- آراز آذربایجان – روزنامه خبری آذربایجان غربی - http://www.araznews.ir -
حسن مجیدزاده ساوالان
Posted By admin On مهر ۶, ۱۳۹۲ @ ۱۰:۲۷ ق.ظ In آنادیلیمیز | No Comments
چونکی شاعر “بیر عائلهنین فاجعهسینی تاریخ بویو بیر-بیرینی عوض ائدن قانلی اشغالچی محاربهلری، تالان و وحشیلیکلری نتیجهسینده وطنه اوز وئرن فلاکت کیمی معنالاندیرمیشدیر. زحمتکش انسانا خاص اولان اخلاقی گؤزللیک ائلین هئچ بیر زامان اهمیتینی ایتیرمهیهجک عادت-عنعنهلری وطنپرورلیک، امکسئورلیک کیمی معنوی کیفیتلر اثرده هم عالمانه، هم ده شاعرانه افادهسینی تاپمیشدیر”.
البته، ساوالان اؤز قهرمانلاریندا گؤردوگو گؤزل اخلاقی جهتلری، کاراکتئر جیزگیلری اصیل-کؤکونه، تاریخی کیملیگینه سیخ باغلی اولان خالقا مخصوص معنوی کیفیتلر کیمی قیمتلندیریر.
و بو پوئمادان دا گؤروندوگو کیمی شاعرین وطنداشلیق موقعی، ائل-اوبایا، باغریندان قوپدوغو خالقا صداقتلی اولاد محبّتینین تظاهرودور. اونون یاراتدیغی بدیعی قهرمانلار گولنار، سلطان، سارا، خان چوبان اصیل-نجابتینه سوی-کؤکونه، آنا وطنه صادق انسانلار وطنداشلاردیر.
ساوالانین “باهار بایرامی” پوئماسی دا دؤورونون اجتماعی روحونون بدیعی درکینی اؤزونده احتوا ائدیر. پوئمادا اوتوپیک احوال-روحیه یوخدور طبیعی، بلکه ده اوخوجولارین اکثریتی مؤلفین چتین شرایطده آزاد محیطدن یازماسینی و آزادلیغی آرزولاماسینی یالنیز آرزو، خوش بیر خیال کیمی باشا دوشه بیلر، اما شاعرین نظرینده اوخوجونون گلدیگی قناعت هئچ ده گئرچک مقام کیمی تظاهر ائده بیلمز. چونکی او دؤور شاعرلرینین هر بیری مبارزه روحونون سوندا انقلابلا نتیجهلندیگینی اؤز گؤزلری ایله گؤرموشلر.
اونا گؤره ده اوتایدا یاشاییب-یاراتمیش بوتون شاعرلرین قلم نمونهلری گئرچک حیاتین ان چتین مقاملارینی ایناندیریجی شکیلده، آیدین عکس ائتدیرمیشلر.
“باهار بایرامی” پوئماسیندا ساوالانین صنعتکارلیق مهارتی بیر داها اؤزونو گؤستریر. مئتافوریک خصوصیتلرین قاباریقلیغی ایله سئچیلن اثرده بدیعی تصویر واسطهلریندن خصوصیله مجازلاردان، مودریک کلاملاردان آتالار سؤزلریندن ده یئرلی-یئرینده استفاده اولونماسی فکرین داها تأثیرلی افادهسینه خدمت ائدیر:
قیزیل گونش ایشیق سالیب، مین چیچکله گلیب باهار.آتالاردان بیر سؤز قالیب: “هر گئجهنین گوندوزو وار”.و یاخود: آتالار دا بؤیله دئییب: “یاخشیدان یاخشیلیق تؤرر”.سن ائللری آغیرلاسان
اؤز ائلین ده حؤرمت گؤرر.شاعرین “دینله گلین قایاسی” و “آپاردی سئللر سارانی” پوئمالاریندا فولکلور اینجیلرینین معیار و اؤلچولرینی معین ائتمکده اوخوجو چتینلیک چکمیر.ساوالان و قلمداشلاری دریندن درک ائدیردیلر کی آذربایجان ادبیاتینین گوجلنمهسی اورادا ملّی اینتئللئکتوال شعورون گوجلنمهسینه جدی تکان وئرهجک، خوشبختلیگه قوووشماق آرزوسونا خالق بیر آز داها یاخینلاشاجاقدیر.دیلینی، ائلینی دینینی سئون، بو مقدسلیکلرین دگرینی، قدرینی بیلن و قلمیله اونلارین کئشیگینده دوران ساوالان یاراتدیغی ضعیف و یا گوجلو اثرلرینده خالق ادبیاتینا، فولکلورا، افسانه و روایتلره مراجعت ائتمکله گؤستریر کی، اونون قلبی یوکسک بدیعی هم ده چوخ مهم تاریخی، اجتماعی-سیاسی اهمیتی اولان آذربایجان خالق یارادیجیلیغینا محبّتله بویابوی دولودور.
بو محبّتین دیکتهسیله حسن مجیدزاده ساوالان “آپاردی سئللر سارانی”، “دیوان حبیبی”، “علی آغا واحدین دیوانی”، “تورک ماهنیلاری (ایکی جلدده)” کتابلارینی آرایا-عرصهیه گتیرمیش محمد فضولینین “حدیقه السعدا” اثرینی معاصر الفبایا چئویرمیش، “نهج البلاغه”نی ایسه معاصر الفبا ایله ییغاراق ترتیباتینی وئرمیشدیر. ائسمیرا شوکورووا
Article printed from آراز آذربایجان – روزنامه خبری آذربایجان غربی: http://www.araznews.ir
URL to article: http://www.araznews.ir/%d8%ad%d8%b3%d9%86-%d9%85%d8%ac%d9%8a%d8%af%d8%b2%d8%a7%d8%af%d9%87-%d8%b3%d8%a7%d9%88%d8%a7%d9%84%d8%a7%d9%86-2/
Click here to print.
Copyright © 2013 آراز آذربایجان - روزنامه خبری آذربایجان غربی. All rights reserved.