سئحرکار پادشاه و سئحرکار وزیر

کوچوره ن :اکبرسعادت
آنا دیلیمیز:بیرى وارایدى? بیرى یوخ ایدى، بیر پادشاه وار ایدى، بو پادشاهین الیندن هر بیر ایش گلیردى، بیر گون پادشاه وزیرینه دئدى:وزیر? دونیادا اولان بوتون صنعتلرى بیلیرم? سئحرکارلیغى دا گرک اویرنم? گئت بیر سئحرکار چاغیر:
وزیر گئدیب بیر سئحرکار چاغیردى۰ وزیر سئحرکارلا پادشاها بیر خلوت یئر دوزلتدى۰ سئحرکار باشلادى پادشاها سئحر? جادو? افسون اویرتمگه۰ وزیر ده اوزونه بیر خلوت یئر دوزلتمیشدى? اودا سئحر اویرنیردى? سئحرکار بوتون سئحرلرى پادشاها اویرتدى.
پادشاهدان چوخلو خلعت آلیب گئتدى. پادشاه ائله بیلیردى کى? اوندان باشقا سئحر? جادو بیلن یوخدو۰
بیر گون پادشاه وزیرله شیکارا چیخمیشدى. پادشاه دئدى:بیر اویون چیخاراجاغام.وزیر دئدى:چیخارت گوروم.
پادشاه بیر جیران جمدگى گوردو. او ساعات پادشاه جیران جمدگینه گیریب بیرجیران اولدو۰ وزیرده پادشاهین دونونا گیریب پادشاه اولدو۰ پادشاه چیخیب گئتدى۰ وزیر پادشاه دونوندا سارایا گلیب دئدى:
وزیر اولوبدو۰هامى بو سوزه ایناندى? وزیر پادشاهلیق ائله ییردى? آنجاق باش کنیزین یانینا گئده بیلمیردى۰ او بیرى طرفدن پادشاه بیر طوطو قوشو اولدو۰ صیاد بونو توتدو۰طوطو قوشو دئدى:منى آپار اصفهانا? بئش یوز تومنه سات .
صیاد بونو گوتوروب آپاردى اصفهانا? آپاریب قاضی نین قاپیسینا دئدى:بو طوطو قوشونو اوجوز ساتیرام? بئش یوز تومن قیمتى دیر.قاضى طوطو قوشونو بئش یوز تومنه آلدى۰ طوطو قوشو گوردو قاضى شریعتین قانونلارینا عمل ائله میر۰ طوطو اونا دئدى:قاضى? شریعت قانونلارینان گئتمیرسن ها۰
بیر قیزلا بیر تاجیراوغلونون شیکایتى وار ایدى. قاضى بو شکایتى کسه بیلمیردى. قاضى طوطو قوشونو وکیل ائله دى? کى بو شکایتى کسسین۰قیز گلدى طوطونون یانینا دئدى:فلان تاجیرین اوغلو مین تومن وئریردى? ال وئرمیردیم.
ایندى هامان مین تومنى تاجیر اوغلوندان ایسته ییرم۰ او منى آلدادیب پول وئرمه ییب.طوطو امر ائله دى بیر گوزگو گتیردیلر۰ اوغلانا دا دئدى:گئت مین تومن پولى بورا گتیر¬
تاجیر اوغلو مین تومن چیخاردیب طوطو قوشونا وئردى۰ طوطو قوشو مین تومن تاجیر اوغلونا وئرمک ایستردى۰ تاجیر اوغلو الینى اوزاتدى۰ پولدا الینده ایدى۰ پول گوزگویه دوشدو.
قیزا دئدى:گئت پولونو گؤتور۰قیز گوزگونون قاباغینا گئتدى? دئدى:آخى پول یوخدو? شکلى گوزگویه دوشوب.طوطو دئدى:ائله گوروشمه یین بئله ده پول آلماغى اولار۰ سنله کى? گوروشمه ییب تا سنه پول وئرسین۰ چیخین گئدین.
هامى طوطو قوشون شیکایته بئله باخماسینا آفرین سویله دى۰ پادشاه بونو ائشیتدى. چوخ باهایا قاضى دان طوطو قوشونو آلدى. طوطو قوشو پادشاهلیق قایداسینى پادشاها اویردیردى.
بیر گون پادشاه طوطو قوشونا دئدى:باش حرم منه ال وئرمیر? نه جور ائله ییم؟طوطو قوشو دئدى:من اونو یولا گتیررم۰پادشاه طوطو قوشونو باش حرمین یانینا آپاردى۰ طوطو قوشو باش حرمه دئدى:
خانیم? بیر نئچه ایل بوندان قاباق او قدر کوک ایدین کى? قاپیدان ایچرى گیره بیلمیردین. ایندى نه اولوب کى? بئله آریقلامیسان؟ ضعیفله میسن؟خانیم دئدى:منیم گوزوم پادشاهدان سو ایچمیر۰ او? منیم اریم دگیل. اریمین فیکرینى چکمکدن گون¬گونده ارییرم.بیر نئچه گون بئله گلدى کئچدى۰ بیر گون طوطو قوشو بوتون احوالاتى خانیما دانیشدى. دئدى:
او وزیردى? منى طوطو قوشو ائله ییب۰خانیم دئدى:بس من نه ائله ییم؟طوطو قوشو دئدى:پادشاهین اوزونو بورا چاغیر? دئگینه اویون چیخارت۰ او? اویون چیخارداجاق۰ دالیسینان ایشین یوخدو۰خانیم وزیرى یانینا چاغیریب دئدى:سن منیم گوزومسن۰ سنى بیر دقیقه اوزومدن کنارا قویمارام۰ بیر اویون چیخارت? تاماشا ائلیه ک.
ویون چیخاردیم؟خانیم دئدى:تویوق اول۰وزیر سئحر اوخویوب بیر تویوق اولاندا? طوطو اوساعات پادشاه دونونا دوشدو۰ امر ائله دى تندیرى یاندیردیلار? تویوغو تندیره آتدیلار? تویوق دونوندا اولان وزیر یانیب کول اولدو۰پادشاه اوز تاختیندا اگلشدى? باش حرمه چوخ حرمت ائله دى۰ قالان حرملرى قوودى.