لای لای کیتاب لاریم لای لای

لای لای کیتاب لاریم لای لای

اکبرسعادت
آنا دیلیمیز:قلم اوقدر قیمت لی و دیه رلی دیرکی هئج بیر آزاده اینسان اونو نه پولا ، نه مقاما ، نه مالا ، نه ثروته و نه شوهرته ساتماز. باخمایاراق کی بعضی اینسانلار تاریخ بویو قلمی عکس صورتیند ایشلدیب لر و قلم واسیطه سی له چوخلو قانلاری ناحق یئره توکوب لر حقی ناحق ائیله ییب لر ، باشلاری دار آغاجا آپاریبلار ،عائیله لری داغلادیب لار ، آزاده اینسانلاری دوستاقلارا تاپشیریبلار و اونلاری سورگون و دیدرگین سالیب لار . قلم بئله بیر اینسانلارا چورک آغاجی و ترقی نردیوانی اولوب آمما چوخلو اینسانلارین الینده ده قلم اوتجول سیلاح و کسگین بیچاق اولاراق ظالیم لرین قارشی سیندا دایانیب اینسانلارین قوتسال ایستک لرینی یئرینه گتیریب ،اولوسلاری آییندیریب و اونلارین حاقلارینی تانیتدیریب دیر . هر دن ده بئله بیر یازیچی لار اوزجانلارین بو قوتسال یولدا الدن وئریب لر چوخلو سیخینتیلیق چکیب لر آغیزلاری تیکیلیب ، قولاقلاری کسیلیب ، باشلاری گئدیب و اگر قلم بعضی اینسالارا چورک آغاجی اولوبدور ان دو غروسو قلم بئله بیر اینسانلارا دا دار آغاجی اولویدور آمما گورک بونلارین هانسی خالقیمیزین یانیندا دیه ری و قیمتی واردیر؟
۶۹ ایل بوندان قاباق اوز آنادیلینده یازیب – اوخوماغی حسرتده گوره ن میلت، چوخ ماراقلی، کیلاسلاردا ایشتیراک ائدیردی، تورکجه کیتابلار باسیلیردی (چاپ اولوردو)، توکانلارین ویترین یازیلاری، کوچه لرین آدی و… تورکجه یازیلیردی.
آما تاسف له پهلوی رژیمی بونو هده له ییب، آرادان آپارماق اوچون چوخ حیله کارلیقلارا ال ووردو و نهایتده ۱ ایل سونرا (آذر ۱۳۲۵) آذربایجانا قوشون چکیب و ارتش و بیر سیرا لات و اوباش لار الی ایله آذر آیی نین ۲۴-ونده آذربایجاندا سوی قیریما ال بولادی. او بو ایشه ده قانع اولماییب و آذر آیی نین ۲۶ – سیندا تبریزین دانشسرا مئیدانیندا تورکجه کیتابلاری آذربایجانین هر یئریندن ییغیب و اونلارا اود ووردو. آذربایجان دا هر ایل ۲۶ آذر کیتاب گونو قئید اولور و اینسانلار بیر بیر لرینه کیتاب هدیه وئریرلر تاسف ایله ۱۳۸۵ ده بو یانا بو گونه نیسبت دانشگاه لاردا تبلیغات آز آلماسی ایله عمومی ایستقبال دا آز آلیب دیر.اورمو کیتاب ساتانلاری دئییرلر کئچن ایل لرده بو گونده چوخلو تورکجه کیتاب اوخویان طبقه سی اونلارا موراجعت ائدیب اونلارجا کیتاب آلاردیلار و بو ایش کیتاب نشری نین گوجلنمه سینه چوخ لو کمک ائدیردی امما تاسف ایله بو حسنه ایش گئت به گئت آز آلیر.اونلارین دئدیگینه گوره عمومی رسانه لر و ادبی -ایجتماعی درنک لر بو گونون تبلیغ ایله آذربایجان ا کیتاب اوخوماق فرهنگ ین آرتیرمالیدیرلر. قلمین اوقدر دیه ری واردیرکی اینسانلارین عقلی و ذکاوتی اونلا اولچولور نئجه کی حضرت علی (ع) بویورور : یازیچی نین عقلی اونون قلمینده دیر . قلم اوقدر اینسانین سیاسی و اجتماعی و کوتلوی دوروموندا نقشی واردیرکی اگر دئسه ک دونیادا اینقلابلارین اوزوئرمه سی قلم واسطه سی له اولوب یانلیش سوز دئمه میشیک . چونکو بویوک موباریزه آپاران اینسانلار قلم واسیطه سیله سوزلرین هم خالقا و هم سیتمکارلارا یئتیریبلر و بو یازقیلارین اثرینده اینسانلارین آنلاییشلاری چوخالیب و اونلاری ظالیم لر قارشیسیندا حاقلارین آلماغا گوج وئریب ، بیرلیک یارادیب و سونوچدا ظالیملره غالیب ائدیبدیر رحمتیک ایمام بیر یئرده دئییر: » او قلمین فایداسی واردیرکی اولوس لاری یوخودان اویاتسین « و بو سوزون اثرینی ائله ایشاره اولونان اولکه لرده گوروروک کی نئجه اولوسلاری یوخودان آییندیریب و اونلاری زای اولان حاقلاری لا تانیش ائدیب و ظالیم لره قارشی اعتیراضا گتیریب و نهایت ده غالیب اولوبلار و یا اولاجاقلار. قلمین قداستی قوتسال لیغی ائله اؤنم لی دیرکی رحمت لیک جلال آل احمد دئییر : » گوزله یین کی سوزو بیر تیکه چوره یه ساتمئیاسیز ؛ روحو جیسمین قوللوقچوسو ائله می یه سیز حتی قارونون دوولتینی و ثروتینین اندازه سینده وئرسه لرده . اگر ساتیر سیز قولویوزون گوجونوساتین آمما قلمی و کلامی اصلاً و ابدا . شهید دوقتور شریعتی بیریئرده دئییر قلم منیم توتمیم دیر … آند اولسون قلمه و اونون بوغازیندان توکولن قارا قانا ، قوتسال توتمیمی ساتمارام ، اولدورمه رم ،اتینی و قانینی یئمه رم زور اللره تسلیم ائله مرم ، الیمی قلم ائیله رم ، قلمی الدن وئرمه رم ،گوزلریمی کور ائله رم قولاق لاریمی کار ، آیاقلاریمی سیندیررام بارماقلاریمی کسرم ،کونلومو پارچالارم ،اوره ییمی اولدوررم ،دیلیمی کسرم ،دوداقلاریمی تیکه رم آمما قلمی بیگانه لره وئرمه رم . پولا ساتمارام و یالتاقلار الینه تاپشیرمارام .
اولکه‌میزین کتاب بازاری اوزون زمان اولار کی بحران ایچینده‌دیر. بو بحرانی، کتاب تیراژی‌نین آزالماسیندا عیانی گورمک اولار. کتاب تیراژی اونون نه قدر اوخونماسینا مستقیم علامتدیر و تیراژ هر نه قدر آشاغی اولورسا او کتابین او قدر آز اوخوندوغونا دلالت ائلیر.
تازا کتابلارا اینانماماق اوشاقلارا دا سرایت ائله‌ییب. بو ایلکی کتاب نمایشگاهیندا اوشاقلار کتاب ایسته‌ینده اونلارین قدیم چاپینی ایسته‌یردیلر. علتینی سوروشاندا دئییردیلر: »آخی اونلار سانسور اولماییبلار«.
کتاب تیراژی‌نین آزلیغی‌نین بیر عاملی‌ده ایراندا کتاب داغیتما سیستمی‌نین اولماماسی اولا بیلر. یعنی بیر کتاب چاپ اولاندان سونرا اونو اوخوجونون الینه نئجه چاتدیرماغا هئچ برنامه و سیستم یوخدور. بیر اکین یئری و مزرعه‌نین مختلف یئرلرینه سو چاتدیرماق اوچون مختلف کانال‌لارین لازم اولدوغو کیمی کتابین‌دا اوخوجولارین الینه چاتماسینا داغیتما سیستمی لازمدیر.
بو آرادا هر حالدا بیر سیرا کیتاب¬لار چاپ اولماقدادی، اونلارین ان یاخشی¬سینی تانیتدیرماق و اونلارین ساتیشینا یاردیمچی اولماق نییتینده¬ییک.
آذر آیین ۲۶ جی گونو ،آذربایجان کیتابلارینین اودا چکیلن گونو ، “آذربایجان کیتاب گونو” آدلانماق اوچون بیر معنالی گون اولا بیلر. نه یاخشی کی بو گونده بیر تورکجه کیتاب آلماق ایله بو گونو عزیز سایاق…

نوشته شده توسط admin در چهارشنبه, ۲۵ آذر ۱۳۹۴ ساعت ۵:۵۹ ق.ظ

۱ نظر

نظر -49 - 0 از 1اولین« قبل بعد  » آخرین 
  1. -1

    سلام
    ….واقعا این مطلب و برخی دیگر از مطالب تعجب آور و تاسف اور است.آیا شما هم پان ترکیست شده اید ؟
    این خزعبلات چیست : آذر آیین ۲۶ جی گونو ،آذربایجان کیتابلارینین اودا چکیلن گونو ، “آذربایجان کیتاب گونو” آدلانماق اوچون بیر معنالی گون اولا بیلر. نه یاخشی کی بو گونده بیر تورکجه کیتاب آلماق ایله بو گونو عزیز سایاق…

    یعنی چه که کتابهای آذربایجان به آتش کشیده شده ؟ روز کتاب آذربایجان دیگر چه صیغه ای است؟ کتابهای پیشه وری و حزب کمونیست باکو به آتش کشیده شد نه کتابهای آذربایجان.روسها و فرقه دمکرات آنها در دوره اشغال آذربایجان کتابهای درسی مدارس آذربایجان را که بهز بان فارسی بود جکع آوری کرده و آتش زدند و کتابهای درسی جدید که توسط حزب کمونیست در باکو چاپ شده بودند
    به مدارس و فرزندان آذربایجان تحمیل کردند . بعد از قیام مردم تبریز و سقوط و فرار زبونانه پیشه وری کتابهای تحمیلی وی را سوزاندند و پان ترکها میگویند کتب آذربایجان را سوزاندند!!

نظر -49 - 0 از 1اولین« قبل بعد  » آخرین 

پاسخ رسول

برای صرف نظر کردن از پاسخگویی اینجا را کلیک کنید


نُه − 8 =