- آراز آذربایجان – روزنامه خبری آذربایجان غربی - http://www.araznews.ir -
حایات یاشاماغا دیه ر
Posted By admin On اردیبهشت ۴, ۱۳۹۵ @ ۹:۰۷ ق.ظ In آنادیلیمیز | No Comments
اکبرسعادت
آنادیلیمیز:دونیایا بیر یول گلمیشیک. بیر یول دا گئدهجهییک. بیر یوللوق دونیادا یاشاماغین دادین چیخارتمالیییق. یاشاماغین دادی نه دردیمیزه دهیهجک، بیلمیرم. یاشاماق دادی نه داددا اولاجاغین دا بیلمیرم.دادلارین داماقلاردا فرقلی دادیزماقلارینا گوره، دادلارین نه داددا اولدوقلارینی دا دئیهنمیرم. منیم آجیم، باشقاسینین شیرینی، شوروم تورشو اولور. بیری آجیدان داد آلیر، بیری شیریندن، بیری شوردان داد آلیر، بیری تورشدان.
دادلار یوخاریدا اوخودوقلاریمیزلا قورتارمیر. هر دن اینسانلار ویه دادی وئریرلر. دیندیریرسن ویهلیییرلار. گلیب، گئدنی “ویه”سیزقویمورلار. هردن ده یئرلرینده اوینویورلار. دونیانین دادینی چیخاردانلارین اوزلرینین یئرلری وار(بئلهلرین هله گورمهمیشم، باشقالارینین آغیزیندان ائشتمیشم، اوزلرینی اوزگهلرین یئرنده گورمک ایستهینلردن ائشیتمیشم.
یاشاییشدان داد آلماق، ایستهدیییمیز کیمی یاشاماقدان آلینا بیلر. هر بیر ایستهیین سینیرلاندیغینی نظره آلساق، هر کس ایستهدییی کیمی یاشایا بیلمهیهجک. آما هردن سینیرلانان سینیرلاری آشیب، یاشایان کیمسهلر خوشبخت یاشایانلار اولورلار. اونلاری بیر شئیلر سینیرلاندیرماغینا باخمایاراق، سینیرلاری پوزوب یاشاییرلار. یا دا اوزلری سینیرسیزلیقلارینی سینیرلاندیریرلار. داها دوغروسو بیچیلیب، آلیشقان دوروملاری دهییشدیریرلر.
هردن گورورسن، قورخو اینسانی ائله سینیرلاندیریر کی چیغیرماغی، آغلاماغی گلن زامان، اوزونه بئله چیغیرانمیر، آغلایانمیر. دال با دال اوتقونورلار، هردن چیغیریق اودورلار، هردن آغلاماق. چیغیریب، آغلایان دوروما دوشنده، گویوللاری گولمک ایستهینده گولنمیرلر. بئله بیر دوروملاردان قورتولا بیلنلری من خوشبخت آدلاندیرا بیلهرم. خوشبخت یاشاماق اوزوموزه، یان-یوورهمیزه، چئورهمیزه یاشاییب، سینیرلارلا، سینیرسیزلیقلاردان قورتولماق نظره گلیر.
انسان حیاتیندا دوغوم شادلیقلار یاراتدیغى حالدا اولوم حسرت و غم دوغورور.انسان ایکى یوللا دونیادان گئدیر: بیرى یاتدیغى یئرده? یاتاق ایچینده یاشین چوخلوغوندان یا ساغالماز ناخوشلوقدان وجودون سارسیلماسى و اولگونلشمه سى ایله? ایکینجیسى آیاق اوسته? وجودوندا حیات چاغلادیغى و یاشاماغا یارادیغى حالدا اولور. بو ایکینجى یوللا اولنلرین ایچینده تصادفه اوغراماق کیمى گوزله نیلمز اولوملر اولدوغو کیمى? بو حیاتا گوز یومانلارین چوخونو? دین? حق? خلق و وطن یولوندا جانیندان کئچن شهیدلر تشکیل ائدیر. دوغماق حالیندا دونیادان گئدن آنالار و صغیر اوشاقلاردا بو شهیدلر سیراسیندا اولورلار. اینانجیلارا گوره شهیدلر باغیشلانمیش اولور? اونلار سئوال¬ سورغوسوز بهشته گئدیر و کربلا شهیدلرى و اولیالارین حمایه سى آلتیندا یئر توتورلار.دین ? حق? خلق و وطن یولوندا شهید اولانلارین تورپاغا تاپشیریلما و عزا مراسیمى ائل مراسمینه چئوریلیر. بونلارین جنازه سینى ائل یولا سالیر و عزاسینى ائل ساخلاییر.
بو دونیانین سونوندا گورنلر یاشاماق سورهجینده چتینلییه دوشورلر. هر یانا دونوب اوزلرینی تک گورورلر. دونیانین سونونا اینانمایانلار، بو دونیادان اوته بیر دونیا، دوشونوب یاشاییرلار. اونلار یاشاییشلاریندا گلهجهیی فرقلی چیزیرلر. ایلاهی دینلر گلهجک ساوچیسی اولوب، اومودلاندیریرلار. هئچ اولماسا اوزومه تای چوخلارینی بئله تانیییرام. اوتهکی دونیانین اومودولا یاشایانلار، اوزلرینی دوشونورکن، هر ایشی اوزلرینین بیرئیسل چیخارلارینی دوشونورلر. هر بیر یاخشیلیغی دهیهرینی باشقا دونیادا آلدیقلارینی دوشوندوکده گلهجک قازانیرلار. توپلوملارین ایچینده باشقالارینا یاشایان کیمسهلر ده اولور. باشقالارینا یاشایان کیمسهلر، (توپلوما یاشایانلار) توپلوملاری یونلدیب، تاریخه دامغالارینی وورورلار. توپلوم گوج قایناغی اولماغیندان اوترو، اوزلرینه دوشونن کیمسهلر، چوخ گوج قازانسینلار دئیه، توپلومون ایشلرینه قاریشیرلار. بئله آداملار، هئچ زامان یاخشی بیر آد قازانا بیلمیرلر. گوجده اولدوقلاری زامان آدلاری هر یئرده دئییلیر، گوجدن دوشدوکلری آن هر کسین طرفیندن دیشلانیرلار. اوزلرینی اونلارا یاپیشدیرانلار تئز قوپوب اللریندن گلدییی قدر سوز داللاریجا دئییرلر. اینسان یاشاییب، دوشونه بیلدییی سورجده، اولوملرله اوزلشمهلیدیر. بو اوزلشمهلر هردن سیرادان بیری اولور، هردن ده گوزلهنیملمز اولور. اولوم فرق ائلهمز کیمین اولور اولسون، بیر ایتگی اولدوغو اوچون، قالانلارینا آغیر اولور. اولومدن هئچ کیمین قاچانمادیغینی هامیمیز بیلیریک. آنجاق هردن اولوم چاخناییشلی بیر دوروما دوشور. اولوم دالغاسی هر یئری بورویور. اولوم دالغاسیندان قالانلار، یاشادیقلارینی قازانجا قالمیش یاشام سانیرلار. اولوم دالغاسینی یولا سالانلار دیریلر اولورلار.
دئمک بو اینسان طبیعتین دوشونن بئینی حساب اولورو و اینسانا حورمت سیزلیک بیر ذهنه سیغیشمایان سوزدیر. ائله اونا گوره ایگیتلیک اینسانلیقین اعلا مرتبه سی سانیلیر . بو ایگیت_ اینسانین واقتسیر اولومو بیر بویوک تراژدی آدلانیر و گویلرده کی بولوتلاردا بو اینسانین واقسیز کوچمه سینده اوز آغ کوینکلرین سیخیب گوز یاشی توکورلر. بیر گوزه ل یار ایلا باغدا ، بوستاندا، مئشه ده، ده نیز کناریندا، اوچاقدا، اوزای گمی سینده،اورست داغینین ذیروه سینده، پاریسده بیر خیاواندا، عدنده، هاوانادا، هر یئرده کی ایسته سک ، ائله یه بیلریک برابر اولاق، دانیشاق، درد دل ائله یک ، عشقبازلیق ائله یک و حیاتین ان گوزه ل ماهنی لارینا قولاق آساق.آرزولاریمیزا چاتاق و یئنی آرزولار ائده ک.
گورمه دیکلریمیزی گوره ک، ائشیتمه دیکلریمیزی ائشیدک، هر بیر شئیی کی دویمویوب و تجربه ائله مه میشیک ، دویاق.حتی بیر قوش اولاق و ایلین دورد فصلینده کوچک، بیر یازدان باشقا یازا و و باشقا اولکه یه باش ووراق.
پس هر عقیده و دینده کی واریق انسان اولاق .بیزیم فیزیکی اولومدن سونرا کی دونیامیز بو دونیانین اعمالینا باغلیدیر.عاغیللی اولاق.
محشر دونیادا هرکسین یایدیقلارى ایشلرین حسابینى وئردیگى یئردیر. بورادا پیس یاخشیدان? گناهکار ثوابکاردان آیریلیر. محشرده ملکلر طرفیندن “میزان” آدلاندیریلان ترازى ایله گناهکار و ثوابکار چکیلیر. ایمان ایله دونیادان کوچموش ثوابکار بنده لر بهشته گیرمگه حق قازانیرلار. دونیادا فرعونلوق ائدنلر? آللاهین بویوردوقلارینا بویون قویمایان زیانکارلار جهنمه گوندریلیر و حقسیزلیگه اوغرایانلار و ستمه معروض قالانلار محشرده آللاهدان حقلرینین احقاق ائدیلمه سینى ایسترلر. محشرده آتا¬آنا اوشاقلارینى? اوشاقلار آتا¬آنالارینى? کیشى آروادینى? آرواد کیشىسینى? قارداش قارداشینى یاخینلار بیر-بیرینى? قونشو قونشونو? دوست دوستو? یولداش یولداشى تانیماز.هر کس اوز هایینا قالیر? اوز باشینا چاره آرار.
Article printed from آراز آذربایجان – روزنامه خبری آذربایجان غربی: http://www.araznews.ir
URL to article: http://www.araznews.ir/%d8%ad%d8%a7%d9%8a%d8%a7%d8%aa-%d9%8a%d8%a7%d8%b4%d8%a7%d9%85%d8%a7%d8%ba%d8%a7-%d8%af%d9%8a%d9%87-%d8%b1/
Click here to print.
Copyright © 2013 آراز آذربایجان - روزنامه خبری آذربایجان غربی. All rights reserved.