- آراز آذربایجان – روزنامه خبری آذربایجان غربی - http://www.araznews.ir -

بیر ایستیکان سو

Posted By admin On مرداد ۱۶, ۱۳۹۵ @ ۶:۱۳ ق.ظ In آنادیلیمیز | No Comments

حاضیرلایان:اکبرسعادت
آنادیلیمیز: اورمو گولو آشیقلارین سوزلرینده جوشوب داشاردی.گئجه لر داها گوزل منظره لر یارا نیردی چونکو یولچولار اود تونقارلاییب اونون چئوره سینده یئغیشارکن ، آشیقلار سازلارین سسلندیریب ، چالقیچی لار، چالقی آلت لرین دیلندیریب و بونلارلا یاناشی موغنی لر اوخویوردولار و اورموگولونون اطرافینداکی موسافیرلرده ذوقه گلیب و ایله نیردیلر .
موغنی لرین و هابئله ماهنی اوخویانلارین سوزلرینده ، اورمو دنیزی بیر پارلاق دان اولدوز کیمی شعرلر و سوزلرده گوزه و قولاغا چارپیردی. بئله کی من خاطیرلاییرام اورمو گولونون یام یاشیل چئوره سنیده بئله بیر تورن لر ایلنجه لر و ها بئله اونون شفاجیل خاصیت لریندن فایدالانماق ان چوخو ایکی آی زاماندان آرتیق ایره لی گلمیردی چونکو هاوالار سویوقلاشیب و پاییز فصلی آردیندایدی.
بئله لیک له بو شنلی یین باشلانغیجی یاز فصلین سون آیی نین ۱۵ – جی گونو و قورتولوشودا یای فصلی نین اورتا آیی یعنی قورا بیشرن آیین ۱۵ – جی گونو ایله قارشیلاشیردی. ائله کی بو ایکی آی بیتیردی و هاوالار سرینله شیردی دییه ردیلر قویروق دونوب یا دولوب یا دوغوب دور. بوگوندن سونرا داها اورمو گولو ان آز یولچولارلا قارشیلاشاردی …
گوزل بیر گونلریدی.هر داریخاندا عایله ینن بیرلیک ده اورمو گولون گورمه یه تله سیردیک.آغ گمی لرده گئچمیش خاطیره لر یادیما دوشور.اوندا کی ایکی اولکه نی گمیینن گزه ردیک.اما ایندسه هر اتوبوس نان اوردان گئچدیکجه دوزلو یوللار اوره ییمی ده لیر.دورنالار اورمو گولون قوناق لاریدی.جیرانلارین،حیران باخیشلاری ایندیسه یئرین بوش داغ داشا وئریب.
اوره ک لره بیر دونیا سئوینج قوناق ایمیش.اولکه مین یاشیل گونلری دوزلاردا قالدی.مین لرجه آرزی لاریمیز اوره ک لریمیزده سولدی.آیری باخیمدان آذربایجانیمزدا یئرله شن اورمو گولو(اورمو شهرینده)او زامان لار_ سولدوز ، قوشاچای ، سالماس، خوی ، تیکان تپه، سایین قالا و تبریز آشیقلاریندا بو اولکه یه قوناق گئتیرمیشدیر. و اونلار هله ده اورمو دنیزی نی اونو تماییب و ایفا ائتدیک لری چاغلاردا، اورمو دنیزی له ایلگیلی ان گوزل و ماراقلی قوشمالاری ، گرایلی لاری ، مخمس لری بایاتیلاری و … تویلاردا، توپلانتی لاردا و باشقا باشقا تورن لرده اورکدن دیله گتیریب و ائشیدن لری ، گورن لری و دینله ین لری ماراقلاندیریب لار.
او جمله دن یئری وار کی دئییم: . قوچامان خالق شاعیری رحمت لیک دده کاتیب اورمو دنیزی له ایلگی لی اوزل ایز یارادیب دیر کی آدی » اورمو گؤلو « منظومه سی دیر.او و مین لرجه شاعرلریمیزین سوزلرینده هله ده اورمو گولو بیزلر عزیز دیر.بیز هله ده بونا اینانیریق کی بیر گون اورمو گولو یئنه جوشوب داشاجاق.بویوک شاعریرمیز عباس بارز یاخشی دئییب کی:”سو گلن آرخا دئییب لر گینه بیر گون سو گلر”.آما ایندیسه ایللر بویودور کی، بیزیم میلتیمیزین چیخارلارینا قارشی اولانلارین گیزلی و آچیق اللرینی بورادا گوروروک.هامی بیلیر، او گول بیزیم وارلیغیمیزین اونملی سندلریندن دیر.او بیزیم کولتوروموزون بویوک نیشانه‌لریندن بیری ساییلماقدادیر.
آخی اوراسی بیزیم اوچون یالنیز دوز گولو دئییل. اوراسی بیزیم اوچون مین ایللیک تاریخ و کولتور دور. اوراسی بیزیم اسکی تاریخیمیزین سمبولودور.اوراسی بیزیم یازیچیلاریمیزین شاییرلریمیزین، ادبییارچیلاریمیزین ایلهام قایناغیدیر.بوگون لر اولکه میزده یاشایان اینسانلارین اوره یی چوخ دولوب. گوره‌سن نییه دوغرو ایش گورمک یئرینه یالان وعده لرله اویدورما سوزلرله خالقین باشینی آلداتماغا ….. بیری دئییر، اویدو شکیللری اورمو گولونون دولماغا باشلادیغینی گوستریر. بیری دئییر آرازدان سو چکیریک- قارشیداکی دئییر “اوندا موغان سوسوز قالار” او بیری دئییر خزردن سو چکیریک، او بیری دئییر گورجوستاندان سو آلیریق، بیر باشقاسی دئییر گوناه اکینچیلریندیر، او بیری دئییر گوناه هاوا-نیندیر. یوز آغیز بوش بوش سوز سوهبت، بیر آددیم عمل یوخ.بیز یوباندیق.نئچه ایللردیر کی الی بوش تکجه وعده وئریرک.آما داها گوره ر.بوندان آرتیق گئج قالماق بیر بشریت فاجعه سی یولا سالاجاق.کاش بیزیم مسئول لار بونا دوشون سون لر.
اوجور کی بیلیرسیز نچه ایلدیرکی سو قیتلیقی دیدا .طی باغ باغاتیمیزدان توتموش تارلالاریمیزا کیمین یانیب قوتراننان سونرا .کندین جاماهاتی نچه یول اکینه جک ایداره سینه (ایداره کشاورزی)عرضه هات یازیب اوچ دورد ایل گئد گل ائلمکدن علاوه .
کور کوءشن قورییب الدن چیخان کیمین دونن یوخ ایرلی گون بیر زارتعلی زاده آدیندا مهندس یوللایبلار ائله کندین جاماهتینان بیرگه باغ باغاتی دولانیب زمی لریمیزدنده دوربون گوتوروب ایشین ال ایاقین یغیب گئدن گونو مچیده آخشام نامازی قوتاراننان سونرا سوخنرانلیق ائلییب بو استکباری جهانی نین ایشلرینی محکوم ائله مه ینن سوزون داوامیندا انرژی هسته ای یه توخوناراق لوزان ده گئدن دءدانیشیقین اوجوباتینان بیز طرفدن آرخاینلیق گورسه دیب نرمش قهرمانانه ائله مه اوچون بو اون بئش ایلده نمنه نووه(سانتیفیوژ) زاد استخراج ائله میشیک زیرپی شیطانین آجیقینان اورسییته تحویل وئریب رسید آلاجاییق دیینده چال ساققال حمداله ایکی قولارین قوزاییب مرگ بر قاریشقا مرک بر ورگان دلن دیینده منی گولمک توتور…


Article printed from آراز آذربایجان – روزنامه خبری آذربایجان غربی: http://www.araznews.ir

URL to article: http://www.araznews.ir/%d8%a8%d9%8a%d8%b1-%d8%a7%d9%8a%d8%b3%d8%aa%d9%8a%da%a9%d8%a7%d9%86-%d8%b3%d9%88/

Copyright © 2013 آراز آذربایجان - روزنامه خبری آذربایجان غربی. All rights reserved.