حاق عاشیغی، آشیق غریب
سلجوق_شهبازی
آنادیلیمیز: حاق آشیغی، آشیق غریب ۱۷۵۰نجی میلادی ایلده تبریزین ۳۵ کیلومئترلیینده،»شهرک کندی«نده آنادان اولوب.
الده اولان معلومات و دیلدن- دیله یاشامیش و یادداشلاردا قالمیش شیفاهی سؤزلره گؤره، آیریجا »آشیق اسد آغجاقیشلاقلی”نین دئدیینه اساس روایت، آشیق غریب ۵ شاگیردی ایله »قوشاچای«ین »یاریجان کندی«نده »آشیق موساخان«ین آتاسینین تویوندا اولان زامان ۱۸۲۰نجی ایلده یاریجان کندینده دونیاسینی دهییشیر. و یاریجان کند جاماعاتینین اللرینین اوستونده حاق آشیغی، آشیق غریبی ۱۰۰ آتلینین موشایعتی ایله شهرک قصبهسینه گتیریرلر و «شهرک قبریستانلیغی»نین لاپ باش طرفینده تورپاغا تاپشیریرلار.آشیق غریبین تؤرهمهلرینین ساخلادیقلاری ال یازما کیتابی و قبیر داشی ایندیده قورونوب ساخلانیلیر.
روایت دیر آشیق غریب شاهصنم-ه دئمیش کی: منیم ائولادلاریم مزاریمین اوستونده هئچ بیر تیکینتی یا توربه سالماسینلار. زامان گلر ائل- اوبا بوتون گزیب دولاندیغیم و سسیم- سوراغیم گئدن یئرلردن منی ایستیهنلر ییغیلیب گلهجکلر مزاریمین اوستونده زیارتگاه و توربه تیکهجکلر.
آشیق غریب شعرلرینین بیرینده بئله دئییر:
آشیق غریب، تالئح یازی یازاندا
منی آشیق یازدی سیرری اوزاندا
هردن واخت اولاندا یازیب -پوزاندا
من ایللر سونرامدان خبر وئریرم
آغجاقیشلاقلی «آشیق سلجوق شهبازی»نین تشبوثو و تالاشی اساسیندا، ۲۰۱۶نجی ایلده «ایران آشیقلار بیرلییی» یارانیر و بو بیرلیین قوروجوسو و صدری آشیق سلجوق شهبازینین دؤولت مسئوللارینا موراجعت مکتوبونون اساسیندا آشیق غریبین آدی، داستانی و مزاری ثبت میللی اولور.آشیق غریبین آدی، داستانی و مزارینین ثبت میللی اولماسیندا تبریزین میراث فرهنگی ایدارهسینین چوخ زحمتی اولدو و شهرک کندینده دونیایا گؤز آچیمیش طنز شاعیری و یازیچی »میرزا شهرک« چوخ زحمتلر چکدیلر.۲۰۲۰ -نجی ایلده »ایران آشیقلار بیرلیی«نین صدری، آشیق سلجوق شهبازینین تالاشینین اساسیندا و شهرک کندینین کؤمهیی ایله، آیریجا »پروفئسور علی پولاد»-ین مالی یاردیمی ایله آشیق غریبین مزارینین اوستونده مؤحتشم بیر توربه سالینماغا باشلانیر و حال حاضردا بو توربه بیر نئچه آیا باشا چاتاجاق.آشیق غریب آدینا ۲۰۱۷نجی ایلده اؤلکه پایتختی تئهران شهرینین اقوام مدنیتت سیناما- تیاتر- موسیقی ساراییندا اولوسلار آراسی فئستیوال کئچیریلدی و بو فئستیوالدا ۳۵۰ آشیق بوتون ایران شهرلریندن، آذربایجان جمهوروسوندان، تورکیهدن و گورجوستاندان آشیق دستهلری ایشتیراک ائتدیلر.حاق آشیغی آشیق غریبین آدیناا دیپلوملار حاضرلاندی و »آشیقلار ائوینین صدری« قوروجوسو و صدری آشیق سلجوق شهبازینین ایمضا و پوچاتی ایله ایشتیراکچی آشیقلاردان تقدیر اولوندو.
نوشته شده توسط admin در دوشنبه, ۰۶ بهمن ۱۳۹۹ ساعت ۲:۳۳ ق.ظ