آذربایجان فولکلوری…طنز نه دیر…؟؟؟

آذربایجان فولکلوری…طنز نه دیر…؟؟؟

حاضیرلایان:اکبر سعادت
آخ نئجه کئف چکمه لی اییام ایدی
اوندا کی اؤولاد-ی وطن خام ایدی…
باش سؤز:
بوگون بوتون ملتلر آراسیندا توده یه عاید اولان؛ادبیات،افسانه لر،مثل لر،شعرلر،حکایه لر،بیلمه جه لر،آتالار سؤزی،متلک لر،آداب و رسوم .
عنعنه؛دین،مذهب،جشن،عزا گونلری و اونلارین مراسیمی،خرافه لر،معیشته عاید اولان آلیش وئریش،صنعت فلاحت،ایو،لباس،غذا.تاریخی عقیده لر؛و اؤزگه ملتلر بارسینده دئییلن سؤزلر کهنه بنالار حقینده،تاپیلان اعتقادلار،بشرین بابالاری،پیغمبرلر.جغرافی عقیده لر؛دونیانین یارادیلماسی،قار یاغیش،ظبی نجومی عقیده لر و سایر… فولکلور آدیلا آدلانیر.
۱۹ نجو عصرین وجوده گلن علمی تاریخ لرین ان زنگین و اهمیتلی قسمی،مدنیت تاریخی نین اساسی ملتلرین فولکلوری اوسته بنالانمیشدیر.
دونیاده پارلیان علمی ادبی فنی انکشافلار،و اثرلرین بیر چوغو مالتلرین رسوم و آدابی اساسیندا دوغولموشدور.
مختلف ملتلرین فولکلورینه باخاراق اونلارین ملت،نژاد،دیل و آیری خصوصیتلرینه آشنا اولماقا برابر،اونلارین مادی معنوی حیاتلاریندان ده اطلاع اله گتیرمک اولور.
هر ملتین فولکلوری،نه قدر گئنیش،گؤزل اولسا،او ملتین گچیردیگی تاریخینین لیاقتنی،هوش علمینی اثبات ائدیر.
بو خصوصده،بوتون تانیش مستشرقلر،آسیا،اروپا،ملتلرین فولکلوری بارسینده تحقیقاته گیریشن عالملر،اعتراف ائدیرلر کی آذربایجان فولکولوری دونیاده اولان فولکلورلارین ان مشهورلرینین و ان گوزللرینین بیری سی دیر.
بو اولکه ده یاشایان خلق اوزون زمانلاردان بری هر بیر تاریخی حادثه اوچون هر بیر تئزه دین اوچون،هر بیر گوردیگی دین اوچون،هر بیر ائشیدیگی،احساس ائتدیگی منظره،سؤز فکر اوچون؛فولکلور ایجاد ائتمیش.
آذربایجانین ملی داستانلاریندا خلقین پهلوانلیق جوانمردلیق روحو گورونور.
بو داستان لاردا،عاشقلرین پریشان حالی،چکدیکلری محنت لر،توکدیکلری قان یاشلار،معشوق لارین گوزللیگینی و عین حالدا وفالی و مهربان اولماقلاری تصویر ائدیلمیشدیر.
بو داستان لاردا اولان قهرمانلار ایسترسه اوغلان یا قیز،شاه یا گدا،ایسترسه عالم یا عامی اولور اولسون،آنجاق هر بیری اوز یئرینده آذربایجان خلقینین نماینده لری اولورلار.
ترانه و شعرلرده آذربایجانین گؤزلیکلری چمنلر، داغلاردان آخان سولار،بهارین گل چیچکلی،باشی قارلی داغلار،میوه لی باغلارین وضعی منعکس اولوبدور.
مثل لر و آتالار سؤزی آذربایجانین آق ساچلی دئنیا گورموش قوجامان تجربه لی بابالارینین صاف قلبلرینده و پاک روحلاریندا سرچشمه آلاراق درین معنالاردا حقیقتلره شامل دیر.
طنز نه دیر…؟؟؟
چارلی چاپلین: چوخ چالیشدیم خالق باشا دوشسونلر، اونلار یالنیز و یالنیز گولدورلر
طنز نه دیر؟
طنز خالقین باشین قاتماقدیر؟
اونلاری یونگول سؤزلر ایله گولدورمک دیر؟
بیر کتلینی یا بیر کاسیبی یانسیلاییب، اونون آبیریسین آپارماقدیر؟
بیر شخصین دانیشیغین(لهجه سین) تقلید ائله ییب، اونون کولتورونه توهین ائتمدیر؟
بیر ائلین قهرمانین، لاغا قویوب، اونون گئتدییی یولو موردارلاماقدیر؟
موسیقیمیزی، موسیقیچیلریمیزی، و موسیقی آلتلریمیزی اویونجاقجاسینا،اعتیبارین هئچ ائله مکدیر؟
یوخ! بونلاری ساناماقدان، ایسته دیم بیله سیز کی من ایسته ییرم نه دن یازیم
طنز ائلین،توپلومسال یاشاییشینین، چاتیشمازلیقلارین ، دردلرین دئمکدیر؛ بیر ته هر کی اونون ائتگیسی او قدر اولا بیلسین کی جامعه نی دوزلویه، تمیزلییه ساری یؤنلده بیلسین
طنز گره ک خالقی گولدورمکدن چوخ، فیکره سالسین! طنز قینیندان چیخمیش بیر قیلینج اولمالیدیر کی چیرکینلیکلری دوغراسین! نه کی یاخشیلیقلاری کسیب، پیسلیکلره قوربان وئرسین
چوخ یئرده و چوخ واختلار بعضی شاعیرلردن، و بعضی هونرمندلردن، تنقید ائله ینده، چوخو بیلر- بیلمز اونلاردان طرفدارلیق ائله ییبلر! و سؤزلری بو اولوب کی: بس بیر بئله آدام نییه اونلاری سئویر!؟ ایر اونلار یاخشی اولماسایدی، بیر بئله ایسته یه نلری اولمازدی بلی!بوردا سؤزلر ایکی زاددان آسیلیدی
بیرینجیسی بو کی: بیزیم کوتلوی خالقیمیزین چوخونون تاریخی، سیاسی و اجتماعی ساوادی و دوشونجه سی او قدر یوخاری اولماییب کی یاخشینی پیسدن سئچه بیلسینلر
ایکینجیسی بو کی: بیزیم درس اوخویانلاریمیزین چوخو بیر – بیرینه کیلاس قویماقدان ساوایی باشقا بیر زاد باجارمیرلار،هره سی بیر قورو مدرک آلیب، پوز وئریرلر هله بعضا اوتانماز- اوتانماز » صمد- ممد« کیمی دلخک لری تعریف، تبلیغ ده ائدیرلر بیر آدام کی سوپورگه نی ساز یئرینه!، یاستیغی قارمون یئرینه،….. ایشله دیر بیر آدام کی خان چوبانی، سارایی تحقیر ائدیر
بیر آدام کی دینی- مذهبی عنعنه لری آیاقلاییر
بیر آدام کی اوشاقلارا دیل اَیمه دن، آتا- آنانین باشینه دیرماشماقدان ساوایی باشقا بیر زاد اؤیرتمیر
بیر آدام کی
بیر آدام کی
بیر آدام کی بورنونون اوجوندان ساوایی آیری بیر یئری گؤرمه ییر
سیز اونا نئجه هونرلی بیر اینسان دئییرسیز!؟ آخی هونر قوتسال بیر کلمه دیر! گلین بو آدی هر اَلسیز- آیاقسیزا وئرمه یک. اؤز میللی وارلیقلاریمیزینتاپدالانماسینا باخماق اوچون پولوموزو، واختیمیزی خرج ائتمه یک بو سؤزو لاپ جسارت ایله دئییرم، بوجور آداملارا مئیدان وئرمک شئونیستی بیر سییاستدیر؛ میللتین باشین قاتماق اونلارین کؤکلو آماجلاریدیر. میللت اؤز دوشنجه لیلرینین، میللی قهرمانلارینین قدرین بیلمه لیدیر.
» صممد ممد« اؤز آغاجلاریمیزدان کسیلمیش ساپدیرلارکی، دوشمان بالتاسی ایله اؤز کؤکوموزو دوغراییرلار هر حالدا بیز یاشایان توپلومدا بعضی آداملاری او قدر شیشیردیبلر کی اونلاردان نقد ائلمه مک چوخلارینا چتین و هردن قورخولو بیر ایش اولوب هردن آتالاردان بیزه مثل ده گتیریرلر:» خالق نئجه، سنده بیری! گئتدین بیر کنده، گؤدون هامی کور، سنده اول کور « آتا- بابا لاریمیز دئین سؤزلر قیزیل سو ایله یازیلمالیدیرلار، آما هر سؤزو یئرینده ایشلتمک گره کدیر! هر سؤز هر یئرده ایشله نه بیلمز، و ائله آتالاریمیز دئمیش «هر سؤزون بیر یئری وار.

نوشته شده توسط admin در چهارشنبه, ۱۹ شهریور ۱۳۹۳ ساعت ۴:۰۰ ق.ظ

دیدگاه


7 − چهار =