آنام نان گیزلی نغمه میز
کوچوره ن:اکبرسعادت
خان ننه آمان، نولِیدی
بیر اوشاخلیغی تاپایدیم
بیر ده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغوندا بیر یاتایدیم
ائلر بیر بهشت اولورسا
داها من ئوز آللاهمیمدان
باشقا بیر شئ ایستمزدیم
آنادیلیمیز:تکجه اوشاقلیق زامانلاری یوخ آنام نان بویوک واختیندا مین لرجه گیزلی نغمه میز واریدی….او نه اینجییردی، نه ده حیرصله نیردی. یاواشجا، الینی کنارا چکردی، اوزومه باخاردی. من ده اونون اوزونه باخاردیم: گورردیم کی، قوجالیب، آریقلاییب … اونا ائله یازیغیم گه لردی کی، گئجه نی ده یانیندا یاتماغا راضی اولاردیم. او، یئنه ده منی باغرینا باساراق اییله یه ردی، آغلایاردی. همیشه ده عئینی سوزلری دئیردی. دئیردی کی، دده نه اوخشاییرسان، لاپ چوخ اوخشاییرسان، ائله بیل کی، بیر آلمانی ایکی بولوبلر.آنام دوداغی نین آلتیندا بایاتی دئیه-دئیه منی سینه سینه باسیب هونکورردی. دئیردی کی، سن ده آغلا، قوی الله سسینی ائشیتسین. من آغلاماغا چالیشاردیم، آنجاق گوزومدن بیر دامجی دا یاش چیخمازدی. او آغلاییب منیم ده اوز-گوزومو ایسلاداردی، ائله بیلردی کی، من ده آغلامیشام. سئوینردی. منی تزه دن اوخشاماغا باشلاردی. دویونجا آغلایاندان سونرا بیردن منی بوراخاردی. اوزو اوزونون اوستونه چیغیراردی. اوزو-اوزونو سؤیردی، قارغییاردی. اوزونو منه توتوب اوزون: آ کافتار، آ بدنیت، نییه اولاییرسان، – دئیردی، – بئله گول بالاسی اولان دا آغلایارمی؟
ننه‌م هر آددیمیندا دوداغی‌نین آلتینـدا غریبه دوعالار اوخویار، سحر-آخشام زومزومه ادردی. جومـا آخشام‌لاری بیشیریلن یئمک‌لردن دادماغا اولولری دعوت ادردی. بونو خوصوصی دوعالارلا ادردی. قوهوم‌لاردان کیمین سه باشی آغرییر، اوشودور، قیزدیریر، خسته‌‌حال اولوردوسا، ننـه‌م دئییردی، اونو کیمین سه روحو توتوب. چورک و دوز گوتورردی، چوره‌گی تام اورتادان بولوب قویاردی بیر مندیلین اوستونـه. دوزو دا ایکی‌یـه بولونموش چوره‌گین آراسی‌نا. سونرا دا قویروغوندان ایپ له باغلادیغی قاشیغی دوز-چوره‌گین اوستونده ساخلایاراق دوداغی‌نین آلتیندا دانیشاردی. آخیردا دا هوندوردن گاه اولن لرین، گاه چئشیت‌لی یئمکلرین آدینی سایاردی. قاشیق هانسی سا خوره‌گین آدی گلنده سئوینجه‌گه دوشوب یئللنمه‌گه باشلاری. ننـه‌م اوندا خسته‌له‌نَن آداما دئیردی کی، سنی فیلان آدامین روحو توتوب. اوره‌گی ده فیلان یئمه‌گی ایسته‌ییر. اونون روحو عشقینه بو یئمکدن بیر قازان آسمالی‌سان! بو، دئیه‌سن خسته لره یاخشی اتگی گورسه‌دیردی. چونکی روح توتما مسأله‌سینه گوره بیزیم اویمیزه آخیشان آدام‌لارین سایی گوندن-گونه آرتیردی.
ننـه‌م ساچ‌لاریمی دارایا-دارایا بئله اوخویاردی: “ساچ آغا، ساچ آغا، سنی چاغیریر گ… آغا!..”بو کیچیک و قدیم ماهنییلا ننـه‌م منی اوناماغا هوس لندیرردی.
جاوانلیق‌دا اوزونون نئجه قالین ساچ‌لاری اولدوغوندان دانیشاردی. باش بارماغینی او بیری بارماق‌لاریندان باجاردیغی قدر چوخ آرالاییب گورسه‌دیردی: “جاوانلیق‌دا ساچیمی باخ بو انـده هؤرردیم…”
بابام رحمته گئدندن سونرا ساچینی اوشاق‌لاری‌نین یولوندا سوپورگه اله‌مـه‌گیندن دانیشاردی. سونوجـدا ساچ‌لاری قوجالمیش، قاباق‌کی گوجونو، طراوتینی ایتیرمیشدیلر. آمـا ننه‌م یئنه ده ساچ‌لارینی قارشی‌سی‌نـا توکوب داراماغی، هورمه‌گی سئوردی. ساچ‌لارینی هوروب قییمت‌لی خزینه کیمی یایلیغی‌نین آلتیندا گیزله‌یردی. گیزلت سه ده، اوزه چیخارماسا دا، اونلارلا اویونرَدی. ننـه‌م هوروک‌لردن دانیشاندا دئییردی کی، قیز اولاندا ساچ‌لارینی قوشا هورورموش، إوله نندن سونرا تک. من ایندی ده بیلمیرم بونون بیر معناسی وارمی؟ بلکه ده وارمیش…
آناما ایذین وئرمیردی کی، ساچ‌لاریمی داراسین… آنامین اوز ساچ‌لاری بوینونون آرخاسیندان ایدی. هئچ واخت اوزانمیردی. بیر بالاجا اوزانان کیمی آنام ساچ اوستاسی‌نین یانینا قاچیر، ساچ‌لارینی ووردوروب بوینونون دیبینـه قویوردو. دوشونوردو کی، ساچ‌لار چاغداش قادین‌لارا مانع اولور. گوندوزلر ایشله‌ییردی، ایشدن گلنده إوده او ایش‌لرینی گوروردو. ساچ‌لار اوزَل قوللوق طلب ائله‌دیگیندن آنام اونلاردان جانینی قورتارماغا اوستونلوک وئریردی.آنامین آجیغی‌نـا ننه‌م ساچ‌لاریمین اوزانماسی اوچون دوعالار اوخویور، ساچ‌لاریمی سودله، آیران لا یویوردو. اویمیزده أت بیشنده ننه‌م قازانین ایچیندن ساققیز کیمی چئینه‌نن تیکه‌نی چیخاریب منیم بوشقابیما قویوردو. همین تیکه‌یـه ساچ اوزادان دئییردی. ننـه‌م او تیکه‌نی هئچ کیمه وئرمزدی، سهودن باشقاسی‌نین قابی‌نا دوشوب’سه، ألیندن آلیب منه وئریردی. همین غریبه تیکه‌نین دادی أتدن فرقلی ایدی. آرتیق اونو یئمه‌گـه اؤیرَنمیشدیم و منه دادلی گلیردی.هر سحر مکتبه گئدنده هر دفعه آنامین گوز یاش‌لاری‌نا بوغولوردوم.. اوزلجه‌سینه ننه‌م له دیلله شنده، آتام لا سوزو اولاندا چوخ توتولاردی…بعضا منه ائله گلیردی کی، اوشاغام، اونا گوره آغلایا بیلمیرم. آغلایا بیلمه دیگیمه گوره عذاب چکیردیم. هئچ نه منه آغلاماق قدر چتین گلمیردی. هئچ نه منه آغلایا بیلممه گیم قدر عذاب وئرمیردی. اینانیردیم کی، بویوینده، آتامدان اوترو اورکدن آغلایا بیله جگم. آنجاق واخت گئچدی و ایندی آنامدان اوترو هر گئجه اوره ک دن آغلاییرام..
ننه م تلسه-تلسه اوز-گوزونو سیلردی. منیم ده ایسلانمیش ساچیمی چارشابی نین اوجویلا سیلیب تمیزله یه ردی. سونرا گولمه یه چالیشاردی. جوربجور ادالار گوستریب منی ده گولدورمک ایستردی: – گول، آی اوغول، – دئیردی، – گول، بالا، قوی آتانین روحو شاد اولسون…آنـام منی هاردا توتسا، باشیمی دیزلری‌نین اوستونه قویوب بیتله‌ییردی. آخیردا بیتی اوده هامی‌نین باشینا سالدیم. قارداش‌لاریمی کئچل إلـه‌دیلر. آنامین ساچ‌لاری قیسا ایدی، اونون ساچ‌لاری تمیزلندی. قالدیم من …
ننه‌م قفیل خسته‌لندی و اولـوم یاتاغی‌نا دوشـدو. اولـه‌نه‌جن ساچ‌لاریندان بیت تمیزلنمه‌دی. بی‌بیلریم ییغیلدیـلار، ننـه‌مین ساچ‌لارینی نفتله‌دیلر، دارادیلار. اوندا سوچلولوق دویغوسو حاکیم کسیلدی بالاجا قلبیمـه. ننـه‌م ساچ‌لارینی چوخ سئویردی.
قوهوم، آشنا لارین هئچ بیری آنامین مین نه یه گوره اولدویونو بیلمه دیلر. آنامین گوزل باخیشلاری منی ده اولدوردی.منیم آنامی درد اولدوردو. بونو ایسه تکجه من بیلدیم.. آنام، آتامین گئدنده دولو قویوب گئتدیگی، محبت کیسه سینی بوشالتماغیندان قورخوردو. اونا همیشه ائله گلیردی کی اوندان سونرا بیز(اوشاق لار)نئجه یاشایاجاییق…من انا‌مین ایل‌لرله قورودوغو، اوستونه أسدیگی ساچ‌لارینی قورویا بیلمه‌دیم….
نوشته شده توسط admin در چهارشنبه, ۱۱ مرداد ۱۳۹۶ ساعت ۱۰:۱۸ ق.ظ
