تئز ائولنمه صدمهلری
حاضیرلایان :اکبرسعادت
آنادیلیمیز:ائولنمک بیر موقدس پیوند کیمی موهوم بیر حادیثهدیر کی اونون موفقیتی و یا شیکستی جامعهیه اثر قویا بیلر. دوزدور کی قدیم زمانلار بویوکلر اوز بالالارینی یئنییئتمه یاشلاریندان عاییله تشکیل وئرمگه کومک ائدردیلر، آما سونتی جامیعهدن یاری مودئرن جامیعهیه قدم قویماقلا و اونون اثرینده عاییله نقشینین دگیشمهسی و هر فردین اینتیظارلارینین دگیشمهسی ایله اوشاقلارین ائولنمهسی موعضل یارالدیر.
جامعه میزده یئنییئتمهلرین ائولنمهسی تازا مساله دئییل. آما ۱۰ ایللیک آماری گوستریر کی بئله ائولنمکلر چوخالیب اوراجن کی، ۸۹-ون اول ۸ آییندا ۴۵۸ مورید ۱۴ یاشدان تئز ائولنمک اولکه میزده ثبت اولوب کی اونلارین ۵ موریدی قانون ایجازهسیایله ۱۰ یاشدان آشاغیدا اولوبهابئله ۹۰-جی ایلین اول ۱۰ آییندا فقط ۶ مورید ۱۰ یاشدان آشاغی زوجلارین ائولنمهسی ثبت اولوب کی قاباقکی ایله نیسبت یوزده ۵۷/۳ آزالیب.تئز ائولنمک آز ساوادلیلیق و ساوادسیزلیغین محصولودور. ایقتیصادی جهتدن چتینلیقدا اولان عاییلهلرده قیزلارین تئز ائولنمگی داها چوخ گوروشور، چون والدین قیز اوشاغینی ایضافه یوک و عاییلهیه خرج بیلیرلر.ایجتیماعی و ایقتیصادی جهتدن آشاغی سطح:تحقیقلر گوستریر کی قیزلارین آز یاشدا ائولنمکلری موعتاد، روانی ناخوش و ساوادسیز دده اولان عاییلهلرده و یا تک والید و یا اوگئی والیدلی اوشاقلاردا و ایجتیماعی-ایقتیصادی نظردن آشاغی سطحده اولان خانیوادهلرده، داها چوخ اولور.تئز ائولنمکده هئچ هدف و تدبیر یوخدور کی بو اوزو سیلسیله ضررلره باعیث اولور. فیکیری بلوغدان قاباق و یئنییئتمهلیک یاشلاریندا ائولنمک، یئنییئتمه زوجی موختلیف و یئرینه گتیریلمهمیش اینتظارلارلا اوز به اوز ائلیر؛ یئرینه گتیریلمهمیش اینتظارلار کی اونون ضررلری جامیعهنین سطحینه چکیلیر. جامیعهنین عورفوندن تئز ائولهنن قیزلار، اوز الدن گئتمیش ایجتیماعی و عاییله حقلریایله تانیش اولاندان سونرا، موقعیّتلرین دگیشمگه چالیشیرلار. بو افراد کیفایت قدر ایجتیماعی باجاریقلاری و ساوادلارینین اولمادیغینا گوره، اوز یاشاییشلارین بوشانما و هابئله آیریسین ایستهمهیه طرف چکیرلر کی نه فقط اوزلری و ارلری، بلکه اوشاقلاریدا روانی و ایجتیماعی صدمهلرله اوزلهشیرلر.قیزلارین تئز ائولنمه صدمهلری گئج ائولنمه صدمهلریندن داها چوخدور. ۱۸ یاشدان تئز ائلهنن قیزلارین یاشاییشلارین و اوشاقلارین جیدی صورتده جیسمی و روانین موشکوللر تهدید ائلیر.تئز ائولنمک، زوراکارلیغین چوخالماسی:تحقیقلر نیشان وئریر کی ۱۸ یاشدان تئز ائولهنن قیزلار، ائو خشونتی و ارلری طرفیندن دویولماگه داها چوخ اینانیرلار. تئز ائولنمک داها چوخ طلاق و آیریلماغا چاتیر.ائولنمکدن قاباق ایجباری موشاویره و آتا آنانین روانی ساغلاملیغین تایید ائتمک، جامیعهده سالیم عاییلهنین تشکیل تاپماسینا لازیمدیر. زوجلارین روانی ساغلاملیغینین اولماماسی، بیر سیلسیله ایجتیماعی صدمهلر او جوملهدن ائولرده خشونت و اونون سایهسینده ایجتیماعی موعضللری یارالدیر.
جامعهده یارانان کاذب احتیاجلار انسانلاری آرتیق و داها آرتیق خرجلهمگه مجبور ائلیر و اقتصادی وضعین یاخشی اولماماسیدا اونلاری بیر جور چیخیلماز یولا سالیر و نتیجهده جوانلار بونلاری گورمکله ائولنمکدن چکینیر و عایله دولاندیرماق مسئولیتی آلتینا گئتمیرلر.ایسلام، بیر یاشام طرزیدیر؛ ائولنمکدن بوشانماغا، یئمکدن ایچمهیه، یورومکدن اوتورماغا، عبادتدن ایشلهمهیه، تیجارتدن سیاسته، باریشدان ساواشا قدر بوتون حرکتلرینی، ایسلامی اساسلار اوزرینده نیظاملایانلار، حقیقتن ده مؤمینلردیر. ایسلامین بیر حیصهسینی حیاتینا تطبیق ائدن، بیر حیصهسینی ترک ائدنلر ایسه موشریکلردیر. بونو بیز دئییل قورآن دئییر.اینسانی الله یارادیب. بو دانیلماز بیر فاکتدیر. الله یاراتدیغی اینسانی دا هامیدان یاخشی تانیییر. حتی اینسانین اوزوندن ده. بو دا اینکار ائدیلمهین بیر حقیقتدیر. الله اینسانی یارادیب و اونون حیات یولونو دا موعیین ائدیب. نه یئمهییندن، نئجه گئیینمهییندن باشلایاراق اینسانا لازیم اولان هر شئیی اونا ایلاهی وحی ایله بیلدیریب. بیلدیرمکله کیفایتلنمهیهرک بوتون بو امر و قانونلاری یاشایاراق بیزلره اویرهدن پئیغمبرلری و اونلارین داوامچیلارینی دا گوندریب.پئیغمبرلرین وظیفهلریندن بیری ده گلن امرلری بیان ائتمک ایدی. بضا بونو سویلهیهرک، بضا یاشایاراق و یا گوسترهرک ایضاه ائدیردیلر. اونا گؤره ده قورآنی آنلاماق اوچون سوننتی بیلمک اساس شرطدیر. بو ایکیسینی بیر-بیریندن آییرماق اولماز.
اولکه میزین تئزه آماری بئله دئییر کی:
گئچه ن ایلین ایلک ۸ آییندا بوشانمانین یوزده ۱۴ چوخالماسی وار.بو گوستریر سوروملولار (مسئوللار) بو اجتماعی مسئلهلری حللی اوچون بیر فیکیر قیلمالیدیرلار.کئچن ایلین سککیز آییندا۲۲ مین ۱۳۷ ائولیلیک قید اولوبدور و کئچن بو ایلکی زامانا گوره یوزده ۷ آزالماسی وار.آیریجا بو مدتده اوچ مین ۹۳۹ بوشانما ایسه قیده آلینیبدیر و بودا کئچن ایلکی زامانا گوره یوزده ۱۴ چوخالیبدیر.اولکه میزده دهیرلندیرمهلر نتیجهسینده جمعن هر آلتی ائولیلیکدن بیری بوشانماغا چاتیر . هر ساعاتدا ۳ نفر ائولنیر، بو ساییم گئجه-گوندوزده ۹۰ نفره و آیدا ایکی مین ۷۶۷ نفره یئتیشیر.آیریجا دهیرلندیرمهلر نتیجهسینده هر ساعاتدا بیر نفردن آز یا دا یوزده یئددی بوشانما واردیر، بو ساییم گئجه گوندوزده ۱۶ نفر و آیدا ۴۹۲ نفره یئتیشیر.اولکه ده بوشانمانین چوخالماسینا گوره آراشدیرمالارا برنامه توکمهدن گرک دیر. اولکه ده سوروملولار گنجلرین گون احتیاجی اولاراق ائلیلییه ساری تشویق ائتمک یوللاری ایله آراجلاریندان فایدالانمالیدیرلار و بوشانمادان گلن اجتمایی ضررلرینه گوره بیلگی وئرمهلیدیرلر.
مسئوللارین برنامه یازما ایله کولتورلشدیرمهلری اوچون مناسب بیر قایناق اولدوغونو آچیقلایاراق لازیک دیر. بوشانما بوتون بولوملرده اولومسوز (منفی) تاثیرلرینی گوسترن بیر اوغورسوز حادثهلردندیر.ایسلام ائولیلیگین اوزون عومورلو اولماسی ایچین دوغرو بیر زوج سئچیمینی اساس آلیر. یووانین حضور، سعادت، خوشبختچیلیک و قارشیلیقلی گوونه سویکنن پرینسیپلر اوزرینده قورولماسی اوچون بو یووادا دینین اون پلاندا اولماسی واجیب شرطدیر. چونکی دین اوزرینده قورولان ائولیلیکلرده اینسان یاشلاندیقجا محبت آرتار موناسیبتلر داها دا گوزللشر، اینکیشاف ائدر و عائله باغلاری بیر آز دا قوووتلنر. زنگینلیک ظاهری گوزللیک، اصل-نجابت کیمی اونسورلر هم کئچیجیدیر، هم ده اینسانی تکببورلندیریر. بونا گوره ده رسول الله ائولیلیگی قارانتییایا آلماغی توصیه ائدیر. ایمانلی بیری ایله ائولهنین دئییر. محض بونون اوچون ده ائولیلیکلر جمعیتین دیرلرینه گوره دئییل، اللهین دیَرلرینه گوره قورولمالیدیر. ایسلاما گوره ساغلام عائله قورمانین شرطی مومینلرین بیر-بیری ایله ائولنمهسیدیر.اللهین و رسولون امرینه اویماق بیزه قورآندا امر اولونوب. ایمان ائتمیسنسه بو امری پوزماق کیمی شانسین یوخدور.
نوشته شده توسط admin در دوشنبه, ۲۶ مهر ۱۳۹۵ ساعت ۷:۲۲ ق.ظ