آنا نفسی
گوزوم نورو، جانیم آنا
بؤیوتدون سن منی یانا یانا اؤدلو سان گون کیمی
بیر قاینار حیات کیمی بورجلویام من سنه
سنه بیر ائولاد کیمی
آنا دیلیمیز:باش سوز،آنامین سسی ائوده یاییلینجا بیر بوجاغا چکیلردیم، اورهییم کووهرهلردی، گؤزلریم یاشلاناردی … آنام ناغیلی چوخ یاراشیقلی و یئرلی، باتاخلی دییهردی. او بیر چوخ وقت سوزلرین بیر ناغیلنان باشلاردی..
یازیدان دئمک ایسته ییرم کی آنا هر بیر اینسانا بیر بویوک وارلیق دیر.اما ایندی ائله بیر شرایط دوزه لیب دیر کی بیز اینسانلار اونلارین وار گونلرینده قدرلرین بیلمیریک.آنا دیر اینسانا حورمت وئرن.بیز نه قدر ده چتین لیک گورسه ک،اونلارین بیر گئجه لیک زحمت لرین بورجون وئره بیلمه ریک.هر زامان شیرین یوخودان اویانیب لای لای دئیه ن زامانلاری هئچ بیر اینسان اونوتماییب.
“بیری وار ایدی، بیری یوخ ایدی، انسانلارین درد ـ غمی چوخ ایدی، اونلارین بیر دادینا چاتان یوخ ایدی…” (بیزه تای دئییب آغلایاردی…)ماراقلی بوراسی ایدی کی، او بیر ناغیلی هیچوقت تکرار ائتمزدی. هر دفعه سؤیلهدیگی تازا ناغیللار اولاردی. او ناغیلا باشلار ، باشلاماز من دیزلریمی قوجاقلییب بیر گوشه ده اوتوروب. یاشادیغیم یوخسول و داریسقال محیطدن اوزاقلاشاردیم. رویالارا قاپیلیب، پریلرین قانادلارینا قوناردیم، سلیمانین خالچاسینا مینردیم ، اوزاقلاردا، گؤیلرده، سیر ائدردیم. اورهییم یاخیشلارین، یاخشیلیقلارین غلبه چاتماق آرزوسو ایله چیرپینار، پیسلرین و پیسلیکلرین محو اولوب کوله دونمهسی ایله آلیشاردی. آنامین دئدیکلری سوزلر سیرقا اولوب حافظهمدن آسلاناردی .آنام نه اینجییردی، نه ده حیرصله نیردی. یاواشجا، الینی کنارا چکردی، اوزومه باخاردی. من ده اونون اوزونه باخاردیم: گورردیم کی، قوجالیب، آریقلاییب، توتونو قورتاریب… اونا ائله یازیغیم گه لردی کی، گئجه نی ده یانیندا یاتماغا راضی اولاردیم. او، یئنه ده منی باغرینا باساراق اییله یه ردی، آغلایاردی. همیشه ده عئینی سوزلری دئیردی. دئیردی کی، دده نه اوخشاییرسان، لاپ چوخ اوخشاییرسان، ائله بیل کی، بیر آلمانی ایکی بولوبلر.
اونون سینهسی آشار، داشار سوز خزینهسی اولموشدور او سایا، حسابا گلمز قدر لایلا، نازلاما، بایاتی، قوشما، گرایلی، نغمه، آتالار سوزو، ناغیل و داستان بیلیردی. هله ایندی اللی، آلتمیش ایلین آردیندان اونون بیری، بیری نین دالینجا حیاتا گوز آچان قارداشلاریمی یاتیزدیراندا اوخودوغو لایلالار و نازلامالار قولاغیمدا سسلهنه ردی
اونون سید عظیمدن، صرافدان، راجی دن صابردن، شعرلر کوچوردوگو یاشیل جلدلی دفتر هله ایندیده ذهنیمین آلاتورانیندا جانلانار.
بونو دا دئمه لیم که آنام ائل ماهنیلاریندان هر هانسیسینا بیر یا ایکی دفعه قولاق آسسایدی، اونو ازبرلردی. یاخشی یادیمدادیر بیر دفعه آتام بیر بوروقولو گرامافون ائوه امانت گتیرمیشدی اونون صفحهلرینده نئچه، نئچه ائل ماهنیلاری وار ایدی او بو ماهنیلارین چوخونو ازبرلهمیشدی و گاهدان گؤیلو خوش اولاندا، زمزمه ائدردی:
“بس سن دئمیشدین سنه من یار اوللام/آمان ننه، ظالیم ننه، یار ننه!
غملی گونونده سنه غمخوار اوللام/آمان ننه ظالیم ننه، یار ننه! … و بیرسی ده که من او ماهنی نی چوخ سئویب و همیشه لیک خاطیرمده ساخلادیم:
آی آنا قوربان اولوم …نه یامان قوجالمیسان/آغاران ساچلارا…حزین لای لایان قوربانام آنا…
بئشیک باشیندا اوخونان نغمه‌لر آنانین اوشاغا اولان محبتی یوکسک پوئتیک بیر دیل ایله ترنم ائدیلیر. آنام منه»اوز جانینی قوربان« دئییر، یاتمیش اوشاغینین کئشیگینده دایانماغی یاتیرماغی، اوشاغینی شن، خوشبخت گورمه‌سینی آرزولاییر. سوزلرینده جوشغون آنا محبتی ترنم ائدیلیر. زامان کئچیر، اوشاقلار بویویور، قهرمان اولور، لاکن آنا لایلا‌لارینین شیرینلیگی، حزینلیگی، بو نغمه‌لرده آشیلانان قهرمانلیق، مردلیک، دوغروچولوق، دوستلوق، قارداشلیق کیمی مقدس دویغولار همیشه قولاقلاریمیزدا سسلنیر.معاشین چاتیشمازلیغیندان او، بو دفتری کیمه ایسه ساتمیشدی و همیشه اونو الدن وئرمگین آجیسی ایله یاشایاردی آنام دوداغی نین آلتیندا بایاتی دئیه-دئیه منی سینه سینه باسیب هونکورردی. دئیردی کی، سن ده آغلا، قوی دده ن سسینی ائشیتسین. من آغلاماغا چالیشاردیم، آنجاق گوزومدن بیر دامجی دا یاش چیخمازدی. او آغلاییب منیم ده اوز-گوزومو ایسلاداردی، ائله بیلردی کی، من ده آغلامیشام. سئوینردی. منی تزه دن اوخشاماغا باشلاردی. دویونجا آغلایاندان سونرا بیردن منی بوراخاردی. اوزو اوزونون اوستونه چیغیراردی. اوزو-اوزونو سویردی، قارغییاردی. اوزونو منه توتوب اوزون: آ کافتار، آ بدنیت، نییه اولاییرسان، – دئیردی، – بئله گول بالاسی اولان دا آغلایارمی؟ منیم قشنگ آنام بیر یای آخشامی ساموواریمیز تزه جه دیزیلداماغا باشلایان واخت اولدو.بیر اوبایا یاراشیق ایدین.گوزلرین قلبیمه بیر نورلی ایشیق وئرردی.ایندی سن اوردا من بوردا یالقیز قالمیشیق آنا.هاردان چاتسین ال لرینه ال لریم!ده هردان سوراغین آلیم.آناسیز دونیام دا آه چکیره م.آچیق دیر حاقیین درگاهی هر زامان.سنسن حاق دان یانان چیراغیم آنا.اوره ییم دوزه بیلمیر.خالقدان آغلاییر.سنین حسرتیندن باخ نئجه قان آغلاییر.گاه گئجه آغلاییر گاه دان آغلاییر.آنالی دونیامی تاپا بیلمیره م.ندن یاشاییرام بیلمیره م.نیه اولمورم بیلمیره م.آغلاییر گوزوم نه زاماندی.گوله بیلمیره م.ائله بیل سونوبدور اوجاغیم آنا.هله آنامین نغمه لی سوزلری قالمیشدی فلک.نه تئز داریخدین.منسه اوندان دویمادیم.
نوشته شده توسط admin در چهارشنبه, ۰۸ مهر ۱۳۹۴ ساعت ۵:۴۹ ق.ظ
