اوشاقلاردا مهربانلیق
اکبرسعادت
آلا چیق دا بیر آنا
کورپه سینی ییرقالیر
لایلای نین نغمه سی
اوره گیمی پارچالیر
آنا دیلیمیز : اوشاقلارین تربیتی هر یاشدا وار، ۷-ده، ۷۰-ده ده. اوشاق دونیایه گوز آچاندا اوجور کی دئییب لر بیر آغ ورق کیمی دیر.آتا آنا هر نه ایسته رسه ائلیه بیلر اوردا یازا. تربیه نین چوخو گوزنن دیر تا سوز.اوشاقلار گوردوک لرین گوزل دوشونورلر. یعنی، اوشاق ائتدیگینه یوخ، گوردوگونه اینانیر. ائشیتدیگیندن داها چوخ گوردوگوندن درس آلیر. اوشاقلار دونیایا گوز آچاندان سونرا اویرنمه یی باشلاییرلارو بیر آزدان سونرا اوز دوشونجه لرین دیله گتریب و دیل آچیل لار.اوزونو تربییه ائده بیلمهیهنین وئردیگی تربییه چوخلو زامانلاردا اوغورسوز اولور. تربییه یالنیش دان قاچماقدیر،دوغرویا یونلمکدیر،اوزو ایله موباریزهدیر،تمیزلنمکدیر،آرینماقدیر، صاف لاشماق دیر گوزل لشمک دیر.مهربانلیق مسئله سی تربییهده چوخ موهومدور.اوجا پیغمبریمیز حضرت محمد (ص) سئویملی خصوصیت لرد بیرینین ده مهربان اولماغی بیلدیریر.اوجور کی گورسه نیر بیر پارا اوشاقلار،آتا آنانین تربیه سی سایه سینده مهربانلیق و ساده لیقی اویره نیرلر.البت بیر پارا ژنتیکی عامل لر ده بو مسئله ده دخالتی وار.اما بو کی اوشاقلار مهربان اولماقی ائله اوشاقلیقدان اویره نیرلر بیر عایید مسئله دیر.گاهدان گورسه نیر کی او ائولرده کی ایکی اوشاق وار مخصوصا بو کی اونلارین آراسیندا سن فاصله سی وار بیر پارا عادت لر اونلارین آراسیندا آتا آنانی چوخ اینجیدیر.مثلا گوروروک کی بعضا اویونجاق اوستونده گاهدان اوشاقلار آراسیندا دلخورلوق چیخیر.یا مدرسه ده و آیری محیط لرده بونا تای مسئله لر قاباغا گلیر.تاسف بو کی بیز عاییله لرده اکثرا اوشاقلار” دیمه ” ” دینمه” اویره تمیشیق.یا بو کی اونلاری قورخو طریقنن بیر پارا مسائل لردن اوزاقلاتمیشیق.بو تربیه نین دوز یولو دئییل.بیر اوشاق عینی حالدا ائیلیه بیلر چوخ مهربان اولسون.بوردا آتا آنا بیر آغیر مسئولیت داشییر.اودا بودور کی بیراز حوصله لی اولسون و بو موضوع دا بیراز جدی اولسون لار. بو مهربانلیق تکجه اوز اوشاقیمیز اوچون دئییل، اطراف موحیطین ده مهربانلیغینا چالیشماق هر بیریمیزین اینسانلیق بورجودور. مهربانلیق گوزللیکدیر ،اینسانلیغین ان موهوم شرط لریندن بیریدیر. مهربان اولماق و اونو یاراتماق بیزیم ان موهوم اینسانلیق بورجوموزدور.بیز چالیشیریق کی جامعه نی بو گوزل اوشاقلارنان کی بیر گون اونا تحویل وئره جه ییک؛دئییشه ک.صمیمی اینسان اوز یالنیشی اوچون اوشاغیندان عذر ایستمکدن چکینمز. بو قارشی طرفی تربییه ائتمیین ان گؤزل یولودور. عذر ایستمک اسکیکلیک دئییل.ونه یاخشی دیر کی بیز بونلاری اوز اوشاقلاریمیزا ائله دوغوم گونلردن اویره ده ک.گوزل باخیش؛گوزل دانیشیق،و گوزل رفتارلار اوشاقلاردا هر آتا آنانین بویوک آرزی سی دیر. بیر آنا اوشاقین محبتله باغرینا باسان زامان،ائله بیل دونیانی وئریرسن. آنا اوشاغینا »اوز جانینی قوربان«دئییر، یاتمیش اوشاغینین کئشیگینده دایانماغی، اونو یاتیرماغی، اوشاغینی شن، خوشبخت گورمهسینی آرزولاییر . همن بو اوشاق او زامان کی بو محبتی گورور،چالیشیر کی اوجور بارا گلسین.اوشاق محبتی گورنده ایچه ریدن سئوینج گورسدیب واوزونی درین بیر حیس ایله قبول ائدیر و بو نتیجه سون گونه¬جن اوشاغین آنلامیندا یئر آلیر و اونون دوشونجه یینده قالیر و بو دوشونجه لر ،یاشایشین گلجک گونلرینه اونا یول گورسدیرواونون نه جور یاشاماغینی ایزلندییر.
آنالارین خصوصی ریتم و آهنگله زمزمه ائتدیگی بعضی نغمهلر اوشاقین مهربان اولدوغوان بویوک تاثیری وار.. بو نغمهلرده آنانین اوشاغینا درین محبتی، اونون بو گونونه، صاباحینا بسله دیگی اومودو عکس اولونور.هر حالدا شخصیت مسئله سی اوشاقلاردا ائله اول گونلردن باشلانیر و شکل تاپیر.و اونلارین جامعه ده موفق اولماقی بیزیم وئردییمیز تربیه یه باغلی دیر. مهربانلیق تربییهسی کومپلئکس بیر ایشدیر و گون بویو داوام ائتدیریلمهلیدیر.اوشاقلار بیر فیدان کیمیدیلر. اونلاری هر طرفه هدایت ائلهسز او طرف بویویهجکلر. سیزین وظیفهز اونلاری دوز هدایت ائتمک و بؤیومهلری اوچون مناسب شرایط یاراتماقدیر.آللاه بیزی تمیز اولاراق یارادیر ومهربان اولماغی اؤیرهدیر.یاخشی اولاق، اونو تبلیغ ائدک کی، الله دا بیزه یاخشی اولاد نسیب ائتسین.
نوشته شده توسط admin در شنبه, ۰۵ اردیبهشت ۱۳۹۴ ساعت ۶:۱۲ ق.ظ