حیات یولداشی
کوچوره ن :اکبرسعادت
گوزل سنده نه قایدادی
گئدنی یولدان ائیلرسن
سالارسان عشقین اودونا
اولوسدان، ائلدن ائیلرسن
آنادیلیمیز:عشق قارشیسی آلینماز قودرتلی بیر سئلدیر کی، قارشیسینا چیخان هر شئیی یویوب آپاریر. وای او سئلین آغزینا دوشه نین حالینا! خوش او سئلی ایداره ائده بیله نین حالینا! الله و رسولو بیر ایشه حوکم وئردیگی زامان آرتیق مومین بیر کیشییه و قادینا او ایشی اوز ایستهیینه گوره سئچمه شانسی یوخدور. کیم اللها و رسولونا قارشی گلرسه او آچیق-آیدین زلالته دوشوب”
بونا گوره ده رسول الله ائولیلیگی قارانتییایا آلماغی توصیه ائدیر. ایمانلی بیری ایله ائولهنین دئییر. محض بونون اوچون ده ائولیلیکلر جمعیتین دیرلرینه گوره دئییل، اللهین دیَرلرینه گوره قورولمالیدیر. ایسلاما گوره ساغلام عائله قورمانین شرطی مومینلرین بیر-بیری ایله ائولنمهسیدیر.اللهین و رسولون امرینه اویماق بیزه قورآندا امر اولونوب.
ایمان ائتمیسنسه بو امری پوزماق کیمی شانسین یوخدور. سئوگی ایکی آدامین ان اولوی ان گوزل طرفلری نین قوووشماسیندان یارانان بیر حیسسدیر. بورایا موطلق بیر-بیرینی تاماملایا بیلن ماددی و معنوی کئیفیتلری عاید ائدیریک. سئوگینی هم ده ایکی آدامین یوکسک، ایلاهی عالمده گوروشمه سینه بنزتمک اولار.
یعنی محض بو دونیایا قالخا بیلن، معنوی اوجالیغی ایله ماددی وارلیغینی کامیللشدیره بیلن ایلاهی عالمه آپاران معنوی قاپیسینی دایم آچیق ساخلایان، ان اساسی ایسه، عاغلینی ایفلیج ائتمک عوضینه، اونو بو آغیر، عئینی زاماندا ظریف حیسسین یاردیمینا قوشا بیلن شخصلره مخصوص بیر حیسسدیر.
یالنیز بئله اولان حالدا اینسان قرب تفککورونون بیر منبع دئییل، یاردیمچی اولدوغونو، اوز میللی-معنوی مدنیتی نین بیر مانعه دئییل، کوکو، دایاغی اولدوغونو، شرق تفککورونون اینکیشاف ائتدیریلمه سی نین و قرب تفککورو ایله رقابت ائده بیله جک بیر سویییه یه قالدیریلماسی نین ائکزوتیک اَیلنجه دئییل، بیر مقصد اولدوغونو درک ائدر. حتی بدیعی تخییول سویییه سینده اولسا بئله. انسان بیری ایله بسه بسلیک ائلهینده تصمیملرینین چوخو اشتباه اولار. چونکی او آندا تکجه هدفی بسهبسلیک ائلهدیگی شخصدن قاباغا دوشمکدیر و بو یولدا چوخ شئیلری قربان وئره بیلر.
شاید بیرینین گوزونده یوخاری گوروشمک اوچون خاص بیر انسانلا ائولنهسیز. و یا دوستوزون فلان طایفاداکی بیر شخص ایله ائولنمهسی، سیزی داها یوخاری بیر طایفادان ائولنمگه هوسلندیره. آما ال ساخلایین ! یاخشی اولار بسه بسلیگه آیری یئر تاپاسیز. ائولنمک بوجور شوخلوقلار گوتورمز.
هامیمیز گوزللیگی سئویب اونا جذب اولاریق. آما حیات یولداشی سئچمکده بو مسألهنین حددن آرتیق نقشی اولسا ایشی اوتوزموسوز. یاخشی اولار ائولنمکدن اول سیزه نهلرین بیرینجیلیکده اولدوغونو بللی ائلهیهسیز. هرچند گوزللیگین سیزه اهمیتی وار، آما نهلرین گوزللیکدن داها آرتیق اهمیتی وار؟ هانسی معیارلاری گوزللیگه قربان وئره بیلرسیز و گوزللیگی هانسی معیارلارا قربان وئرمگه حاضرسیز؟ بو انسان بو قدر گوزل اولماسایدی یئنهده اونونلا ائولنمگه حاضریدیز؟
حیات یولداشی انتخابیندا چوخلو اشتباهلارا سبب اولان مسألهلردندیر. گوزه گلیم موقعیتلر انسانلارین او بیری خصلتلرینی گیزلهده بیلر. بونا گوره بئله انسانلاری حیات یولداشی سئچمک ایستهینده آرتیق دقت ائلهمهلیسیز. دقت اولونماسا سیز او طرفین »موقعیتی« ایله ائولنیب آما سیزه مجهول اولان »اوزو« ایله بیر دام آلتیندا یاشاماغا مجبور اولاجاقسیز.
بونا گوره بئله آداملا ائولننده دوشونمهلیسیز کی او انسانین بو موقعیتی اولماسایدی یئنهده اونونلا ائولنمگه حاضر اولاردیز؟
ائولنمگه لازم اولان ملزمهلرین بیریده سئومکدیر، آما سئومک هر شئی دئییل. ائولنمگین انگیزهسی فقط سئومک اولسا، اونون نفرت اوزو ایله داغیلماسینی گوزلهمک اولار.
بیر انسانی کامل تانیمامیش اونونلا ائولنمک کاملا اشتباه ایشدیر. اونو هفته باشلاری شام یئمکله و یا فقط تلفونلا دانیشماقلا تانیماق اولماز.
بیری ایله ۲۰ ایل بویو بوجور رابطه اولسا دا اونو تانیماق اولماز. بیری ایله ائولنمک ایستهسز اونون یاشاییشینی، خانوادهسینی، کئچمیشینی اخلاقینی و دوشونجهسینی تانیمالیسیز.
خوش لحظهلرین سرخوشلوغو انسانین باخدیغی زاویهنی دَییشر و انسان اوز همیشهکی گوزو ایله باخانماز. انسان او حالدا هر شئیی گوزل گورر و هر شئیه مثبت باخار. یاخشی اولار بو حاللاردا ائولنمگه تلسمیهسیز. ذهنین آراملاشماسی اوچون بیر مدت دوزون.
بحران شرایطینده حیات یولداشی سئچمک سیزه گلهجکده مشکله سالا بیلر. چونکی سیز بحراندا اولاندا یاشاییشا باخدیغیز زاویه فرقلیدیر و او آندا نظریزه مناسب گلن شخص، بحراندان سونرا آیری جور گوروشه بیلر. بحراندان سونرا آییلیب گورهجکسیز کی بو آداملا اصلا تناسبوز یوخدور و تعجب ائلیهجکسیز نه جور اولوب اونونلا ائولنمیسیز.
جماعتین چوخو اَن یاخشی تصمیم توتدوقلارینی دوشوندوقلاری زمان، اَن بویوک اشتباهلارینی ائلهدیکلی زمان اولور. بونا گوره حیات یولداشی سئچمک ایستهسز بو ایشی عقل اوزو ایله گورون و یولوزون اوستونده دوزولموش اشتباه قویولارینا دوشمکدن چکینین..
آنجاق سون سوز بو کی:
حیات یولداشی سئچمک، یاشاییشین اَن مهم انتخابیدیر و بو زمینهده بالاجا اشتباه انسانی بیر عمر پشیمان ائلهیه بیلر. بو دوورده باشقا بیری ایله سئوگیلی اولساز ، بیرآز آغئردان آلین .
داها یئنی بیر علاقه دن چیخماق همن اوره گینیز یارالی اولار. ایلک باشدا بیرآز آغیر آددئم لار آتماقدا فایدا وار و گینه خاطیرلاماق لازیم دیر کی :جماعتین چوخو ان یاخشی تصمیم توتدوقلارینی دوشوندوقلاری زمان ان بویوک اشتباهلارینی ائلهدیکلی زمان اولور.
بونا گوره حیات یولداشی سئچمک ایستهسز بو ایشی عقل اوزو ایله گورون و یولوزون اوستونده دوزولموش اشتباه قویولارینا دوشمکدن چکینین.
نوشته شده توسط admin در چهارشنبه, ۳۰ دی ۱۳۹۴ ساعت ۵:۲۹ ق.ظ