سولغون باخیش

سولغون باخیش

اکبرسعادت
هر باخیشدا چالیبان کیرپیگی مضراب کیمی
بیر قولاق وئر ، بو سینیق قلبی نه ساز ایله میسن؟
آنادیلیمیز:سئوگی ایکی آدامین ان اولوی، ان گوزل طرفلری نین قوووشماسیندان یارانان بیر حیسسدیر. بورایا موطلق بیر-بیرینی تاماملایا بیلن ماددی و معنوی کئیفیتلری عاید ائدیریک. سئوگینی هم ده ایکی آدامین یوکسک، ایلاهی عالمده گوروشمه سینه بنزتمک اولار.
او آخشام سئوگیلیمه قوناق ایدیم … مغان دیاریندا گوزل بیر عایله ده.اما ائولرینی تانیمیردیم . الیم ده تکجه بیر آدرس وار ایدی. اوز دئدی یی کیمی دوغوم گونو اوچون بالاجا بیر شادلیق توره نی ایدی.و او گئجه بوتون اویرنجی دوستلاریمیز اورا دعوتیدی. منیمسه سئوگیمین بیر فاکولته ده درس اوخودوغوموز اوچون ، ایسته ر – ایسته مز هردن گوزلری میز بیر – بیرینه ساتاشیب زامان اوتدوک جه آرامیزدا بیر تانیش لیق یارانمیشدی.و گون به گون اوره ک لریمیز بیره بیره جوشوردو. ایلک دانیشیغی میزدا بیر سینما سالونون دا اولموشدی..فایزه، یونیوئرسیته ده طب علمی اوخویارکن، من ده یوکسک لیسانس اویره نجی سی اولاراق بیوشیمی اوخویوردوم . ندنسه فایزه نی هر گوردوک ده اوره ک دویونتولریمی توتا بیلمیردیم و اونون باخیش لارینا گوز تیکه رکن، اودا مجبور اولمادان دوردوغو یئردن چکیلمیردی. من اوزومو اونا واله و وورغون حیس ائده رک فایزه له دانیشماغا نه بیر سوز تاپا بیلیردیم نه ده بیر باهانا … او اوچون یازدیغیم شعری بیر گون اوجا سسنن اوخودوم:
سئوگیلیم سنی گورمک اوچون قیزیل گول یوخ..بیر قوجاق باهانا درمیشم”
آمما او ، سینما سالونوندا فیلمین باشلانماسی نا خاطیر اینتیظار چکی ییمیز آنلاردا ، آرامیزدا سوکوتو سیندیریب گولر اوزله ” گوزلرین دانیشسادا هئش واخ سسینی ائشیتمه می شه م ” دییه الیم دن یاپیشیب آدیمی سوروشدی. آدیمین ” هارای ” اولدوغونو بیله رکن اودا آدینی ، سوی آدینی ، سئودی یی رنگ لری ، گول لری و عقرب بورجوندا دوغولدوغونو آنلادارکن دوسجا یاشاماغیمیزی ایسته دی :
” یولداش اولاراق یالنیز لیق لاری پایلاشاق کی سونوندا یا ائوله نه ریک یادا عشقین و سئوگی نین دادینی چیخارداراق گوله – گوله هره اوز یولوموزاگئده ریک ”
فایزه بیر نئچه آن ایچره اوره یینده هر نه وارسا بوشالدارکن اونون جسارتینه حئیران قالاراق تئلفون نومره سینی وئردی.
فایزه نی آرتیق تانیدیق جا حیس ائتدیم او منیم آیریلماز بیر پارچام ایدی کی ایندی یه جان اونسوز کامیل دئییل دیم . من اوز ایچیمه جومان ، غم لی کدرلی ، استرس لی ، اوتانجاق و خلوتی سئوه ن بیر آدام ایدیم و او بیر یاشام بومباسی کی هیجان و سئوینجی له منی اوز دونیام دان آییریردی.
سئوگیم قاپینی اوزومه آچدیق دا الیم ده کی گول دسته سینی آلیب قوخلارکن هئچ بیر قالابالیق گورمه دن دورو خوب شاشدیم . آنجاق اونا ” اییی کی دوغدون ” دییه ائو سکوت ایچره جانسیز ایشیق لار لا دالغالانیردی.
او منی گورجک پیانویا ساری گئدیب نغمه لر قاناد آچدی . سئوگیم له باش باشا یالنیز اولاراق ، اونون پیلَک لی مونجوق لی ماوی بیر دون ایچره نه قدر گوزل گورونمه سی منه بیر رویا کیمی گلیردی. او یام یاشیل گوزلری له منه اورمان لاری خاطیر لادارکن سانکی آیاقلاریم یئردن اوزولموش کیمی ایدی.
فایزه نین بئله نکی بیر سورپیرز له منی قارشیلاماسی و بئله بیر شاعیرانه حیسِ لری ایچیمه آخیتماسی ، منه داهادا چوخ عجیب گلیردی. دوغوم گونو اوچون آی اولدوز لی بیر کئیکی منیم ال لریم دن یاپیشاراق بیرگه کسمه میز و ییرمی ایلی گوسته ره ن عطیرلی یانان شام لارین آلاوینی وار گوج ایله بیر آندا پوفله مه سی ، منه سعادت دولو آنلار یاشاداراق باشلادیق رقص ائتمه یه . سئوگیمین گوزلرین ده دنیز لرین درین لی یینی و اونلارین چئشیدلی رنگ لره دوشمه سی نی دویارکن ، عشقی دوشونوردوم کی بیر آن دا هر یئر ایشیقلاندی و اوزه ری میزه چیچک سپی له رک ، ایکی نفر ال چالاراق ایره لی گلدیلر. سئوگیمین آتا آناسی ایدیلار و منی اوپوپ باغری لارینا باساراق فایزه یه تبریک دئییب بیر کادو وئردیلر .
قیزیل لی الماس لی بیر آغ قوش ایدی کی اونوبیر زنجیردن آساراق بوینونا سالدیلار . بو آندا بیر پارا جوان اوغلان و قیزدا ایچری گیریب سئوگیم له منی دووره لر کن چال چاغیر و شن لیک سسی ائوی بورودی. سونرا هامینی یئمه یه دعوت ائدیب کئچدیک دال حیط ده کی صفالی بیر باغچا یا . سئوگیم منی قرارسیز گوره رک دئدی :
” آرادا بیر آزچیلغین لیق یاشا سادا منی باغیشلارسان .”
سونرا اوغلان لی قیزلی دانسا گیریب گوزل جاذیبه لرله اَل آیاق اوینادارکن بیر دن بیره سئوگیمی پریشان وتوتقون گوروب و اونو چکدیم کنارا… اوریینده بیر گئچمیش خاطیره اونو اینجیدیردی.اما ندنسه بیلمیردیم.گاهدان اوره ییمه بیر خیال گلیردی.هردن بیر یئره فیکریم گئدیردی اما اوزومه جرات وئره بیلمه دیم سوروشام. فایزه دفعه لرجه گوروشومه گلسه ده ، اونو بیرسئوگیلی کیمی یوخ بلکه بیر دوست کیمی قارشیلاییب صمیمی باغلانتی لاریما سون وئرمک ایستیردیم . فایزه له منیم فرق لی دونیالاریمیز وارایدی. عائیله طرزیمیز و چئوره لریمیز فرق لی اولاراق بیز ادب ، تربیت و شرف سایدیغی میز شئی لر اونلارین گوزون ده بیرتهر کوهنه عادت لر ایدیلر .
عشقه ، گوزل لی یه، کولتوره ، هنره و بیر پارا دویغولارا دیر وئردی ییم حالدا ، فایزه نی گورمک دن اوزاقلاشدیم و یونیورسیته نی بتیردیکده چیخدیم گئتدیم اوزاقلارا. آنجاق هر نئیله سم ده سئوگیمین یاشیل گوزلری اوجسوز بوجاقسیز اسرار انگیز بیر جنگل کیمی هئی یادیما دوشوردی. گئچمیش آجی و شیرین خاطیره لر گاهدان هی یادیما دوشوردی و سئوگیمین دئدی یی سوزلر ظولمته چئوریلمیش دونیاما ایشیق ساچیردی:
“دوغرو عشق و محبت،قیغیلجیم قدر سیجاق و اینجه اولسادا، یئنه کونول لری مقدس آلاولار کیمی قیزیشدیرا بیله ر. ”
آنلامیشدیم کی اینسان سئوگی اوغروندا اوزاق لارا قاچسادا ، اوزون دن و کونلون دن قاچابیلمه ز.
بیر گون آنام تئلفون آچیب داریخدیغینی دییه رک من دن ایسته دی کی قاییدام ائوه. بیر ایکی گون کئچمیش دی کی بیر گئجه اوتوبوس لا یولا چیخیب صوبح اذانی اولدقدا چاتدیم شهریمیزه . آنام دان نیگران اولورسام دا اونو ساغ سلامت گوردوم اوره ییم یئرینه گلدی. آمما هاننان گئژدن ائشیتدیم کی فایزه کسیک دامارلاری ایله خسته خانادادی و اینتحار دان قورتولونجا ایلک ایسته یی منی گورمک اولوبدور.
سئوگیمین سولغون باخیشلارینی گورجک ،ال لرینی الیمه آلیب گوزلریمین یاشینی توتا بیلمه دیم . سونرا اونو هله ده سئودی ییمی آنلادیب بو عشقی یاشایاراق یاشاتماغا سوز وئردیم.
بو آن دا سئوگیمین بستری اولدوغو اوتاغا بیر داهادونوب باخاراق گوردوم کی تکجه ایکی میز قالمیشیق و نه دن سه ، هامی قویوب گئدیب لر…

نوشته شده توسط admin در دوشنبه, ۲۹ تیر ۱۳۹۴ ساعت ۵:۳۰ ق.ظ

دیدگاه


7 − = یک