حیات ایندی‌دن سونراکی نفسه قدردیر
کوچوره ن:اکبرسعادت
گرک هر بیر گوزله بیر دانا چرکین ده یارانسین بیری انسین یئره گوکدن بیری عرشه اوجالانسین
بیری چالسین ال آیاق غم دنیزینده
بیری ساحل ده سئوینچ ایله دایانسین
بیری ذلت پالازین باشه چکیب یاتسادا آنجاق
بیرینین بختی اویانسین
بیری قویلانسادا نعمت لره یئرسیز
بیری ده قانه بویانسین
آنا دیلیمیز:ریسک ائتمگه واخت قویوماق لازیم دیر. سئومگه، گولمگه، اورگشمگه و باغیشلاماغا واخت قویون. حیات گوروشدویوندن داها قیسادیر.
بیر شئی بیلمه‌میشدن اوزوزه گلیرسیز و سوروشورسوز: »نه تئز گئج اولدو؟« بونا گوره حیاتیزا فیکیرلشمک اوچون واخت قویمالیسیز. واخت قویون کی بیله‌سیز حیاتدان نه ایستیرسیز و نه‌یه احتیاجیز وار. حیاتیمیز دونیایا گلندن اولن لحظه‌یه قدر دئییل. حیات ایندی‌دن سونراکی نَفَسه قدردیر. ایندی –ائله ایندی و بوردا- حیاتیزین سیزه وئردیگی تکجه زاددیر. هر لحظه‌دن، قورخوسوز و پئشمان اولمادان ایستیفاده ائدین. الیزده اولاندان اَن یاخشی ایستیفاده‌نی ائدین و مهربانلیق و آرامیشده یاشایین. چونکی بو، کیمسه‌دن گوزله‌دیگیز تکجه زاددیر، حتّا اوزوزدن.
بو سیزین حیاتیزدیر و و گرک اونون اوچون ساواشاسیز. دوز اولان زاد اوچون ساواشین. اینمالاریزا گوره ساواشین. سیزه موهیم اولانلار اوچون و سئودیکلریز اوچون ساواشین و یاددان چیخارمایین کی اونلارا، سیزه نه قدر موهیم اولدوقلارینی دئیه‌سیز. بیلین کی شانسلی اینسانسیز، چونکی هله فورصتیز وار. بیر لحظه دایانین و فیکیرلشین. لازیم اولان ایشلری ائله بوگوندن باشلایین، صاباح گئجدیر.
اوندا کی بیر مقصده چاتماق اوچون نوبه، آرتیق چالیشماغا یئتیشیر –تحصیلی مدرک آلماق اوچون و یا تازا بیر ایشی باشلاماق اوچون کی زمان و تعهده احتیاجی وار- اوزوزدن سوروشمالیسیز کی: » آیا حاضیرم کی عومرومون قالانینی او بیری اینسانلارین یاشایا بیلمه‌دیگی کیمی کئچیرتمک اوچون، عومرومون نئچه ایلینی او بیری اینسانلارین خیلافینا یاشایام؟«
واختیزی تلف ائدنده، دوننین برده‌سی اولورسوز !
آما فعال اولاندا، بونا بنزیر کی دونن، یاخشی بیر دوست کیمی سیزین کناریزدا سیزه کومک ائدیر چیگنیزدن بیر یوک گوتورسون. پس ائله ایندی بیر ایش گورون کی گلجکده اوزوزدن بو ایشه گوره تشکور ائده‌سیز. موطمئین اولون کی صاباح، ایشی بوگون باشلادیغیزا گوره سئوینه‌جکسیز. یاخشی حادیثه‌لر او آداملارین باشینا گلر کی هله اومیدلری وار، مغلوبیتی دادسالار دا هله اینانیرلار، ضربه یئماقلارینا رغما هله سئویرلر. پس حیاتیزدا اولان حادیثه‌لرین غیبته‌سین یئمه‌یین. بو حادیثه‌لر دگیشمزلر و یادیزدان دا چیخمازلار. اونلارا بیر سئری درسلر کیمی باخین کی اونلاردان عیبرت آلا بیلرسیز و اونلاردان گله‌جکده ایستیفاده ائده بیلرسیز.خوشبختلیق او زمان اولار کی اوزگه‌نین تأییدینه احتیاجیز اولمادان، اوزوزو یاخشی حیس ائده‌سیز. آیریسی ایله یاخشی رابیطه قورمادان اول، اوزوزله یاخشی رابیطه‌ز اولمالیدیر. گرک ارزیشلی اولماغیزی بیله‌سیز و اطرافداکیلارین گوزلرینه ایطمینانلی باخیب رابیطه قورماق اوچون، اوزوزو قبول ائده‌سیز.حیاتدا ائله اینسانلارلا اوزلشه‌جکسیز کی دوز زمانلار یاخشی سؤزلر دانیشاجاقلار آما آخیرده عمللرینه باخیب اونلارین باره‌سینده قضاوت ائله‌مه‌لیسیز. اونلارین عمل و کیردارلاری سیزه، اونلارین نئجه اولدوقلارینی دئیه‌جک.چتین بیر گون کئچیرنلره سلام وئرین. اونلارا محبت ائدین. محبت قورتولمایان تکجه سرمایادیر. اینسان اولان هر یئرده محبت ائتمک اولار. باغیشلاماغی بیر گولومسه‌مکله‌ده اولسا اورگشین. بونا گوره یوخ کی اوندان چوخ واریزدیر بلکه بونا گوره کی چوخلاری هئچ زادلاری اولمادیقلارینی بیلیرلر.ییخیلیرسیز، دورورسوز، کیریخیرسیز، یاشاییرسیز، اورگشیرسیز. سیز اینسانسیز، کامیل دئییلسیز. ضربه یئییبسیز آما هله دیریسیز. بونا فیکیرلشین کی دیریلیک، نفس چکمک، حظ آپارماق و سئودیکلریزین دالیسی‌جان گئتمک نه قدر گؤزلدیر. بعضاً یاشاییش سفرینده بیر سئری چتینلیقلارلا اوزلشیرسیز آما هله چوخلو گوزللیکلر وار. صدمه گورموش اولساق‌دا اؤز آیاغیمیز اوستونده دایانمالی‌ییق چونکی هئچ واخت بیلمیریک بیزه نه گوزلور.زمان کئچدیکجه تجروبه‌لر چوخالار و حیاتین خوش و پیس گونلری دالدا قالار. تجروبه چوخالدیقجا آجی خاطیره‌لر خوش تجروبه‌لرین ایچینده قویلانار و تأثیرلری آزالار. تجروبه آز اولدوقجا هر کیچیک آجی حادیثه‌نین بویوک تاثیری اولا بیلر.
حکایت اولوب کی بیر حیکمتلی کیشی اوغلو ایله بیرلیکده شهردن ائشیگه چیخیر کی اونا شهرین شولوقلوغو و نیگرانلیغیندان اوزاق تمیز هاوادا یاشاماغین راحاتلیغینی تانیتدیرسین.ایکی بویوک دره‌دن کئچدیلر کی اوجا داغلا اونو احاطه ائله‌میشدی. دولانماق اثناسیندا اوغلان زویدو و دیزلری اوسته ییخیلدی. اوشاق اونون اثرینده آغریسینی نیشان وئرمک اوچون اوجادان قیشقیردی: آآآآه..او حئینده اوزاقدان اونون دردینه شریک اولان و اونون سسینه اوخشار بیر سس دئدی: آآآآه
اوشاق آغریسینی یاددان چیخاردیب تله‌سیک حالدا سسین گلن یئریندن سوروشدو: سن کیمسن؟؟
اونون سوآلینا جواب بئله گلدی: سن کیمسن؟؟
اوشاق بو موباریزه‌دن (موقابیل طرفین جواب قایتارماسیندان) ناراحات اولدو و تاکیدله سوروشدو: آما من سندن سوروشورام؟و تازادان همان قودرت و آیدینلیقدا جواب گلدی: آما من سندن سوروشورام؟
بو قارشیلیقلی دانیشیقدا بیر شئی الده ائده بیلمه‌ین اوغلان اوشاغی حیرصلی-حیرصلی قیشقیردی: »سن قورخاقسان.«و یئنه سس همان گوجله اونا قاییتدی: »سن قورخاقسان.«
بالاجا بیلدی کی حیکمتلی آتاسیندان -کی اونون یانیندا بونسوز کی اوغلونون اویونوندا دخالت ائده, دایانمیشدی – یاشاییشین تازا بیر فصلینی اویرنمگه احتیاجی وار. . .
اوغلان یامانلارین شیدتلنمه‌سی چوخالمامیشدان اعصابینا موسلط اولدو و میدانی آتاسینا بوراخدی کی بو درسی اویرتمگه فورصتی اولسون.
آتا –همیشه کی کیمی- حادیثه‌یه حیکمتله یاناشدی و اوغلوندان ایسته‌دی کی بو دفعه‌کی جوابا دیقّت ائده و قیشقیردی: »من سنه احتیرام قاییلم«
و سس همان ویقارلا جواب وئردی: »من سنه احتیرام قاییلم«اوغلان جواب وئرنین لحنی‌نین دگیشمه‌سیندن تعجوب ائله‌دی . .آما آتا دانیشماسینا ایدامه وئردی: »سن نه حیرت آمیزسن« و عیبارت تازادان قاییتدی: »سن نه حیرت آمیزسن«
اوشاق ائشیتدیگیندن تعجوب ائله‌دی آما جوابین دگیشمه‌سی‌نین سیرینی بیلمه‌دی. اونا گوره ساکیت اولدو و گوزله‌دی کی آتاسی اونو آچیقلاسین. آتاسی توضیح وئردی: »اوغلوم! بیز فیزیکده بو طبیعی وارلیغا »ائکو« آدی وئریریک . . . آما حقیقتده بو یاشاییشین اوزودور . . .یاشاییش سنه او قدر وئرر کی سن اونا وئریبسن . . .اونا احتیرام قویدوغون میقدار سنه احتیرام ائدر . . .یادیندا ساخلا کی هر نه اکسن اونو دا بیچرسن.«
نوشته شده توسط admin در دوشنبه, ۱۳ دی ۱۳۹۵ ساعت ۶:۲۵ ق.ظ
