حیات نه قدر گوزل دیر
حاضیر لایان:اکبرسعادت
عشقینی قلبینه بختیم کیمی یازمیش اوز الیم
سن گوزل لر گوزلیندن ده گوزلسن، گوزلیم
اوزونو گورمه دیییم هر گونومه گون دئمیرم
کوسمه، عنوانینا بو سوزلری کوسگون دئمیرم
آنا دیلیمیز: تانرینی چاغیرماق اوزوموزو چاغیرماق دئمکدیر. ایچیمیزده‌کی تانریلیغا اوزه‌نمک، بیلینجیمیزین اوست قاتلارینا، هر دیله‌دیگیمیزین اول دن حقیقتی و تکجه بیزیم آچماغیمیزی گوزه‌تله‌ین یئره اولاشماغا جان آتماق دئمکدیر.
سنینله تانری‌نین باخیشلاری‌نین اوست- اوسته دوشمه‌سی، اولماق، وارماق، یئتیشمک، ساغلیق، خوشبختلیک، سئوینج، لذت و نعمت دئمکدیر… یعنی، سنی آرزولارینا یئتیشدیرن ده سنسن، آرزولارینا یئتیشمه‌یه انگل اولان دا سن. دئمک معجزه‌نین قیفیلی دا سنسن، آچاری دا سن.
اینسان هر زامان آرزیلارینا ال تاپاندا،اوزونو خوشبخت بیلیر. چوخلاری خوشبخت‌چیلییی گونده‌لیک مسئله‌لرده راحات اولماق ایله یاشاما گویول وئرمکده بیلیرلر.و تکجه اوزو اوچون چالیشیرلار. بیزیم اونلارین دوز یا یانلیش (غلط) دوشوندوک‌لری ایله ایشیمیز یوخدور. بیز، هر کیمسه فیکر ائدیرسه خوشبخت دیر، لاپ آزی (حداقل) یاخشی دویغوسو (احساسی) اولاجاق‌‌دیر و هئچ کیم یوخدور خوشبخت چیلیگی راحاتجا اله گتیرسین.
هر نسه‌نی دیله‌یینجه، دوشونجه‌لری اونونلا یوندشلمه‌لی، چونکی دیلک، یارانان بیر جسم دیر سانکی. دوشونجه ایسه، اونو احیا ائدیب جانلاندیران روح کیمی دیر. دیلک‌له دوشونجه یوندشلشینجه، ایسته‌کلرین دوغوشونا تانیق اولور انسان. بو ایکیسی تاراز اولمایینجا، نیسگیلدن باشقا هئچ نه توختاماییر اله. بئله ایسه، ساغلاملیق ایسته‌ین، ناخوشلوغا، وار- دولت ایسته‌ین یوخسوللوغا، خوشبختچیلیک ایسته‌ین بدبختچیلیگه دوشونمه‌مه‌لیدیر. و….
ایستمه‌دیکلریمیز یا دا سئومه‌دیگیمیز دوروملار و قوشوللار، اونلارا دوشونه‌رک چاغیردیغیمیز و اوز دوشونجه‌میزله یاراتدیغیمیز کالبدلاردیرلار. اونلار اوز- اوزلوکلرینده، روحلاری اولمادیقلاری اوچون یاشامیمیزا گیریب بیزی اینجیده بیلمزلر. آنجاق بیز اونلارا دوشوننده، اونلارا گؤره دانیشاندا بو جانسیز صورتلره جان باغیشلاییب یاشام بخش ائدیر، افعی ایلان کیمی اوز جانیمیزا سالیریق. دئمک اوره‌ییمیز و دوشونجه‌میزدن موغایات اولمالی‌ییق کی، یارادیجی گوجلری ایله افعیلر، عقربلر، اودلار، جهنملر یارادیب اوزوموزو اونلارین توزاغینا سالیب اسیر ائتمه‌یک. اونلارین یئرینه، گوزللیک، یئنیلیک، سئوینج و سئوگی یاراتمالی‌ییق کی، اوزوموز ده داد آلاق یاشامدان، چئوره‌میزده‌کیلر ده.
آنا بطنینده یئرلشن اکیزلر، اول بیر-بیرلرینی تانیمیرلار. هفته‌لر کئچدیکجه اونلار دا اینکیشاف ائدیرلر. اللری، آیاقلاری، داخیلی اورقانلاری عمله گلمه‌یه باشلادی. بو زامان اطرافیندا اولانلاری حیسس ائتمه‌یه باشلادیلار. اولدوقلاری راحت، اعتبارلی یئره وردیش ائتدیکجه، سئوینجلری آرتدی. بیر-بیرلرینه بئله دئییردلیلر: “آنا بطنینده اولماغیمیز، بورادا یاشاماغیمیز نه قدر گوزلدیر، ائله دئییل؟ حیات نه قدر گوزلمیش قارداشیم!”
بویودوکجه یاشادیقلاری حیاتی کشف ائتمه‌یه باشلادیلار. ائله ایسه حیاتین منبعیی نه ایدی؟ ائله بونو آییرد ائتدیکلری اسنادا، قارشیلارینا آنالاری ایله اونلاری بیر-بیرینه باغلایان “بورو” چیخدی. همین “بورو” سایه‌سینده ضرر چکمه‌دن، اعتبارله شکیلده بویودوکلرینی آیدینلاشدیردیلار.”آنامیز نه قدر ده شفقتلیدیر! بو “بورو” واسطه‌سیله بیزه لازیم اولان هر شئیی گوندریر”آرتیق آیلار بیر-بیرینی عوض ائدیر، اکیزلر گوندن-گونه بویویور، باشقا سوزله “یولون سونونا یاخینلاشیردیلار. بوتون بو دیییشیکلیکلری حئیرتله موشاهیده ائدرکن، بیر گون بو گوزل دونیادان گئده‌جیی ایله باغلی علامتلر آلماغا باشلاییرلار.
دوققوزونجو آی یاخینلاشماغا باشلادیقدا همین علامتلر بیر قدر ده آرتماغا باشلاییر. بو حالدان تشویشه دوشن اکیزلردن بیری اوبیریندن سوروشدو:
“نه باش وئریر؟ بوتون بونلار نه دیر؟”
او بیری ایسه داها ساکیت و عاغیللی ایدی. همچی‌نین یاشادیقلاری دونیا اونلارا چوخ سیخیجی گلیر، حیسسلری داها گئنیش دونیایا آچیلماغی آرزو ائدیر. او بئله جاواب وئردی:
“بوتون بونلار اودئمکدیر کی، آرتیق بو دونیادا چوخ قالمایاجاغیق. بو دونیامیزداکی حیاتین سونونا چاتیریق”قارداشی ایسه: “یوخ من هله گئتمک ایستمیرم، هر زامان بورادا قالماق ایسته‌ییرم”"الیمیزدن هئچ نه گلمیر. بلکه ائله دوغوشدان سونرا دا حیات موجوددور؟”"بیزه حیات وئرن او “بوْرو” کسیلدیکدن سونرا بو نئجه اولاجاق؟ دئیه، او بیری جاواب وئردی. “بیزه حیات وئرن کسیلسه، بیز نئجه یاشایا بیلریک؟ هم ده بیزدن اول ده بعضیلری بورا گلدیلر و گئتدیلر. اونلاردان هئچ بیری گئری قاییتمادی کی، بیزه دوغوشدان سونرا حیاتین اولوب-اولماماسینی خبر وئرسین. خئیر، بو هر شئیین سونودور” بوتون بو سوزلردن سونرا بئله علاوه ائتدی:”بلکه ده، اصلینده هئچ آنا دا یوخدور!”
“او بیری قارداشی “خئیر، او اولمالیدیر” دئیه اعتراض ائتدی. “یوخسا بورایا باشقا یوللا نئجه گله بیلریک، نئجه یاشا بیلریک؟”
“سن آنانی گوردون؟” دئیه بیری او بیرینه سسلندی. “بلکه ده او یالنیز شعورلاردان موجوددور. آنامیزین اولماسی دوشونجه‌سی بیزی راحت ائتدیگی اوچون، بلکه ده اونو بیز اوزوموزدن اویدوردوق”
بئله‌لیکله آنا بطنینده‌کی سون گونلری ده درین سواللار و موزاکیره‌لرله کئچدی. نهایت دوغوش واختی دا گلیب چاتدی. اکیزلر اولکی دونیالاریندان آیریلدیقدان سونرا گوزلرینی تامامیله باشقا بیر دونیادا آچدیلار و سئویندیکلریندن آغلاماغا باشلادیلار. چونکی اونلارین قارشیلاشدیقلاری منظره دوشونجه‌لریندن ده چوخ کنار ایدی…
نه اولار بیربیریمیزی سئوه ک؟تکجه حیاتین کلیدی و ان خوشبخت یاشاماقین گوزل یولو بودور.همن سئومک سایه سینده دیر کی بیزیم چوخلو مشکلاتیمیز اوز حلینه یول تاپاجاق. چوخلو ایجتماعی –فرهنگی مشکل لریمیز بونا خاطیر کی” بیربیر دن قاچیریق” گون به گون چوخالیر و جواب سیز قالیر. اما یوخ،حیاتین گوزل دادین سئومک سایه سیندهتاپاجاییق…
سون سوزوم :اگر بیر بیریمیزی سئوسه ک داها جامعه ده هئچ نیگرانچیلیق یوخدو…داها نزاع یوخدو…و اوندادیر حیاتین ان شیرین دادین تاپاجاییق…
نوشته شده توسط admin در چهارشنبه, ۲۳ اردیبهشت ۱۳۹۴ ساعت ۵:۲۰ ق.ظ
“….. سئومک تکجه سئومک دییل کی ! سنین ، منیم ، اونون آراسیندا
سئومک بیر انقلابدیر ….”