حلالزاده قاردش
حاضیرلایان:اکبرسعادت
آنا دیلیمیز:صمد بهرنگی نین آذربایجان ناغیللاریندان توپلادیقلارى ناغیللار? جنوبى آذربایجاندا بو گونه قدر ییغیلمیش ان دگرلى مجموعه لردن بیریسیدیر. ماراقلى بوراسیدیر کى? بو مجموعه نین ده ائله اونو توپلایانلارین اوزو کیمى غریبه طالعى اولموشدور.
اونلار ائل ایچیندن توپلادیقلارى بو ناغیلارى واختی ایله آذربایجان دیلینده نشر ائتدیرمه گه امکان الده ائده بیلمه دیکلرى اوچون چاره سیز فارسجایا چئویرمیش?اونون بیرینجى جلدینی تبریزده و ایکینجى جلدینى ده تهراندا نشر ائتدیرمیشلر.
ناغیل:بیر گون وار ایدى? بیر گون یوخ ایدى. بیردانا حلالزاده قاردش وار ایدى? بیر دانا حرامزادا? شهرده داها ایش یوخ ایدى. بونلار دئییردیلر: نه ائلیه ک? نه ائلمیه ک؟ دئیه رلر: دوراق گئدک بیر آیرى شهرده ایش تاپاق.بونلار دستملارینا چورک باغلارلار? دوشرلر یولا. ناهار چاغی یئتیشرلر بیر سویون باشینا. حرامزادا قاردش دئیه ر: چؤره گینى آچ یئیه ک. آخشام دا منیمکین یئیه ریک.حلالزاده قاردش بیر سوز دئمز. دستمالین آچار باشلارلار یئئمه گه. سونرا گینه دوشرلر یولا. آخشام چاغى یورغون-آرغین یئتیشرلر بیر یئره. حلالزاده قاردش دئیه ر: قردش? ایندى ده من آجام. گتیر چورگیندن یئیه ک? دئیه ر: اوغلان? گئت ایشینین دالیجا! چورک آنجاق منى گورر.نه قدر ایللاه ائلر? اولماز. آخیردا اونلار ساواشارلار. حلالزادا قاردش بیر طرفه گئدر? حرامزادا قاردش بیر طرفه.حلالزاده آج? سوسوز گلر یئتیشر بیر ماغارایا? دئیه ر گئجه نى بورادا دالدالانیم سحر دوشوم یولا. گیرر ماغارا یه گورر هئچ کیم یوخدو. بیردن-بیره گورر آیاق سسى گلیر? تئز قاچار گیره ر بیر دالدا یئرده گیزله نر.
گونبولدویا-گونبولدویا بیر دانا آیی گلر بیر آز سونرا-تاپبیلدایا-تاپبیلدایا بیر قورد? سونرا بیر تولکو. بونلار گلرلر اوتورارلار ماغارا نین ایچینده.قورد دئیه ر: آیی قاردا ش? کئفین برک کوک دی? نه وار؟ دئیه ر: نه اولاجاق? بیر دانا خرابه تاپمیشام آلتی بوتون خزانه دی. گونده گئدیرم اورا بیر-ایکی تپیک وورورام گونبولدور. سونرا قولاغیمی داییرام قولاق آسیرام.قورد دئیه ر: بس? مندن خبرین یوخدو. پادشاهین قیزی نوخوش دو. هر نمنه حکیم گتیریبلر اولماییب. داواسین من بیلیرم. بیر دانا سورو وار? ایچینده بیر قره قویون? او قویونون بئینین قورودسان? قیزین بورنونا پوفله سن? قیز توخدار. من گونده گوز ائله ییرم اونو قاچیردام. آمما حیف کی? چوبان منه گون وئریر? ایشق وئرمیر. منیم ده شوق-ذوقوم اونادی.
تولکو دئیه ر: ائله ده قولاق آسین منه? بیر دانا تپه وار? اونون یانیندا بیر آقچا سیچان یوواسی وار. بو آقچا سیچان گونده قیزیللاری یوواسیندان چیخاردار سره ر گون قاباغینا اوستونده مللاق سالار. منده اوتورارام تپه نین باشیندا اونا تاماشا ائله رم.بونلار بیر قدرده دانیشاندان سونرا باشلارین قویارلار یاتارلار.اوغلان اوز-اوزنه دئیه ر: آی آلاه? نئجه اولایدی من سحر چاغى ساغ-سالامت بورادان چیخیب گئدیدیم!
سحرچاغی آیی گونبوویا-گونبولدویا گئدر? قورد تاپبیلدایا-تاپبیلدایا. تولکوده گئدر. اوغلان چیخار ائشیگه? گئدر تپه نین یانینا. گورر بلی? تولکو قاردش اوتوروب تاماشا ائله ییر سیچانا. بیر داش آتار تولکونون قابیرقاسینا.
تولکو دابانا قووت قویار قاچار. سیچان قیزیللاری گون قاباغینا سریب اوستونده مللاق سالیردی. اوغلانین سسین ائشیتجک قاچار گیرر یوواسینا. اوغلان گلر قیزیللاری گوتورر دولدورار جیبینه گئدر سورونون یانینا. بیر قدر پول وئره ر قره قویونو آلار. باشین کسر.
لشین وئره ر چوبانا. گتیرر بئینین قورودار توکر بیر شوشه یه. گلر شاهین عمارتینین قاباغیندا باشلار: حکیمم? طبیبم!شاهین آداملارى چیخار دئیه ر: اوغلان ایندیه جه نمنه حکیم گلیب بو قیزی توخدادا بیلمه ییبلر? شاه وئریب باشلارین کسیبلر. گل قوی چیخ گئت!اوغلان دئیه ر: اولسون? منده باجارا بیلمه سم? منی ده اولدورتسون.
اوغلانى گتیررلر ایچریه. دئیه ر: هامی اوتاقدان چیخسین. هامی چیخار. قیزیلان اوغلان تک قالارلار. اوغلان شوشه نی چیخاردار? بیر آز پوفلر قیزین بورنونا? قیز آسقیرار دورار آیاغا.قیزتوخدادی? سئویندیگیندن بیلمز نه ائله سین. دئیه ر: منى گل آل.هر طرفدن اوغلانین باشینا قیزیل یاغدیرارلار.شاه دئیه ر مندن بیرزاد ایسته!اوغلان دئیه ر من هئچ زاد ایسته میرم? دئدیگین کیمى قیزینی وئر منه بیر ده شهرین ائشیگینده کى خرابه نی.شاه دئیه ر: اولسون? قیزیمی وئردیم سنه. خرابه ده سنین.اوغلان گلر خرابه نى سوکدوره ر. خزانه نی چیخاردار. سونرا بیر دانا گوزل-گویچک عمارت دوزلتدیره ر? شاهینکینداندا آرتیق? قیزى دا آلار.
بیر گون کوله فرنگى ده اوتورموشدو گورر حرامزادا قاردش جیریم-جیندا ایچینده ال-آیاق نه شیخدا اورادان کئچیر. اونو یانینا چاغیرتدیرار.دئیه ر: اوغلان منی تانیرسان؟دئیه ر: قوربانین اولوم? یوخ!دئیه ر: من هامان آدامام کى? بیر تیکه چورکدن اوترو مندن آیریلدین.بو اوغلان بیر باشین قاوزار دوروست باخار گورر اوزودو.دئیه ر: سن نه ائله دین بئله دوولتلى اولدون؟اوغلان باشینا گلن حال-قضیه نى بونا دئیه ر.دئیه ر: منده گئتسم اولار؟دئیه ر: بیلمیرم.
حرامزادا قاردش دورار گئدر ماغارا دا گیزله نر. بیر آز سونرا گونبولدویا- گونبولدویا بیر آیی گلر. سونرا تاپبیلدایا-تاپبیلدایا بیر قورد. سونرا تولکو. بونلار بئکئف-بئداماق اوتورارلار یئره. بیردن تولکو دئیه ر: قاردشلار? بیز اوندا کی بورادا دانیشیردیق حتما بیر نفر بنی آدام قولاق آسیرمیش. دورون بورانی بیر آختاراق.دورارلار آیاغا. ماغارا نی آختارارلار. اوغلانی تاپارلار? بودارلار
نوشته شده توسط admin در چهارشنبه, ۰۴ شهریور ۱۳۹۴ ساعت ۴:۳۵ ق.ظ
