دوشونجه‌لر نئجه یارادیجی اولا بیلرلر

دوشونجه‌لر نئجه یارادیجی اولا بیلرلر

آیهان میانالی
آنادیلیمیز: دوشونمک، اینسان طبیعتینین ان تمل(پایه) ائلئمئنتی اولاراق قبول ائتدیگیمیز بیر فاکتدیر.
بو دوغروسو بئله‌دیرمی؟ دوشونمک دئدیکده نه‌یی نظرده توتوروق؟
عئینی فیکیرلرین داواملی گلیب-گئتمه‌سی حقیقی بیر دوشونجه چالیشماغیدیر می؟
“بئینیمه بیر فیکیر گلدی”- دئدیگیمیز چاغ، بو فیکیر هارادان گلیر، هارادا دایاناجاق و هارا گئده‌جکدیر؟ یارادیجی و یئنی دوشونجه‌لر نئجه مئیدانا گلیر؟ ایش حایاتیندا بونو نئجه قوللانا بیلریک؟
بو یازیدا بو سورغولارین جاوابلارینی آختاریب،تاپیب ،سیزلرله پایلاشاجاییق.
معیّن اولونموش قالیب لرله یاشایان اینسانین یوخسول چرچووه‌سینین سینیرلی اولدوغونو اؤیرندیگی بیلیکلرین اونو ایره‌لی آپارماق یئرینه حایاتینین داها دا دارالتدیغینی باشا دوشمک چتین دئییل.
بو سببدن، تحصیلین یالنیز اینسانلارین ذهنی استوروکتورو(دوزه نی-ساختار) اینکیشاف ائتدیرمه‌یه یؤنلدیگینی، آما ذهنین دوغال اعتیباری ایله بو جهدین ده ایسته‌نیلن سونوجو وئرمه‌دیگینین شاهیدی اولاریق.
ذهن، موجود اینفورماسییانی قوللانماقدا یئته‌نکلی اولسا دا، یئنی بیر شئی یاراتماقدا یئترلی سی قدر باجاریقلی دئییلدیر. ذهنه داها چوخ بیلیک وئره‌رک بونا ال تاپماق مومکون دئییل.
ایش حایاتیندا، ایداره ائتمه اوزره وئریلن تحصیلی آراشدیرارکن ماراقلی نوآنسلارلا(اینجه ده گیشیک لر) قارشیلاشدیم.
ذهنی داها کسکینلشدیرمک و تجهیز ائتمک حاقدا یئته‌نی قدر بیلیک اولسا دا، بو اینفورماسییالارین وئریملیلیغی نه قدر آرتیرماسی بحث ائدیب دانیشیلمالیدیر. بو چه‌لیشکینین(ضدیت)تمل سببلریندن بیری “یارادیجی دوشونجه”نین نئجه ایشله‌دیگینه اؤنم وئرمه‌مکدیر.
یارادیجی دوشونجه‌نین مئیدانا گلمه‌سی ذهنینده سوره‌کلی موجود اولان اوتوماتیک دوشونجه قالیب‌لرین اورتادان قالدیریلماسییلا مومکوندور.
“یئنی” فیکیرلر، آنجاق ذهنین سوسان چاغی دوغولور.
اوشاقلیقدان، ایش حایاتیمیزا قدر اوزانان بیر حایات یولوندا آلدیغیمیز تحصیللره دیقّت یئتیرسک گؤره‌ریک کی، ذهنی دورغونلوقلا سوسدورماق بیر یانا دورسون، بیزه ذهنینده‌کی سس-کویو نئجه آرتیرا بیله‌جگیمیز اؤیره‌دیلمیشدیر. بو سس-کویه “دوشونجه” آدینی وئرمک ایسه بیزی “بوخوولایان” باشلیجا فاکتوردور.
قونویا ساده سورغولارلا داوام ائدک.
“عاغیلینیزا گلن دوشونجه‌لری ایسته‌دیگینیز چاغ دایاندیرا بیلرسینیزمی؟”
“دوشونجه‌لری عاغیلینیزا سیزمی چاغیریرسینیز، یوخسا اونلارین چوخلوسو اؤزلری گلیرلر؟”
بو سورغولارین جاوابلاری، بیزیم “یارادیجی دوشونجه” پروسئسه‌سینده هانسی لئوئل‌ده اولماغیمیزی معیّن ائده‌جکدیر.
ذهن، اوتوماتیک دوشونجه قالیب‌لرینی “کئچمیش” و “گله‌جک” کیمی قبول ائدیر. حال‌بوکی یئنی فیکیرلر، نه کئچمیش، نه ده گله‌جک چاغ‌دا وار اولا بیلمزلر. یئنی فیکیرلر یالنیز ایچینده اولدوغوموز “آن“دا موجود اولا بیلرلر.بیز “ایندیکی آندا” یاشاساق و بئله گؤرونسک‌ده، فیکیرلریمیز هر زامان یا کئچمیش یا دا گله‌جگه عاییددیر.
بیزی “ایندی“ده ساخلایاجاق واسیطه‌لرین ان بؤیوگو “نَفَس“ایمیزدیر.
نفس آلدیغیمیزا دیقّت وئردیکده ذهنیمیز دورغونلاشماغا باشلایار، چونکی بیز آنجاق “ایندیکی” آن‌دا نفس آلیب-وئریریک. نفس بیزی “ایندی“ده ساخلاییر. بیر مودّت بوتون دیقّتیمیزی نفس آلماغیمیزا یؤنلتسک ذهنیمیزین داها درین سوسقونلوقدا باتماغینی حیس ائده‌ریک.
بونو حیس ائتدیکجه، ایچیمیزده بیر راحاتلیق و یئنی‌لیک دویغوسو دا اورتایا چیخاجاقدیر. بئله بیر سوسقونلوق و بوشالما دورومونون آردینجا شُعوروموزو دوشونجه‌یه دوغرولتساق ذهنیمیزده مئیدانا گله‌جک یئنی فیکیرلره حئیرتلنه بیلریک.
اؤزللیک‌له ایداره ائتمه دوروموندا اولان اینسانلار، ذهنی دورغون‌لاشدیرمانی اؤیرنمه‌لیدیرلر. بونون رئاللاشماسی، بیزنئس یؤنوملو رادیکال قرارلاردا، اورونون(محصول) تکمیللشدیریلمه‌سی بؤلومونده، یئنی‌لیک‌لرده ایداره ائتمه ایستراتئژی‌لرینده، دوغرو قرار قبولوندا، مارکالاشمادا.
کریتیک(بحرانی) نقطهلرده دولغون و بارلی دوروما فیکیرلرین یارانماسینی تامین ائده‌جکدیر.
بو یاشامین قوجاغیندا دوغولان فیکیرلر ایچدن ایچه هئچ بیر چئلیشکی ایله اوزلشمه‌دیکلری اوچون، اینسانین دورومو‌دا گرگین وضعیت آلمایاجاقدیر.

نوشته شده توسط admin در چهارشنبه, ۲۰ دی ۱۳۹۶ ساعت ۶:۴۶ ق.ظ

دیدگاه


پنج + = 10