گووروخ اوغلو علي اکبر نييه اؤلدو …

– ميرزه، او نامازين کي ايچينده ماليک اولسا من اوني قيلمارام. سن گئت نامازا، من ده دوروم بوردا، بلکه بو گون بيري ده گلدي مني آپاردي ايشه. اوندا هر ايکيميز گئجه ائوه چؤره‌ک آپاراريخ، ايکيميزين ده ايمانيميز کاميللشر. آخي آتا بابا دئميشکن »آج قارينين ايماني اولماز«.
– گينه کوفر دانيشما صابر. مندن دئمک. ياخشيسين اؤزون بيلرسن.– ميرزه تله‌سيرسن گئت، هئچ دئمه‌دين منيم او سوواليمين جاوابين تاپدين يا يوخ؟– هه تاپميشام، نامازدان قاييداندا بوردا اولسان دييه‌رم.– تلسمه، هئش تلسمه، ياخشي اوخو، ياخشي اؤيرن، سونرا دييرسن. تلسمک لازيم دئييل.– ناييران قالما اؤيرنميشم، ياخشي دا اؤيرنميشم، نامازي قيليم، قاييداندا دييه‌رم.حاجي ميرزه‌قاسيم مچيده ساري گئتدي؛ فهله‌لر ايسه مئيداندا دورموشدولار. هردن بيريسي گليب اونلارين بيري ايکيسي ايله دانيشيب راضيلاشيرديلار. بير خئيلک زامان کئچدي، اداره‌لرين آچان واختي ايدي؛ بو آندا نامازدان قاييدان حاجي ميرزه‌قاسم اؤز توتوب اوستا صابره دئدي:– اوستا صابر، تاپديم ها کيتابدا کاسيبلارا نه يازيب.صابر دئدي:– ميرزه هله تلسمه، مطالعه ائله، ياخشي مطالعه ائله، چوخ مطالعه ائله، تلسمه واخت چوخدو.– صابر خالو اوغلو، مطالعه ائله‌ديم. سن سوروشموشدون کي کيتابدا کاسيبلارا گورا نه يازيبلار؟– هه، ميرزه، نه يازيبلار؟– من چوخ گزديم، چوخ اوخودوم، بيرزاد تاپانماديم. کيتابدا تکجه يازميشدي کي کاسيب دؤزملي‌دير! صبر ائله‌ملي‌دير! فقط بو!– ميرزه، ساغ اول! بيزه ائله بو کيفايتدير. دئييرم آخي بس رحمتليک آتام منيم آديمي نييه صابر قويموشدو! او رحمتليک بيليردي دا هميشه »چؤره‌ک آتلي اولاجاق من پيادا«، ائله اونا گورادا آديمي صابر قويوب که دؤزه بيلم.حاجي ميرزه‌قاسيم گيردي سنگکچي‌يه. ايشه آپاريلمايان ايشچيلر هله ده اعلانين دؤوره‌سيني آلميشديلار و اوندا نه يازديغيني اوخويا بيلمه‌سه‌لرده اونا گورا دانيشيرديلار. بو حالدا بانک رئيسي »احمد سيلابي« اوردان کئچيردي. اونون دده‌سي کيمي مؤمن و ديندار آدام يوخ¬ايدي. باشقا فيکير صاحيبلريله ده برک موخاليف ايدي. کارگرلرين اعلان تابلوسو دؤره‌سينه ييغيشديقلاريني گؤردوکده ايرهلي کئچيب سوروشدو:
– نه اولوب آي بالا؟کارگرلرين بيري دئدي:– آغاي رئيس، سنين ساوادين وار اوخو، گوراخ بوردا نه يازيب؟احمد سيلابي اعلانا باخيب دئدي:– يئتيم بونو کيم بورا ياپيشديردي؟کارگرلردن بير آيريسي جواب وئردي:– گؤرن يوخدو، سحر من گلنده بو وار ايدي.احمد سيلابي ايره‌لي‌لييب بيرآز اعلانا باخيب، ال آتدي اعلاني جيرسين. »سوواخچي ميصير اوغلو عين‌اله« بيله‌ييندن ياپيشيب دئدي:– احمد آغا بونو نه‌يه جيريرسان؟– گورموسن به؟– نه‌يي؟– گؤرموسن به اوراق چکيشين عکسيني؟– گؤرورم، به نييه گؤرمورم. اونو بوراخ، اوخو گؤراخ بوردا نه يازيبدير؟– نه يازاجاخدي؟ يازيب الله يوخدو دا.
– آغاي سيلابي، ياني سن بويوروسان کي بو بويدا صفحه‌ده تکجه بونو يازيبلار؟ ياني باشقا بيرزاد يازمييبلار؟ يئتيم، آغيللي باخ، گؤر اوردا نه يازيبلار آخي؟– يوخ، آي يازيق، دئييرسن به نه يازيب‌لار؟بونو ديينده، دانيشيغا شاهد اولان اوستا صابر ايره‌لي گليب، بحثه قاتيشير:– اخمد آغا، بيليرسن بوردا نه يازيب؟– اوستا صابر، سن بويور گؤره‌ک نه يازيب؟
– بوردا يازيبلار کي »گووروخ اوغلو علي اکبر«ي »کابلاي سليم« اؤلدوردو. احمدآغا سن اوندا اوشاغيدين، سنين ياديوا گلمز. سنين ددون عبارت اولا علي اکبردن گئدردي چؤلده قايناتاوا کابلا سليمه آلاخ ائلردي؛ گون آراسي کي بونلار چؤره‌يه چيخارديلار، قايناتان تئز قاباغينا آيران چؤره‌يي قوياردي، او قده‌ر بئنوا کيشي آيران چؤره‌ک يئدي کي زخم معده گتدي، اؤلدو. بوردا يازيبلار کي سنين دده‌وي قاينآتان کابلاي سليم اؤلدوردو. دوزو، ددؤن آجيندان اؤلدو.احمد سيلابي اوستا صابرين بو سؤزوندن آجيقلانيب، ال آتير اعلاني جيرير و دئيينه- دئيينه بانکا طرف يولا دوشور. اعلان جيريلارکن ياواش- باواش جاماعاتدا داغيلير….
Arazazarbaijzn.anadilimiz@gmail.com