آنالی دونیامین حسرتینده یم

یازار: اکبرسعادت
دونن آخشام چاغی سن‌سیز منی آغلاتدی یاغیش
یادیما سالدی سنی مطلبینه چاتدی یاغیش
کوچه‌ لر اولدو گوزومده یئنه بیر آرپا چایی
منی سن‌سیز نئجه نیسگیل سئلینه آتدی یاغیش
آنا دیلیمیز:باش سوز:آنام لا عومرومون گونشی گئتدی.آنالی دونیامین حسرتینده یم.قلبیمین اودی گئتدی،آتشی گئتدی.او شیرین رویامین حسرتینده یم.ال لریم الینه چاتمادی او گون.آنا سندن سونرا،سنسیز بیر چیچک ده آچمادی.سوسدو بولبول لریم هر آن.او ناغیل دئیه ن گونلرین حسرتینده یم.آخی سن الین دیه ن یئره گوللر آچاردی.آغ ساچلاریندان گونش دوغولاردی.سن اولان زامان آنا جان کدر مندن اوزاق گزه ردی.او گون لرین حسرتینده یم نازلی آنام.بیر اوبایا یاراشیق ایدین.گوزلرین قلبیمه بیر نورلی ایشیق وئرردی.ایندی سن اوردا من بوردا یالقیز قالمیشیق آنا.هاردان چاتسین ال لرینه ال لریم!ده هردان سوراغین آلیم.آناسیز دونیام دا آه چکیره م.آچیق دیر حاقیین درگاهی هر زامان.سنسن حاق دان یانان چیراغیم آنا.اوره ییم دوزه بیلمیر.خالقدان آغلاییر.سنین حسرتیندن باخ نئجه قان آغلاییر.گاه گئجه آغلاییر گاه دان آغلاییر.آنالی دونیامی تاپا بیلمیره م.
ندن یاشاییرام بیلمیره م.نیه اولمورم بیلمیره م.آغلاییر گوزوم نه زاماندی.گوله بیلمیره م.ائله بیل سونوبدور اوجاغیم آنا.هله آنامین نغمه لی سوزلری قالمیشدی فلک.نه تئز داریخدین.منسه اوندان دویمادیم.یازیدان دئمک ایسته ییرم کی آنا هر بیر اینسانا بیر بویوک وارلیق دیر.اما ایندی ائله بیر شرایط دوزه لیب دیر کی بیز اینسانلار اونلارین وار گونلرینده قدرلرین بیلمیریک.
آنا دیر اینسانا حورمت وئرن.بیز نه قدر ده چتین لیک گورسه ک،اونلارین بیر گئجه لیک زحمت لرین بورجون وئره بیلمه ریک.هر زامان شیرین یوخودان اویانیب لای لای دئیه ن زامانلاری هئچ بیر اینسان اونوتماییب.رحمتلیک آنام یالوارا-یالوارا دئیردی کی، آی اوغول، اوتور یانیمدا، سندن حیات قوخوسو گلیر. من باشیمی سیلکه لردیم، کوینه گیمین اتگینی دونه-دونه اییلردیم. او زامان نه آنلایاردیم…تکجه اوشاقلیق زامانلاری یوخ آنام نان بویوک واختیندا مین لرجه گیزلی نغمه میز واریدی….او نه اینجییردی، نه ده حیرصله نیردی. یاواشجا، الینی کنارا چکردی، اوزومه باخاردی.
من ده اونون اوزونه باخاردیم: گورردیم کی، قوجالیب، آریقلاییب … اونا ائله یازیغیم گه لردی کی، گئجه نی ده یانیندا یاتماغا راضی اولاردیم. او، یئنه ده منی باغرینا باساراق اییله یه ردی، آغلایاردی. همیشه ده عئینی سوزلری دئیردی. دئیردی کی، دده نه اوخشاییرسان، لاپ چوخ اوخشاییرسان، ائله بیل کی، بیر آلمانی ایکی بؤلوبلر.آنام دوداغی نین آلتیندا بایاتی دئیه-دئیه منی سینه سینه باسیب هونکورردی. دئیردی کی، سن ده آغلا، قوی الله سسینی ائشیتسین. من آغلاماغا چالیشاردیم، آنجاق گوزومدن بیر دامجی دا یاش چیخمازدی. او آغلاییب منیم ده اوز-گوزومو ایسلاداردی، ائله بیلردی کی، من ده آغلامیشام. سئوینردی.
منی تزه دن اوخشاماغا باشلاردی. دویونجا آغلایاندان سونرا بیردن منی بوراخاردی. اوزو اوزونون اوستونه چیغیراردی. اوزو-اوزونو سؤیردی، قارغییاردی. اوزونو منه توتوب اوزون: آ کافتار، آ بدنیت، نییه اولاییرسان، – دئیردی، – بئله گول بالاسی اولان دا آغلایارمی؟ ننه م تلسه-تلسه اوز-گوزونو سیلردی. منیم ده ایسلانمیش ساچیمی چارشابی نین اوجویلا سیلیب تمیزله یه ردی. سونرا گولمه یه چالیشاردی. جوربجور ادالار گوستریب منی ده گولدورمک ایستردی: – گول، آی اوغول، – دئیردی، – گول، بالا، قوی آتانین روحو شاد اولسون! من آغلاماق ایسته ییردیم. لاپ اورکدن، آنام دان دا برک آغلاماق ایسته ییردیم. آغلایا بیلمه دیگیمه گوره عذاب چکیردیم. هئچ نه منه آغلاماق قدر چتین گلمیردی. هئچ نه منه آغلایا بیلممه گیم قدر عذاب وئرمیردی.منیم قشنگ آنام بیر یای آخشامی گوزلریم اونا باخا باخا بیر بیمارستان بوجاغیندا اولدو. ائویمیزه ییغیشان آداملار سانکی آغلایا بیلمه دیکلرینه حاق قازاندیرماق اوچون اولومون آدینی چکمه دیلر. آستا-آستا باشلارینی ترپه دیب، هامیسی بیر آغیزدان: »آرواد رحمته گئتدی«، – دئدیلر. آنجاق من بونا اینانمادیم. بیلدیم کی، او هله منیم یانیم دا گئجه لر حزین بیر سس له منه نغمه اوخویور.و من گوزلریمی یوموب یاتیرامهله ده اینانیمرام کی گئدیب سن.من سنی بوردا آختاریرام.بلکه ده من اولموشم …نه بیلیم.بلکه ده کور اولموشام کی سنی گوره بیلمیره م.
بعضا منه ائله گلیردی کی، اوشاغام، اونا گوره آغلایا بیلمیرم. اینانیردیم کی، بویوینده، آتامدان اوترو اورکدن آغلایا بیله جگم. آنجاق واخت گئچدی و ایندی آنامدان اوترو هر گئجه اوره ک دن آغلاییرام..قوهوم، آشنا لارین هئچ بیری آنامین مین نه یه گوره اولدویونو بیلمه دیلر. آنامین گوزل باخیشلاری منی ده اولدوردی.منیم آنامی درد اولدوردو. بونو ایسه تکجه من بیلدیم.. آنام، آتامین گئدنده دولو قویوب گئتدیگی، محبت کیسه سینی بوشالتماغیندان قورخوردو. اونا همیشه ائله گلیردی کی اوندان سونرا بیز(اوشاق لار)نئجه یاشایاجاییق…آنام ایل لر بویو بیزه هم آتالیق ائتدی هم ده آنالیق. ائله دوغرودور کی دئییب لر جنت آنالارین آیاغی آلتیندا.ایندی سه من بئله دوشونموشم کی اولادلار کعبه دن قاباق گرک آنا ال لرینه سوتسون لر اوز لرین.والا جنت بیزیم ائولریمیزده.

نوشته شده توسط admin در چهارشنبه, ۲۷ خرداد ۱۳۹۴ ساعت ۴:۴۱ ق.ظ

• ۱ نظر
• 1961 بازدید
•    تویت
•  چاپ