اورمو بیزیم توپراق دیر
اکبرسعادت
آنادیلیمیز:آنا وطن آنا نوپراق اوچون میلی ایرانیمیزی قوروماق اوچون حاضیر اولمالییق… اورتادا چیرکین رقابتلر و شخصی کینه لر یئرینه دوستانه و قارداشوار ( البته نه یولداش وار ) ایشبیرلیک،, و هیچ اولمازسا بیر بیرینه توخونمادان و هنر آدینا یالانچی عیبلر چیخارتماغا یاپیشمادان الیمیزدن نه گلیرسه چالیشمالییق..
دونیادا بویوک، آدلیم، تاریخ‌ده قالان شهرلر چوخ دیرلار. بو شهرلرین بیر ایکی‌سیندن سونرا باشقا شهرلری گورمه‌میشم.
بیلمیرم ده نئجه دیرلر. آنجاق اورمونو یاخشی تانی‌ییرام. اوزومه گوره یاخشی تانی‌ییرام. شهر شهرلی‌لی‌یین، شهره گلیب قالان‌لارین هامیسینا سیچرادیر.
او کی بلی دیر سوزلرده و ناغیل‌لاردا بو بلده »ترک بن یافت«ین اولادلارینین بیرینین الی ایله دوزلمیش شهر دیر.
آما سند اوزو ایله بو شهرین آدی سندلی و تحقیق لی موشخص اولمویوب دور.عمومیت له اورمیه بولگه سینده بوتون کول تپه لر بو شهرین تاریخینی حکایت ائدیرلر اورمیه یاخینلیغیندا نئچه یوز لر کول تپه وار کی اونلاردان ان اونملی لری گوی تپه ده دیر که اونون اساسیندا بو بولگه دن گیل گمیش نقوش لی بیر مجسمه و آبیده لر تاپیلیب دیر.
اورمیه شهری نین تاریخی چوخ قدیم دوورلردن بیر چوخ یئرلی و خاریجی تاریخ چی لرین دیققتینی جلب ائتمیش دیر. تاریخ چی لر اوز اثرلرینده اورمیه شهری نین تاریخی حاقیندا قیمت لی معلومات‌لار وئرمیش لر.
وطن اوچون عمر بویو چالیشماق ، وطنی تانیتماق ، وطن نین ده یرلرین قوروماق ، وطنه یئنی دیرلر قازاندیرماق ، وطن نین باشین اوجالتماق ، وطن له گلجک نسیلین باشی اوجالماسینی ساغلاماق ، ایندیکی دورمدا وطندن یازماق ، وطنه آد قازاندیر ماق هله هله مرد اوغول آنا قیزلار ایستر ، بو قارماقاریشیق دونیادا ، اینسان اوزنو ایتیرن دونیادا ، اوزونو تانییب ، اوزنو تاپیپ وطن اوچون یاشاماق ، وطن اوچون اولمک بویوک شرف دیر و یوزه یوز کی هر یئرده شرفلندیرن اینسانی وطندیر.
دئمک آنا بیر بویوک وارلیقدیر هر اینسانا، اونو الده ن وئره ن داها چوخ بونو آنلایار. آناسیز یاشاماق چوخ آغیر اولار، اونو آناسیز بالالاردان سوروش. بیر عده آنا نعمتینده ن محرومدور، واوز آناسینی الده ن وئریب آمما چالیشیر آنا وطنی الده_ن گئدمه سین.
من بیر تورکم ، ایران باشدان باشا وطنیم ، و بو جغرافیا دا اولان ائللرو قوملار ایله برابر ، هر نقطه ده و هر یئرده یاشایان تورک ائللری و قوملاریدا وطنداشلاریم ،و دیل داشلاریم .
بونون اوچون؛ روحوم بیر نقطه و بیر بو جاقدا دوستاق اولمادان ، گئنیش و سونسوز بیر اولکه ده یاشاماقدا و اونون معنوی گوگلرینده قانات چالماقدادر .ایران ، بوتون ائللرین و قوملارین وطنی اولدوغوکیمی ،بوتون تورک ائللرینین ده دوغما وطنیدر ، او حالدا ، آذربایجان آدیندا اولان کیچیک بیر اولچی و جیریق ، یالنیز بیر نقطه و استان آدیدر کی مملکتین اداری تقسیماتی اوچون منظور دادر .
دوغودا شهرلر، شهرکیمی اولمازلار. شهرلره گلن‌لر شهرلری یونلندیررلر. اورمو دوغوشهرلرینین ایچینده باشقا دیر. او واراولاندان شهر دیر. اورمویا گلن‌لر ده اورمونون خویون گورتورمه‌لی‌دیرلر.
شهر هئچ زامان حاکیم‌لرینه باغلی اولمویوب. شهره یئتیشیرلر، یئتیشسین‌لر، یئتیشمیرلر یئتیشمه‌سین‌لر، شهر شهرلی‌لی‌یینده دیر. هر کس ده، هر نه دئییر دئسین.چوخلاری بورانی به‌یه‌نمزلر، بوردان دا واز کئچنمزلر، اونا گوره ده شهری آشالاییب، ال‌لری چاتسا داغیدیب، آنجاق زوردا قالاندا، خلوت‌لرینده اورمونو آلقیش‌لارلار. آلقیشی گورون نه جور آلقیش دیر. اورمودا اولسان، قیوراق اولمالی‌سان. شول‌لارا یئر یوخ دیر دئیه‌سن بو شهرده. هر کس بورا گلیب اوزوجه اورمودا آغالیق ائله‌ییب، آنجاق اورموایله بویلاشانماییب. بوردان چیخان آدلیم‌لاری سیرالاساق، قورتولان دئییل‌لر. بو آدلیم‌لارین ایچینده باشقا یئرلردن ده گلن‌لر اولوب. آنجاق بوردا اولدوق‌دا بویویوب‌لر. آدلانیب‌لار. چوخ‌لارینی(اورمونو سئون‌لری) بوردا آسیب‌لار. سس‌لری باتیریب‌لار. شهری آلیب، تالاییب‌لار. آنجاق هر نه کئچیجی اولوب. یئنه بورا اوز بویوک‌لو‌یو‌له قالیب.یوز ایل‌لردن، مین‌ایل‌لردن بویلانیب باخان شهر، اونلا اولان‌لاری بویودوب اونو سئون‌لری بویودوب. اونا توخونان‌لار چای‌‌قیراغی‌لا سوزوب‌لر شهردن. اورمونو باشا دوشن‌لر اورموایله اولوب‌لار، اونو باشا دوشمه‌ین‌لر اوردان قوولوب‌لار.
آذربایجان و اؤزللیک له اورمیه ، سولدوز قوشاچای ، سالماس، خوی ، تیکان تپه، سایین قالا و تبریز آشیقلاری ، اورمو نی هئچ بیر زامان اونو تماییب و ایفا ائتدیک لری چاغلاردا، اورمو اوچون ایلگیلی ان گؤزل و ماراقلی قوشمالاری گرایلی لاری ، مخمس لری بایاتیلاری و … تویلاردا، توپلانتی لاردا و باشقا باشقا تورن لرده اورکدن دیله گتیریب و ائشیدن لری ، گورن لری و دینله ین لری ماراقلاندیریب لار.
سون سوزوم:بودور کی من بورایا عایدم.کوکوم بورادادیر. پاییز دا آرانلیق یئرلرده کوک سوز بوتالاری یئل نئجه اویانا بویانا آپاریر. من اویله سی اولماق ایسته میرم. من بیر سویود آغاجی تک زینه بیر چای قیراغیندا سس سیز سمیر سیز بیرچول ده کولگه سالماق ایسته ییرم.
نوشته شده توسط admin در دوشنبه, ۱۳ اردیبهشت ۱۳۹۵ ساعت ۴:۴۵ ق.ظ
