار حوسئین جاوید ده موراجیعت ائتمیشدیر.
بو ایکی مولیفین دونیاگوروشونو :»جاوید فلسفه سی»نده موقاییسه ائدن صلاح الدین خلیلوو «عشقین قودرتی ایله ترسا قیزینا ایلاهی عشق تلقین ائتمک، …بوتون دینلری بو یوکسک مقامدا بیرلشدیرمک مقصدینی« اونه چکیر. هر ایکی اثری اوخویاندا اورکده بیر حیسس قالیر – بیر روحون داخیلینده کی ایلاهی عشقی، موقدسلیک دویغوسونو کشف ائتمک اوچون سئوگی بوتون چتینلیکلره داوام گتیرن، حیاتین تام دیبیندن، چیرکابین درینلیگیندن چکیب چیخاران ان گوجلو بیر واسیطه دیر. ترسا قیزینا الینی اوزادان ال بئله بیر قوووه یه صاحیب اولمایاندا ایسه …

نوشته شده توسط admin در دوشنبه, ۱۴ اردیبهشت ۱۳۹۴ ساعت ۵:۱۱ ق.ظ

• ۱ نظر
• 1537 بازدید
•    تویت
•  چاپ