آد سئچمه چتینلیک لری

آد سئچمه چتینلیک لری

اکبرسعادت
آى¬گونون ایشیغى دوشدو اوزومه
شاد اولوبان گولدوم اوزوم¬اوزومه
آغلاماق پرده سى دوشدو گوزومه
هم گئجه هم گوندوز اینجیدى آنا
آنادیلیمیز:آذربایجان خالقلاریندا اوشاق دونیایا گلمه‌میش، هله آناسی بویلو اولان واختلار بئله بیر عادتلری وار: بیر قادین بویلو چاغلارین کئچیرن زامان خصوصی ایله‌ ایلک اوشاغینا بویلو اولاندا قوهوم اقریباسی‌له یاخین دوستلاری اونو قورویاراق قارانلیقدا یالقیز بوراخماییب حامام و قبیر اوسته‌ تک گئتدییینی مصلحت گورمزلر. بو قادینین اوشاغی داها هوشلو و گوزه‌ل اولماق اوچون اونون یئریکلمه دوورونده یئمک ایستکلرین یئرینه یئتیریب و اوشاغین هر یوندن قورونماسینا چالیشارلار.
دوغوش زامانی چاتدیقدا اوشاق و آنایا اولدوقجا ده‌یر وئریب قیرخ گونه قده‌ر آنا و بالانی خطر و بلالردن قوروماغی اوزلرینه بیر گوره‌ و سانارلار. اوشاغین گله‌جکده؛ دانیشغی شیرین، واری چوخ و عومرو اوزون اولسون دییه باشی اوسته؛ قند، قیزیل و چوره‌ک قویارلار
بیزه، یان-یووره ده اولان، یاخین-اوزاق کیمسه-لر، اوشاقلارینا آد قویماق اوچون باش ووراردیلار. بیزیم ده الیمیزده، هر زامان بیر بوللو آد اولاردی. آدلار اوچون، یوروملاریمیز بئله وار ایدی. اوزوموزه گلدیکده، آد سئچمه-ییمیز چتینلشدی. اوشاغین دوغوم واختی یاخینلاشدیقجا، بیر-ایکی آدین اوستونده دایانمیشدیک.
سیجیللی آلماق اوچون، قویولا بیلن آدلارین لیسته-سی بیر دوشرگه-ده وار ایدی. سئچدیییمیز آدلارین، هئچ بیری اوردا یوخ ایدی. بو دا، او دئمک کی؛ او آدلاری آلماق او قدر ده راحات دئییل ایدی. آدلارین بیرینین اوستونده قرار وئرمیشدیک. ایکیمیزین آراسیندا کسینلشدیردیکدن سونرا، یاواش-یاواش یاخینلاریمیزی ایله اورتایا قویوردوق. هر بیر آدی بَیه-نیب بَیه-نمه-ینلر اولور. ایلک الشدیرمه-لر یاخینلاردان گلیردی. دالدا-بوجاقدا آدی قویماماق اوچون، بیر سوزلر دانیشیلیردی. بیر دونه قرارا گلدیییمیز آدی دَییشدیرمیشدیک، بو آدی دا یاخشی قانیتلاری اولسایدی، دَییشدیره بیلردیک، آنجاق ساده-جه بیر بَیَنیب، بَیَنمه-مه اولدوقدا، آدی دَییشدیرمه-یی دوشونموردوک. بو اوزدن، آدا قرار وئریلمیشدی. هر بیر قونو، اورتایا قویولدقدا، ان یاخشی یاناشما، چئشتلی آچیلاردان باخانلارین، قانیتلارینین اورتایا قویدوقلاری اولور. آنجاق، الشدیریلرین هئچ بیری، اوزوموزه دئییلمه-دیینه گوره قانیتلاردان خبریمیز اولموردو. الشدیرنلر، الشدیرمه-لریندن چکیلمیردیلر، آنجاق بیزیم قرارلی اولدوغوموزو گوردوکده، آدی چاغیرمایا باشلادیلار. اوشاغین قولاغینا آد سسلندیکدن سونرا، اوشاغین قولاغینا آدی سسلندیکدن سونرا، اوشاغا کیملیک بلگه-سینی آلماق اوچون، سیجیللی ایداره-سینه گئتدیم. سیجیللی وئرن یئره گئتدیکده، بیر چوخ کیشی صف چکمیشدیلر. سوخولا-سوخول ایدی، ایچه-رییه گئچمک اوچون، سونوندا من ده سوخولوب، اوشاغا سیجیللی آلماق اوچون، اوز سیجیللیلریمیزی دوغوم بلگه-سی ایله بیرلیکده سیجیللی مأمورونا وئردیم. آد مأمورون قولاغینا تانیش دئییل ایدی.
سوروشدو آدی دفترده وار، دفتری گوتوردو باخدی. آد یوخ ایدی. بیر دیلکچه یازیب، اورا وئردیم، یئنی آد اوچون. نه قدر واخت آپاردیغینی سوروشدوغومدا، مأمورلارین دئدیکلرینه گوره ییرمی گون چکردی. ییرمی گوندن سونرا، گئتدیکده آدا جواز گلمه-میشدی.
بیر نومره وئردیلر، نئجه اولدوغونو سوروشماق اوچون. بیر نئچه گون سونرا، زنگ آچدیم. زنگ چالیردی، کیمسه گوتورموردو. دونه-لرله زنگ آچدیم، دئیه-سن کیمسه یوخ ایدی. بلکه ده نومره یانلیش ایدی. بیر داها گئتدیم، بو دونه دئدیلر، جاواب گلمه-ییب. گرک، گئدردیم دیلکچه-نین گئتدییی یئره. اورا دا گئتدیم. الیمدن اولان نومره ایله، دیلکچه-نین دالیسین توتدوم. دیلکچه-یه باخان اولمامیشدی! سیز بیلدیینیز، گورمزدن گلمیشدی دیلکچه-نی! سوروشساز عمد وار، کسینلیکله یوخ دئیه-رم. ایداره-لره ایشی دوشنلر، بئله بیر دوروملار ایله تانیش دیرلار. بیر داها دیلکچه ایسته-دی.
آد بیر کومئسیوندا آراشدیریلاجاق ایدی. اوردا اوتوران خانیم، فارس اولدوغو اوچون، آدین نه آنلامدا اولدوغونو سوروشدو، من ده جاواب وئردیم. بیر تورکجه-فارسجا سوزلویو اوردا ایدی. اورانین ایشله-یه-نلریندن تورک اولان، بیر آغا ایله بیر خانیم وار ایدی. آغا، منه اویوت وئریردی “پئشمان اولاجاغین بیر آد قویما، سونرا دَییشذیرمه-یی چتین اولار” اورنه-یی ده “تؤکتم” آد ایدی، گویا بیری آلمیشدی، اوشاق بویویندن سونرا دَییشمک ایسته-میشدی( وابال دئیه-نین بوینونا) نه آنلامدا اولدوغون دا بیلمیردی.
اوردا اولان تورک خانیمین تپگی-سی ایسه بو ایدی: “من ائشیتمه-میشم!” من اوردا اولالی، کومیسیونا گئدن دیلکچه-لرین چوخو، تورکو آدلار اوچون ایدی. “آنالی”-یا جواز وئرمه میشدیلر. اونلار دا بیر نومره وئردیلر، بئش-آلتی گون سونرا زنگ آچیب، سونوجو سوروشماق اوچون. وئریلن واختدا سوروشدوقدا، جاواب یوخ ایدی.
زنگ آچدیغیمدا، ائشیتدیم “هاکان” آدی اوچون ده جواز وئرمه-ییب-لر. بیر داها، زنگ آچدیغیمدا، سونوج دئیه-سن اولوملو ایمیش کیمی ایدی. گرک، دیلکچه-نین سونوجونو دوشرگه-یه گئچردیلر. صاباحی زنگ آچدیقدا، باشقا بیر خانیمین سونوجدان خبری یوخ ایدی، ایچیم-ایچیمی یئییردی. آنجاق، تئلفونلارین گوتورولدویو قویموردو داها آرتیق سینیرله-نم. اوته-سی گون زنگ آچدیغیمدا، خوش خبری وئردیلر. آدی قویا بیلردیک، آنجاق بیر گون داها دوزمه-لی ایدیک. اللی گون دوزموشودوک بیر گون ده اوستونه! دئیه-سن آدسیزلیغی، بیزیم اوشاقلار، بیر مودت یاشامالی ایدی. بیر سیرا آدلارین، نئجه یازیلیشینا پولچوک قوشوردولار، بیر سیرالاریندا آد دفترینده اولمادیغینا. سیجیللی آلماغا گئتدیییمده، هله جاواب گلمه-ییب سوزو، یئریمده دوندوردو. گئدیب-گلمکدن یورولموشدوم، بیر مأمورون یوخ دئدیینه، دالی چکیلن دئییلدیم. اونا گوره، اوردان زنگ آچدیم، وئردیم مأمور خانیما، مأمور خانیم، بیر-ایکی ده-یقه نیققیلدادیقدان سونرا، تئلفونو آلیب، دانیشدی. قاش قاباغین تورشادیب دئدی. بیزیم سیستئمه گلمه-ییب، سالیق وئردی گئدم، آشاغی قاتداکی سیجیللی وئرن باجایا. اورا گئتدیییمده، آدین سون حرفینی ترسه ووردوقلاری اوچون، جوازین وئریلمه-دیینی بیر داها وورغولادیلار. آدی، گوردویومده یانلیشلیقلارینی دوزلدیب، دوزونو یازدیم.
آدی آلا بیلرسیز جاوابینی وئردیلر. اوردا، باشقا تورکو آدلاری ایسته-ینلره دیلکچه حاضیرلانیردی. شانسی-لار گتیرسه آلا بیله-جکدیلر، شانسیلاری گتیرمه-ییب، یاری یولدا یورولانلار، بیر داها آد سئچمه-لی اولاجاقدیلار. اوزومه سوز وئرمیشدیم، آدی آلانا دک دالیسین توتاجایدیم. هئچ کیمسه، آتا آنانی اوشاقلاری اوچون، آد قویماغین اونون الا بیلمز. بونلارین هر بیری بیریانا، ایسته-دیییمیزین یئرینه یئتیریلمه-سی بو قدر چتینلیگه باخمایاراق بیر یانا! یامان دادی وار.

نوشته شده توسط admin در دوشنبه, ۱۷ خرداد ۱۳۹۵ ساعت ۵:۳۲ ق.ظ

دیدگاه


دو × = 8